أغسطس 27، 2009

رمضان لم يأت عندنا

ramada في العام السابق, ذهبت إلى صلاة التهجد متأخراً قليلاً عن موعدها. كان المسجد قد امتلأ بالمصلين عن آخره. بل واصطف عدد لا يحصى من المصلين خارجه واقفين على سجاجيد وحصر فرشت على الإسفلت. نظرت إليهم وهم يقومون من السجدة الثانية في الركعة الأولى فهالني ما رأيت, وعلمت فضل صلاة الجماعة, أو ربما رأيت بنفسي فضلاً من فضائلها. وقف الجميع في لحظة واحدة بعبارة نطق بها الشيخ. فحينما قال "الله أكبر" وقفوا وكأنما هم جيش أو مجموعة عسكرية مُحكمة التدريب. كان الشارع مظلماً مما جعلني أهاب الموقف أكثر. شعاع النور المنفلت من باب المسجد كان يكشف جانباً من المصلين, بينما لم يظهر على مد بصري سوى الرؤوس.

لي مع رمضان الكثير من الذكريات, كلها حلوة وواحدة منها مؤلمة. ففي تلك الليلة نمت بعد أن تمنيت على الله المغفرة, فرأيت في المنام أني أتوضأ. وعندما استيقظت تهللت فرحاً, وأحسست أن أجنحة تنبت وأن جلدي صار أنعم, وأنني أصبحت أخف حركة ووزناً. لكنني علمت بعدها بما لا يدع مجالاً للشك أن هذه الرؤية لم تكن تعني ما ظننت, وأن للوضوء فيها معنى آخر تماماً.

مع هذا فأنا أفرح حين يأتي رمضان. يتهلل قلبي ويتعلق بالسماء. أمتليء بأمنيات كثيرة, أغلبها لي وبعضها لغيري. أطلب من الله وقلبي موقن أنه سيستجيب.

أعلم أني أدعو كثيراً (عن جهل) بأشياء لو تحققت لأصبحت أتعس حالاً, وأضل سبيلاً. أعلم هذا, إلا أنني أنتظر من الله الاجابة, أو دلالة على أنه سمعني, إشارة على أن كلامي لم يخرج من جوفي ليحتل مكاناً مبهماً في الفراغ.

هذه السنة انتظرت رمضان, واشتقت إليه كثيراً, لكنه حين أتى زار الجميع ولم يزرني. كل ما أعرفه أنني اليوم أختلف كثيراً عن العام الماضي. فليس من تكدرت نفسه كمن حافظ عليها بيضاء نقية, وليس من عرف السوء كمن لم يعرفه, وليس من ظلم كمن لم يظلم, وليس من قسى قلبه كمن لم يقس.

أذهب للصلاة, فلا يرزقني الله الدعاء, وأعود كما أتيت. ربما ما حدث أن رمضان كشفني أمام نفسي, فجعلني أدرك أنني أردد كلمات عن الرضا بقضاء الله على شفتي بينما أنا في الحقيقة ساخط على قدري وحالي بلا مبرر. ربما يجب علي أن أرضى, وأن أذهب أنا إليه.

لماذا أقول كل هذا الكلام؟.. ربما لأنني رأيت الكثيرين يتحدثون عن اختلاف في طعم رمضان, عن تغير في الشارع وقلة في الزينات, عن اختفاء لعادات وظهور لعادات أخرى, عن اختفاء الفرحة المتعلقة بأشياء لا تمثل لي أي علاقة بالشهر. هؤلاء مصيبتهم أقل من مصيبتي فهم يرون أن الشهر قد أتى, بينما أظل أنا منتظراً منه أن يزورني.

هناك 52 تعليقًا:

noon kiko يقول...

انت فى نعمه
فان لا ياتى الشهر افضل ان يأتيك بشكل لم ولن تعتاده
فانا ساخطه على رمضان هذا العام وكلى غضب منه لانه اتانى كما لا اعرفه.
لم يعد ذلك الشهر يمثل ذكرياتنا وفرحة منتظره بعيد نحسب الايام لنراه.
ولم يعد رمضان هو شهر الدعاء
بل رمضان مسلسلات كما تكرر احدى القنوات الفضائيه
لم يعد صلاة وتهجد من اجل حسنات نبغيها واصبح الدعاء فيه من اجل دنيا نبغى الوصول الى اعلى مراتبها.
لم يعد لمه وعزومه فيها احب الناس،بل
صار مقتصرا على كل فرد بذاته
حتى العزومات فيه اصبحت نوعا من الواجب تؤديه عن ارغام
رمضان الذى رافقنا ونحن بعد اطفال قد ولى يا استاذى ولم يعد له وجود
ربما ضل فى متاهات سنوات منصرمه
انما ما اعرفه انه لم ولن يأتى
فلا تنتظره

هبه جمال عمارة يقول...

يانهار ابيض
تانى مرة على التوالى اكتب اول تعليق :)ندخل بقى على التعليق ::
*لماذا كل هذا البؤس والشقاء ؟؟؟؟
*رمضان موجود بالقلب ولكن ربما علينا ان نوقن وندرك انه موجود !!!!
*ادع الله وتمنى من قلبك كانك تراه !!!!
*صدقنى سترى فرق كبييييييييييييييييييييير!!!!!!
***اما بالنسبة لاختفاء المظاهر الجميله فى رمضان زى الاغانى الجميلة والزينات المعلقه ف دى تعتبر اوحش حاجه فى رمضان مش يبسبب رمضان او ان ده معناه ان رمضان مش موجود :(
رمضان كريم علينا وعلي حضرتك :) :) :) :)

هبه جمال عمارة يقول...

sorry it was a mistak
انا كنت بحسب نفسى اول تعليق
sorry again mr. amro

noon kiko يقول...

