My Mood
مركب ورق في البحر
والبحر قلبه كبيــر
مركب ورق قلبى
بتعاند المجادير
موج ياخدها لفوق
وموج يطوحها
شطوط بتحضنها
وشطوط بتجرحها
والبحر بجلاله
كتير مابيسعهاش
مركب ورق قلبى
أوان فرحها ماجاش
أغنية من فيلم “انت عمري”. لو حد يعرف مين كاتبها يقولي.
هناك 51 تعليقًا:
جميله قوي كلمات الاغنية دية
انا مسمعتهاش قبل كده
بس شكلها تحفه
انا حاولت ادخل ادورلك علي مين كاتبها بس طبعا الموبايل صعب التعامل في السيرش
ادخل علي موقع جوجل واكيد ان شاء الله هتلاقي مين كاتبها :)
صحيح هو فين ديدي ! بقالها كتير مجتش :(
فاطمه.
فاطمة
أنا هاشترك أنا وباقي زوار المدونة ونشتريلك لابتوب. انتي تستاهليه بجدارة
أنا برضه باسأل فين ديدي.
مش عارف بس يظهر مش بتحب تقرا مدونات في رمضان
:(
المشكله مش في الكمبيوتر
الكمبيوتر مرمي جوة بس مفيش نت
مفيش حد بيوصل نت جنبنا
حاجه تغيظ قوي
بس انا مش هقول لأ علي اللاب توب يعني هستلمه امتي ? :))
فاطمه.
فعلا كلمات الاغنية حلوة جدا جدا ومعبرة جدا جدا :)
بس ماهو فى اكتر من فيلم اسمة انت عمرى :)
حضرتك تقصد انت عمرى-عبد الحليم حافظ ولا انت عمرى -هانى سلامة ولا .............
لقيتهالك اهو اى خدمه
الاغنيه من تأليف كوثر مصطفى
انا دايما بحتفظ بالاغانى اللى بحبها ف دفتر يومياتى ودايما بكتب اسم المؤلف جمبهم حتى لاتسقط حقوق النشر
اى طلبات انت بس اطلب اغانى قديمه اغانى جديده كله ف الدفتر
ههههههههههه
بس الاغنيه دى محصلتش وصوت ريهام عبد الحكيم فيها مالوش حل
اينعم فكرتنى بحاجه كده
بس ده ما يمنعش انها تحفه
طبعا اى حد هيسمعها هيحس انها بتتكلم عنه
المهم انها اغنيه جميله
وفى اغنية الحياه ف نفس الفيلم حلوه اوى بردوا
بس دى حاله ودى حاله
على فكره يا هبه الفيلم ده بتاع هانى سلامه ومنه شلبى وهشام سليم وهو انتاج 2005
اخراج خالد يوسف كما اتذكر
:)
Well, i guess we might organize a small party n i'll sing this one 4 u, u know i have a BEAUTiUIFUL voice, hehehehehe :)
oh 3amr, i love this one , n now i'll keep singing it till the end of the day, may b tomorrow n tomorrow n so on
By the way, i don't like ur mood, it's a beautiful song, but not 4 a good mood, may b we should cheer u up
;)
ماهو انا كنت بسال على كده
لان فى كذا فيلم اسمة انت عمرى
بس انا كنت اتفرجت على جزء من الفيلم بس ملحقتش الاغنيه
بس ممكن اسمع الاغنيه من على النت
بس شكرا على التوضيح يا واحدة
على فكرة انا بصدد عمل مدونة اليومين دول ودخلت على المدونة بتاعتك ولقيتها جميله جدا يا ريت نتفق وتبعتيلى الايميل بتاعك او انا ابعتلك الايميل بتاعى
شكراااااااااااااااااااا
فاطمة
إحنا بنجيب اللابتوب لمحدودي الدخل, لكن محدودي الإنترنت دول لو جبنالهم لابتوب يبقى مش هانحل المشكلة عشان كده تم منع اللابتوب وحجبه عنك
:)
هبة
طبعا مش فيلم عبد الحليم, بس تعرفي إنك عندك بنية معرفية قوية. على طول عندك ترابطات بين أشياء مختلفة ومجمعة.
