مرارة روح

أغسطس 31، 2009

أهذه أنتِ, أم أن عيني حولتا جميع النساء كي يشبهنكِ؟

هناك 24 تعليقًا:

noon kiko يقول...: ده سؤال ولا قصه قصيره؟
ههههههه
اصله اقصر قصه قريتها
بس هو سؤال متصاغ حلو
يارب تلاقيله اجابه

:); 31 أغسطس 2009 في 2:47 م
noon kiko يقول...: معلش بقا سؤال
لما الناس دى كلها من كل البلاد دى جات تعلق
امال هو فين التعليق؟
ثم البتاع ده عامل كده زى الكاميرا الخفيه
هههههههههههههههه
اخد بالى بقا وانا بخطى
احسن بلوجك بقا متراقب خااااااااالص
ياخوفى بعد شويه تعملنا الدخول للتعليق بكارنيهات عضويه
ههههههههههههههه
اتوسع حضرتك ف المدونه
وبكره نتنسى
بس مين فات قديمه ايه؟
:); 31 أغسطس 2009 في 3:03 م
أسما يقول...: هو مفيش تعليقات ظهرت، مش عارفة انا اول واحدة ولا ف حد سبقني... و بعدين ايه كل اللي انت عامله ده،ها؟ بتشوف مين اونلاين عالمدونة بتاعتك، و عامل traffic ما اعرفش ايه، و دلوقتي كومنت موديريشان، و شوية شوية هيبقي الدخول للاعضاء فقط... بالراحة علينا يا عم الحاج... عمرو، انا نفسي اتخانق مع حد، او لو امكن يعني، لو مافيهاش تعب، تشوفلي حد اقتله... اوففففففففففف ... انا عايز ارغي، بس مش عارف اقول ايه... علي فكرة انا مش ناوية اعلق عالسطر اللي ف البوست ده، ليييييييه؟ اهو كيفي كدة، ما هو انا لازم اطلع غيظي ف حد و انا عارفة انك جدع و هتستحمل... و بعدين انا شايفة ان مفيش اي لزمة لكل اللي انا قلته اساسا... هو انا قلت ايه؟!!! :(; 31 أغسطس 2009 في 6:07 م
أسما يقول...: طيب دلوقتي انا بحب اقرا التعليق بتاعي بعد نشره عشان لو ما عجبنيش ارجع ف كلامي و احذفه... اوفففففففف، انا عرفت انا هاقتل مين... (وش متغاظ و مدخن و هيطق من جنابه); 31 أغسطس 2009 في 6:09 م
ponpona يقول...: آديني أول حد تاني أهو .... تن ترا رارن تن تن

عمرو
قرب منهم شويه كده هتلاقيهم تقليد
ولن يشبهنها بحال من الأحوال
هي وحيده متفرده بذاتها عن جميع الباقيات
والا فلماذا بربك هي ؟ وهي فقط ؟
:)

فاطمه
لو التعليق طلع أول واحد وماحدش كان سبقني
فيبقي التعليق اهداء مني ليكي يابسبوسه
:); 31 أغسطس 2009 في 9:52 م
غير معرف يقول...: السطر الوحيد ده؛ فكرني بأغنية : "أنغام - بتحبها ولا ..بتفكرك بيا ؛ هيا أنا ولا ...كل إللي شافها قال ، توأم شبهنا خيال
صورة وصوت ليا ..زبتحبها ولا ..."
* سطر ولا أروع ؛ مركز" بضم الميم".تحياتي؛
ديدي; 31 أغسطس 2009 في 10:22 م
عمرو يقول...: مش عارف يا واحدة
إحتمال يكون الاتنين

هو أنا بعت عند عمو بتاع البلوجات عشان يعملنا كارنيهات إليكترونية. محدش ضامن يا بنتي
:); 31 أغسطس 2009 في 10:22 م
عمرو يقول...: شوفي يا إيزولد
أنا أقرا التعليق بتاعك وأشوف إن كان فيه أخطاء وبعد كده أنشره وتقريه انتي براحتك
ههههههه

