أغسطس 18، 2009

خطة جديدة

Flying_Unicorn جذبت أذن الحصان الحديدي المجنح ونزلت على سطح البيت. كان علي أن أعرف أنه غير مناسب من البداية. هي أرق من نسمات الهواء المتلكئة التي سيصر هذا الحصان الأرعن على تجاوزها, وأنا لن أتركها تجلس خلفي على أي حال, فأنا أريد أن أحيط خصرها الطري بيدي, وأن أتحسس موضع قلبها فأشعر بدقاته تعلو من فرط السعادة والدهشة.

دخلت شقتي وأنا أشعر بإحباط شديد, فقد بذلت مجهوداً كبيراً لإخراج هذا الحصان من تلك الحكاية الفرنسية, وبذلت مجهوداً أكبر في التدرب على الطيران به. كنت أعرف منذ البداية أن فكرة الحصان الطائر هذه تقليدية للغاية.. عادية جداً. فلم ضيعت فيها كل هذا الوقت؟

فكرت للحظة, ثم دفعت بقدمي الأحذية الزجاجية والعصوات السحرية والأبسطة والمكانس الطائرة, وكل تلك الأشياء البلهاء التي جمعتها من كتب الحواديت. أزلت الكتب المفتوح أغلبها من على مكتبي وأمسكت القلم. ربما علي أن أضع خطة جديدة, فأميرتي تستحق أشياء مبتكرة وحكاية حب مدهشة.

هناك 41 تعليقًا:

غير معرف يقول...

هييييه انا أول واحده أعلق
welcome back يا عمرو
افتقدناك في الاجازه الي انت اخدتها
عملت اية بقي فيها ?
بس اية البوست الجميل ده
دية كلها رومانسية !
شكلك اما بتحب بتحب بجد
و ياه علي تعبيراتك روعه روعه
و يا رب تلاقي خطه جديده لأميرتك ;)
AnGEL

عمرو يقول...

أهلااااااااااااااااان إينجيل
أنا بخير والحمد لله. على فكرة الأجازة ما كانتش أجازة خالص. ما عرفتش أتفسح.. تخيلي؟
أصل كل أصحابي في القاهرة كانوا مشغولين. واضطريت أنزل الشغل نص يوم عشان مليت بسرعة.. تخيلي؟
أنا بادور لسة على خطة ولما هالاقيها مؤكد هاكتبها وأنفذها..
ربنا يسعد يومك يا إينجيل ورمضان كريييم
:)

غير معرف يقول...

حمدالله ع السلامة من الأجازة الجابونيز دي!!!!.
ومبروك كمان الماجسيتر ؛ عرفت من إنجي إللي جايبه من الآخر النهارده؛
ودائما ما تأتي الأجازات بأفكار و خطط جديدة ؛ وهو المطلوب إثباته !!!.
صباح الخير عليك ؛ وممكن أصبح أو أمسي ؛ مش عارفة التوقيت عندك إيه دلوقتي....هاي إنجيل، ده بعد إذن صاحب المحل .. قصدي المدونة ؛؛
ديدي

عمرو يقول...

ديدي
صباح الفل ومساء الخير وضهر العافية وكل التحيات الممكنة وغير الممكنة
:)
على فكرة أنا عرفت إمبارح إن بنك إتش إس بي سي واللي باحب أسميه إتس إش سي بي بيعين أي حد معاه لغات وبمرتب يبدأ من 3000 جنيه. بس المهم تعدي اختبار اللغة بتاعهم وتقريبا اختبار gmat
:)
مش عارف أنا قلت أقولك لو المعلومة تهمك
مستشكر خالص قوي على الكلام اللطيف ده.. وممكن أنزلك مشاريب انتي وإينجيل على خساب ساخب المخل عشان انتم أول ناس تفتكرني بعد الأجازة
:)

أحمد الشمسي يقول...

والله يا عمرو انت عارف اني مش بجامل ومش بعلق عشان واجب اني اعلق

أنا منبهر فعلا... اللقطة عظيمة واللغة شعرية للغاية!

أحسنت

عمرو يقول...

أحمد
أخجلتم تواضعنا
(وش مكسوف)

واحده من الناس يقول...

