مرارة روح: أشرف توفيق

سبتمبر 12، 2009

أشرف توفيق

اكتشفت اليوم شاعراً مجيداً وقصيدة مبهرة. لن أكثر من الكلام عنه, فأنا لا أعرفه, لكن يكفي أن أستمع له فأعرف على الفور أنه موهوب..يمكنكم قراءة الكلمات هنا.

هناك 26 تعليقًا:

غير معرف يقول...: هيييييه :)
أنا أول واحدة.. هقرا وأبقى أعلق بقى

عليــــاء :) :) :); 12 سبتمبر 2009 في 2:41 ص
عمرو يقول...: منتظر التعليق
:); 12 سبتمبر 2009 في 2:58 ص
غير معرف يقول...: لا لا لا .. أين الترحيب المعهود بالزوار الجدد؟؟!! :(

على فكرة: الكوتاشن حلو جداً..فعلاً ضحكت قووووووي لما قريته..; 12 سبتمبر 2009 في 3:02 ص
أسما يقول...: انا سمعت حتة نونو بس، لاني من الصبح مع ماما و بابا علي skype ف مش عارفة و لا اسمع و لا اعلق، هاخلص كلام معاهم و ارجعلك
:); 12 سبتمبر 2009 في 6:40 ص
أسما يقول...: انا جييت

:) :) :) :)

و ما تتريقش، انا لما بتعجبني حاجة اوي ما عنديش غير دي :)

"وحشني ف ضحكتك كلمة وحشتيني"

:) :) :); 12 سبتمبر 2009 في 7:34 ص
عمرو يقول...: أهلا علياء
المشكلة أنك لست من الزوار الجدد يا علياء. أنت صاحبة مدونة :) وبالتالي أنتظر منك أن ترحبي أنت بالضيف.
الكوتيشان أيضاً لأشرف توفيق الشاعر الذي يتغنى بالقصيدة في الفيديو.. أشرف عقلية مختلفة بالفعل.
أشكرك على تواجدك يا علياء
:); 12 سبتمبر 2009 في 8:00 ص
عمرو يقول...: إيزولد
المهم أنها أعجبتك.. الصمت أحياناً يكون علامة على الإعجاب الشديد.
:); 12 سبتمبر 2009 في 8:02 ص
غير معرف يقول...: أشكرك على ذوقك يا عمرو..

بعد بقى ما فطرت والرؤية اتضحت :) أقدر أقول رأيي..

القصيدة فعلاً جميلة..وكلماتها مؤثرة قوي..
على قد ما الواحد بيفرح لما يقرا كلمات زي دي.. على قد ما بيزعل إنه الكلام ده في الغالب بيكون كلام قصايد ومش موجود إلا نادراً في الواقع..

كلمات القصيدة وتركيزها على كلمة "وحشتيني" فكرني بكلمات أغنية بحبها قوي لإيمان البحر درويش
بيقول فيها "وبشتاقلك صحيح لكن ولا عمرك وحشتيني.. قوليلي توحشيني إزاي وصورتك نن في عيوني"..
قد إية أعجبت بالأغنية لما سمعتها..وفكرتني بيها القصيدة إللي انت قدمتها النهاردة يا عمرو..
مشكوووور وف انتظار المميز منك دائماً :) :)

عليــاء; 12 سبتمبر 2009 في 8:44 ص
أسما يقول...: عمرو انت كويس؟; 12 سبتمبر 2009 في 9:09 ص
جارة القمر يقول...: حلووووة اووووى انا نزلتها و بعتها لاصحابى كمان بجد جااامدة جدا يا عمرو
دى تانى جميلة لانك بتسمعنى حاجات حلوة; 12 سبتمبر 2009 في 9:24 ص
عمرو يقول...: أهلا علياء
بالطبع أعرف أغنية إيمان البحر درويش, ورما أكون قد تربيت عليها.. هي أغنية جميلة بالفعل..
أشكرك عليك يا علياء
:); 12 سبتمبر 2009 في 9:56 ص
عمرو يقول...: إيزولد
أخشى أنني بخير, ولا ينبغي لي
:)
أشكرك على السؤال.. أنا بخير والحمد لله; 12 سبتمبر 2009 في 9:57 ص
عمرو يقول...: جارة القمر
عدي الجمايل
:); 12 سبتمبر 2009 في 10:02 ص
أسما يقول...: "اخشي انني بخير و لا ينبغي لي"؟! لا حول و لا قوة الا بالله، يا ابني كلمني عربي، انا علامي علي ادّي، و انت طبعا عارف ادّي ده اد ايه... قولها عشر مرات ورا بعض من غير ما تغلط... هع هع هع ... انا بس لاقيتك مش بنتاكف و لا بتقاوح و هادي و مسالم كدة قلت خير اللهم اجعله خير، ليكون عيان و لا حاجة، بس بركة انك بخير يا حاج