طيب يا بنتي ما هم عاملين زرار للمعاينة. ولا انتي عايزة أي حد تفشي فيه غلك وخلاص؟
:); 31 أغسطس 2009 في 10:25 م
عمرو يقول...: بنبونة
بنبونة
على فكرة انتي مش أول واحدة ولا حاجة. بس هو ده النظام الجديد
هع هع هع; 31 أغسطس 2009 في 10:25 م
عمرو يقول...: ديدي
ربنا يكرمك يا رب. على طول رافعة معنوياتي
:); 31 أغسطس 2009 في 10:26 م
غير معرف يقول...: السؤال ده مش يعرف يجاوبه غيرك.
انت عارف بقي اية الي عاجبني !
عاجبني الاقتباس في البروفايل بتاعك قوي عشان انا كده بالظبط مبنساش حاجه خالص :))
شفت كلهم افتكروا ان اول تعليق ليهم هههههههههههه لخبطه.
اصبح بقي عليكم كلكم
ازيك يا عمرو عامل اية في الشغل?
ازيك يا ديدي منوره والله و وحشاني جدا جدا.
ازيك يا واحده انا علي فكره بحب الرسم قوي يا بختك انك بتعرفي ترسمي :) ينفع تعلميني ?
ازيك يا بنبونة ميرسي جدا علي اهداء اول تعليق ليا يا قمر .
ازيك يا ايزولد عامله اية في امريكا ربنا معاكي والله هو الجو برد ولا حر عندك ?
ازيك يا انجي قبل ما تيجي ?
اممممم
ازي كل الزوار الي هيجوا بعدي عشان منساش حد :)
لو مكناش صايمين كنت عزمتكم علي حاجه ساقعه حاجه سخنة فطار كده يعني (بكش طبعا)
(وش بيضحك قوي)
‏:))
فاطمه (اينجيل سابقا للي مش عارف) وكنت وزيره برضه سابقا :)); 31 أغسطس 2009 في 10:57 م
ponpona يقول...: ايه يا عم عمرو اللخبطه اللي انت عملتهالنا دي

طب أهو كل واحد افتكر ان هو الأول

وبعدين ايه حكايه الكارنيهات دي .. هه؟

ازيكم ياجماعه بقي عاملين اييه ؟
:); 31 أغسطس 2009 في 11:49 م
noon kiko يقول...: هههههههههههههههه
عجبانى اوى الكاميرا الخفيه دى
وحلوووووووو خاااااااااالص اللخبطه دى
مش عارفه ليه كل ده
انت حسستنى انى هدخل مقر امن الدوله
على فكره
وانا بكره الاحساس ده

بجد بقا مش هزار
مبقيناش حاسين ان المكان بيتنا
مش عارفه ليه
بس
مودريشن
وتعداد زواروعداد هنا
وكمان تشوف مين زارك
كانك بتعد علينا الزيارات والانفاس والكلمات
وم الاخر كانك بتقول الكلام هنا بقا بحساب وعلى مزاجى
لو عجبنى اقول ذيع
ولو مش عاجبنى
اشيل كله ف المونتاج

:(
ليه كده يا استاذى
مش حاسس انك لغيت الديمقراطيه هنا؟
ولغيت دفء العيله
انت لغيت بيت العيله للاسف
عارف مبقاش عندى لهفه للمدونه زى الاول
واتسرقت لهفتى على قراية تعليقات البنات

هتفهم كلامى بجد لما تلاقى التغيير ظهر
بس عموما البيت بيتك والمدونه مدونتك
وانت الحكومه هنا
بس حاسب الشعب يعمل ثوره او انقلاب
او حتى يسيبلك الدوله كلها تتصرف فيها كيف تشاء م غير وجودهم

طبعا الكلام ده هيمر على حضرتك الاول
واحتمال كبير ما يتذاعش
عشان كده انا مش همراشوف الرد زى عادتى
لانى عارفه الرد

ومن حكم فى مدونته
فما ظلم
معلش مبعرفش ازوق الكلام
:(; 1 سبتمبر 2009 في 1:51 ص
Unknown يقول...: لا دة بس تاثير الصيام او تلاقيك محتاج تعمل نضارة

