سبتمبر 28، 2009

على ما تفرج

المدونة -للأسف- مغلقة لغاية ما يفرجها ربنا وتحن عليا الشركة وتنزلي الباقة على أول الشهر. حسبي الله ونعم الوكيل.. اتصالات.. انزلق.

هناك 19 تعليقًا:

أحمد الشمسي يقول...

للي ما عرفوش يوصولوا لكلام سمير الفيل عن قصة "وجبة تؤكل باردة" لصديقي العزيز، وبالذات لبونبونة اللي حاولت توصل وما وصلتش... إليكم نص كلام الرجل (وبالمناسبة حاولوا البحث عنقصص هذا الرجل لأنه قاص بارع وأستاذفي السرد الممتع):

"الأستاذ عمرو محمود السيد ..



هناك مساحة للسرد متعوب عليها. الراوي الذي يكشف الأحداث ثم فتاة الليل التي أرادت أن تخدعه بادعاء الحب ، وفشله معها في الفراش ثم هذه الفتاة الصغيرة التي لا يظهر لنا هل هي حقيقية أم بنت هواجس داخل صدر الراوي.

امتاز الحكي بتماسكه ولغته المتقنة مع عدم الاعتماد على السرد الخطي فهناك مناطق صعود وهبوط .

من الواضح أن هناك أزمة سيكولوجية يمر بها الراوي، تجعله يفكك الوقائع ويخلط ما بين الحقيقة والأوهام .

فتحة المجاري تمثل المنطقة التي نرمي بها نفاياتنا .وقد كانت منطقة لاختبار اعترافاته برمي البنت الصغيرة .

الحوار بين المتهم والضابط كشف عن كثير من أسرار الشاب فهو عنيد ، وهو مشروع قاتل كما انه متردد.

كأننا إزاء حالة من حالات الخسران وفقدان العقل واللاجدوى .

نص ممتع وراءه خبرة حقيقية لكاتب واع بأدواته.."

أحمد الشمسي يقول...

الجميل في نقد الفيل للقصة أنه لم يستسلم للسهولة التي يجري بها السرد في القصة وحاول البحث عن ما وراء النص الذي يبدو بسيطا. وكذلك محاولة وصوله إلى الخطوط العامة لشخصيات القصة من خلال الحوار سواء مع الذات أو مع الآخر.

أسما يقول...

امممممممممم... اولا، تقريبا كدة انا بقيت كويس و الدوا قرب يخلص هو و قرفه و هافضالك يا حلو... ثانيا، انت يعني عايز تقول انك هتغيب لاول الشهر، طب ما اول الشهر ده بعد يومين، يعني مش السنة الجاية ولا حاجة، و بعدين انا واثقة انك برده مش هتعرف تقعد ساكت ف اليومين دول، و بعدين ما انت كنت بتتصرف قبل موضوع الباقة ده، صدقني يا ولدي مالكش حجة، و بطل دلع،ها.

ثالثا، خمسة جد، الف مبروك علي موضوع الماجستير ده و جووود لاك يا مااان هههههه... و بعدين البوست بتاع القوقزة العلمية ده استفزني جدا و هاروح اتخانق معاك هناك، لما نشوف اخرتها ايه ف الحكاية دي

اما عن كلام الاستاذ سمير الفيل، ف هو اكيد بيفهم احسن مني و ما دام احمد باشا الشمسي صدق علي كلامه، يبقي انت اكيد عبقري، و بالتالي لازمن تسيب مصر هع هع هع... بس بعيد عن كل ده، سيادتك عارف ان انا قارئ جيد و انا دايما بارجع اقرا قصصك حتي لو ما علقتش، باقلب ف اللي كتبته قبل كدة و اقعد اقرا، من قبل ما اقرا كلام سمير الفيل، يللا هيص يا سيدي، شوف كام واحد بيمدح فيك، بس اوعي تتنفخ علينا و النبي ماشي؟

مش عارفة دي رقم كام، بس ايا كانت فهي ما فيهاش نقاش... انا عايزة اول نسخة تطلع للمجموعة بتاعتك من المطبعة،ايون عايزة اول حتة قماش ، و تكون سينييه كالعادة( يعني عليها توقيع الكاتب)، ارجع الاقيها مستنياني، ماشي الكلام؟

و يا احمد بيه، انا عندي اهداء عمرو عالمجموعة بتاعتكوا، و انا لما ارجع اكيد هاطب عليك فجأة من حيث لا تدري و اقوللك و قع هنا لو سمحت، و مستنيين مجموعتك الجاية يا طبيب :)

Heba Gamal Emara يقول...

لا حول ولا قوة الا بالله
معاك ربنا يا مستر عمرو

وضحكتنى اوى التريقه بتاعه اتصالات
:):)

طيب ليه مش تجرب موضوع اليو اس بى مودم بتاع موبينيل
على فكرة حلو جدا وسريع جدا وجميل جدا جدا وبيسف برضه جدا جدا _لما بتحمل فيديو بس_
:)

عطش الصبار يقول...

