سبتمبر 05، 2009

حادث سعيد مروع

Right_here_waiting____by_onutzaC أفقت بعد أن غمر عطرها المركز أنفي, فتحت عيني فرأيت وجهها الصبوح اليانع ينظر مبتسماً. أغمضت عيني مقنعاً نفسي بأنني أحلم, فنثرت علي من زجاجة عطرها مرة أخرى.. انتبهت فإذا رأسي على فخذها, وأناملها تطرق على خدي, أنا الذي كنت أحلم طول العمر أن تعبر الطريق من أمامي مصادفة, فأقول لها منتشياً "صباح الخير"..

حملت رأسي بكفيها ثم ساعدتني على النهوض, وذبت أنا في "ألف سلامتها" التي لم تكن كأي "ألف سلامة" سمعتها من قبل. وضعت يدي عند ذلك الموضع المؤلم من رأسي.. فزعت حين رأيت بقعة كبيرة من الدم على قميصي.

ضحكت في دلال ثم نصحتني أن أنظر في المرة القادمة إلى درجات السلم وأركز فيها جيداً. شعرت أنا بخجل مؤقت. لابد وأنها تعلم أنها أجمل من أن أمنع عيني عنها, وأنها متمكنة مني. ستبدأ الآن في معاملتي كما تعامل القطة الفأر وقت الشبع, فتلهو وتتدلل ثم تنصرف فجأة وبلا سبب.

تخدرت وتجمدت في مكاني حين رفعت يدها ووضعتها على رأسي المجروح, الذي تدفقت الدماء نحوه على الفور. فكرت أنه من الأفضل أن أنسحب قبل أن تفعلها هي, يكفيني ما حدث على أي حال, فقد انكشف السر ولن أعرف أن أرفع عيني في عينيها مرة أخرى.

نظرت إليها في خجل, وشكرتها على تضميدها للجرح, ثم خطوت منصرفاً. لكنني ما أن استأنفت صعود السلم حتى وجدتني أتحول ناحيتها وأخبرها بأنني سأقع هنا غداً في نفس الموعد وأن رأسي سترتطم على نفس الدرج.

هناك 55 تعليقًا:

Isolde يقول...

:) :) :) :)

وذبت أنا في "ألف سلامتها"؟! انت بتجيب الكرم ده منيييييييين،ها؟ و بعدين ايه الحكاية... رومانسية رومانسية رومانسية... الموضوع يا اخوانا فيه ان و اخواتها و ولاد خالتها كمان... دي بقت حاجة ما يتسكتش عليها... اممممممم... بس تصدق عجبني لما قال انه هيقع تاني يوم ف نفش المكان و هايتخبط ف نفس السلّمة ;)
استمر يا ولدي استمر... فيك امل ان شاء الله :)

جارة القمر يقول...

جامدة جدا ... قمة الفرح ان يكون بين يديك ما حلمت به دائما و مؤلم انك فى داخلك تكون على علم انه لمجرد لحظات و يختفى ... عجبتنى نهاية الحكاية بجد حلوة اوى

انا معاكى يا ايزولد الموضوع فى ان و اخواتها و الجيران كمان
اعترف يا عمرو يا بنى اعترف احسنلك

عمرو يقول...

أهلا إيزولد
تصدقي لو قلت لك إني مش فرحان بالقصة دي خالص, وعلى الأغلب هاشيلها من تاريخي القصصي خالص.
المشكلة إن الرومانسية زادت وأنا باكتب حاجات قصيرة خالص عشان أرجع أكمل شغل. نفسي أكتب حاجة مختلفة تماماً عن اللي كتبته قبل كده وعن اللي كتبه أي حد.
لكن الموضوع ما فيهوش لا إن ولا أخواتها ولا خالتها خالص. ما أنا لو ما عرفتش أعيش حالة وأكتبها من غير ما أعايشها يبقى المفروض أبطل كتابة خالص
:)

عمرو يقول...

أهلا جارة القمر
طيب يعني أعترف بحاجة مش موجودة.. فكرتيني بعادل إمام لما قال ما عبد الحليم قعد يقول قولولو قولولو وما حدش قاله ليه بتقول كده الله
:)

محمد بحر يقول...

