أغسطس 23، 2009

ف حيطان الجامعة

e578385be300a1b3811c305f71d6e624

ف حيطان الجامعة
الكوسة جبال
عصابات عمال
وموظف سايق الاستهبال
مليون حرفوش
وأنا بادعي إلهي يحوش
تدخل في الجامعة ملك
تطلع حرفوش
تتعين برة بكام ملطوش
وإن كان ع الحب
ف الحب مالوش
الحب حرام
ع اللي ممعهوش

من كشكول محاضراتي أيام الجامعة

هناك 26 تعليقًا:

واحده من الناس يقول...

اوللللللللللللللللللل تعليق مره تانيه
انا كده اتحسد

على فكره انت كاتب من كله شعر وقصه ونثر وعاميه
الخ الخ الخ
وكمان عايز حضرتك تكتب روايه
طاب سيب حاجه لباقى الشعب زى حالاتنا

واحده من الناس يقول...

بما انى حجزتلى مكان ف اول تعليق ارغى بقا
كلماتك حلوه اوى
وجميله اوى الكوسه جبال
وطبعا شكلك فاهم يا نصه الكلام على ايه
ههههههههه
تدخل ف الجامعه ملك
تطلع حرفوش
تتعين بكره بكام ملطوش
انا بفكراستلف الكلام ده واحطه عندى ف المدونه
واكتب من تحت
يبقا انت اكيد اكيد فى مصر
ههههههههههه
طبعا الكوسه ف مصر علامه مسجله
وياريت يا استاذى اللى بيتخرج من الجامعه بيلاقيله مكان للتعيين فيها الا لو ابوه عنده شادر خضار ماليان كوسه
طبعا مصر ماليانه حرافيش نجيب محفوظ
بس انا مش مستغربه
لاننا ف مصر
ولا ايه؟
:)
:)

عمرو يقول...

على فكرة أنا مرة جربت أكتب مسرح يا واحدة.. هههههه
فعلا والله.. أيام الجامعة برضه كتبت فصل من مسرحية كان اسمها في بيت العنكبوت. بس مش فاكر ليه ما كملتهاش.

أنا ممكن أسيب للشعر كتابة الأغاني, والسيناريو.. أعتقد إني مش هاقرب من المنطقتين دول
:)

واحده من الناس يقول...

هتسيبلنا كتابة الاغانى والسيناريو والله ده كتير علينا
:)
بس الاغانى ما كله بيغنى على كله وانا ماليش فيها
والسيناريو
ماحنا شطار فى اننا نحور على بعض ونعمل سيناريوهات ودى روخره ماليش فيها وبما انى ماليش فى منافسة حضرتك
انا هعتزل الروايه كمان
هههههههههههههه
يالا خلينا فى الخضار والعنب
بس خد بالك احسن الكتابه بعد شويه تبقا بالكوسه
الحق احجزلك قيراطين ف الكوامل اهو تزرعهم كوسه وينفعوك ف غربتك
ههههههههههههه

عمرو يقول...

واحدة
يا خوفي لا الكتابة كمان تبقى بالكوسة.
:)
والله تبقى مشكلة فعلاً.

غير معرف يقول...

يا بختك كنت بتفضي تألف في ايام الجامعه
انا أخري ارسم عين في أول الصفحه :))
بس جميله القصيده دية
و هو ده الواقع الواحد فعلا يتعب وتطلع عينه في كلية أربع خمس سينين و يطلع ميلاقيش شغل
ولو لقي شغل مش بياخد مقابل مادي محترم
انا أمنت نفسي من زمان وقلت مش هشتغل من الاساس
عشان انا فعلا مش عاوزه أشتغل
امممم انا ممكن أرغي كتير في الموضوع ده
بس بلاش :)
عمرو يعني اية حرفوش !
انا مش عارفاها الصراحه
ANGEL

عمرو يقول...