هع هع هع

دماغى هتفرقع من كتر التفكير...خلاااااااص نفسى ارتاح اوى اوى

انا زى ايزولد عايزة اموت حد

وانت عامل ايه؟؟؟; 1 سبتمبر 2009 في 2:08 ص
عمرو يقول...: الموضوع أبسط من كل اللي بتقوليه ده يا واحدة
أنا موجود على الإنترنت معظم الوقت
وباسمح بكل تعليقاتكم أحيانا قبل ما أقراها. بس التوسع يحتاج إلى اتخاذ احتياطات
أنا عندي خطة كده للتوسع وعايزكم تساعدوني فيها.
بس عموما البيت بيتك ولو حذفت كلامك ابقي اعملي ثورة وقولي عني إني دكتاتور
انتي تشرفي في أي وقت وتقولي اللي انتي عايزاه يا واحدة
:); 1 سبتمبر 2009 في 2:08 ص
عمرو يقول...: هو عموما يا إنجي أنا مستعدي أضحي بنفسي
اتفقوا إنتي وإيزولد على معاد وهاتوا العدة وأنا مستعد
ما هو لازم حد يضحي عشان الناس التانية تعيش في سلام
:); 1 سبتمبر 2009 في 2:10 ص
Unknown يقول...: واحدة من الناس

زهرة ربيعية

اختى اللى عمرى ما شفتها ولا كلمتها وجها لوجه

انتى شخص حميمى جدا..تلقائى جدا..صريح جدا..حساسة لابعد الحدود

انا عارفة اللى انتى قصدك عليه على فكرة انتى زيي اوى فى النقطة دى..بخاف من الفقد برضو بس دى غلطتى وغلطتك انتى اعتقد بترتبطى بالاشياء والناس والاماكن بسرعة..تدى لهم كل اللى جواكى..بتبذلى وتحبى بس قانون الاشياء بيقول ان مش كل الناس كدة وان الحياة عملية اكتر..

الكلام دة مالوش اى علاقة باللى حصل هنا فى المدونة يا عمرو على فكرة والله متفهمش كلامى غلط بس كل الموضوع انى اختبرت الموقف بتاع زهرة دة كتير اوى وفى مواقف اكثر حميمية ولسة لحد دلوقتى عايشة موقف منهم..

يازهرة انا اخر واحدة ممكن تنصحك تكونى عملية اكتر وتنشفى وتبطلى تتعاملى بقلبك بس اقدر اقولك متخليش اى موقف من دول يحسسك انك عبيطة وانك مش المفروض تكونى كدة بالعكس..

تانى اكرر الكلام دة اقسم مالوش اى علاقة باللى حصل هنا يا عمرو بالعكس والله انا كنت مستغربة انك مش منتشر كما ينبغى لحد بيكتب زيك يا عمرو..

ولو ان جو المدونة مش هيبقى زى الاول واقصد هنا ان الانتشار بيخلى نسبة المجاملات تزيد جدا جدا وتلاقى ناس كتير بيعلقوا تعليقات تقول بس انه مر من هنا وانك لازم ترد الزيارة عشان عدد التعليقات يزيد وخلاص..انا اصلى جربت الموضوع دة قبل كدة وفهمت اللى فيها..بس انت لازم تجرب ونقى المدونات اللى تتابعها عشان متتحطش فى الموقف دة..

طبعا اقصد موقف يعنى سيتيويشن مش موقف ميكروباظ او موقف سيرفيززززز

نياااااااااهاهاهااااااااا

بهرج بهرج اصلى خفة اوى بعيد عنك..

زهرة ابقى تعالى عندى معنديش مودريشن ومعنديش زوار كتير ..انتى تنورى والله بس ابقى تعالى بعد الفطار عشان اعرف اعمل معاكى واجب وكدة ماشى؟؟؟؟

زهرة....يا زهررررة...فينك بقى انتى لسة مشوفتيش التعليق..