على فكره التعليق الاولانى يا جماعه بتاع هبه
انا بس سبقتها بدقيقه
خلاص
ده مكانها
معلش يا هوبه
مشفتكيش

عمرو يقول...

أهلا واحدة من الناس
وأهلا هبة
رأيت أنكما تكتبان تعليقانكما في نفس اللحظة حيث أعطاني عداد الزوار إشارة بأن هناك ثلاثة أشخاص يقرؤون الصفحة وكنت أنا الثالث.
أنا لا يهمني المسلسلات ولا الزينات ولا الفرحة الطفولية الغائبة.. أنا أبحث عن تلك العلاقة بالله التي لم تعد كما كانت, والتي لا أعلم سبيلاً إلى إعادتها إلى حالها الأول غير التمني على الله أن يقبلني
أشكركم على تواجدكم الدائم معي
:)

هبه جمال عمارة يقول...

لا اسمحوا لى ان اختلف مع اختى واحده من الناس
ومع حضرتك برضه يا مستر
لو حضرتك دخلت المدونة بتاعه بابا هتلاقى برضه موضوع عن المسلسلات وكده
*مش معنى ان مبقاش فى لمه زى زمان ف اذن مفيش رمضان
*مش معنى ان مفيش زينه وعزومات يبقى مفيش رمضان
***مش لازم نحس باليأس
واذا كان مفيش رمضان اعملوا انتوا جو رمضانى لحالكم
على فكرة انا مضايقه من وجود افكار وحشه كده فى بيت العيله
(وش متغاظ لونه شديد الحمرة )

عمرو يقول...

يا هبة أنا ما قلتش كده
والأفكار اللي بتقولي عليها أنا شايف إنها ما تهمنيش.. ممكن تري تاني وتتأكدي
وش مش متغاظ خالص
:)

هبه جمال عمارة يقول...

طيب كويس ان الاشكال المظهريه دى متهمش حضرتك
المهم هى علاقتك بربنا
صح ؟؟؟؟؟؟؟؟؟؟؟؟؟؟؟؟؟؟؟؟؟
طيب لو قريت تعليقى الاولانى هتلاقى ان انا اتكلمت عن الموضوع ده برضه
ربنا معاك
(وش مضايق شويه)

Unknown يقول...

طيب...كدة انت جبته لنفسك..اتكلمت عن الرضا وعدمه والاحساس ان رمضان لم يزرك..كدة يبقى انا مضطرة اتكلم لحد بكرة الصبح


انك تردد كلمات الرضا بحالك وتكتشف بعدها انك مش راضى ولا حاجة اهون كتير من انك اصلا متبقاش بتقول الكلام دة ولا حتى بلسانك...يعنى اصلا اختراع الرضا دة معداش من قدام دماغك..

انك طول الوقت حاسس انك مش فى مكانك وان مطلوب منك ما هو اكثر وانت مش عارف طريقه عشان تهمله دة بياثر فى علاقتك بربنا جدا..طول الوقت دماغك بتلف وحاسس انك مش راضى مع ان ربنا عاطيك كتير فتحس انك مكسوف تدى ربنا حقه..احساس قمة فى العبط..

تبقى ماشى فى الشارع وفجاة تلاق نفسك بتقول وانا ليه عامل فى نفسى كدة ماهو اللى ربنا هيختاره اكيد هو اللى فيه الخير..بس انت مش واخد بالك انه حير فبتجرى طول الوقت جرى مخليك مش قريب من ربنا..

الناس كلها بتنغمس فى الروحانيات فى الشهر دة وانا الوحيدة اللى مقضياه صداع ودوخة وزغللة..

بس لو قررت ان رمضان جه عندك هتلاقيه جه اكيد..ممكن نجرب انت تجرب ترجع زى زمان فى علاقتك الروحية برمضان وانا احاول ابتدى اصلا لان عمرى ما اغتمت رمضان زى باقى الخلق..

فى فترة قريبة كنت مريضة جدا ونبضى ضعيف وايديا بتنمل طول الوقت..وعندى صداع وعنيا مزغللة ودايخة..من اول ما رمضان ابتدى وانا حاسة نفس الاحساس حتى دلوقتى حالا ايدى الشمال منملة جدا جدا..شايفة ان ممكن دة ينتهى لو قررت ارمى حمولى على ربنا ماهو اصلا اللى وجدها وهو قادر يحلها..

شايفة انى ممكن اقرر استمتع بالشهر واحط شمعة فى الفانوس اللى اشتريته واصلى بخشوع..لو اخدت القرار دة من جوايا اكيد هقدر انفذه..

انت بقى متعود انك تغتنمه وبعدين متنساش ان الوضع الجديد غريب جدا عليك..اول سنة رمضان ييجى يلاقيك لوحدك..انا لو مكانك هخترع طقوس خاصة بيا لوحدى واعمل رمضان جديد..انت شخص مبدع وقوى جدا مفتكرش انك محتاج الكلمتين بتوعى دول اصلا..

حاول كدة هتلاقيك بقيت زى الفل..