طالعة لحد أعرفه
:)
واحدة من الناس
متشكر قوي على المجهود ده. أنا فعلا مش عارف أقولك إيه. متشكر متشكر متشكر
وشكرا كمان عشان رديتي على هبة أصل أنا ضعيف في الحاجات دي
:)
إيزولد
أنا زرت مدونتك يجي عشرين مرة كده. فين البوست الجديد؟
الأغنية فعلا حلوة والكلمات روعة, أنتي عارفة إني باعرف أغير مودي بنفسي. أنا بارع في الموضوع ده
:)
خلاص يبقي تجيبوا فودافون انترنت يو اس بي
هههههههههه
عندي حل لكل حاجه :))
فاطمه.
:) :) :) :) :) :) :)
I've posted on posthumous pain, u never go there?!
والبحر بجلاله
ساعات مابيسعهاش
.....
أنا بحب الأغنيه دي
والكلنتين دول ليهم حته ف قلبي
بالذات لما أكون مبسوطه
رغم موود الأغنيه اللي شويه مكسور
لكن لما ببقي فعلا مبسوطه
ببقي حاسه فعلا ان البحر بجلاله ممكن مايسعنيش
وانا حاليا ....
مبسوطه
مبسوطه
مبسوطه
........
وبعدين انت مقولتليش بقي ، ليه قولتلي
انك مستني الرد وخايف منه الصراحه ..؟
:)
ماليش دعوه بقي هه :(
أنا مصممه أعرف
مصممه أعرف
أعرف
أعرف
:(
فاطمة
أنا اشتريت واحد وطلع وحش وعشان كده مش هانشتريلك يو إس بي بودم
:)
Isolde
I go there of course, but not on daily basis, and I didn't think tht u might post there. I left u a comment
:)
بنبونة
ربنا يبسطك كمان وكمان. أنا الأغنية دي بتديني أمل على أد ما فيها من حزن.
كنت خايف القصة ما تعجبكيش. بالإضافة إلى إن دي أول مرة أدخل مفردات جنسية في قصصي, رغم إني حاولت إنها تبقى غير متدنية بس ما كنتش عارف استقبالكم ليها هايكون إزاي
بس
:)
جميييييييييلة جدا يا عمرو بجد
رمضان كريم و كل سنة وانت طيب و بالف خير يارب وربنا يكرمك
يا سلام
يا بنتي ده أنا كنت هاجيب منادي وأدور عليكي. كنتي فين ده كله. أنا حتى قلت في المدونة أكتر من مرة يا اخوانا حدش شاف جارة القمر, وما حدش عرف. طيب اقري كده البوست اللي اسمه فكرة هاتلاقيني باسأل عليكي.
كل سنة وانتي طيبة بس ما تغيبيش
:)
واديها عجبتني ياسيدي
:)
حط بقي قصه تانيه
لأن أنا فعلا اتعودت أصحي كل يوم م النوم
ألاقيك حاطط حاجه جديده
أبتسم وأكمل اليوم بسعاده
أكلم صاحبتي ف التليفون
وأفولها:عمرو حط حاجه جديده
تضحك وتقولي ربنا يخليهولكو
:)
ولا يهمك يا استاذى لا شكر على واجب
طلباتك اوامر
:)
:)
هبه ميرسى يا حبيبة قلبى على ذوقك
انا هرد عليكى هنا مانا عارفه ان البيت بيتناواستاذ عمرو كبير العيله ومش هيتكلم
اعملى انتى مدونه وكلنا هنجيلك وهنجيب الناس اللى بيزورونا كمان يا ستى
واميلى
banota_ataota20@yahoo.com
يالا ما احنا ف بيتنا ومفيش حد غريب
هههههههههه
وياريت تنادينى نور زى اصحابى
مستنياكى
وهستنى المدونه
سورى يا كبير كان لازم ارد
ولا ايه؟
:)
:)
بنبونة
طيب ليه صاحبتك ما تجيش تقرا؟ تصوري في قصة في دماغي بقالها كتير قوي. ممكن أبقى أحاول أكتبها.
