أغسطس 03، 2009

بالأمس حلمت

Marriage_by_amandapandamonium

بالأمس لم أستيقظ بالقدر الكافي, فجاء النوم قصيراً متقطعاً وسقطت من فوهة الحلم على السطح الصلب لأرضية حجرتي قبل حتى أن أراكِ. قمت وشعور ثقيل بالضيق يقتلني.

لكنني أعدكِ اليوم أنني سأظل متيقظاً لوقت طويل وسأبذل كل مجهود أستطيعه في العمل, لكي أنام جيداً. أعدك أنني حين يأتي الحلم سأواصل إلى ما بعد ذلك الجزء الممل من الاتفاقات بين الرجال, وأصل إلى المشهد الذي أمسك فيه يدك وتمشين إلى جانبي فيصفق الجميع من حولنا وتبتهج الموسيقى.

سنشعر أن هذا الكون لنا وحدنا, فلا أجد حرجاً في أن أملأ رئتي من عطرك, وعيني من بسمتك. ستحممنا أمي بآيات تقينا من الحسد, وسيضيء وجه أبيكِ بالكثير من النور. أعدك أنني الليلة سأجعل الحلم طويلاً كما ينبغي, لكن عليك أنت أيضاً أن تعديني ألا تندهشي كثيراً حين أخلع حذائي في آخر الزفاف, وأميل كي أخلع عنك حذاءيك. عديني بألا تمانعي في ذلك يا عزيزتي, فهذه الأحذية التي طالما التصقت بالأرض, لن تستطيع أن تحلق معنا في السماء.

هناك 29 تعليقًا:

Unknown يقول...

السلام عليكم مدونتك رائعه بل فوق الرائعه وننتظر المزيد

Unknown يقول...

السلام عليكم مدونتك رائعه بل فوق الرائعه وننتظر المزيد

عمرو يقول...

أهلا يا نونو
أنا مستشكر خالص والله. أهلاً بيك/بيكي. بس أنت ولد ولا بنت؟ هي مش هاتفرق معايا كتير بس عشان لما أرد أعرف أتكلم
:)
على فكرة أنا فرحت قوي لما شفت تعليقك, عشان كنت لسة منزل البوست. عرفتني منين صحيح؟
معلش أنا أسئلتي كتير.. فضول بقى
شرفت يا نونو
:)

آيــة يقول...

المرة دي
:)
:)

عمرو يقول...

يا سلام
تشكري يا آية.. ده كتير علينا. طيب وليه تاعبة نفسك وكاتبة التعليق المفصل ده
ههههه

عمرو يقول...

نونو
نسيت أقول وعليكم السلام
:)

Unknown يقول...

عمرو باشا

مش عارفة اقولك ايه....انت عرفت منين ان فى احلام بنبيت لها النية؟؟؟

كنت فاكرة انى المخبولة الوحيدة اللى بتقعد تحط سيناريو للحلم اللى عايزة تحلم بيه..احيان نادرة اوى بيتحقق..الافتك بقى انى باصحى من النوم منشكحة كانى كنت فى جنينة الحوانات(ايون حوانات )

والله باصحى من النوم ولااااااااا كانى كنت فى نزهة وافضل افتكر الحلم وابتسم بقى طول اليوم

لما الحلم مش بيتحقق بدخل السرير بدرى شوية واغمض عينى واعيش الحالة عااااااااااادى كانى مثلا مدمنة وبتاخد الجرعة

فى حلم بتخيله كتير اوى بس ولا مرة حلمت بيه..مالوش دعوة بالرومانسيات خالص بس حلم عزيز عليا..مش مهم احلم بيه المهم يتنقل من على الشاشة السودة - اللى هى الفضاء المظلم للاوضة بتاعتى - الى ارض الواقع..

يالهوى يا عمرو بجد الحلم دة مثلا مدته اربع خمس دقايق بس لو حصل معنديش مانع اسلم نمر بعدها

هااااااااااااااه فكرتنى يا ولدى

بقولك ايه يا عمرو؟؟؟
انا خايفة تكون بتكتب للتطهير يا ضنايا..يعنى خايفة تفرغ كل شحنة الرومانسية ولما تلاقى بنت الحسب والنسب متعملش معاها اى حاجة من الحاجات اللطشيفة دى..يبقى احلى مقلب

على فكرة بهرج لانى فعلا شخصية رخمة..انت بتعرف ازاى تمس شغاف القلب كدة يا عمرو؟؟؟ بس ايه رأيك حلوة شغاف القلب دى صح؟؟؟ نيااااااااهاهاهاااا

يللا ربنا يكرمك ويعلى مراتبك وتبقى مراتب ماستر بد كمان..نفسى فى واحدة اوى على فكرة

انا برغى فى كلام فاضى جدا صح؟؟؟

مش مهم والله انا مبرغيش عند حد كدة بالطريقة دى غير هنا

تحملنى يا عمرو محمود السيد عشان ربنا يباركلك فى فدانين الموهبة اللى عندك

يللا سلام بقى

عمرو يقول...