ايديا مبقتش منملة بس عنيا مزغللة جداااااا وشايفة كل حاجة اتنين والعصر بيدن..هقوم اصلى وادعى..

وانتوا يا ولاد كلكوا تعالوا ندعى لبعض عشان الملايكة ترد علينا..يعنى انا هدعى لايزولد وعمرو وزهرة اللى هى واحدة يعنى..هدعى لايزولد ان ربنا يحميها وميحسسهاش انها لوحدها..ولعمرو يفك كربه ويقربه منه زى ما كان ويقبله..ولزهرة ميسيبهاش لوحدها ويكرمها ويعزها..

وانتوا بقى ادعوا لى ارضى..يمكن دعواتكم ترشق وللا حاجة..

يللا طولت عليكوا..سلام

هبه جمال عمارة يقول...

شفت بقى يا مستر عمرو
والله انجى فهمت كلامى بالظبط
برافو عليكى يا انجى
تقريبا قالت نفس كلامى
كلامها هو تفصيل مدقق لكلامى
مع اختلاف بسيط
:) :) :) :) :) :) :) :) :) :) :) :)

عمرو يقول...

إنجي
أنا دلوقتي اطمنت عليكي شوية. الفضفضة دي مهمة خالص. إدعي وصلي وربنا إن شاء الله هايتقبل. مش عارف أقولك إيه وأشكرك إزاي على الدعوة اللي دعيتيهالي.
عارفة أنا قررت أعمل الحاجات اللي أنا عاوزها بس, وما أخضعش لرغبات المجتمع أو الأفكار التقليدية بتاعته. حاولي تعملي كده يمكن تستريحي
حكاية تنميلة إيدك دي مش لازم تسكتي عليها, ربما تكون حاجة في العصب. أنا مش طبيب بس أنا أعرف إن غالباً التنميل الكتير معناه كده. يفيدك في الموضوع ده أكتر أحمد الشمسي. هو أكيد بيقرا التعليقات والبوست ومؤكد هايرد
:)
إيه رأيك يا شمسي؟

تسلمي يا إنجي

عمرو يقول...

هبة جمال عمارة
:)

هبه جمال عمارة يقول...

مستر عمرو
معلش ممكن اطلب من حضرتك طلب (وش مكسوف)
ممكن تقوللى حضرتك عملت عداد الزوار فى مدونتك ازاى ؟؟؟؟؟؟؟؟؟؟؟؟؟؟؟؟؟؟

أسما يقول...

فليس من تكدرت نفسه كمن حافظ عليها بيضاء نقية, وليس من عرف السوء كمن لم يعرفه, وليس من ظلم كمن لم يظلم, وليس من قسى قلبه كمن لم يقس.

This is wht i've got 4 three days in a row now... i wonder if there wud b a way back... a way out of this... guess our lives needs a "refresh" button, like the one we have on the computer, but i wonder if ever i'm going to b whole again...

عمرو يقول...

أهلا هبة
دوسي على الجزء الأسفل من العداد بتاع الزوار وانتي تنقلي للموقع اللي أنا جبت منه العداد. بالنسبة لعداد الهنا فدوسي على الرقم وانتي هاتتنقلي هناك على طول
الحكاية دي بيسموها ويدجيتس وبتضاف تلقائياً للمدونة.. يعني بسيطة خالص. ولو حبيتي تسألي أي سؤال أنا موجود

أسما يقول...

By the way, do u think it's ur choice if u can keep ur soul white n intact?!1

عمرو يقول...

إيزولد
أنا بس اللي أتقوقز هنا
يعني غير مسموح ليكي بتاتاً ونوهائياً إنك تتقوقزي.. سامعة لا لأ؟
:)
شوفي يا ستي, أنا عارف حاجة واحدة.. خبراتنا الماضية بتبقى جزء من الطريقة اللي بنشوف بيها الحاضر لكن تأثير الخبرات دي بيقل مع مرور الأيام. رغم كل اللي أنا كاتبه ده النهاردة لكن جوايا عزم إني أعود كما كنت. وهابقى أقولك لما أعملها.. هي دي فرصتي على أي حال, أقصد رمضان

شوفي بقى.. انتي تقعدي كده مع نفسك وتسمعي أغنية أب لشانيا تواين وكله هايبقى تمام
ومش عايز قوقزة تاني, عشان زغراني الصعيدي (مش الأمريكاني) بيسلم عليكي
:)

عمرو يقول...

إيزولد تاني
متهيألي دي مسألة تحتمل الأمرين. يعني أحياناً الموضوع بيبقى قدر.. فاكرة مثلاُ هيبا لما شاف هيباتيا في عزازيل وهي بتموت. رغم إنه ما يقدرش يعمل لها حاجة إلا إنه حس بذنب فظيع خلاه طول الرواية ما رجعش زي ما كان.

لكن أحياناً إحنا اللي بنعمل حاجات تكسرنا أو تخلينا بعاد عن ربنا.
الموضوع يحتمل الأمرين..
وعلى فكرة زي ما قلت لك, الإنسان دايماً عنده القدرة على تجديد نفسه.. أنا ناوي أثبت ده لنفسي على المدى البعيد والقريب
ربنا يطمن قلبك يا إيزولد, ويحميكي في الغربة
سلاام

تــسنيـم يقول...