ماذا اقول بعد كل ماقيل

احنا بقينا نتلكك على الحب ونسرق المشاعر فى زمن تاهت فيه المعانى والاحاسيس


وذبت أنا في "ألف سلامتها" التي لم تكن كأي "ألف سلامة" سمعتها من قبل.
عجبتنى قوى الجمله دى

ياعمرو انت رومانتيكى ياولدى وده مش كويس علشانك الحق نفسك لحسن لما اجى القاك فى النفسيه اللى فى شارع الحميات

طلع الطاقات المكبوته دى فى حد - غيرنا طبعا - خلينى افرح بيك قبلى على الاقل

روح ياولدى الهى يارب كده ان شاء الله يعنى ...!!!!

عمرو يقول...

أهلا بحر
والله أنا يا أخي مش فرحان بالقصة دي.. بس طالما عجبتك يبقى لازم أعيد نظر فيها
:)

جارة القمر يقول...

هههههههههههه .... خلاص براءة
ميرسى على فكرة على رأيك اللى قلته ليا

Isolde يقول...

عارف اما واحد قفاه يحمر من الكبسة... بقي انا طول الوقت مش بارضي امدح ف قصصك لحسن تتنفخ علينا و ما نعرفش نكلمك، و يوم ما اقوللك عجبتني تقول انها مش عاجباك؟! ده انا حاسة كدة اني مش بافهم خالص، خصوصا بعد ما طلع مفيش ان... طيب يا عمرو، بس اشوفك (وش مدخن و بيقول اوفففففففففففف)

Isolde يقول...

و بعدين الكومنت موديريشن ده مش خلاني اعرف اني اول واحد يعلق... اعمل فيك ايه انا دلوقتي، ها؟ غليب معاك و الله... اوفففففففففففففففففف كمان مرة

عمرو يقول...

إيزولد
أنا آسف والله مش قصدت خالص
تعرفي؟ لو دي أول مرة أكتب قصة بهذا الشكل ما كنتش زعلت, لك بعد ما كتبت القصة دي لقيت إن خط السرد فيها متشابه مع قصص كتير قبل كده.. اعذريني
:)

عمرو يقول...

يا فندم لو غايظك الكومنت موديريشان قولي وإحنا نشيله, ولو حضرتك عايزة ممكن نشيل المدونة وصاحب المدونة كمان.. إحنا عندنا كام إيزولد يعني؟
;)

Isolde يقول...

خط سرد ايه و خط سكة حديد ايه بس اللي بتحكي فيه، ده بلوج و احنا مش من اللجنة اللي بتقيم الاعمال الادبية، احنا بنحب اللي بتكتبه و ده كفاية، بلاش طمع، غيرك مش لاقي... حاجة غريبة و الله، قال خط السرد قال... اوففففففففففف

Isolde يقول...

يعني لو مش هيضايق سعادتك، يعني لو ... طلباتي اصلها كتير و انا داخلة علي طمع ... يعني بص... شيلو يا عموور و انا اجيبلك حاجة حلوة معايا و انا جاي، ماشي... شالله يخليك يا رب، انا برده قلت انك ذوووووق و هتشيله D:

عمرو يقول...

إيزولد تاني
لو شفتيني دلوقتي هاتلاقي ابتسامة كبيييرة قوي على وشي
يعني ما أتفشش مع زواري يعني يا إيزولد؟ ما قولش اللي في نفسي؟
يوووووووه
:):):):):):):):):):):):):):):):):):)

عمرو يقول...

:)

Isolde يقول...

:)

عمرو يقول...

تم يا فندم
أحلام سيادتك أوامر
:)

Isolde يقول...

الو الو الو... احم احم احم... تس تس تس ... لا ابدا، انا بس كنت باجرب التعليق من عير موديريشان... هع هع هع :)

واحده من الناس*n* يقول...