ان كنت ساكتب تعليقا فلن اكتمك سرا باننى اتبعت خططا اكثر حداثة ف تطوير حياتى فى الفترة السابقه
ولن اخفى عنك بان تلك الخطط اضفت على الاشياء بريق اخر..لابد لنا من بعض الخطط الجديده فى حياتنا كل حين ليمكننا التواصل مع باقى البشر بلغة مشتركه يعيها كلا الطرفين
الحياه من خلف نوافذى الجديده بشكل اخر..الوانه نفوق الوان ملابسى اشراقا
دع الاحصنة جانبا وسر مع البشر جنبا الى جنب فالحياه قصة ابتدعناها لتذهلنا كل يوم بما لديها من جديد
وكل عام وانت وكل زوار المدونه بخير بمناسبة الشهر الكريم

عمرو يقول...

"الحياه قصة ابتدعناها لتذهلنا كل يوم"
الله على الجملة دي يا زهرة. تنفع قول مأثور
فعلا يا بنتي
متشكر قوي على زيارتك وعلى التعليق الممتع ده. انتي موهوبة فعلا يا زهرة.

كل سنة وانتي طيبة
رمضان كريم
:)

Bahr يقول...

حمد لله على سلامتك ياحج عمرو

مش عارف ليه حاسس انك توهتنا بحكاية الاجازه دى شكلك كنت بتعمل ( خطة جديده) علينا وقلت لما اشوف اللى فى المدونه هيفتكرونى ولا لاء

ابسط يا عم

صورة حزناويه اخرى من صورك ولكن على الرغم من ذلك دائما ما تبحث عن التفاؤل فى أخرها . اتمنى لك ان تجده ولتستمر خطتك الجديده

غير معرف يقول...

مستشنكرين جدا أوي خالص علي التحيات دي كلها ..... ويا ريت شوب قصب من إللي هوه ؛ عشان أررق من الأحداث الفظيعه إللي حصلت النهارده !!!!.
وعل فكرة : أضف إلي معلوماتك ؛ أنا طول عمري بطلع الأولي في الرياضيات ؛ فيثاغورسة زماني ....!!!.
شكرا لإهتمامك ؛
ديدي

غير معرف يقول...

الله أكرم يا عمرو
كل سنه وأنت طيب :)
وكل زوار المدونة طيبين
أقولك طريقه حلوة عشان تعمل خطه للاجازه
افتح اللاب توب بتاعك و هات الورد واقعد قدامه هتلاقي الافكار جت علطول ( وش بسنان )
ANgEL

غير معرف يقول...

ازيك يا ديدي يا قمر
كل سنة وانتي طيبه
و رمضان كريم
وميرسي يا عمرو علي المشروبات :))
ANgEL

غير معرف يقول...

أنا بخير يا ملاك يا جميلة ؛
الله أكرم ؛ ميرسي ع المعايدة الرقيقة .
ديدي

غير معرف يقول...

أغلق الكتب المفتوحه أمامك ثم الق بها
مباشرة من الشباك
لملم كل أحذيتك الزجاجيه والعصوات
السحريه ،الأبسطه والمكانس الطائره ، وأيضا من الشباك
ولا تجهد نفسك مره أخري في محاوله
اخراج الأشياء من الحكايات القديمه
فكل هذه الأشياء لا تناسبها

هي ليست سيندريلا صغيره أوحتي سنووايت
تعيش مع الأقزام السبعه
وليست أيضاأميره ديزني ولا احدي بطلات
القصص الفرنسيه ...

كل هؤلاء شخصيات تكراريه ومعاده
ولكن هي ستكون كائنك النوراني الذي
نزل من السماء لأجلك ... ولأجلك فقط
فلا تفكر في أساطيرنا الأرضيه واصنع أنت
أيقونتك الخاصه تلك التي ستكون قمرا جديدا
لايمر بالأطوار العاديه لقمرنا ولكنه
سيكون بدرا دائما
وسيتياءل عنه القادمون الجدد فيخبرهم
أباؤهم أنه يوما كان هناك فتي لا يعرف
ماذا يصنع لحبيبته وكانت هي تراقبه
من السماء فقررت أن تنزل الي الأرض تساعده
يومها رأوا نورا يهبط من السماء الي
الأرض ، وبعد يومين كان هناك هذا القمر
والذي لابد انه ينتمي اليهما


عمرو
اصنع حدوتك الخاصه وستكون مميزه
وان لم تجد لها خطه حتي الان فيمكنك مبدئيا
ان تحضر لها بعض النجمات الصغيرات تحرس
سماءها ، تحميها لك في نهايات اليوم
وتضمن لك صباحات اليوم الجديد

:)


ponpona

أنسانة-شوية وشوية يقول...