عمرو.. مازلت الفرصة لم تفت

و ربما آتاك في آخر ليلة إن تمسكت بانتظترك له.. لا تحنق و تحزن فيُدبر هو


لست وحدك.. فأنا الأخرى أنتظر إشارة البدء أو القبول :)

هبه جمال عمارة يقول...

يا جماعة الحقوووووووووووووووووووووووونىىىىىىىىىىىىىىىىىىىىىىىىىىىىىىىىىىىىى
باعتبار ده بيت العيله
يا ريت حد يساعدنى
انا جبت قوالب من النت وطبقتها ومش عارفه اغيرها اعمل ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لان الاختيار اللى كان بيدينى فرصه انى ادخل واعمل تخصيص واغير القالب براحتى مش موجوووووووووووووووووووووووود
يا ريت يا جماعه تقولولى اعمل ايه
باعتباركم انكم اصحاب مدونات قدام

جارة القمر يقول...

هى الحياة التى تأخذنا بعيدا عن الطريق الذى خلقناله ... تتحدث عن عدم شعورك بالرضا واحساسك انك بذلك بعيدا عن الله .. ألست انسانا بشرا فطبيعى ان تشعر قليلا بعدم الرضا و ليس معنى كلامى انه يجب عليك ان تشعر بعدم الرضا و لكن ما اقصده انك بذلك تجعل نفسك تهرب منك .. فالافضل لك تربيتها و تهذيبها و ليس نهرها و تذكيرها انها ليست راضية .. النفس البشرية عادة هكذا و لا تنتظر منها غير ذلك ما دمت لم تربها انت على الرضا.. ضع كل ما انعم الله به عليك و ضع ايضا ما لم ترض انت عنه اعتقد انك سوف ترضى حينها
سمعت فى احدى البرامج الدينية لدكتور محمد هداية تفسيره لحديث الرسول صلى الله عليه و سلم "اذا جاء رمضان فتحت أبواب الجنة وغلقت أبواب النار وصفدت الشياطين" قال محمد هداية و قد اتفق معه بعض العلماء ان الحديث ليس معناه ان ذلك يحدث تلقائيا و انما يحدث بعمل الانسان اى انك اذا احسنت و عملت عملا صالحا كان لك الحق فيما ذكر فى الحديث
اعجبنى ذلك التفسير ... لا تنتظر ان يأتى اليك رمضان و اذهب انت اليه .. عيد ترتيب اوراقك و جدد نواياك و ان لم تعد نفسك نقية كما كانت فنقها انت ،فهى نفسك و من واجباتك تزكيتها و تنقيتها من الشوائب التى علقت فيها

جارة القمر يقول...

نسيت اقولك ان جوا كل واحد فينا جزء لم يعد نقيا .. و لكننا نحاول فحاول معنا ربك لا يترك احدا محتاج اليه

ponpona يقول...

Amr

i am not n mood now
i will b back
as soon as i can

:)

عمرو يقول...

تسنيم
انتي كمان؟ سبحان الله.. ربنا يا بنتي يتولانا برحمته
:)

عمرو يقول...

جارة القمر
هل من المستحيل للمرء أن يبقى نقياً؟
هل لابد أن يتكدر ما بداخلنا؟
ربما يكون الطهر صفة الأنبياء إذاً

noon kiko يقول...

انجى حبيبتى
والله بجد محتاجه دعواتك
ربنا اللى يعلم انا عامله ازاى
انا عكسكم انا بروح واصلى وببكى بحرقه بس مش عشان ذنوب عملتها يمكن عشان ذنوب معملتهاش
محدش يستغرب
بس الناس بقت غريبه والصح بقا غلط والغلط صح
وعلى بال ما اتعلم وافهم يكون وقت التعليم فات
انا بقول يارب يا تخلينى زى الناس يا تخلى الناس زيي عشان اعرف اعيش
بجد يا انجى
انا ربنا هو الوحيد اللى عارفنى وعشان كده بقرب منه اد ما اقدر
اينعم مش هقدر اوفيله حقه بس بحاول
دعيتلكم والله
انتى واستاذى عمرو وايزولد وهبه وديدى وفاطمه وجارة القمر وكل واحد شفته ف بيت عيلتنا
انا بجد بحمد ربنا انى ليا عيله كبيره كده
من زمان كان نفسى ف عيله كبيره كده ونكون بنفهم بعض ونستحمل بعض

استاذى عمرو
انت اعظم كبير عيله
ويارب ينور طريقك ويسعد ايامك
ويخلى رمضان يزورك ف اقرب وقت

انا بكتبلكم دلوقتى وانا مبسوطه رغم انى حاسه بوحده شويه
بس اما باجى هنا مبكونش لوحدى


انجى
يارب تخفى بسرعه
محتاجه تعليقاتك اللى تضحك
دانتى اللى بتطرى على قلبنا
:)

يااااااااااااااارب يسعدكم كلكم وانا منكم

:)

عمرو يقول...

بنبونة
إيه اللي حصلان معاكي بس يا بنتي.. يظهر إن زوار المدونة كلهم محسودين..
ابقي طمنينا عليكي
:(

عمرو يقول...

واحدة من الناس
والله كلامك خلاني أبتسم.. انتي مش لوحدك هنا.. أنا كمان باقرا
:)

noon kiko يقول...

:)

:)

غير معرف يقول...

آمين يا نور :)
hopeful angel.

Bahr يقول...