ربنا يخليلنا عمو بلوجر ويطرح فيه البركة قولي آمين
:)
واحدة
مفيش مشكلة يا بنتي.. أنا مبسوط بالجو الأسري دي
ههههه
هبة
روحي مدونة مصطفى السيد سمير هتلاقي فيها لينك عن كيفية عمل مدونة على بلوجر
:)
معلش بقى كانت حاجات ملخبطة كتيييييييييييير اوى و صدمات كدا على اد ما قسم ... و ادينى جيت اهو
انت عامل ايه و ايه اخبارك ؟؟
على فكرة دى احلى تانى مدونة ادخلها
بعد مدونة بابى طبعا
:) :) :) :) :) :) :) :) :) :) :) :)
على فكرة انا خلاص عملت المدونة بس المشكله انى مش عايزة اعلن عنها الا لما يكون جواها محتوى بستاهل الواحد يدخل عليها وعلشان ميحسش الزائر بالملل
وشكرا جزيلا للتوضيح
بص ياعمرو ماتتخيلش أنا مبسوطه أد ايه
اه والله ، المدونه دي بقت بالنسبالي
بالظبط بالظبط زي بيت العيله
أنا بدخل هنا ف اليوم يجي خمس ست سبع مرات
وليس لشئ ، فقط لأعرف من جاء اليوم
من قال صباح الخير وترك سله
مليئه بالهدايا الصغيره
وفعلا هو فين ديدي وانجي
ماجوش النهارده ليه :(
بالنسبه بقي لصاحبتي فهي حالتها
صعبه شويه ، أصعب من فاطمه حبتين
مش المشكله ف ان ماعندهمش واصلة نت .. لأ
هي ساعات بتدخل من ع الموبايل بتاعها
بس المشكله بردو الموبايل بتاعها دا
تعبان أويييي ، ومعظم زارايره مش شغاله
فانا بفكر ان احنا نحوش الفلوس اللي
كنا هنجيب بيها لابتوب لفاطمه ونشتري
بيها تليفون للبنيه :)
وبعدين احنا بعد كده نعمل صندوق تبرعات
ونحطه ف الصاله جنب صندوق الكومنت
واهو أكيد هيساعد
عامة يعني لما تبقي تيجي عندي
هابقي أخليها تسيبلك كومنت :)
هبه
مبروك ع المدونه مقدما يابسبوسه
اعلني انتي عنها بس ، وبالنسبه للملل
ماتخافيش هانبقي نجيب معانا لب وسوداني
بس انتي كده اللي هتدبسي في حفله القشر
اللي هانعملهالك :)
جارة القمر
ليه بس كده. مين بس زلك واحنا نبهدله. أنا قلت برضه إنك ما تغيبيش غير للشديد القوي.
