أغسطس 19، 2009

بيبا بيا


دنيا مسعود... أغنيات مصرية خالصة عبر وجه مصري خالص وحنجرة يشي صوتها بارتباط عميق بالجذور

هناك 25 تعليقًا:

غير معرف يقول...

يعني اية !‏!!!!!‏!!!!!‏!!!!
انا مش فاهمه الصراحه
لغز ده ولا اية ?
ولا في لينك مش ظاهر عندي ?
لا لا اده بجد !!
‏(‏ وش مذبهل )
AnGeL

shimo يقول...

تحفـــــــــــــــة
مش عارفة حسيت بفرحة بتسري في روحي لما سمعتها
علي الرغم اني مش عارفة يعني اية بيبا الا هو يعني اية بيبا

غير معرف يقول...

" بيبا بيبا " : بابا اله يرحمه كان بيقول لماما " يا بيبا " ؛ ولما سألته يعني إيه " بيبا " ؛ قالي : يعني :* حبيبة *..........
ديدي

ponpona يقول...

"بيبا" يعني حبيبة .. ميرسي ياديدي ع التوضيح
لأني بردو ماكنتش عارفه يعني ايه بيبا دي

بس حتي بعد ماعرفت أنا بردو مش فاهمه
ومين أحمد علي اللي دخل ف وسط الأغنيه دا؟

هي وشها يتحب أوي مانكرش
والتون بتاع صوتها دخل جوايا

بس أنا بردو مصممه .... أنا لسه مش فاهمه

:(

shimo يقول...

علي حد علمي و حد يبقي يصححلي
ان احمد علي دا حببها و دا يوم فرحها اللي كان مليان بالدبايح و السمن اللي سايح و هي بتندهله يلبسها الكردان علي صدرها و الخلخال في رجلها اللي هما شبكتها يعني و حببها دا من الصعيد

noon kiko يقول...

بصه البنت دى كانت ف مسلسل قلب حبيبه قبل كده مع سهير البابلى
بصراحه انا مكنتش متابعه المسلسل بس كنت بسمع صوت البنت دى وهى بتقول مواويل صعيديه وكان صوتها مليان شجن
حاجه كده تلمس القلب بخفه.
الاغنيه دى بتفكرنى بأغانى ستات بلدنا ف الافراح
بس هى صوتها مميز وله رنه خاصه
بصراحه الاغنيه جميله بس ركزوا فيها
انا مع شيمو ان احمد ده حبيبها وهى بتغنى ف يوم فرحها على ما اعتقد
او ده اللى فهمته من الاغنيه
بس استاذى عمرو
انت ذوقك عالى
طبعا انا اخجلت تواضعك اللى مش موجود اصلا
وطبعا انت عارف انك ذوقك عالى واختياراتك تحفه ورومانسيه والخ الخ الخ
ههههههههههه

Bahr يقول...

بيبا من أغانى الافراح وبيقولوها فى البلد عندنا فى الصعيد الجوانى قوى - اقصد اسوان - ونعناع الجنينه وغيرها

شكرا عمرو انك عرفتنا بدنيا مسعود

انا سعيد انى بسمع الفلكلور وخصوصا من صوت جميل وهادئ وفى نفس الوقت متمرد

تــسنيـم يقول...

الأغنية دي غنتها شيريهان و عبلة كامل في فيلم عرق البلح و بالرغم من هوسي بدنيا مسعود إلا إن الأغنية فعلا أجمد من شيريهان و عبلة... هيا مرفوعة ع اليوتيوب

هبه جمال عمارة يقول...

حلو جدا الفيديو يا مستر عمرو
كمان صوتها _دنيا مسعود_ صوت اصيل وجميل يدل على حنجرة ذهبية _ مش زى الاصوات اللى بنسمعها اليومين دول _:) :) :)

micheal يقول...

بعشق الأغنية دي..متعرفش ممكن أنزلها منين ومين المغني الأصلي بتاعها
كل سنة وأنت طيب
تحياتي

عمرو يقول...

إينجيل
انتي بتدخلي من الموبايل وده فيديو فمش هاتعرفي تشوفيه.. يعني مش سحر ولا حاجة
:)

عمرو يقول...

شيمو
يا فندم أخجلتم تواضعنا
كل سنة وانتي طيبة
:)

عمرو يقول...

مستشكرين على الإيضاح يا ديدي. ولو إن الكلام ده لازم يمر على بحر نجم الأغنية الشعبية
كل سنة وانتي طيبة يا ديدي انتي وزوجة جدا وقطتي وإنسانة شوية وشوية وكل العيلة. سلميلي عليهم جميييعاً.
:)

عمرو يقول...