اييييييييييه يعنى جت عليا انا بقى بصفتى اعتبر اجدد واحد فى العيله الكبيره بجد دى احط بقى همى على همكم وشكل المدونه كده هتغير اسمها تلقائى الى مدونة ( قول محدش واخد منها حاجه )

انا بصراحه قريت كل التعليقات وحسيت ان كل واحد بيتكلم كأنه بيتكلم بدلا منى

على فكره يا عمرو رمضان هو هو زى زمان وزى السنه اللى جايه وزى كل سنه جايه اسمه زى ماهو وايامه من 29 الى 30 يوم وبيجى بعده العيد لكن احنا اللى غيرناه
بل بالاحرى احنا اللى اتغيرنا واتبدلنا ( وده شئ طبيعي على فكره )

زمان كنا صغيرين بنلعب ونجرى ونفرح بالفانوس واللبس الجديد ولمة العيله ومدفع رمضان وبوجى وطمطم وتعليق الزينه
لكن انهارده كل واحد بيشق طريقه فى اتجاه مختلف كل واحد حاطط نفسه جوه فقاعه كبيييييييره محاوطاه من جميع الجهات اسمها المستقبل والخووف من المستقبل والعمل من اجل المستقبل
(انا مش ضد التفكير فى المستقبل والعمل للأفضل) لكن انا ضد ان تكون كل مشكلتنا هى البحث عن المستقبل
احنا مصعبين الامور جدا علينا والحكايه ابسط بكتير جدا من كده بس عايزه دافع

انا بتكلم من منطلق تجربه قاسيه مريت وامر بها فى الغربه وفى الأخر افتكرت شعار كنت بردده دايما انا وبعض زملائى فى الكليه ( خراب يا دنيا عمار يا دماغى ) هههههههههههه

لقيق ان كل اللى عليك انك تسعى فقط وهتنول اللى انت عايزه بكل بساطه

Bahr يقول...

اه نسيت اقولك يا عمرو انا رمضان السنادى ايضا اغرب رمضان عدى عليا بس مش عارف ليه مش علشان لوحدى ولا انى طالع عينى فى الشغل ولا حاجات كتير لو حكيتهالك ممكن تلغينى من المدونه خالص من مرارتها
على الرغم انى فى اطهر بقاع الارض لكنى مش حاسس بالنعمه الكبيره اللى انا فيها ( وربنا يسامحنى ويسا محنا كلنا أمين )
لكن - أبشرك - انا مقضيها على الاخر

جارة القمر يقول...

لما يكون الصح غلط و الغلط صح لما تلاقى الناس تشوف بعضها ما تسلمش حتى و لما الجار ما يعرفش اسم جاره و لما تكون الرشوة هدية بسيطة و لما تكون فرصة العمل زى نقطة البترول غالية و ماحدش لاقيها ... دى حاجات بسيطة كدا من اللى بنشوفها عايز ازاى انسان عايش فى دنيا كدا يبقى نقى
مش الانبياء لوحدهم انقياء بس عشان تبقى نقى محتاج تعيش فى عالم ربنا اهم حاجه فيه ... يا ترى ربنا اهم عندنا من اى حاجه فى عالمنا دى ؟؟
مش معنى كدا اننا مش هنقدر نبقى انقياء لا طبعا ... نقدر بس محتاجة شوية تعب .. ماحدش بياكلها بالساهل يا بنى

noon kiko يقول...

حاجه غريبه جدا
كل يوم اصحى اروح الشغل وارجع ادخل اوضتى وقبل ما اغير هدومى اشغل الجهاز واغير هدومى على بال ما يشتغل واروح بسرعه اسال ماما عايزه حاجه منى ولا لا
وحتى لو عايزه احايلها وابوسها واجرى ع الجهاز افتح اميلى واشوف مين سال عنى
وقبل ما افتح مدونتى اجرى على بيت العيله
مش بفكر ف مدونتى اطلاقا ولا مين رد ولا مين قرا
بفكر بس
انجى علقت ولا لسه؟
وياترى الصداع عامل ايه؟
خفت ولا لسه؟
وايزولد علقت بايه؟
وهل تعليقها كان حزين ولا كله فرفشه كده زى عادتها؟
وياترى عامله ايه بعد السفر؟
وانجيل جات ولا لسه؟
وديدى اللى مش عارفه مالها؟
وهبه سبقتنى ف التعليق ولا لسه؟اكمننا بنقرا ف وقت واحد.

وياترى استاذى عمرو كاتب بوست عن ايه النهارده؟
حواديت ولا قصص
ولا مقال ولا شعر
ولا يوميات؟
وياترى هو كتب اصلا ولا لا؟
مش بحب يوم الجمعه عشان محدش بييجى فيه
مفيش بوست جدي:)
ومفيش تعليقاتنا ومشاكستنا لبعض

بحب اجى الاقى كل واحد سايب تعليقه عشان اعرف اخبارهم
فعلا احنا عيله اتجمعت بشكل غريب
ف مكان حسينا انه بيتنا

انا من فتره كنت زعلانه ومقرره انى مش هاجى هنا تانى ولا هقرا مدونات اصلا
بس لقيت نفسى مش هقدر لانى اتعودت على تعليقات انجى ومزاج ايزولد
انا بلاقى نفسى هنا

كنت فاكره انى لما ابطل اكتب هتخنق واتنرفز بس لقيت انى بردو بكتب
مش شرط قصه
تعليقى هنا بحسه قصه

يارب ماتحرم منكم

وتفضلوا دايما هنا
وتفضل يا استاذى دايما كبير
انا عارفه انى بغلس عليكم بتعليقاتى الطويله دى
بس ادينى بتونس بيكم

ياريت يا انجى متتهاونيش وتروحى تكشفى
انا اعرف حد كان تعبان شويه وقال ده مجرد تعب
بس بعد الكشف طلع الموضوع كبير ومحتاج كان متابعه م الاول
ف بلاش تسكتى على نفسك
ويااااااااااارب يديكى كل اللى نفسك فيه
ويريح بالك عشان ترتاح صحتك
انتى وكل عيلتنا

امشى بقا
:)

ponpona يقول...