عموماً أقري اللي فات وعلقي. مش عشان كنتي غايبة هاتعديكده من غير ما تقري
:)
هبة ألف مبروك على المدونة
أنا شايف إن بقالك مشجعين من زوار المدونة بتاعتي أهو. يعني مدونتك هاتبتدي كبيرة قوي
وأنا هاكون أول الزوار
:)
بنبونة
قولي لصاحبتك إنها حتما ولا بد تشتري أي حاجة تعرف تقرا بيها المدونة. ممكن نبقى نعمل في بيتها حفلة في يوم ونجمع كل الزوار ونقرالها التدوينات ونكتبها التعليقات عشان مش تفتكر إن إحنا ناسينها
:)
بص ياعم عمرو انا بعد ما كلت زلابية امى اللى مفيش بعدها زلابيه ولا بلح شام فكرت فى فكريره حلوه
انت تتعاقد مع اى قناه فضائيه زى بانوراما دراما كده ولا الحياه باى لون كانت حمرا زرقا بنفسجى يتبنوا المدونه بتاعتك بس بالزوار
وكده المدونه تتقرى لكل الناس وهتبقا التعليقات فيها زى الشريط اللى ف اخر الشاشه اللى على قناة ميلودى ومزيكا
ايه رايك؟
بذمتك مش فكره هايله
والقناه هى اللى هتكسب
:)
الا فعلا فين ديدى وانجى
شكل انجى مش قادره على فراق فانوسها الجديد ثانيه
ايزولدى نورتى يا بنتى
معلش الصيام خلانى فى التوهان ومش شايفه قدامى
وكل ما اجى اسلم عليكى واقولك كل سنه وانتى طيبه الاقينى سقطت شبكه على طول
اه يا كبير انا عجبانى فكرة بونبونه
احنا نعمل صندوق تبرعات ونحطه كده على يمين المدونه وانت داخل
وكل اللى يتزنق ف فلوس ولا حاجه كده نسلفه بس بابصال امانه
والله فكره حلوه
ياريت كمان نجمع العيديه بقا من دلوقتى عشان كله هينشغل ع العيد وانا عايزه عديتى
:)
ادينى يا سيدى علقت على جالاتيا جميلة بالمكنسة ، ف حيطان الجامعة ، ابتكار الخوف
روح شوف الرد بقى ... بالنسبة للى زعلنى بقى اهو ناس ربنا يسامحهم اتعاملت بحسن نية و طيبة واخلاق و الاقى نفسى بيتقال عليا كلام من ورا ضهرى ... بالاضافة انى حاسة ان دماغى متلخبطة... يلا ربك كريم كل حاجه بتعدى
طمنى انت عليك عامل ايه ؟
عمووووووووووووووووور
انا مكتئبة يا عمرو عشان كدة مكنتش باجى..انا اصلى مش عارفة كدة متلغبطة
عارف..حاسة انى مبعملش حاجة يعنى انا الشغل دلوقتى لا يرضى طموحى المهنى وفى نفس الوقت حاسة انى مش قادرة اسيبه عشان كدة ابقى بضيع فرصة..
انا تعبااااااااااااانة ومحدش بيساعدنى خالص سا يبينى افكر لوحدى..انا اصلى اعتمادية اوى..انا عندى طموحات كتير اوى بس مش عارفة احقق حاجة منهم..ماشى السكة صعبة..سكتى انا صعبة بس يعنى انا دلوقتى حاسة انها اصعب ما كنت متخيلة..مش عارفة مش مرتاحة كدة..
كمان الكوميديا بقى ان اى حد وقفت جنبه زمان وكنت متخيلاه سند طلع فطشة..يعنى صاحبتشى الانتيخ خلاص عرفت وجهتها كويس ومركزة جدا..اتقابلنا النهاردة..هى عارفانى لما بكون متضايقة ومثقلة وفى حاجة جوايا بس مهتمتش تسمع ولا سألت ولا سمعت..انا بس كنت عايزة حد يسمع ويهز راسه وبس..
انا عارفة انى بعمل حاجات كتير وعارفة انى لله الحمد الى حد ما ناجحة وعندى مؤهلات للنجاح بس انا قلوقة وعارفة انى قلوقة..ومش عارفة اتصرف فى نفسى..والله دلوقتى وانا بتكلم كدة حاسة ان قلقى مالوش لازمة بس بجد والله لما بفكر فيها لقدام شوية بحس انى متكتفة ومش عارفة افك نفسى..
فى فريق تانى من اصحابى..مش بحكى لهم لانى هخيب ظنهم فيا..يعنى متخيلين انى مش انا اللى احس بكدة وان دة مينفعش وبتاع..مش هيفيدونى لانهم هيكلمونى بعقلانية ويقولوا لى كلام انا عارفاه بس مش عارفة اقتنع بيه..