القصه لااختلاف على جمالها،لها رونقها الخاص واسلوبها الرومانسى
لكن اتدرى ماهو الشىء الذى تشعر انها تتشابه فيه مع بعض قصصك الآخرى؟

ان كثيرا من قصصك قمت بنسج قصتها فى خيال البطل فقط
ففى بحيرة البجع قامت القصه فى خيال البطل دون اقتسامها مع البطله او مشاركة البطله للقصه بطريقه اكثر تفاعلا،وفى سماء واحده ايضا كانت القصه على لسان البطل والذى يسردها من خلال خيلاته التى لم تتجاوز حاجز الخيال
اظن ان ماينقصك فى قصصك هو بعض التفاعل
او ان تنتج حوارا مسموعا بين شخصيات القصه ولا اقصد بالحوار هنا الحديث وانما اقصد تفاعلا ملموسا وليس بعض تخيلات

هذا ما اظنه

والاختلاف فى الرأى لايفسد للود قضيه

عمرو يقول...

إيزولد
زي ما انتي شايفة
البلوج يعمل بكفاءة (من غير موديريشان)
:)

عمرو يقول...

كلامك صحيح يا واجدة
فعلا حكاية الخيالات دي كفاية منها ولابد من وجود تفاعل.. أنا برضه كنت باقول كده.. لكن انتي فينك من زمان؟
مش تبقي تيجي
:)

واحده من الناس*n* يقول...

انا تعبانه جداااااااااا
وكل يوم حقنه
واللى اكتشفته انا والدكتورانى عندى فوبيا من الحقن ودى لوحدها مشكله
خلاص ياأستاذى انا شكلى بسلم نمر
:(
طبعا ده ميمنعش انى اجى واقرا واعلق
بس والله مش بقدر اليومين دول ادخل ع النت وقت طويل
ده غير الشغل وقرفه
معلش يااديبنا
هحاول ما اقصرش ف التعليق تانى

بس سؤال
هو يعنى حضرتك متجيش مدونتى غير لما انا اغيب ؟
مينفعش تفاجأنى كده بالتعليق لله؟

عموما انا هستنى التجديد فى القصه الجايه وان شاء الله اكون اول تعليق
معلش رغيت
:)

محمد بحر يقول...

يعنى يا عمرو انت عامل زى خالف تعرف

طب ما دام ماهى مش عجباك كتبتها ليه وخدت مننا حبر فى كتابة التعليق

اقولك انت كده زعلت ناس وتأفف منك اخرين

ولا انت كنت مغصوب على كتابتها وتقول قال مفيش -انه-
انا بقى هفضل وراك لحد ما أعرف الانه واخصص ليها جزء كبير فى مدونتى الغاليه
اللى اتكتب فيها بوست جديد انهارده
وطبعا انا مش بقول كده علشان تجيلى ولا حاجه او تعلق على بداية السلسله الواقعيه يلا بيس ابون يو

آية مش هنا يقول...

عمرو مش ممكن كده

انا غايبة بقالي مدة ... كنت متابعة أول بأول مش بيفوتني و لا بوست ، اتشغلت حبتين ، رجعت لاقيت فايتني ااااااااااااد كده ، فقلت مش هقرا الجديد الا لما اقرا اللي فاتني

و من ساعتها مش بقرا حاجة خالص هنا رغم اني بدخل كل يوم :( :(

ملحوظة:
آخر بوست قريته كان مراخير طويلة :((

شوف حل بقى حضرتك

عمرو يقول...

بحر بيه
لا دي محاولة مكشوفة.. بس أنا مش هاقرا عندا فيك
:)

عمرو يقول...

آية مش هنا
تعرفي كنت هاغير اسمك في قائمة حبايبي وأخليكي "آية مش بتيجي هنا" ههههههههه
شوفي يا ستي في طريقتين نحل بيهم المشكلة دي
الأولانية إنك تقري الجديد وتطنشي القديم
التانية إنك تكتبي عنوان البيت وإحنا نلفهم ونوصل معاهم بلوج ريدر محترم يقراهملك
تؤمري يا فندم
مرارة روح
توصيل المقالات للمنازل
:)

عمرو يقول...