أنا مش هو انا بتاع امبارح
وأنا مش هو أنا بتاع بكره

أنا النهارده أكبر ، والحاجات السخيفه اللي عملتها
أكيد أكتر ، بس بردو الحاجات الحلوه اللي عملتها أكيد بقت أكتر

رمضان بيجي ويوقف ع الباب يا عمرو
بس أنا اللي المفروض أفتحله والا مش هيدخل
لأنه ببساطه مش هيدخل من غير استأذان

يمكن الموضوع ملخبط شويه لأنك أول مره يجي رمضان
وانت لوحدك فمش عارف تعمل ايه أنا كمان باعمل كده
لما بلاقي الحاجات اللي حواليا مش زي مانا متعوداها
بابقي ف الاول عامله زي القط "توم" لما بيتخبط
ويبقي في عصافير طايره حوالين دماغه
باختصار ببقي (shocked)
بس بعد فتره ربنا بيهديني وارجع أظبط اموري من تاني
وباعمل حاجه عبيطه أوي ... باعمل
(selective cut & delete)
يعني باشيل الكام يوم اللي دايقوني دول وارميهم
وارمي معاهم كل الحاجات اللي مش لطيفه وفقط أحتفظ بأشيائي الجيده
لاتذكرها بعد ذلك ولأعلم أني اليوم أكبر قليلا

عمرو
الأنبياء أنقياء لكن لا يشترط أن تكون نبيا لتكون نقيا
أي نعم احنا الحياه عندنا فل أوي ومافيش حد بيتظلم ولا حاجه
لكن ما الحياه بردو أيام الانبياء كانت صعبه جدا
يعني شوف سيدنا محمد ولا سيدنا عيسي
عانو اد ايه ف حياتهم ومع ذلك هم أنقي أهل الارض

عمرو
عش حياتك وجرب كل الأشياء
أخطاؤك التي فعلتها والتي لم تفعلها بعد هي ملكيتك الخاصه
لأنه يجب أن تتعلم
ولان لديك حياه واحده
ولك رب واحد ....
ارجعله وقت ماتحب حتلاقيه دايما موجود
صلي ولو ماعرفتش تدعي ابكي وقول يارب
أنا لما ببقي متضايقه أو منفعله أوي
لدرجه مش عارفه اتكلم باقوم أصلي وذكر أسامي
كل الناس اللي باحبهم واقول يارب ساعدهم
ومبعرفش أنطق حاجه بعدها ..بس ربنا أكيد عارف

...

noon kiko يقول...

معلش ده اخر تعليق
بس بقولكم
كلكممممممممممم
بكره فى حدث حلو اوى
كله يستعد
ويلبس اللى ع الحبل

وجهزوا احلى تعليقاتكم

مش عايزه حد يغيب
بكره يوم مهم

محدش يقول تعبان
السبت كله يجمع

وهتعرفوا ليه بكره بعد الضهر باذن الله

ترقبوا
:)

Unknown يقول...

احم احم وسع يا ابنى وسع شوف مين بيكلمك

بت يا واحدة..متجيبى بوسة بقى واحنا فى رمضان وصايمين كدة..والله بحبك يا بنتى

على فكرة انا زيك بالظبط كدة وياريت تتكلمى كتير كتير عشان الاقى حد حلو يلوك لوك زيي..نياااااااااهاهاهاااا

بقولك ايه بقى هبقى اجى تانى

سلام

ponpona يقول...

بصي ياواحده

أنا بحبك والله كدهو لله ف لله
تعليقك اللي قبل بتاعي كده علي طول خلاني أدمع
اه والله أصل أنا بردو بعمل كده بالظبط
لازم أفتح الكمبيوتر أول ما اصحي الصبح
حتي لو كنت متأخره شويه عن ميعاد الكورس
لازم أشوف عمرو حط ايه جديد النهارده
ومين جه ومين مجاش باحس ان انا كده
اطمنت عليكو ممكن بقي بعدها أقوم ألبس وانزل

بجد ببقي مبسوطه أوي لما بالاقيكو هنا
حتي ولو كان الكومنت اثبات حضور فقط
ولا ياسلام لو أنا قاعده وعداد الهنا الحليوه ده
بيقول ان في ناس تانين قاعدين
بابقي مبسوطه أوي بيكو وبجد بجد باقرأ كل حرف فـ التعليقات

الحاجه الوحيده الغريبه (ديدي) هي راحت فين؟
وكمان أنجيل بقالها فتره ماجتش يارب يكونوا بخير
تفتكر ياعمرو الموضوع خطير؟
نعلن عنهم ف الجرايد يعني ... تايهين ياولاد الحلال !!

حاجه أخيره:
أيزولد و بحر ... ياريت ماتبطلوش تيجو
انتو عارفين ان انتو الاتنين الوحيدين
اللي مسافرين هنا ، فياريت ماتغيبوش

:)
:)

غير معرف يقول...