يللا فوتكوا بعافية; 1 سبتمبر 2009 في 2:25 ص
عمرو يقول...: أهلا إنجي
أنا فاهم إن كلامك ما لوش علاقة باللي بيحصل هنا. بس كلام زهرة متأثر قوي بحكاية الموديريشان دي. مش فاهم ليه. يعني إيه اللي يخلي الموديريشان يزعلها طالما مش هايتسبب في إنها ما توصلش اللي عايزة تقوله.

أهو مثلا اللي انتي قلتيه ده عايز حذفه. يعني أنا لو دكتاتور ما أسيبكيش تسربي الزباين بتوعي وتستقطبيهم لمدونتك
:)
ههههههههه
كل سنة وانتي بألف صحة يا إنجي
:); 1 سبتمبر 2009 في 3:45 ص
Heba Gamal Emara يقول...: عبارة مؤثرة جدا جدا
وبها من المعانى والمشاعر كثيييييير
تنم عن مدى حب البطل لحبيبته لدرجة انه يشبه عليها فى كل البنات والنساء
جزاك الله كل الخير; 1 سبتمبر 2009 في 4:35 ص
noon kiko يقول...: انجى حبيبة قلبى
بصى انا مش هضحك على نفسى ولا عليكى
من ناحية انى اقدر اتحكم فى طبيعتى وابقا ناشفه كده زى ما بتقولى
ده موضوع عايز وقت
وانا بجد بحاول اهو ومعلش اعذرينى لو التغيير هيمر ببطء
اانا مش ضد فكرة التوسع والله

ربنا يعلم انا اد ايه اتمنى ان استاذ عمرو يبقا احسن واحد ف الدنيا ومش هو لوحده لأ هو وكل واحد فى المدونه دى
بس اوقات بتجينى حالة خوف من الفقد تمام زى مانتى شبهتيها
بخاف بجد يتحول بيتى لدوله صغيره بحكومه وسن قوانين
وانا بعانى بصراحه مع القوانين
لان زى مانتى شايفه انا متمرده على كل قوانين الجاذبيه الارضيه
ورغم انى برج الحوت
اللى بيوصف انه شخص مسالم الا انى فى الغالب بتمرد على الاوضاع
بالنسبه لارتباطى الوثيق والسريع بالاشخاص والاماكن يمكن لانى مش يتعامل مع الاشياء على انها قابله للتغيير
اوقات بحب اكون عصفور يقدر يطير لابعد مكان ويشوف العالم كله
وكتير بحن لان اكون شجره ارسخ جذورها ف الارض

انا اتخبطت على دماغى كتير
واتقاللى كلام يوجع ياما
وتقريبا نص قلبى موجوع بس النص التانى لسه بصحته وبيطبطب على النص الموجوع

انا مش عارفه اتغير على راى تامر
بس اوعدك انى احاول اكتر من كده

على فكره
انا عندى اتنين انجى بموت فيهم
واحده من الشرقيه والتانيه جارتنا
وكلهم كده طيبين ويتحبوا زيك كده

وهتلاقينى فورا ف مدونتك
واعذرينى هرغى هناك كتير اوى

استاذى عمرو
احنا كلنا نتمنى لحضرتك كل حاجه حلوه
بس كان ف بالى حاجه وقلتها بصوت عالى
مشكلتى ان اللى ف قلبى دايما بينط على لسانى من غير مودريشن
:); 1 سبتمبر 2009 في 9:45 ص
Bahr يقول...: تصرفى حبيبتى ... كسائر النساء
تكلمى ... عن أبسط الاشياء..أصغر الاشياء
عن ثوبك الجديد .. عن قبعة الشتاء
عن الأزاهير التى اشتريتها من شارع الحمراء

من قصيدة الى صامته للشاعر نزار قبانى; 1 سبتمبر 2009 في 11:58 ص
عمرو يقول...: هبة
أشكرك جدا
:); 1 سبتمبر 2009 في 3:00 م
عمرو يقول...: واحدة
ما فيش مشكلة خالص. كل ما تحبي تقولي حاجة بصوت عالي تعالي هنا
:); 1 سبتمبر 2009 في 3:02 م
عمرو يقول...: إيه يا عم بحر الثقافة دي كلها
أنا مش قدك
:)
نزار حتة واحدة; 1 سبتمبر 2009 في 3:02 م