إينجيل
ليه الإحراج ده بس؟ أنا مش عارف يعني إيه حرفوش بس هافكر معاكي كده وأقولك.
أشهر من استخدم هذه الكلمة هو نجيب محفوظ في روايته (الحرافيش) لوصف المواطن المصري البسيط محدود الإمكانيات (ومحدود النت مؤخراً).
والفعل من حرفوش احرنفش بمعنى تهيأ للقتال. فالكلمة كانت تصف في بادئ الأمر الفتوات.. ثم انتقلت لوصف التابع والمتبوع. ثم اقتصر ذكرها على التابع فقط, فأصبح التابع للقائد المهيمن يسمى حرفوشاً.
هذا وبالله التوفيق
:)

غير معرف يقول...

هههههههههههههه
كان احسن معرفش معناها
احنا صايمين خلي بالك فالواحد مش مركز
انا تهت خالص في التابع والمتبوع
مش مشكله مش عاوزه اعرف معناها
ومكنش والله قصدي أحرجك.
:‏)‏)
angel

ponpona يقول...

حيطان الجامعة
سأكتب عليها اسمي
وارسم وش بيضحك ..
وسأذكر دائما أني كنت هنا
وأن أشيائي الجيده بدأت هنا
والأشياء الجيده لا تبدأ كل يوم
لكن ولحظي هي قد بدأت هنا
والان تتحول الي أشياء رائعه ... تخيل

عمرو
أنا فعلا أول مابخلص كوبري الجامعه
وأحط رجلي ف المنيل بابقي ف عالم تاني

الشارع ، الكليه ، مسجد صلاح الدين
حتي برج الياسمين اللي قدام الكليه
كل هذه الأشياء صنعت لأجلي .. ولأجلي فقط !!
:)

enjy يقول...

اممممممممممممممم

حلوة دى فكرتنى بفرق التعذيب المسماة مجازا بموظفين شؤون الطلبة...

ولسسسسسسسسسسة جربت انت طبعا شؤون الدراسات العليا ناس فى منتهى اللطافة والشياكة والخناقة

يللا خير مهو احنا مالناش وزن هنا خالص

ارغى فى ايييييييه ارغى فى اييييييييييه؟؟؟

مش لاقية مواضيع عايزين نطرح موضوع للمناقشة فى صفحة التعليقات هنا عشان الوك لوك وللا انت عايزنى متكلمنش؟؟؟

بتكبت حريتى ليييييييييييه

اهىء اخىء

دى هلاوس الصيام باين

اقعد بالعافية

عمرو يقول...

جميل كلامك يا بنبونة
فيه توجه إيجابي جداً. على كده انتي لسة بتدرسي؟ في كلية إيه؟
:)

عمرو يقول...

إنجي
على فكرة أنا قابلت واحد موظف في شئون الدراسات العليا خلصلي كل ورقي.. ولد في الجون. مش خنيق ولا حاجة
باقترح إننا نتكلم عن إنجي إبراهيم كظاهرة صوتية مكتوبة
ههههههه
D:

ponpona يقول...

:)

طب بشري ، القصر العيني ،
جامعه القاهره ...

الكليه ف المنيل
ومسجد صلاح الدين دا مسجد كبيييير
تقريبا كده واكلين وشاربين ،
مذاكرين ونايمين هناك

:)
:)

Bahr يقول...

ظالمين الكوسه فى البلد مع انه محصول زى العسل
صحيح يا عمرو هو ليه الكوسه بالذات يعنى فيه الخيار مثلا فيه الشمام ( كله من عائلة القرعيات )

عمرو يقول...

بنبونة
طب القصر العيني؟ مش رحته قبل كده.. بس احتمال أروح عشان أشوف المسجد
:)

عمرو يقول...

بحر
مش أنا اللي يتقالي السؤال ده.. ما انت خبير في الزراعة ما تقولنا انت يا أبو العريف
:)

مصطفى السيد سمير يقول...

حرفوش ؟؟
هي حصلت حرفوش يا عمرو

enjy يقول...

