أغسطس 16، 2009

أجازة

relax_by_yatiekas

نصحتني إيزولد بأخذ أجازة, وألح علي في هذا الأستاذ جمال عمارة. أرى أنني أحتاج إلى إجازة وإن كنت لا أستحقها. سأعود إليكم يوم الأربعاء, أو ربما قبل هذا بكثير..

هناك 31 تعليقًا:

عمرو يقول...

عمرو
ليه بس كده.. عموما هاتوحشنا. بس ما تغيبش كتير
:)

enjy يقول...

عمرو هتوحشنا بجد يوم الاربع بعيد اوى اوى متعرفش تقدمها عن كدة شوية

انا حكيتلك كل القصة فى البوست اللى فات على فكرة انا مركز خامس مقال..

يللا روح اعرف القصة كلها بس حاسب على مرارتك

enjy يقول...

عمرو....ضحكتك حلوة على فكرة والبوست بتاع ام سامح جامد

على فكرة حفلة امبارح كانت فى نفس المنطقة عند الضريح كدة فى مركز اسمه سعد زغلول

سلام لتالت مرة عالتوازى

غير معرف يقول...

اجازه يومين بس ? المفروض اسبوع كده
صحيح احنا هنفتقدك طبعا
بس لازم برضه تهمنا صحتك وراحتك عشان اما تيجي تكتب تكتب بزمه (وش بسنان)
have fun
aNgEL

غير معرف يقول...

وألف مبروك يا انجي يا قمر علي المركز الخامس
عقبال كده المركز الأول
هو إسم الكتاب اية ? عشان نبقي نجيبه :))
anGeL

ponpona يقول...

ميرسي ياسيدي ... هتلاقيني هنا كل يوم ولاتزعل
ومبروك عليك الأجازه بس ماتطولش يومين وتلف وترجع :)

ممكن بقي أرغي شويه بما انك داخل علي أجازه
يعني .. شويه كلام يقضوك اليومين دول
هههههه

بالنسبه لموضوع ضربه شمس وخالد كساب
فأنا باحترم خالد ، باتفق معاه ف حجات وبختلف معاه
ف حجات لكن في النهايه انا أدين له بأشياء

بالنسبه بقي لضربه شمس
فيكفي انها عرفتني بناس أكتر من رائعين
بدايه بطلال فيصل واحمد العايدي وطارق
امام ومحروس أحمد ومصطفي السيد سمير
والذي مررني مباشرة الي هنا ثم الي الشمسي
دول اللي بيكتبوا غير الرسامين
وليد طاهر وقنديل ومخلوف وعبدالله

اذ انا احتاج فعلا علاج فأنتم اذن مرضي
واذا كان المرض رائعا اذن سأبتسم واستمتع به
وطالما ان هناك اخرون يشاركونني هوسي
فلا بأس اذن لازال العالم بخير


كفايه عليك بقي الحبه دول :)

ponpona يقول...

ميرسي ياسيدي ... هتلاقيني هنا كل يوم ولاتزعل
ومبروك عليك الأجازه بس ماتطولش يومين وتلف وترجع :)

ممكن بقي أرغي شويه بما انك داخل علي أجازه
يعني .. شويه كلام يقضوك اليومين دول
هههههه

بالنسبه لموضوع ضربه شمس وخالد كساب
فأنا باحترم خالد ، باتفق معاه ف حجات وبختلف معاه
ف حجات لكن في النهايه انا أدين له بأشياء

بالنسبه بقي لضربه شمس
فيكفي انها عرفتني بناس أكتر من رائعين
بدايه بطلال فيصل واحمد العايدي وطارق
امام ومحروس أحمد ومصطفي السيد سمير
والذي مررني مباشرة الي هنا ثم الي الشمسي
دول اللي بيكتبوا غير الرسامين
وليد طاهر وقنديل ومخلوف وعبدالله

اذ انا احتاج فعلا علاج فأنتم اذن مرضي
واذا كان المرض رائعا اذن سأبتسم واستمتع به
وطالما ان هناك اخرون يشاركونني هوسي
فلا بأس اذن لازال العالم بخير


كفايه عليك بقي الحبه دول :)

ponpona يقول...

شوف اهو كمان التعليق اتنشر مرتين
ليه معرفش ...هاهاها

أي خدمه أهم بقو تلاته
ابسط بقي :)

أنسانة-شوية وشوية يقول...

تروح وترجع بالسلامة اسالنى انا الاجازة بتعمل ايه ، استمتع علي اد ما تقدر ، اشحن علشان تقدر تكمل

غير معرف يقول...

