سبتمبر 25، 2009

إن ما قدرتش تضحك

على الرغم من حبي المفرط للكلمات التي يغنيها وجيه عزيز إلا أنني لا أحب صوته مطلقاً.. ربما تتفقون معي أو تختلفون, لكنكم ستعجبون بالتأكيد بهذه الأغنية..

هناك 20 تعليقًا:

علياء موسى يقول...

جميلة قوي كلمات الأغنية.. عجبتني قوي جملة "إن ما قدرتش تضحك .. ما تدمعش ولا تبكيش".. و "مسير الضحك لوحده هيطلع" .. يا مسهل, ادينا مستنيين :)

بس على فكرة يا عمرو.. الصوت مش واضح, اضطريت أنزل الكلمات علشان أفهم الأخ ده بيقول إيه :)

بس طبعاً طبعاً اختيار جميل كالعادة لكل حاجة بتقدمها :)

تحياتي..

جارة القمر يقول...

عمرو السيد انت رائع كام انت و ادعو انت تظل هكذا دائما

بجد كلماتها خفيفة و لها معنى يمس القلب
واتفق معك انى لا احب صوت وجيه عزيز

عمرو يقول...

علياء موسى
أنا آسف على حكاية الصوت دي.. بس مش لقيت فيديو أوضح على النت. انتي عاملة إيه, قضيتي العيد فين؟ أصلك غبتي مؤكد كنتي مسافرة.. عموما حمد الله على السلامة
عود أحمد
:)

عمرو يقول...

جارة القمر
كلنا لا نحب صوت وجيه عزيز.. ههههههههه
بس والله هو راجل مجتهد جدا.. بس لو يبطل يغني
:)

عمرو يقول...

سبحان الله
الواحد ينزل بوست ما يلاقيش تعليقات.. بس يسافر ولا يتشغل شوية, كل الناس تسأل عليه
حاجة غريبة والله
:)

ponpona يقول...

عارف أنا بردو بحب كلمات أغاني وجيه عزيز
بس مابعرفش استمتع بيها لاني مابعرفش أسمعها
بحس ان صوته فيه حاجه غريبه مش قادره أتأقلم معاها

فالحل البسيط اني اغني أنا بنفسي لنفسي
آي نعم هي ليست حنجره فيروزيه بس أهو أنا بسليني

يعني أهو أنا بقي باغني لنفسي
اعملي فرح لو مبسوط ... واقف جنبي لو متضايق

"إن ما قدرتش تضحك .. ما تدمعش ولا
تبكيش" ....
مابعرفش علي فكره ....

عمرو يقول...

بنبونة
بصرة
أنا كمان باغني.. بس أنا صوتي فيروزي.. فيروزي قوي.. فيروزي جدا خالص
هههههه
:)

عطش الصبار يقول...

عمرو
واللهى انا قابله عزومتك على فنجان الشاى وسعيده جدا بالعزومه دى
لكن انا نفسى اشترى مجموعتك القصصيه لانها تستحق ادفع فيها اى مبلغ وده اقل تقدير لعبقريتك الادبيه ولما انزل القاهره هاادور عليها
دمت بكل خير

عمرو يقول...

عطش الصبار
طيب يا ستي
هاتي الفلوس وأنا أشتريهولك.. حتى يعني م تروحش فلوس لدور النشر والمكتبة اللي بتبيع
:)
لسة لما هانطبع طبعة تانية هابقى أقولك عشان مش هاتلاقي دلوقتي نسخ من الكتاب في الكتبات.. إحنا إن شاء الله هانطبع مع أكتب. بس ادعيلنا
:)

Heba Gamal Emara يقول...

يعنى طبعا للظروف الخاصة جدا بالنت
ولان اليو اس بى مودم اللى بدخل عليه بيسف كتيييييير لما بحمل فيديو
فقط احببت ان اترك بصمتى على البوست الجديد :)
انا بصراحة مسمعتش خالص صوت وجيه عزيز
تحياتى ومودتى ،،،،،

عمرو يقول...

هبة جمال عمارة
وأنا ما يخلصنيش إني أكلفك قوي كده.. لما يجي النت ابقي شوفيه.على فكرة أنا سألت مراكز النت امبارح وقالوا إن العطل لسة موجود
ربنا يرجعلنا النت علىخير بقى
:)

عمرو يقول...