تعرف يا عمرو لما بلاقي حد بيتكلم عن اللي بيحنها بالشكل ده بعرف انه حد بجد حلو اوى

واكيد لانك عارف انها تستحق اشياء مبتكرة وحكاية حب مدهشة فأكيد انتو الاثنين مميزين وابإذن الله هتقدر تضع الخطة اللي تستحقوها انتم الاثنين

كل سنة وانت طيب ورمضان كريم عليك وعلي كل اصحابك

هبه جمال عمارة يقول...

اهلا وسهلا مستر عمرو
حمدالله على السلامه
انا بس عايزة اسالك ازاى احط صوره فى الجرافاتار للمدونه بتاعة حضرتك لان الجرافاتار مسجلنى للمدونه بتاعة بابا بس :)
وشكرا مرة تانية :)

عمرو يقول...

بحر
مش عارف أتكيف عليك كده.. مش معقول يا ابني. اتعلمت الكلام الكبير ده فين. أخبار مكة. أمانة عليك لا تدعيلي يا بحر
ادعي ربنا يهديني
:)
أو ادعي على اللي في نيتي يتحقق
سلام يا كبير
:)

عمرو يقول...

ديدي
هو إيه اللي حصل النهاردة. طمنيني. أي مساعدة أخوكي جامد على فكرة وجدع
:)

عمرو يقول...

أهلا إينجيل
حاضر يا فندم جاري إحضار اللابتوب
:)

عمرو يقول...

أحسن بنبونة في الدنيا
تصدقيني لو أقولك إن تعليقك خلاني أدمع؟ أصله جه على الجرح تمام.. بس جه على الجرح كبلسم ملطف ومهدئ.. أنا فرحان قوي إني قريت الكلام ده.
خلاص طالما هي هاتبقى سعيدة أنا هافضل أدور وأخطط "حتى يرى الناس نوراً يهبط من السماء إلى الأرض. فيصبح قمري بدراً لا يمر بالأطوار العادية لأي بدر"
أنا فرحان قوي قوي بالكلام ده
ربنا يسعدك يا بنبونة زي ما أسعدتيني
:)
:)
:)

عمرو يقول...

إنسانة شوية وشوية
يا بنتي الموضوع ده مش عايز تفكير.. طبعا أنا حد حلو, وحلو جدا كمان.. تعرفي أنا باحب قوي أغنية محمود العسيلي رغم إني مش عارف إنها مش موزونة باقعد أقول "هي كانت حلوة ويتألف عليها ميت غنوة وألف ديوان. هايعمل إيه العاشق الغلبان.. هايقولها ولا هايطلع جبااااان".
كل سنة وانتي طيبة ويا رب رمضان عليكي وعلينا كريييييم
:)

عمرو يقول...

هبة جمال عمارة (مع حفظ الألقاب يعني)
شوفي يا ستي. هذا الجرافتار بيتقري في كل حتة ما عدا في بلوجر اللعين, لذا أنا أرشح إنك تعملي حساب على بلوجر وتضيفي صورتك ليه.. هو انتي مش هاتعملي مدونة ولا إيه؟
:)

واحده من الناس يقول...

استاذى
بعد كوب من اللبن الساخن مع اكبر قطعة شيكولاته تتخيلها مزاج اخر روقان
ولانى بكتب ف بوست جديد تبع النيولوك حقتى
ههههه
قررت افيدك
انت تشرب كوباية شاى بلبن وتقول الله اكبر سبع مرات واتكل على الله حط خطه متخرش الميه عشان نفرح بيك
بصراحه من تقل دم الروتين اليومى بقينا بنتلكك ع الفرحه
واهى فرصه نتجمع كلنا عندك وجها لوجه
يالا بقا فرحنا
معلش كنت عايزه اسلم سلام خاص على ايزولد وانجى وانجيل وديدى وطبعا كل الزوار اللى لسه هعرفهمش..وبقولهم كل سنه ومصر بخير
ومسائكم فل
سلامو عليكو
اسيبكم انا واروح اكمل تدوينتى
تعالوا زورونا
باى باى

:)

عطش الصبار يقول...