ازيك يا عمرو
هو مفيش بوست النهارده ولا اية?
انا دخلت كتييير وكل ما ادخل مالاقيش.
ازيكم يا انجي و واحده و هبه وبونبونه? كلكم منورين
ناقصه ديدي والله وحشتني يا رب تكون بخير
وتكونوا كلكم بخير :)
angel

غير معرف يقول...

بونبونة انا مبقدرش اغيب خالص
وباجي علطول وبعمل زيكوا بالظبط أول ما اصحي لازم اجي أشوف البوست الجديد ومين الي علق وبقرأ كل التعليقات
بس توقيعي بيبقي فاطمه او اينجيل الاتنين شخص واحد
‏>انا يعني<
ربنا يخليكي علي السؤال :)
angel

ponpona يقول...

ماشي يا أنجيل فاطمه

علي فكره اسمك جميل
الاسمين ليهم عندي معزه خاصه

:)
:)

باي بقي حاليا العشا فاضلها دقيقتين
وتأذن والمفروض أنزل وهادعيلكم كلكم
ربنا يخليكو
:)

هبه جمال عمارة يقول...

يا واحده من الناس شكرا
والشكر لبونبونة وفاطمة و انجى وايزولد وتسنيم و كل البنات الحلوين الموجودين معانا فى بيت العيلة
وطبعا كل الشكر للاستاذ عمرو كبير بيت العيلة
ويارب كله يلبس اللى على الحبل زى ماانتى بتقولى :) :) :) :) :) :) :) :)
ويارب يسعدهم الحدث اللى انتى بتعلنى عنه
انا خايفه جدا جدا
ربنا يستر

عمرو يقول...

السلام عليكم
أهلا بكم
مش عارف أرد على الكلام الحلو ده كله إمتى وإزاي. أنا النهاردة تعبان حبتين, لكن رغم كده سهرت لغاية الفجر إمبارح في محاولة لكتابة حدوتة جديدة.. المشكلة إنها في الآخر ما اتكتبتش.
متشكر ليكم جداً تواجدكم هنا, وهارد عليكم بمجرد أن أعود
:)

جارة القمر يقول...

بحب اوى الجو اللى هنا
بينى و بينكم يا بنات ... و بعدييييييين انا قلت بنات يا عم عمرو ايه اللى جابك هنا بقى



ولا اقولك انت زى اخونا برضو تعالى تعالى ... انا بجد بحبكم فى الله .. احلى حاجه تلاقى ناس تحبهم اوى حتى لو مش تعرفهم بس بتحبهم


الف سلامة عليك يا عمرو ان شاء الله تكون بخير
انجى يارب تكونى بخير دايما يا جميلة

noon kiko يقول...

يافاطمه مش تقولى انك انجيل بدل مانا قلقانه عليكى كده
اما عن ديدى انا بفكر نمسك ميكرفون وندور على المدونات ونقول ديدى تايهه يا ولاد الحلال..من يتعرف عليها يتصل ببيت العيله فورا على 09000000000
:)
انجى انتى يابت حسى على دمك وخفى مبقاش فى حد رغاى ف المدونه دى غيرى وبقا شكلى وحش خاااالص
بصى
احنا هنلم من صندوق معونات العيله وناخدك انتى واستاذى عمرو للدكتور اصل شكل سيادتك عدتيه
ههههههههه
ويالا اهو كله بثوابه
الا صحيح يا كبير هو الدكتور احمد مش واخد باله ليه من العيانين بتوعنا؟
لو عايز الفيزيتا احنا ممكن نلمله من بعض
:)
بونبونتى
والله يا سكر انا ربنا وحده يعلم انا بحبكم اد ايه وبفرح لانى هنا
بس على فكره
انا بكررررررررررررررررررررررره
عداد الزوار ده عشان اوقات بيقول ان مفيش غيرى هنا وانا مش بحب ابقا لوحدى
انا بقنع نفسى انه هنج وان فى غيرى كتير بيقروا المدونه معايا بس هو مش واخد باله
ههههههههه

على فكره يا كبير انت ليه مش بتيجى مدونتى ؟انت حالف عليها ولا ايه؟ههههه
انا بصراحه وحشتنى تعليقاتك
فمعلش كده تعالى على نفسك واتعطل دقيقتين وتعالى زورنى
اوكيشن؟

بناااااااااااااااااااات
تصبحوا على خير بقا

انجى
تعالى بسرعه بقا انا شكلى بقا زفت من كتر اللكلكه وحدى..بونبونه..ياريت تساعدينا ف اللكلكه عشان لو حد غايب مننا يلاقى حد يلوك لوك بدل منه
:)
تقعدو بالعافيه

غير معرف يقول...

ألف سلامه يا عمرو
الظاهر فعلا المدونة كلها محسوده
ترجع بالسلامه للمدونة :)
فاطمه

هبه جمال عمارة يقول...

سلامتك من الآه :) :):):):):):):):):):)
لا بجد الف سلامه على حضرتك يا استاذ عمرو
والله مساله الحسد دى نسبيه يا فطوم فانا _واعوذ بالله من كلمه انا
_ لازلت على قيد الحياة _
ربنا معاكو ودايما بصحة وعافيه ان شاء الله

Unknown يقول...