طبعا فى فريق تالت الله يسهل لهم بقى مش مهم اللى كان بيننا..خير خير......
انا بجد مخى هينفجر..
انا باختصار مركب ورق فى البحر والبحر بجلاله كتير ما بيسعنيش..مركب ورق قلبى اوان فرحها ماجاش..
بس يا عمرو انت بتعرف مودى منين عشان توصفه بالدقة دى؟؟؟؟؟؟؟
مدونتك وحشتنى حاسة ان بقالى سنة مجتش هنا...ازيكوا يا ولاد واحشنى ليكوا عندى شوكولاتة بقى عشان وحشتونى..
كلام مخصوص لايزو..ايزو ميهمكيش الانجليزى انا بفهم فيه الى حد كبير الحمد لله علقى براحتك يا بنتى وتعالى عندى كتير كتير..اشتغلت فترة مدرسة انجليزى على فكرة فالى حد ما ممكن ابقى على الخط معاكى..ربنا يعزك ويحميكى ويبارك فيكى..قوليلى مبسوطة؟؟؟ طيب ربنا معاكى يارب..
يللا يا عمرو باشا طولت عليك كتير انا
سلام
ده يبقى شرف ليا ولمدونتى
ان حضرتك وزوار مدونتك يشرفونى
أهلا واحدة
شةفي يا ستي, بالنسبة لموضوع القناة الفضائية دي فأنا عينتك من دلوقتي مسئولة إعلامية للمدونة. هاتي زباين وخدي فلوس الإعلانات ليكي.
بالنسبة بقى لموضوع الصندوق فده بقى أنا عايزه يبقى عندي في جيبي. أصله فلوسه مضمونة عشان عارف قلوب أغلب اللي بيدخلوا المدونة طيبة وهايدفعوا
:)
أنا عايز زلابية على فكرة
:)
جارة القمر
لسة يا بنتي ده انتي فايتك كتيير قوي. وبعدين لازم تقريهم وتكتبيهم تلات مرات مرتين رقعة ومرة نسخ. هو إيه بعد الغيبة دي عايزة تيجي خمس دقايق وتمشي.
أنا بخير بس مش عارف مزاجي مش رايق قوي. إحتمال لما يجي العيد أبقى تمام. وحتى هذا الوقت فأنا باتبهجج بحبة مانجو أختلي بيها وألتهمها,أو بأي أكلة لطيفة. الخوف إني افشكل
:)
إنجي
ليه يا بنتي كده بس. دي عين وصابتك. طيب ما إحنا كلنا اصحابك يا إنجي. احكي وشوفي هانقف جنبك ولا لأ. ياللا بقى قومي روقي كده وشوفي التلافزيون.. ولا أقولك بلاش منه عشان بيجيب الضغط. قومي شغلي موسيقى هادية واشربي حاجة ساقعة
:)
طب منا حكيت خلاص يا عمرو...
وبعدين مش هشرب حاجة ساقعة لانى كنت معزومة برة واكلت اكل قبيلة بحالها..مش قادرة اقولك على كمية الحشر اعوذ بالله من البشر لو زغطونى..
يللا خير وانت عامل ايه دلوقتى؟؟؟
محدش سايبنى فى حالى كله بيغنيلى مش عارف اعمل ايه
بس انتي كده حكيتي بالمتخبي
يعني مش قولتي كل حاجة. عموما السكة فعلا صعبة قوي. أنا مش عندي تفاصيل عشان أحكم بيها على الموضوع بتاعك, بس لو الشغل مش محققلك اللي انتي عايزاه يبقى لازم تدوري على غيره. فيه ناس بتحب تسيب شغلها الحالي قبل حتى ما تلاقي فرصة تانية عشان بالطريقة دي هما بيجبروا نفسهم على إنهم يلاقوا حياة أفضل. وفيه ناس بتفضل تمسك في اللي في إيدها لغاية ما ربنا يعدلها. أنا من النوع الأول على فكرة. بالنسبة للدراسة فهي مشوار طويل. بس المشكلة هل فيه عائد بعد التعب ده كله؟ ولا لأ؟ لو لأ يبقى لازم تكوني بتحبي اللي بتدرسيه قوي ومؤمنة بيه. ولو آه فالفلوس بعد كده ممكن تكون تعويض.