إنت بتكلم نفسك يا إبني ولا إيه !!؟؟.
شكلك بتحب عمرو أوي !!!
عموما ؛ هاف آ نايس فاكيشن ؛ ولو إنهم يومين بس !!بس أهو أحسن من مفيش ؛عقبالي إن شاالله ؛أنا مش حورية علي فكرة؛إنطلق.....
ديدي

غير معرف يقول...

إنت بتكلم نفسك يا إبني ولا إيه !!؟؟.
شكلك بتحب عمرو أوي !!!
عموما ؛ هاف آ نايس فاكيشن ؛ ولو إنهم يومين بس !!بس أهو أحسن من مفيش ؛عقبالي إن شاالله ؛أنا مش حورية علي فكرة؛إنطلق.....
ديدي

Bahr يقول...

انت مش بتشبع اجازات مش لسه واخد اجازه من سنه ياحج عمرو انا بقيت استنى كتاباتك كل يوم خلينى احس انى لسه عايش فى البلد ربنا يخليلنا النت ويعلى مراكبه ولا هتعمل زى الحج احمد الشمسى اللى بطلنا نشوف حاجاته الجديده سيبك من الكلام ده وارجع تانى بلا اجازه بلا بتاع (خلى الشعب يعيش )
وتهنئنة من اخوك الصغير اللى فى ارض الحجاز (فعلا انا فى مكه ) بمناسبة شهر رمضان الكريم ويارب اشوفكم كلكم فى مكه فى اقرب وقت (بس بلغنى قبلها علشان الحق اروح اى حته تانى )

وعلى فكره صورتك الجديده دى جميله جدا بس يا ريت تشيل ايدك من على خدك انا بتعقد من الحكاية دى ( وطبعا أحلى ما فيها البحر اللى وراك قد كده مش قادر تبعد عنى )

واحده من الناس يقول...

والله ايزولد دى بتفهم
بنت م الاخر والله
انت فعلا محتاج اجازه ترمى فيها الدنيا ورا ضهرك
كمان كل حاجه عايزةbreak
عشان نرجع نكمل ف سكة الالف ميل اللى مالهاش اخر
تيجى بالسلامه يا باشا

DacTooR يقول...

يا جماعة انا راضى زمتكم
مشوار من عند كارفور طريق مصر اسكندرية الصحراوى لحد غمرة ثم العودة مرة اخرى الى طريق مصر اسكندرية الصحراوى الساعة 8 مساء يكلف كام؟؟؟؟؟؟؟
إللى هتحكموا بية انا موافق علية
على العموم ياعمرو ممكن تبعتلى الفلوس عن طريق كروت الشحن ان مش همانع.......

يعنى اول مرة ادخل فيها المدونة بتاعتك ألقاك واخد اجازة

عموما لما ترجع هتلاقى قارىء جديد انضم للمدونة بتاعتك ومفيش داعى توزع ساقع بالمناسبة العظيمة دية أحنا لازم نشجع الأدباء الجدد على اعمالهم المتواضعة

كل سنة وانت طيب يا عمور
ورمضان كررررررررررريم

DacTooR يقول...

بالمناسبة نسيت ما اقولك
"شكــــــراً على الأستضافة الممتعة"

عمرو يقول...

السلام عليكم
هارجع وأعلق عليكم واحد واحد
:)

عمرو يقول...

عمرو
أنا جيت
:)

عمرو يقول...

إنجي
ربنا يكرمك يا رب.. على طول رافعة معنوياتي. طيب يعني مش كنتي قلتي لأخوكي على المسابقة.. ياللا عموماً أنا لما هادخل مسابقة مش هاقولك برضه
هه

يا بنتي أنا ضحكتي حلوة على طول.. حتى لما بابقى ماشي في الشارع ألاقي الناس توقفني وتقولي "ضحكتك حلوة يا أستاذ على فكرة" وأنا أرد وأقول بألاطة "متشكر متشكر"
ههههه
:)

عمرو يقول...

إينجيل
عاملة إيه
لا طبعا يومين مش كفاية وأنا بافكر أمدهم شوية كمان
:)
ولو إني عارف إني هاوحشكم
هههههه

عمرو يقول...

بونبونة
تعرفي عندك حق.. طيب ما تاخديني معاكي في حكاية الضرب شمساويين.
إمبارح والواد الشمسي بيقرالي التعليقات اللي في مرارة روح من خلال الموبايل عشان مش عندي نت. لقيته بيقولي أنا المفروض يسموني بعد كده بلوج ريدير. قلت له يا شمسي أنا هاعملك حركة مخصوص أسميها البلوج شمساويين انت أقل من خالد كساب يعني. ههههههه
:)

عمرو يقول...