بنبونة
الكلام واضح قوي.. وعموما أهي الليركس عشان ما أبقاش قصرت
:)

بيبه
عمى حماده
بيبه
جابلى طبق
بيبه
مليان نبق
بيبه
قالى كلى
بيبه
قلتله ماكولشى
بيبه
وديه لامك
بيبه
امى بعيد
بيبه
اخر الصعيد
بيبه
و الصعيد مات
بيبه
خلف بنات
بيبه
خلف بنيه
بيبه
اد القطية
بيبه
خدها علي
بيبا
خدها بدبايح
بيبه
و السمن سايح
بيبه
سايح لفوق
بيبه
و عمل له طوق
يالي يالي يالي يالي يالي يالى يالي
يا احمد على يا احمد على يا بوكميمة راسى
بيع البلح يا احمد على و هات لى دهان راسى
هات لى يالى يالى يالى هات لى دهان راسى
يا احمد على يا احمد على بيع نخلنا العالى
بيع النخل يا احمد على و لبسنى خلخالى
لبس يالى يالى يالى يالى لبسنى خلخالى
يا احمد على يا احمد على النخل راح ضله
بيع النخل يا احمد على بيع نخلنا كله
بيع يالى يالى يالى بيع نخلنا كله
يا احمد على اسمك على لسانى
بيع النخل يا احمد على و لبسنى كردانى
لبس يالى يالى يالى يالى لبسنى كردانى
يالى يالى يالى يالى يالى يالى يالى

عمرو يقول...

طيب أنا وشي إحمر من الخجل يا واحدة من الناس
:)

عمرو يقول...

شيمو تاني
العمل مكتوب وكلامك صحيح, ومن حق الجميع إنهم يفهموه زي ما هما عايزين
:)

عمرو يقول...

تسنيم
الأغنية في الأساس أغنية شعبية. عبد الرحمن الأبنودي هو اللي نقلها عن أمه للقاهرة وأدخلها في فيلم عرق البلح. كن لما تسمعيها من دنيا مسعود هاتحسي نفسك أول مرة تسمعي الأغنية دي
:)

عمرو يقول...

هبة جمال عمارة
أنا بجد فرخان بانتظامك في قراءة المدونة. بس هو استاذ جمال خلاص نسيني ولا إيه؟
فعلا أصوات اليومين دول نشاز, بس الأدهى إن الأصوات الحلوة بقت بتكرر نفسها
:)

عمرو يقول...

مااااااايكل
عامل إيه يا ابني
أنا بافكر أهديلك بوست على فكرة
الأغنية موجودة على يوتيوب وممكن تنزل الفيديو بس لو عايز إم بي ثري فأنا م عارف بصراحة
تسلم يا حبيبي
وانت طيب
:)

هبه جمال عمارة يقول...

شكرا :) :) :)
بس هى دى الحال فى الساحة الفنيه هنعمل ايه ؟؟؟؟؟؟؟؟؟؟؟؟؟؟؟؟؟؟

عمرو يقول...

هبة
:)

Bahr يقول...

اخى وصديقى عمرو
مش عارف ليه كل يوم بحس انك كنت فاهمنى غلط السنين اللى فاتت انا على فكره بحب جدا الاغانى الفلكلوريه ( لو كان ده قصدك بالشعبى ) لكن الشعبى اللى احنا عارفينه اليومين دول انا مش بطيقه ( ده طبعا عدا رائعة عماد بعرور العنب )
انا من ايام المدرسه وانا معروف عنى شطارتى فى اللغه العربيه (حتى اسأل اساتذتنا الجهابزه فى المدرسه الثانويه وانت عارفهم طبعا )
ولكن للاسف انا عندى عقده اسمها الاحراج وبجد مسببالى مشاكل فى حياتى

صديقى عمرو

انا بجد شاكر ليك على مدونتك الرائعه والجميله اللى نسيتنى الغربه بيها ( يا راجل انا بقيت مدمن عليها لدرجة انى بدخلها قبل ما افتح البالتوك ياخى وبفكر اغير ( الجوال )الل هو ( الموبايل ) عندكم واجيب واحد يقدر يفتح المدونات بسهوله والبالتوك اكيد طبعا )

اخى عمرو
اتمنى لك من كل قلبى وانا بجوار بيت الله الحرام ان يوفقك الله فى طريقك وان يهديك لما يحبه ويرضاه

عمرو يقول...

حبيبي بحر
والله أنا كل السنين اللي فاتت دي فاكرك سطحي وضحل الثقافة, وبصراحة مش عاوز أغير فكرتي لأن ده مجهود كبير عليا ههههه
:)

يا بحر هنا مافيش إحراج بقى, تحرر وقول اللي انت عايزه.
ربنا يكرمك يا بحر ويرجعك من غربتك منصووور
:)

Egyption mahfouz يقول...

ممتاز و جميل

Egyption mahfouz يقول...

ممتاز ورائع