أهلا واحدة (مرة كمان)
ألف سلامة عليكي.. المفروض بقى يا جماعة نلم من بعض ونشتري إتنين كيلو فلفل واتنين كيلو بتنجان ونروح لواحدة نزورها
ههههه
ألف سلامة بجد والله.. بالنسبة للتعليق فأنا فعلا مش باقرا مدونات خالص, إنتي عارفة إني باكتب كل يوم تدوينة وأرد على التعليقات اللي عندي وأترجم وده بياكل اليوم. لكن أنا عملت حاجة لطيفة جدا بقى. عملت فيدز لكل المدونات وكده أي حاجة هاتنزليها جديدة هاعرف بيها انتظري مني أول تعليق المرة اللي جاية إن شاء الله
:)

ponpona يقول...

كوصف حاله أو موقف ...
أنا حاسيتها كده ، عجبتني بس ماحستش انها
قصه لأن الوصف فيها أكثر من الأحداث

وأيضا النهايه
هي بيرفيكت ، ولكن كما يليق بموقف وليس بقصه

(وذبت أنا في "ألف سلامتها" التي لم تكن
كأي "ألف سلامة" سمعتها من قبل.)
عجبتني أوي الجمله دي

وبعدين هي مش عاجباك ؟ طب وفيها ايه يعني

هي لاتعجبك وتقرر أن تحذفها من تاريخك القصصي !!
عمرو .. هي لا تعجبك لكن هذا لا ينفي فعلا أهميتها
كل سطر تكتبه هو خطوه صغيره نحو ذاك البعيد الرائع
فأهلا بها اذن في تاريخك القصصي

وبعدين ياجماعه انتو حيرتو الراجل معاكو الصراحه
يعني يكتب كلام بيوجع شويه تقولوا عليه مكتئب ومتقوقز
يكتب قصه حلوه تقولو رومانسيه رومانسيه
والموضوع فيه ان
يعمل ايه هو يعني ؟ :)

ايه رأيك بقي ياعم عمرو أهو ؟أنا بدافع عنك أهوه
عشان بس ماتقعدش تقول اه ياني يا عمرو يا مظلوم ياني

شويه بقي كده ياعمرو ، ماتسمعش الكلمتين دول
اه ... كلمتين سر ، ماينفعشي يعني !!
معلش ياجماعه جيت عليكو شويه بس هنعمل ايه
احسن الراجل يسبنا ويطفش ولا حاجه
هنعمل احنا ايه بقي ساعتهااا ؟

خلاص ياعمرو بقي تعالي ممكن تسمع
أنا سمعت انك شيلت الموديريشان .. بجد والله
ولا بتهزر ولا ايه
طب أنا هادوس نشر دلوقتي واشوف كده
عارف لو طلعت بتضحك عليا ....

عمرو يقول...

بنبونة
ربنا يخليكي وتدافعي عن الغلابة.. إنتي إيه رأيك في حكاية الموديريشان دي
:)

ponpona يقول...

ياهوووووووو

عمرو شال الموديريشان يا جدعان
عمرو شال الموديريشان يا جدعان

ياهووووووووو كمان مره

ماتطلعتش بتضحك عليا ولا حاجه ... شطور ياعمرو

طب والله فرحت
أيوه كده يا أخي ، ابسطي بقي يا واحده
أهو عمرو شالك الموديريشان أهو ولاتزعلي خالص
هو انتي تعبانه بجد .... سلامتك ألف سلامه
اعملي بقي حسابنا بكره ع الفطار كلنا هنيجي
وعشان احنا كريمين كريمين يعني هانجبلك فعلا
اتنين كيلو فلفل واتنين كيلو بتنجان
ونزود عليهم كمان كيلو ونص فاصوليا خضرا

ايزولد
والله انتي عسل يابنتي ، كنتي فين من زمان
بقالنا احنا كام مره كده ندخل نخبط ف بعضينا
ومش عارفين مين الأول ومين جه ومين لسه
بسبب البتاع ده اللي اسمه موديريشان
قال موديريشان قال
المهم انتي عامله ايه ؟ مستريحه ف شغلك؟
طب والجو هناك عامل ايه ؟
يارب تكوني كويسه وخدي بالك من صحتك
:)

ponpona يقول...