استاذ عمرو
فى الانتظار وفى انتظار زياره مدزنتى
الواجب بقى كتيير هههههههههههههههههههه

غير معرف يقول...

يا ريس ياريس احنا فى انتظارك تعود بسلامة ان شاء الله

قطتى

ponpona يقول...

مانا كنت قاعده ف حالي وبعدين ايييه؟ إذ فجأة : اتصالات.. انزلق !!

دخلت ف نوبه ضحك وماما قالت عليه العوض ... الربع اللي كان فاضلها راح

:)

أول الشهر أول الشهر مش بعيده ... أنا مستني أهو

إلا قولي يا عموور .. هو أنا ممكن ألاقي فين قصص للأستاذ عمرو محمود السيد ده ، أسمع انه كويس !!

أحمد الشمسي يقول...

بعد اذنك يا عمووور لازم أرد على الناس يعني... هنعمل ايه بس؟ واهو ادينا بنحييلك المكان لحد ما ترجع:)

ايزولد:
يا ستي دي غلطة عمرو... كان المفروض الكتاب يعدي علي عشان احط امضتي وهو عارف انا قد ايه بحب احط امضتي، بس ملحوقة، لما ترجعي بالسلامة ان شاء الله و"تطبي" علي فجأةابقى احط امضتي انا كمان.

بونبونة:
حصل سوء تفاهم فزييييع... أنا قصدي تدوري على قصص سمير الفيل مش قصص استاذ عمرو محمود السيد! طيب ما هي قصص عمرو متلقحة في المدونة وفي كل حتة، هقولك دوري عليها ليه بس؟

Unknown يقول...

سلااااااااااااام عليكوا

ازيك يا عمور ازيك يا شمسى ازيك يا ايزو ازيك يا بونبونة ازيكوا كلكوا يعنى وعاملين ايه كدة واحشنى يا ولاد..

اتصالات انزلق..حلوة لا ملعوبة ملعوبة يعنى..تعرف يا عمرو هو دة السبب الوحيد اللى مش مخلينى اجيب لاب توب لحد دلوقتى..نيااااااااهاهاهاااااااااا

عموما ربنا يفرجها عليك يا ابنى وفقك الله..على فكرة اول الشهر دة زى ما قالت ايزو خلاص بعد بكرة..تعالى بقى على طول احسن نروحوا كلنا نقفلوا شركة اتصالات دى ونضيعوا مستقبلها خالص...

منور يا شمسى ايوة كدة اعمل حس للمدونة فى غياب اخونا عمرو..وللا اقولك روح ذاكر احسن يا شمسى يا ابنى المدونة مش هتنفعك بحاجة..هع هع هع انا شورييييييييييييرة

يللا يا ولاد فوتكوا بعافية

جارة القمر يقول...

ان شاء الله ترجع على خير

الصراحة انا ماكنتش قرأت قصة وجبة تأكل باردة ... روحت قرأتها و جيت انا طبعا ماليش اوى فى الادب وانى انقد النص بس عجبتنى اوى يعنى اول ما بدأتها كنت عايزة اعرف النهاية

سقراط يقول...

هاتوحشنا

علياء يقول...

ضاقت فلما استحكمت حلقاتها فرجت :)

هتفرج قريباً إن شاء الله :):)

noon kiko يقول...

لسه بردوا مفرجتش؟

عمرو يقول...

هع هع هع
أخييييييييييييييييييييييييراً
أناهنا ي جماعة
هيه
فرجت
:)

جارة القمر يقول...

عمرووووووووووو

حمد لله على السلامة و الحمد لله انها فرجت

يلا بقى ورينا الهمة عايزين تعويض عن الفترة اللى فاتت

أسما يقول...

هممممممممم، يعني فرجت اهي و ما شوفناش جاجة... يا ابنب حرام عليك انا صحتي ما عادتش تستحمل المناهدة دي، هاقعد اعلم فيك لحد امتي بقي، المفروض انك كبرت و تعرف تعتمد علي نفسك و تكتب بوستاتك من غير ما حد يقوللك... اكتب يا ابني ربنا يهديك، انا مش هاعيشلك العمر كله... هيييييه، يللا حسن الختام

ماما
:)

Unknown يقول...

ايون يعنى ولما هى فرجت فييييييييييييييييييييييينك بقى؟؟؟؟

اما عجايب

ponpona يقول...

عموور ... هما الناس الوحشين خطفوك ولا ايه؟
أنا مش قلتلك أكتر من مره ماتسمعش كلام حد ف الشارع !!!


أعمل ايه أنا بقي دلوقتي
أجيب منين حد يحطلي بوستات حلوه .. هه؟

عمرو يقول...

ده بدل ما تسألوا عليا؟
ده أنا كنت عيان إمبارح وحسيت إني عندي إنفلونزا خنازيري. لكن الحمد لله ربنا ستر وطلعت معيزي
ههههههههه
عموما أنا جيت.. كنت تعبان قوي إمبارح لكن النهادرة تمام
:)