سلاااااااااااااااااااام عليكوا

سلامتك يا عمور مهو برضو محدش يسهر للفجر وهو عنده شغل ما انت لازمن يجيلك صداع وتبقى زيي..نيااااااااهاهاهاااااااااا

واحدة معلش اتاخرت عليكى زمانك نمتى اصلا بس اصل صاحبتى الانتيخ كانت بتفطر عندى وكنت لاطعاها ومطنشاها وبعلق هنا وبعدين لقيتها واقفة فوق دماغى فقلت يا بت انجى بما انك معروف عنك الذوق طول عمرك..احم احم دة تواضع على فكرة..اقعدى معاها بقى شوية..

اسبوع الاجازة خلص يا بشرررررر وراجعة الشغل بكرة وبغبائى المعتاد دخلت نمت فسوة من الزمن مخليانى قاعدة سهرانة لحد دلوقتى وكل عين فنجان مدلدق قلق..على راى صلاح جاهين..

يللا خير خير وانتوا عاملين ايه دلوقتى؟؟؟

بتوحشونى يا ولاد والله..

اقعدوا بالعافية

noon kiko يقول...

طاب العداد ده قرفنى
كل ما ادخل يقول عدد الزوار اتنين
يا اما يقوللى واحد قصده انا بس.
يا اما اتنين
واليومين دول معلق على اتنين
كل ما ابص الاقى اتنين اتنين
انا هتجنن
هو انا وقرينى ف المدونه دلوقتى ولا ايه؟


(وش بيشد ف شعره)

Bahr يقول...

من يومك يا عمرو بتجمع الحبايب ربنا يديم عليك نعمته وحب الناس فيك
وعلى فكره انا بدأت احس بحكاية الحسد اللى فى المدونه دى انا كنت بدخل المدونه كل يوم دلوقت ليا يومين شغال 24 ساعه تخيل ( بجد 24 ساعه ) ولو تعرف كمان انا بقيت بشتغل فى ايه من زراعة الزهور وروائحها الجميله بقيت بصمم وانفذ شبكات صرف صحى ومياه شفت الهنا اللى انا فيه يا عمرو
الف الف سلامه عليك يا مجمع الحبايب

وان شاء الله هظرفك دعوه كده فى المفطر وان شاء الله ربنا يتقبل

ملحوظه : انا مزوغ ساعتين دلوقت ( قال ايه بتسحر ) وده علشان اقرأ المدونه
يلا بيس ابون يو

ponpona يقول...

بنت يا واحده سيبك من عداد الهنا دا لو مضايقك
أوي كده اه يابنتي صحتك أهم أومال ايه
دا شكله هيربيلك العصبي قرينك ايه بس وبتاع ايه

بصي اعملي كده:
أولا : اعتبريه عبيط وماتخديش علي كلامه
ثانيا : لما تحسي انك قاعده لوحدك
ادخلي اقري التعليقات العجيبه اللي احنا حاطنها
ثالثا ... ثالثا ... امممممم ؟ مش لاقيه ثالثا

عمرو .. سلامتك ألف سلامه
انجي ... بجد ماتستهونيش بموضوع التنميل دا
ويارب تكوني بخير
:)

عمرو يقول...

بسم الله الرحمن الرحيم
يا مسهل
صباحكو قشطة.. مش عارف أعلق على كل التعليقات اللي جاتني وأنا في الغيبوبة إمبارح لكن هاحاول أتكلم بسرعة كده..

بحر حبيبي.. على فكرة عجبتني قوي حكاية خراب يا دنيا عمار يا دماغي دي. مفتكسة خالص. تعرف ممكن أعملها عنوان بوست ولا حاجة. أنا عارف اللي حصلان معاك يا بحر. باسأل على أخبارك. قلوبنا معكم. معلش الصرف الصحي برضه ريحته مش وحشة. طيب ده حتى ريحة الزهور اليومين دول ما بقتش أد كده ههههه. تسلم يا بحر يا رب وترجعلنا منصووور

جارة القمر.. سؤالك ده جميل خالص. يا ترى ربنا أهم حاجة؟ تعرفي لو سألتيني السؤال ده من سنة كنت ممكن أجري وراكي وأقول عليكي إنك صبأتي.. لكن النهاردة أنا فعلا بافكر في إجابة.

بنبونة
هو كل واحد من حقه يخطئ. بس فيه أخطاء بتتعلق بحقوق الناس اللي ممكن ما يسامحوش. تعرفي وأنا على المصلية دعيت ربنا يسامحني وف نص الدعوة قلت لو سمحني هو الناس مش بتسامح فاتغميت. عموم أنا هاحاول أعمل بكلامك وأعيش وأعتبر أخطائي حق مكفول لأي واحد بيعيش ويصحح مسار حياته. شكرا يا بنبونة :)

واحدة من الناس
حكاية العداد دي عاملالي أنا برضه مزاولة كبيرة يعني بصرة. بالنسبة بقى لحكاية بيت العيلة دي فأهلا بيكو في أي وقت وإن كنت لا أريد أن ألعب دور الكبير لأني مش باحب أكبر :)

إينجيل
إنتي غيرتي اسمك فجأة فالناس ما اتعرفتش عليكي. بس عشان تعرفي إن فيه ناس كتير بيحبوكي هنا :)

هبة جمال عمارة
الله يسلمك يا رب. وألف مبروك الحدث الجديد :)

إنجي
الله يسلمك وروحي اكشفي :)

أنا كده رديت بسرعة احتمال أرجع تاني
سلام