ماشي يا عمرو
خليك بقي فاكر ان انت مدين ليا بمليون جنيه
أومال ايه
أي خدمه

:)
:)
:)

عمرو يقول...

بنبونة
هههه
:):):):):)

Heba Gamal Emara يقول...

حقيقى انا مش عارفه اقول ايه ؟؟؟؟؟
قصه جميله والله

عجبتنى اوى شقاوة البطل وهو بيقول لها انه هييجى تانى وهيقع على نفس السلمه
ههه:):):):):):):)

Heba Gamal Emara يقول...

انا مصدقتش بونبونة لما قالت ان الموديريشان اتشال
لولولولولولولولولولولى
(دى زغرووووطة على فكرة)
مبروووووووووووووووووووووووووك
****بس يصراحة حكايه الموديريشان انا عملاها عندى لانها عاجبانى
لان كده كل واحد هيدخل وهيسيب تعليق من غير ما مالك المدونة يعرف
طبعا حضرتك حر
واختلاف الراى لا يخلف للود قضيه ولا هيخلف :):):):)!!!!!!!

enjy يقول...

ومفيش مودريشن

لولولوليييييييييييييييييييي

عمرو يقول...

هبة جمال عمارة
أكرمك الله يا هبة
أنامش عارف ليه حكاية الموديريشان دي مضايقاكوا
حاجة غريبة والله
:)

عمرو يقول...

للدرجة دي كان موضوع الموديريشان ده تاعبك يا إنجي
طيب يا ستي افرحي وادعي لإيزولد
فين بقى التعليق بتاعك؟ ولاتيجي تزغرتي وتمشي؟
وش عليه مية واحداشر
:)

Heba Gamal Emara يقول...

حضرتك بتجمع ليه !!!!!!!!!!!!!!
ده انا لسه بقوللك مبروك على الموديريشن وان اختلاف الراى لا يخلف للود قضيه :(

:):):):):):):):):):)::):):)

عمرو يقول...

هبة
:)

enjy يقول...

على فكرة واحدة ايون اللى هى زهرة هتزعل كدة لو مروحناش زفينالها الخبر السعيد المروع بتاع المودريشن دة

انا رايي نعمل رحلة لحد مدونة واحدة ونعمل لها فجأة ونقولها بقى..ايه رايك يا عمور؟؟؟

عموما عن القصة فانا عجبتنى شقاوة البطل اللذيذة اوى مع انه واقع على راى اللمبى...بس الفكرة حسيتها مكررة شوية كدة

بقولك ايه يا عمور اصل انا يخويا كئيبة وبحب التقوقز زى عنيا بلاش تاخد على كلامى خالص نوهائى..

يللا سلاموز باللبن

عمرو يقول...

إنجي
أعتقد إنها عرفت بالفعل
:)

غير معرف يقول...

و لاول مره ادخل على المدونة من كمبيوترنا العزيز اللى حاطه فيه فودافون يو اس بى انترنت بتاع اخويا بس للاسف مش موجود علطول
حاسه انى فرحاااااااااااااانه :))
بس حاجه غريبة جدا جدا انا مش عارفة اعلق خالص انا قريت البوست من امبارح ومش عرفت اعلق من الكمبيوتر الظاهر اتعودت على الموبايل
القصه جميله والله يا عمرو ورومانسيه
وفرحانه برضة انك شلت الموديريشان
كويس ان عرفت اكتب كلمتين :)
فاطمه

Isolde يقول...

فين بوست انهاردة بقي؟!!! اوففففففففف

واحده من الناس*n* يقول...

انا عرفت يا انجى ان المودريشن اتشال بس سبق واستاذ عمرو قال انها وجهة نظر
والامر ف الاخر حريه شخصيه يا جماعه مالناش اننا نتدخل
صح بوست النهارده فين فعلا؟

جارة القمر يقول...