أهلا إنجي
أتحملك؟ يا بنتي ده أنا باستنى تعليقك وبافرح بيه والله. وعلى فكرة مش أنا لوحدي. ابقي فكريني أديكي جايزة أحسن معلقة في المدونة
:)
على فكرة أنا ما كنتش رومانسي خالص. بس يظهر إني ما كنتش كده عشان ما كنتش شفت واحدة تستحق الرومانسية دي, ولما لقيتها تفجرت بالكلام الرومانسي ده. عشان ما أفضحش نفسي على المدونة أنا هانتقل لنقطة تانية

الواحد مش بيتكلم كلام رومانسي بس عشان هو عاطفي, لكن عشان هو بيحب حد يستاهل الكلام ده.

على فكرة اللي انتي بتعمليه ده كله أنا باعمله كل يوم تقريباً. أنا من الناس اللي بتحاول تهرب من الواقع بالخيال. لو ماعملتش كده بادخل في دور أحلام يقظة معتبر وأحس إني خلاص على أعتاب المرض النفسي
ههه

أنا بصفتي مترجم أقدر أقولك إن اللي انتي بتعمليه ده بيسموه في كتب الفرنجة
dream visualization
وبيقولوا إنه أكثر الطرق فاعلية للحصول على الأحلام وترسيخها على أرض الواقع.
أوعي تغيبي يا إنجي.. بتفرحني زيارتك
:)

تــسنيـم يقول...

أنا هنا من امبارح.. بس عشان اللي فاتني كتير فعلا فأنا يادوب وصلت لقصة الضفدع و أديني بحاول أواكب التطور

أقرا حبة من قدام وحبة من ورا


:)


نصيحة.. لا تستدعي هذا الحلم فهو سيمنحك بهجة زائفة ستعيش عليها لأيام ثم يقتات من روحك لأيام أخرى

noon kiko يقول...

لست ادرى لما تذكرنى بعض قصصك بقصائد نزار قبانى..هل لان الاحساس العالى بها بجعل من خفقاتى اغنيه يعجز عن سماعها سوايا...؟
لن اخبرك ان احساسك مرهف جدا فقد اخبرك بذلك الكثيرون..ولن اقول اننى تمنيت ان ارى لحظة سرور الاب على محيا والد العروس ..اللحظه التى لن اراها ابدا..قد تتهمنى الآن بالقوقزه..انما لابد لقصتك ان تحتمل منى الكثير من القوقزه..فغالبا مشاعر الامل والاحلام تثير الشجن..وتعبث بالقلوب
انت فنان..رسام ..ترسم بقلمك لوحات قلما ياتى الزمن بمثيلها...
دعوت الله ان يجعل حلمك واقعا
ستقبل يا استاذى ان تخلع حذائها..ستقبل فالتحليق معاك شىء لابد ان تتشرف به..
لقد ابدعت يا استاذى ورفعتنا معك الى السماء..
من الحواديت الى الاحلام..الى الواقع ..رحلات من الجميل ان نحياها على سطورك..واللهم اجعل لك سبيلا لتحقيق كل ما تتمناه بإذن الله

غير معرف يقول...

ينهار ابيض اده انت بتقرأ افكار الواحد ولا اية
البوست ده مش عارفه اقول اية
والله اكتر حلم بتمناه في حياتي
وقلته كتيييير بس انت ترجمته بطريقه جميله
أثر فيا جدا لأن الواحد اما يكون عاوز حاجه قوي ومش طايلها بيتعب :(
بس بجد بوست تحفه
وعجبني قوي مود الرومانسية ده
انت اصلا كاتب رائع فكلو منك حلو
و يا رب أحلام كل الناس تحقق
angel

أسما يقول...