أنا حلال العقد على فكرة بس مش عندي تفاصيل كتير عشان أحكم على مشكلاتك.
بالنسبة ليا أنا فالواحد بخير.. عايش, والحمد لله.
:)
بحر
ما نت تستاهل يتغنى فيك غناوي يا ابني.
:)
بص يا سيدى بالنسبه للزلابيه فمقدور عليها ابعتلك صينية مليانه زلابيه نصها بسكر معقود(لقمة القاضى يعنى)والنص التانى بسكر بودره ابعتهالك ف رساله على الايميل او ابعتهالك على المدونه اهو تاكل انت وباقى العيله
اللى ياكل وحده يزور
او تعالى بقا عند امى وهى تزغطك بمعرفتها
هههههههههه
افكر بقا ف وظيفة مسئولة اعلام دى..انت عارف شغل المدرسه بالنهار والسنكحه فى المدونات بالليل مشغوله مشغوله اوى يعنى
ههههههه
اما بالنسبه لان يكون الصندوق ف جيب حضرتك فانا اخاف يكون الجيب مخروم ولا حاجه فتضيع الفلوس
انا اخدها اخليها ف اوضتى اللى ف المدونه على جمب دى واهو هتبقا فى الحفظ والصون
اوعى تفهمنى صح
ولا تفتكر انى هنزل اجيب بيهم طقم شيك للعيد مثلا
لا
مش انا
ولا مثلا هروح اجيب شكولاتات كتير واقعد الغ
لا مش انا
ها ايه رايك؟
بالنسبه لحب حضرتك الغريب للمانجه فسبحان الله معرفش بتطيقوها ازاى يا راجل؟
:(
وحضرتك خايف تفشكل يا سبحان الله طاب تيجى نبدل
انت تتخنلى وانا اخسلك؟فكريره
والله ياريت ينفع
حكمتك يارب
:)
واحدة
:)
بس خلاص
عمرو
انا عندي فكره حلوة اوي
اية رأيك كلنا ناخد ايميلات بعض و نبقي نتجمع عند حد و نعمل كونفرنس
كلنا نتفق مثلا علي وقت معين نتجمع فيه
اكيد اللمه هتبقي حلوة غير كده ممكن نستفيد من بعض كتير وكمان لو حد عنده اي مشكله كلنا نقف جنبه.
انا جت في بالي الفكره دية عشان حاسه ان كلنا عيله واحده واخوات
وبجد بنقلق اما حد بيغيب.
قولي بقي رأيك يا عمرو
وباقي العيله طبعا يقولوا رأيهم
ولو وافقتم نتفق علي وقت معين
اعتبروها زي خيمه رمضانية بس علي النت :)
يا ريت كل زوار المدونة يقولوا رأيهم.وانت طبعا يا عمرو
.فاطمة.
أهلا فاطمة
الفكرة أكيد حلوة يا فاطمة. بس أنا مش عايز إننا نعرف بعض. أنا عايز نفضل أغراب عن بعض فنقدر نفضفض. الاقتراب أكتر من شأنه إنه يخلينا نلاحظ نقاط الاختلاف اللي ما بيننا, ووجود خلافات, وتحويل العلاقة الإليكترونية دي لعلاقة عادية بين مجموعة من البشر.
ده اللي أنا خايف منه. وعموما نشوف رأي بقية الأعضاء
:)
إرسال تعليق