احم احم انا جيت تانى

قلت لا يجوز ان اليوم يعدى من غير ما الوك لوك يعنى دة حتى غلط على الصحة لانى مبلوك لوكش غير هنا يبقى اعمل ايييييييييييه انا؟؟؟؟

احكى فى ايييييييه؟؟؟؟ مش انا جبت فانوس..اه والنعمة جبت فانوس حلو اوى جدا خالص..اصل يخويا لقيتنى بقالى بتاع عشر سنين محدش عبرنى بفانوس قلت اهادى نفسى..

اصل انا بعيد عنك بجيب لنفسى هدايا كتير..يعنى كل البناتتيت خطيبهم بيجيبلهم فانوس وانا معنديش خطيب اعمل ايه مشتريش فانوس يعنى؟؟؟ لا طبعا اشترى..وعلى فكرة بجيب لنفسى هدية فى الفالانتاين..

نيااااااااااهاهاهااااااااا

اه والله المرة اللى فاتت جبتلى مجموعة كتب حلوة اوى بمناسبة الفالانتاين ايه المشكلة بتحصل فى احسن العائلات..

عادى بقى يعنى..ابقوا تعالوا شوفوا الفانوس عندى فى المدونة اصلى نزلت بوست بمناسبة وصوله

يللا مستنياكوا بس ابقوا تعالوا بعد الفطار عشان اعرف اعمل معاكوا الواجب يعنى شاى قطايف كنافة مانجة حاجة ساقعة بيييييييييييبس

يللا سلام

عطش الصبار يقول...

ياااااه
امسك الخشب شعركمان ومن ايام الجامعه ما شاء الله
وكمان كان عندك نظره مستقبليه وكمان سياسه
على فكره ناس كتير ما بتحبش الكوسه لا اكل ولا شغل ونا مش لاقياها
بمناسبه الكوسه الكوسه فى مصر نوع واحد تعالى هنا شوف الكوسه الوان وانواع واشكال كل دوله ليها الكوسه بتاعتها دى حتى الكوسه المصريه اخضر فاتح وعامله دا كله
الكوسه هنا على اصولها الكوسه خضرا مسوده وفيه كوسه صفرررررررررررررا
شوفدى لو عندنا مع ابتسامه صفرررررررررررا لواحد خد مكان واحد
كل سنه وانت طيب

عمرو يقول...

مصطفى باشا السيد سمير
يا فندم أنا مدونتي تشرفت كتير جدا قوي خالص بزيارة حضرتك. بس ليه يا مصطفى مستخسر تكتب تعليق وكاتبلي سؤال غريب كده.. أيوة حرفوش إيه المشكلة يعني؟
كل سنة وانت طيب يا قمر..
:)

عمرو يقول...

إنجي
أولا الدعوة من عندي لمدونتك لعبة مكشوفة.. عايزة تاخدي قراء المدونة بتاعتي عندك؟ طيب يا إنجي. بس انتي كده بتلعبي في المية العكرة. ماشي..
ومفيش ثانياً هه
على فكرة أنا سبتلك تعليق في مدونتك.. ابقي اقريه
:)

عمرو يقول...

عطش الصياااار
عاملة إيه؟ ده أنا كلي مواهب.. آه والله. حتى اسألي مامي هاتقولك إني بارقص وأمثل وأغني. أو بلاش أرقص دي عشان ربنا أمر بالستر. ههههه
أنا باحب الكوسة على فكرة (الكوسة الخضار مش الواسطة)

enjy يقول...

ليه سوء النية يا عمرو باشا؟؟؟

انا برضك اخد زباينك...عيييييب دة الرزق بتاع ربنا ومهما البنى ادم فينا عمل مش هياخد الا رزقه..وعلى راى المثل اجرى يا بنى ادم جرى الوحوش..ان كبر ابنك خاويه..

نيااااااااهاهاهاااااااا

والله يا عمرو انا بجد كنت جاية ارغى وخلاص ولانى كنت مبسوطة بالفانوس يعنى..الا صحيح انت مونكن تجيب لنفسك فانوس زيي كدة على سبيل الاستهبال يعنى..