ها؟! أخبار حلم امبارح اييييه؟! انا مش رضيت اعلق امبارح، انا نمت و صحيت و قلت اشوف حكاية ال visualization دي نفعت ولا لأ، الساعة دلوقتي 9:15 بتوقيت قوضتي، حجرتي يعني بالفصيح، بس انا لسة مش باعرف احلم، حاولت امبارح و ما نفعش، يمكن عشان مفيش حاجة ف نفسي احلم بيها؟؟؟ يا سنة سوخة! هو انا للدرجة دي بقيت فاضية من جوة؟! يا عيني عليا و علي شبابي، عااااااااااااااااااااا

بس عموما، وده احقاقا للحق يعني، آخر سطرين ف الحتّة اللي انت كاتبها دي ثبتوني، اي و الله، قريتهم امبارح ييجي 20000000 مرة و مش عرفت اعلق عليهم بتاتا... انت بتكتب كويس اوي يا ولد يا عمرو يا ابني، و ده فارسني و غايظني... أففففففففففففففففففف

انا هاقوم انام تاني بقي، انا كدة صحيت كتير زيادة عن اللزوم... بس ما تنساش تقوللي حلمت تاني زي ما انت عايز و لا حتي الحلم مش هنقدر عليييييييييييييه؟!

أسما يقول...

آه، نسيت اقوللك صباح الخييييييييييييييييييييير، او يعني صباحك سكر كدة :)

عمرو يقول...

تسنيم
أهلا بيكي مرة تانية في المدونة بعد غياب طويل قوي قوي. أنا قلت إنك زعلانة مني ولا حاجة. تخيلي فاتكرتك مش جاية هنا تاني. بس على مين والله ما كنت هاسيبك
:)
بصي بقى انتي تقري كل اللي فاتك وتسيبي تعليق في كل بوست وأنا هارد عليكي
:)

عمرو يقول...

زهرة
إيه الكلام الكبييير ده. أنا مش عارف أقولك إيه. لكن تعليقك أدبي جداً مليء بالإحساس والعاطفة. انا حاسس يا بنتي إنك ليكي مستقبل كبير في الأدب. أوعي تنقطعي عن المحاولة.
متشكر قوي على الدعاء. أنا محتاج له فعلاً.
:)
شكرا خالص خالص خالص يا زهرة

عمرو يقول...

إينجيل
آمييييين
يا رب كل اللي نفسه في حاجة ربنا يرضيه
أنا من النوع اللي بيلجأ كتير للحم عشان يحقق فيه اللي نفسه يحققه في الواقع على سبيل التجربة لا على سبيل العجز
:)
ربنا يحقق لك كل اللي يرضيكي ويهنيكي يا إينجيل
:)

عمرو يقول...

أهلا أهلا أهلا
صباااااااااح النووووور
لا والله.. الحلم ما كملش النهاردة برضه. بس يمكن ده فال خير
أنا مش كاتب كويس ولا حاجة أنا ممكن أكون مترجم كويس. باترجم مشاعري فقط.
نوم العافية يا إيزولد
يسعد صباحك ويومك يا رب
:)

غير معرف يقول...

خير اللهم إجعله خير ؛
أنا الأخري حلمت حلما جميلا بالأمس إنتظرته طويلا؛ حلمت بأبي ونحن نضحك ومن فرط السعادة كدت أموت فرحا والله ؛ حتي أنني إتنطرت من علي السرير ؛ ولما عاودت النوم كي أكمل الحلم لم يكتمل....ولكني سعيدة أنني رأيته ومن دون ترتيب وبعد شهور من الإنتظار...
وكل واحد وإللي نفسه فيه بأه يا فيلسوف عصرك وأوانك !!!
ربنا يبعتلك نصيبك إللي يستهلك وتستهله وقريب بإذن الله ؛ إدعي بقلب ؛ ده إحنا في أيام مفترجة.
ماما صايمة النهاردة هخليها تدعيلك معايا.
ديدي

عمرو يقول...

ديدي
أنا متشكر قوي قوي قوي
أوعي تخليها تدعيلي ربنا إنه يحقق لي اللي أنا عايزه
أنا عايزها تدعيلي إن ربنا يقدملي ما فيه الخير من اللي أنا عايزه. خلاص يا ديدي ما بقاش في العمر ما يمكن تضييعه يا بنتي
ياللا حسن الختام
باباكي ده لازم كان راجل عظيم والله. أصل أنا عارف إن مش كل البهبهات بتتحب كده
ربنا يجمعك بيه في جنة الخلد بعد عمر طويل مديد سعييييد
:)

غير معرف يقول...