من الواضح من غزارة التعليقات إن وجيه عزيز لا يتمتع بشعبية كبيرة
هههههههه
:)

علياء موسى يقول...

ههههههههه

مع أن الكلمات حلوة قوي..
بس الواضح ان زوار مدونتك في انتظار كلمات يعزفها عمرو السيد.. وليس جميل عزيز ( يالا كلمتين حلوين :)..
دي أيام عيد :)) )..

أحمد الشمسي يقول...

والله يا عمرو شعبيته برضه مش قليلة مقارنة بشعبية تيلور سويفت.
ههههههههههههه
ههههههههه
هههه
هه

ponpona يقول...

اقولك علي حاجه ياعمرو
كل كتاب تقراه ويعجبك ابقي تعالي اكتب عنه
لأنه حاجه من اتنين:
ياإما ببقي قرأته وساعتها أحب أعرف رأيك
ياإما ببقي لسه ماقرأتوش وساعتها اعرف انه أكيد هيعجبني

أنا باخد لفه ف المدونه
فرحت أوي بالمقال بتاع واحة الغروب والمقال بتاع غرناطه

أنا حاليا باقرأ غرناطه ومش قادره أقولك مندهشه قد ايه

إلا قولي ياعمرو .. انت قرأت قبل كده لأبراهيم عبد المجيد؟
لو ماقرأتلوش ابقي اقرأله بالذات " لا أحد ينام ف الأسكندريه " و " طيور العنبر"
:)

عمرو يقول...

أهلا علياء
حلوين الكلمتين ربنا يكرمك ويجعد لك في صحتك وعافيتك قادر يا كريم.
:)
أنا مش قادر أكتب اليومين دول يا علياء.. دماغي مشغولة بأفكار كتير خارج الكتابة. بس ممكن أكتب عن الحاجات اللي شغلاني. أصل الراس دي بتنضح عل طول باللي بتفكر فيه..

عمرو يقول...

شمسي
فطستني من الضحك
D:

عمرو يقول...

أهلا بنبونة
أنا قريت لابراهيم عبد المجيد ليلة إنجيلا والعصافير, لكن ما قريتش الباقي
تقدري تقولي إن اسم كتابه لا أحد ينام في الاسكندرية مسيطر عليا طول الوقت. بأوقم من النوم أقوله, باهذي بيه على طول.. مؤكد هاقراه قريب.
المشكلة إني توقفت عن القراية من عشر أيام. ليه مش عارف. بس أنا فاهم إني داخل على حالةعدم استقرار فكري. الفهامة طول اليوم شغالة ودي علامة على إن اليومين الجايين الواحد ممكن يكتب مقالات مش قصص
شرفتيني يا بنبونة
وابقي سلفيني الكتب دي
:)

غير معرف يقول...

فعلا يا عمرو كليمات الغنية جميل جدا حسة انى سمعتها قبل كده افتكرت سمعتها من احمد زكى فى احد الافلام كل سنة وانت بصحة وعافية وسلام والاسرة كمان

قطتى

غير معرف يقول...

يا جماعة هو مين قال ان وجيه عزيز مطرب ..لابد ان يطرب الحى ..
هو الراجل مؤدى يعنى بيعمل حاجة بلغة الفن اسمها رستاتيف بمعنى انه بيقول كلام على ايقاع موسيقى فقط لا غير ..
المهم بيقول ايه؟؟؟؟؟؟؟؟؟؟؟؟؟؟؟؟؟؟
يعنى اقصد بلاش نبص لنص الكباية الفاضى نبص للنص المليان والمليان اوى كمان.
يعنى كل اللى بيطولوا علينا فى الفضائيات اصواتهم ما شاء الله ترجف الفؤاد من روعتها؟؟؟؟؟؟؟؟؟؟؟
على الاقل دول بقه لا صوت ولا شكل ولا مضمون ؟؟؟؟
اسمعوا منه زعلان شوية وقلت ابص فى المرايا هتلاقوا بلبل مغرد فى ودانك بعد ما تحكموا احساسكم.