هناااااااا القاهرة

تتتتت ..1234 ... الجماهير تناااادى

فييييييييييييين بوست انهارده ؟؟؟؟؟

enjy يقول...

بصوا بقى يا جماعة

ايون عايزين نعمل وقفة من بتاعة عوكل ونوزع مفروشات كدة..

تعالى يا عمرو اسحب كرسى واقعد والشيشة جاية كمان شوية..معلش اجواء وكالة عطية لسة مسيطرة على دماغى شوية..

البت واحدة اللى هى زهرة رقيقة ورهيفة ومتاثرة من موضوع المودريشن..بص هى اى نعم مدونتك وانت حر فيها بس من النهاردة مفيش حكومة..انا الحاكووومة هع هع هع

لا سورى معلش هيست..قصدى اقول احنا القراء ومن غير القراء يبقى مفيش اى فايدة للبتنجان..

زهرة لسة متاثرة من الموضوع..انا عارفة..وانا من هذا المزنق احب اقولها..بت يا زهرة..عمور دة زى اخوكى الكبير الصغير..يعنى يعمل مودريشن يعمل كورنيش سقف هو لازم نديله فرصته..

انتى مبقتيش بتيجى زى الاول ومبقيتش اشوف تعليقاتك ودى حاجة بتحبطنى وتزعلنى..ليه مبقتيش حاسة انه بيتك زى الاول؟؟؟

لو سمحتى عودى يا هاميييييييييس

بقولك ايه يا عمرو انا عارفة ان انت كمان متاثر بموقف زهرة وحاسس انها كبرت الموضوع..اعترف اعترف

وانا عشان كدة عايزاكوا تنسوا حكاية النيلة المودريشن دة وربنا يخليكى للشعب يا ايزولد يا اوختشى..

والنبى يا جدعان فكوها بقى فى ايه مالكوا هى ناقصة تقوقز الله يبارك لكوا يعنى..

طبعا يا عمرو وانت بتقرا تعليقى دى اقصى لحظات احتياجك لتقنية المودريشن

نياااااااااااهاهاهااااااااا

انا شورييييييييييييييييرة

واحده من الناس*n* يقول...

ههههههههههههه
والله يا انجى انتى عسل
بس بجد انتى اللى كبرتى الموضوع
انا فعلا تعبانه اليومين دول ومشغوله ع الآخر ومعنديش وقت
وتعالى بقا كده نتكلم بصراحه
احنا زودناهم بجد
احنا نسينا ان المدونه دى مش بيت اهلنا وان احنا علينا نعلق على المدونه وبس مش نعلق على بعض
واللى عايزه تعلق على رد واحده تانيه تبقا تاخد ايميلها وتكلمها وده اقتراح حد مننا وانا اقتنعت بيه
بالنسبه للمودريشن والله يا انجى انا لا بقيت بفكر فيه ولا ف غيره
عندى هم ما يتلم
ومشاغل تكفى البلد بحالها
بالنسبه لان المكان ده بيتى
مفيش مانع يفضل بيتى
بس انا فعلا اقتنعت ان حتى البيت اللى على المدونه له حرمته وماينفعش ننتهك حرمات البيوت وده اللى انا كنت بعمله من غير ما اقصد
بس انا طبعا مش بزعل من استاذ عمرو مش بس لانه زى اخويا الكبير، كمان لانى دايما شايفاه على حق
وكمان لانى بتعلم منه
ووالله انا كل اللى يهمنى انه كله يبقا مرتاح وانى مبقاش مرتاحه على حساب غيرى

معلش يا انجى
البيت بيتنا صحيح
بس لازم ناخد بالنا ان احنا اوقات بننسى التدوينه اصلا وبندخل نعلق على بعض
ودى حاجه تضايق
على الاقل لازم ندى كل بوست حقه عشان يبقالنا عين نقول ان البيت بيتنا

انا يمكن اكون لبخت بس انا سبق وحذرت ان لسانى متعملوش مودريشن
:)
ومحدش يزعل من الدبش اللى قلته
معلش

enjy يقول...