حمدالله على السلامه
بس ما تنساش بين كل وقت والتانى تاخد اميرتك فى اجازه لعالم الاساطير
لان فى عالمنا ده بنحتاج اجازه من العقل ومن الواقع عشان نجدد روحنا
وانت برضه بتستعين فى بعض الاحيان بالعالم ده
اما ايزولد طمنها هتلاقى عالم كويس هناك على الاقل بيحتر م خصوصيه الاخر وحريته هى بقى تبقى تحكى لنا انطبعاتها هناك لانها هتقعد اكتر
بنسلفانيا ولايه جميله انا مريت عليه فى طريقى وجوها حار شويه زى مصر لكن مش هتلاقى حاجه اسمها تراب وهتلاقى امطار فى عز الصيف واطار رعديه كمان لكن فى ثانيه الشوارع بتبقى اجمل هتلاقى مناظر طبيعيه حلوه قوى اطمن عليها وطمنها هما شويه الغربه فى الاول وعدين خلاص النا س مره اخرى كويسين جدا

تــسنيـم يقول...

روعـــة بجد

و لو عايز أي خدمة أو تفصيلة من عالم السحرة ما تترددش.. على يدك ليا باع طويل معاهم

;)

هبه جمال عمارة يقول...

عادى يا مستر عمرو
والله بفكر يا مستر عمرو انى اعمل مدونه بس لسه مش عارفه :) الموضوع محتاج تفكير علشان معملش مدونه اى كلام
بس انا عايزة اعرف حضرتك وباقى الاعضاء فى المدونه ازاى عاملين صورة بجانب كل تعليق _يعنى زى مدونه بابا بس هى مدونه بابا مرتبطه بالجرافاتار _اما مدونه حضرتك فانا مش عارفه مرتبطة بايه ؟؟؟؟؟؟؟؟؟؟؟؟
وشكرا على اهتمامك بالرد على التعليق

ponpona يقول...

:)

shimo يقول...

حلوة قووووووي يا عمرو تسمحلي بدون دوك , بس هي مش محتاجة لخطة احساسك هايوصلهافي ذبذبات خفيفة و متوالية تصل لقلبها مباشرةّ فيرج كيانه فيعرف ان هذة الذبذبات خلقت له وحده فيبحث عن ذبذباته التي جمعها طول السنين لاستقبالها و تتلاقي الارواح بعد طول غياب .
كل سنة و انت و زوار المدونة طيبين اعاده الله عليكم بالخير و اليمن و البركات

shimo يقول...

اه نسيت اقولك حمدالله علي السلامة من الاجازة الصغنونة دي بس علي فكرة رغم انها صغنونة و انك ما استمتعتش بيها بس عملت فرق جاااامد

عمرو يقول...

امممم... ادوني فرصة، هرد عليكم واحد واحد في أقرب فرصة

Isolde يقول...

Be7' :D

I'm here, i've chosen the shortest post, only 4 now, cuz i don't have much time... loads of work n lectures... this piece is more than wonderful to me... yes, the princess needs sth new
I'm fine, greetings to u, Ahmed, n the rest of the gang... I'll b back soon
salam mo2akatan
:)

عمرو يقول...

هبة جمال عمارة
:)

هبه جمال عمارة يقول...

well, thank you :(:( :( :(

عمرو يقول...

بنبونة
:)

عمرو يقول...

واحدة من الناس
أهلا بيكي
مش متهيألي إنك هاتفرحي بيا قريب.. عشان كده باقولك دوري على الفرحة في كوباية شاي بلبن. دي حاجة نقدر عليها
ههههه
مستشكر خالص يا واحدة وهاعمل بالنصيحة
:)

عمرو يقول...

عطش الصببااااااااار
أهلا بيكي
عاملة إيه في الغربة.. لازم أول ما تنزلي مصر تقوليلي عشان أبعت لك المجموعة
على فكرة فرحت قوي لما قريت تعليقك من تلات أيام
(وش بسنان)
:)

عمرو يقول...

تسنيم
إشمعنا على يدي يعني؟
موش فاهم
:)

عمرو يقول...

شيمو
الله يسلمك يا رب
أنا مستني حكاية الذبذبات دي.. يا رب تحصل
:)

عمرو يقول...

إيزولد
يامي
ههههههه
أهلا بيكي
وحمد الله على وصولك سالمة إلى أرض الأحلام. خلي بالك من إيزولد خالص. شكرا على كلامك الحلو ده
:)

Isolde يقول...

و يا تري يا هل تري لاقيت خطتك الجديدة و لا لسة؟ طيب مش عايز مساعدة؟ ها؟ انا برده باقول كدة، انا عارفة انك قدها :)

عمرو يقول...

محمد عبد المطلب لما قرا القصة دي, قاللي ما انت عمال تفكر في خطة جديدة وهي هاتبقى سعيدة حتى بالحاجات القديمة لو بتحبك
بس على مين.. أنا كلي جديد في جديد
هع هع هع