ربنا يقدملك ما فيه الخير يا إبني ياعمرو؛ كده الدعوة تمام!!!
يسمع من بقك يا رب ؛ بس والنبي بلاش عمر مديد؛ سعيد وبس !! أصل أنا مستعجلة لللقاء أويييييييييييي. إتفقنا؛
ديدي

عمرو يقول...

ديدي
مش تقولي كده لو سمحتي
زي ما انتي بتحبي بابا, فيه ناس كتير بيحبوكي وعايزينك تفضلي معاهم.
ربنا يكرمك
:)

جمال عمارة يقول...

طب أنا عايز أسأل سؤال..

هي المدونة دي مفيش فيها حد بيحب حد ويتعب ويشقى علشان يتجوزه وبعدين يعيشوا في تبات ونبات ويخلفوا صبيان وبنات؟؟

يعني حتى لو قصة واحدة متفائلة على سبيل التغيير...

يعني الراجل أصلاً نايم في الحقيقة، وعايش بالكامل في الأحلام.. ده يرضي ربنا..

بس فعلاً تصوير رائع لهذه النوعية من الأشخاص.. الذي يتنازل عن الواقع بأكمله.. ويعيش في أحلامه بكل كيانه..

وكما يقول الحكيم.. في أحلامنا نفعل ما نريد..

طبعاً إنت عارف مين الحكيم ده :)

عمرو يقول...

طبعا يا فندم
ده حكيم قوي جدا خالص يعني سيادتك
ربما لو وجد الحبيب حبيبته لانطفأ الشوق وانتهت القصص وتوقف الحكي يا أستاذي
أشكرك على متابعتك وتشجيعك المستمرين, وعلى ملاحظاتك النيرة
:)

غير معرف يقول...

اخى العزيز عمرو عندك حق كان ابو ديدى مهندس عظيم كل من حوله كانو يحبوة جدا ربنا يعطيك ما تتمنا من خير ليك اولاوممتك برضو اولا ويكتر من احلمك الجميلة وابقى حط على الارض مخدة علشان تكمل باقى الحلم

قطتى

عمرو يقول...

أهلا با قطتك
أنا فرحان قوي إنك هنا.. يا مسهل كده باقي كام فرد عندكم في العيلة مش بيقرا مدونتي؟
:)
ربنا يرحم والدك ويجعل حبكم ليه حسنات في ميزانه
شكراً قوي خالص يعني على الزيارة

أسما يقول...

عشان ما اصابش بحالة اكتئاب مزمن، انا قلت اقرا حاجة لايت... :)
هاروح اقرا واحدة كمان، تفتكر اقرا ايييييه؟ ها؟ ماشي... يبقي خطة جديدة و بعدين القمر اللي لايق عليه الغرام( ايوة القمر، في اعتراض؟) و بعدين بحيرة بجع و هاحلّي بهدية عشان خاطر عيون حبيبتي:)

احلي حاجة ف مدونتك ان فيها الاتنين... و انا انهاردة هاقرا الفرايحي و بسسسسسس

عمرو يقول...

أهلا إيزولد
صباح النور
البيت بيتك, اقري كما تحبين
:)
ربنا يطمن قلبك يا إيزو يا رب

أسما يقول...

هو مفيش حدوتة يا عمرو؟ انا انهاردة مخنوق خالص و نفسي انام و مش عارف... تعرف انا قبل ما آجي امريكا كان نفسي احضر الهالوين هنا، انا اصلا بحب فكرته و اكتشفت بعد العمر ده كله ان كل معلوماتي عن الاحتفال بالهالوين، عير تاريخه طبعا، هو ما يخص الاطفااااااي، لكن اللي شفته انهارده... الحمد لله اننا مسلمين، بس و الله بطني وجعتني و انا من امبارح مش مبسوط و كمان نفسي مصطفي محمود...بجد نفسي في حدوتة عشان انام...

عمرو يقول...

أهلا إيزولد
ليه مش مبسوطة؟ الاختلاف الثقافي هو أساس اللي بيحصل حواليكي دلوقتي, وأنا واثق إنك تقدري تستوعبيها مهما كانت.. انتي أقوى من كده يا إيزو, أنا واثق من ده.

تحبي أحكيلك حدوتة التلت معزيات؟
(;