وبعدين مفيش ثانيا ليه يعنى مشض فاهمة؟؟؟ لا طبعا انت لازمن وحتمن تلوك لوك عشان تفش غلك يخويا اوعى تاخد فى نفسك ولا تحقن فى قلبك ابدا..

بهيس انا باين

امبارح كان فى واحد صديق عزيز عارفة انه مكتئب جامد وعنده حق بصراحة هو عنده ازمة ربنا يعينه عليها فضلت ارخم عليه عشان يحكى ويلزك لوك ويطلع اللى فى قلبه عشان يفرغ شوية توتر..بس فشلت.......

مع ان والله كان قصدى انى حتى لو محتلوش مشكلته لانى فعلا لا امتلك حلها على الاقل يتكلم بدل ماهو هيموت كمدا كدة..بس لقيته فى الاخر حاسس انى بقول كلام عبيط..مفهمش قصدى ولا التقنية اللى بحاول اشرحهاله عشان يعدى المرحلة

تفتكر اكرر فعلتى الشنعاء دى تانى وللا كفاية كدة ضغط عليه؟؟؟؟

علمونا فى الكلية ان لو حد عنده ازمة جامدة اوى وبيداريها بالضحك استفزه لحد ما يخرج مشاعره الحقيقية..اعمل كدة؟؟
طب هو هيدينى الفرصة؟؟

هى ايزو ازيها عاملةو ايه؟؟؟

وانت كويس الحمد لله؟؟؟

يارب رمضان الجاى يكون فى واحدة امورة زى القمر من جوة ومن برة تكون بتفطر معاك وتعزموا اصحابكوا بقى وتبقى عيشة زى الفل..

يللا طولت عليك بلا داعى

اقعد بالعافية

عمرو يقول...

أهلا إنجي مرة كمان
قراء المدونة لازم يزوروكي يا إنجي لأنك فعلا مدونة كويسة, وأنا بجد فرحان إني عرفتك.
بالنسبة للصديق ده, فأنا شايف إنه متقوقز, والمتقوقزين لابد من التعامل معهم بجدية. إذا كان بيحاول يضحك وينسى, سيبيه يومين وهاتلاقيه لوحده بيعيط ويبكي. لو كتم النهاردة مش هايعرف يكتم بكرة. بس فيه تقنية مهمة خالص لابد من ابتباعها في الحالات دي وهي أسلوب
mirror and mimic
يعني لو بيضحك, اضحكي وهزري وانتي بتحاولي تخليه يتكلم, ولو واخدها جد خديها جد. ولو قاعد اقعدي, ولو واقف أقفي, ولو مكشر كشري, وهكذا.. زي ما تكوني مرايته.

ياللا معلومات ببلاش أهي

بالنسبة لإيزولد, فلا أحد يعلم عنها أي شيء سواها هي. ولو أعرف حاجة ما أعزهاش عليكي.

أما بالنسبة للأمورة اللي تفطر معايا دي, فأنا مش مستعجل خالص. تيجي زي ما تيجي. بس المهم لما تيجي تبقى فعلا أمورة من برة وجوة. وتبقى مناسبة ليا.

مش باحب حكاية عمرو باشا دي يا إنجي, لو سمحتي قوليلي عمرو بس.
يعني تقولي
يا عمرو بس
يا عمرو بس
كده.. هههههه
شكرا على زيارتك التانية
:)

هبه جمال عمارة يقول...

حلو اوى الكلام يا استاذ عمرو
بس الحمد لله ان مكتب بابا موجود يعنى مش هدور على شغل ولا حاجه :) :) :)
وللاسف فعلا ده اوحش حاجه فى مصر بعد ما الشباب يتخرجوا

جارة القمر يقول...

معلش يعنى هو يعنى ايه حرفوش يا عم عمرو ؟؟ :D
بجد كلامك جامد لانه فعلا معبر هو كدا فعلا الحال بس مش جوا الجامعة بس