والله انتى عندك حق يا زهرة

سورى يا جماعة انى كبرت الموضوع كدة

سورى يا عمرو على القلق دة

سلام

واحده من الناس*n* يقول...

انا شكلى لبخت
ياجماعه انا والله تعبانه ودى تخاريف الحقن
اف
انا مش جايه تانى
محدش يزعل
مش قصدى

مصطفى السيد سمير يقول...

بص ياريس

ولع جديد بالموسيقى عنوانها رائع
وبس
مفهاش جديد

زفاف قلتلك رأيي فيها
بس ماقلتش إن عنوانها دة أحلى بكتير من الجديد
العنوان الجديد هو العنوان اللي حيحطه مدرس أول لغة عربية على القصة دي

فرحة قصة حقيقية جدا
أولا الطول ماعملش ترهل مع إني توقعت دة
ثانيا الفكرة قديمة واتقالت في أعمال كتير قبل كدة
بس التناول هنا اختلف
الطريقة اللي اتقابلتوا بيها والحكاية اللي حكيتهالها والنهاية الرائعة
وانا دايما أقول إن إعادة خلق الحواديت القديمة أصعب كتير من خلق حواديت جديدة
باختصار حلوة

وجبة تؤكل باردة قصة رعب
الفكرة مهمة وجديدة
بس الذهنية عالية قوي
يعني عكس قصة زفاف وسماء واحدة


بالمناسبة يازعيم
يعني إية موديريشن

عمرو يقول...

إيزولد وجارة القمر وواحدة وإنجي
آسف إني اتأخرت على البوست النهاردة.. بس كتبت لكم بوست يكفيكم أسبوع
:)

عمرو يقول...

واحدة وإنجي
أنا عملت ليه الموديريشان؟
مش عشان أنا متضايق.. لا والله بس عشان فيه قراء كتير بعتولي (اتنين على فكرة) وقالوا إنهم مش عارفين يعلقوا ومش عايزين لأن التعليقات تحولت إلى منتدى. أنا طبعا حابب إنكم تبقوا على راحتكم لكن مش عايز أخسر حد. يعني لا أزعلكم ولا أخسر زوار بس, فكان الموديريشان, ولما عملته لقيت ناس كتير زعلانة فشلته, وأنا عارف إنكم هاتتفهموا محاولاتي لإرضاء الجميع.
غير كده وكده أنا باحاول أعرف ناس كتير على الفيس بوك في المدونة, وأنا مش ضامن الزبون الجديد ممكن يدخل يشتم ولا حاجة فقلت أحرص ولا أخون
آخر سبب لموديريشان هو خوفي من تحول التعليقات ما بين الناس في يوم لشيء لا يمكن السيطرة عليه وأكون أنا طرف تالت فيه. يعني ممكن حد ولو من برة يدخل يغلس على واحدة هنا فألاقي واجبي بيحتم عليا إني أقف ضده, بس بعد إيه؟ ما كل حاجة هاتبقى اتنشرت واتقرت

أنا طبعا مش يخلصني تقعدوا متضايقين في المدونة وعشان كده رجعت عن فكرة الموديريشان
:)

عمرو يقول...

مصطفى باشا السيد سمير
الموديريشان ده بقى يا باشا مشروب من اللي قلبك يحبه.. ابقى فكرني أعزمك على كوباية لما تنزل تاني سوهاج.
ههههههه
:)
متشكر خالص يا مصطفى على كل الكلام اللي انت كتبته. أنا فعلا استفدت
دمت يا درش

غير معرف يقول...

معقول تعليقي انا الوحيد الي متردش عليه يا عمرو !
:‏(‏
فاطمه

عمرو يقول...

تعرفي يا فاطمة
والله العظيم كنت هاتصل النهاردة بعارف أسأل عليكي
كنت فاكرك مش بتيجي.. أتاريكي سايبة تعليق وأنا مش واخد بالي
ألف مبروك على اليو إس بي مودم بتاع أخوكي
شدي حيلك وهاتيلك واحد
الله يبارك فيكي.. تعرفي أنا الموديريشان ده كان مضايقني برضه
:)