بونبونة تاني
العدد في الليمون ولا إيه؟
عموما أنا فعلا اتبسطت انهم بقوا تلاتة
ههههه

عمرو يقول...

إنسانة شوية وشوية
هي الأجازة بتعمل إيه عشان اللي أخدتها دي ما كانتش أجازة خالص ونفسي أعرف. صحيح قوليلي بتعمل إيه الأجازة؟
:)

عمرو يقول...

بحر حبيبي
أنا مش مصدق نفسي والله. مش معقول مش معقول يعني. بحر حبيبي صديق الأفيال الإفريقية ونصير البطاطس والبطيخ أصبح زائر مستديم عندي؟ أحمدك يا رب
على فكرة مش عارف ليه مش مصدق لغاية دلوقتي إنك بحر صديقي.. طيب ممكن أسألك سؤال تاني ولو جاوبته يبقى انت انت. ماشي؟
فين أكلنا الفراخ نية ومتعاصة رمل؟ تفتكر؟
وريني شطارتك
:)

عمرو يقول...

واحدة من الناس
مستشكر على الكلام اللطيف ده. يمكن انتي كمان محتاجة أجازة.. فكري في الحكاية دي قبل رمضان
كل سنة وانتي طيبة ورمضان كرييم
:)

عمرو يقول...

أحمد يا طيب
أولا اسم دكتوور ده تريد مارك وانت سرقته مني أنا والشمسي. ثانياً يعني عايز تسيب حبيبك يركب تاكسي من كارفور لغاية غمرة ويشيل لوحده كل المشتروات دي؟ ثالثاً بقى وده الأهم زعلان على بنزين العربية قوي. طيب ناسي اني استضفتك في شقتي ذات الطراز الفندقي الأنيق لمدة تلت أيام متصلة. يا ربي على نكران الجميل
:)

أحمد الشمسي يقول...

انت يا عم الدكتووور...

انت وقعت ضحية استغلال بشع! ازاي تسيبه يعمل فيك كده؟

وبعد كل الاستغلال ده رايح تزور مدونته وتعلق؟ طيب لو ما لقيتكش عندي في المدونة مش هيحصل لك كويس!

عمرو يقول...

أحمد الطيب التاني
بعد إيه يا معلم؟ بعد ما نشرنا غسيلنا الوسخ على النت جهارا عيانا.. فضحتنا يا أخي
وبعدين المفروض دي طبقاُ للأعراف بتتكتب على ورقة وتتساب على المراية اللي في الصالة
:)

Bahr يقول...

يا أهلا بيك مستر عمرو

وحشتنا وعودا حميدا
طبعا الاكله اللى عمرها ماتتنسى كانت فى مزرعتنا فى الجبل الغربى وانت بتفكرنى باول تعارف ليا بيك

وده الطبيعى من بحر انه تتطلع منه درر
بس الواحد فى البلد كان بيخاف من الحسد
ده انا حتى بفكر اعمل مدونه وانافسك انت والدكتور أحمد الشمسى
اهنئك بقرب حلول شهر رمضان اعانك الله على صيامه وقيامه

واحده من الناس يقول...

على فكره ان فعلا اخدت اجازه ساعتين بحالهم الاسبوع اللى فات وقضيتها مع نفسى
مقلكش على السعاده اللى كنت فيها
عزمتنى على آيس كريم..وخدتنى لكام محل كده واتفرجت ع اللبس واشتريتلى خاتم اكسسوار عشان مزعلنيش...ونفسى هفتنى رحت اشتريت جرنان
م الاخر كانوا ساعتين حكايه
بحبنى اوى وانا رايقه وفايقهكده وبتمشى مع ذاتى
يالا جرب كده تاخدك وتروح تتمشى على اى كورنيش
مش هتندم

عمرو يقول...

بحر
مش هاتقدر تنافسني يا ابني
لا انت ولا عشرة زيك. طيب جرب كده؟
:)
كل سنة وانت طيب يا بحر ويا رب أشوفك زي السنة دي محيط كبييير ومعاك بحيرات صغيرة
هههههههههه

عمرو يقول...

واحدة من الناس
فكرة والله. تعرفي أنا برضه من قيمة شهرين كنت ماشي قدام المراية قمت عجبتني, فقررت أعاكسني, فلما شتمتني عرفت إني باحبني
(وش بسنان):)