:); 12 سبتمبر 2009 في 10:21 ص
علياء يقول...: عمرو..
هو ازاي أضيف قائمة المدونات إللى بتابعها في ملف التعريف عندي؟!
(وش فاتح بقه)
..دليل على الغباء..انا عارفة) :) :); 12 سبتمبر 2009 في 10:34 ص
ponpona يقول...: بلاش يبقى الكلام دايما ..
سؤال ع الصحة والاحوال انا كويس
مادمتي معايا انا كويس
ومركب قلبي ماشية بخير
مادمتي المينا والريس

يإما أفضل على سحابك
يإما افضل على سحابك
بلاش يا عمري تشتيني

أقولك ايه ياعمرو
أنا بربط الناس ببعضهم بطريقه غريبه

يعني أنا عرفتك من عند مصطفي فلما تبسطني
بادعيلك وادعي لمصطفي
ودلوقتي أنا عرفت أشرف من عند عمرو
وكل كلمه تعجبني أدعي لأشرف وادعي لعمرو

فاهم حاجه؟

ربنا يخليكو كده علطول ... كلكو علي بعضكو

:); 12 سبتمبر 2009 في 10:37 ص
عطش الصبار يقول...: الله شكرا ياعمر انك بتعرفنا على شباب مالوش حل حلوه قوى القصيده دى هاييجى يوم وتحتل انت واشرف توفيق والشباب الواعد عرش القصه والشعر والادب
انا كتبت تعليق عندك على البست اللى قبل ده
تقبل تحياتىمباشره ياريت تقراه
عموما القصيده دى فكرتنى باجمل اغانى ايمان البحر
عموما ياريت يفضل سحابه تضلل حياتها; 12 سبتمبر 2009 في 10:49 ص
غير معرف يقول...: جميله جدا جدا جدا
بجد روعه
عارف دايما لية الواحد بتعجبه قصيده او اغنيه
عشان بنلاقي كلامها ينطبق علينا بيحكي جزء او موقف او حاله في حياتنا
القصيده دية بقي فكرتني بسبب حبي لأي اغنية او شعر او قصيده
اختيارك رائع يا عمرو :)
.فاطمة.; 12 سبتمبر 2009 في 1:10 م
عمرو يقول...: إيزولد مرة كمان
أنا بخير والحمد لله. ممكن أكون مش في المود ليا يومين, زعلان حبتين, لكن أنا عارف إن الحياة أبس آند داونز. وده مصبرني.. مستني الأبس اللي جاية
:); 12 سبتمبر 2009 في 1:55 م
عمرو يقول...: علياء
تعرفي النكتة اللي بيقول فيها الصعيدي يعني إيه بلكونة؟
هههههههه
يعني إيه ملف تعريف
(وش مكسوف); 12 سبتمبر 2009 في 1:56 م
عمرو يقول...: بنبونة
هاتي يا بنتي كشكول واكتبي فيه الجمايل والخدمات. عشان على آخر السنة هاتلاقي نفسك مديونالي بحاجات كتير
:); 12 سبتمبر 2009 في 1:57 م
عمرو يقول...: بنبونة
هاتي يا بنتي كشكول واكتبي فيه الجمايل والخدمات. عشان على آخر السنة هاتلاقي نفسك مديونالي بحاجات كتير
:); 12 سبتمبر 2009 في 1:58 م
عمرو يقول...: عطش الصبار
بأقولك إيه أنا ياختي كده نفسي في حاجة بس خايف تكسفيني. آه والله. تعرفي نفسي في إيه؟ نفسي أشوفك لما ترجعي من أمريكا. إنتي مش هاتنزلي في مطار القاهرة؟ قوليلي هاتيجي إمتى وأنا عازمك إنتي ومرافقيكي على شاي.. شاي بس مش حاجة تاني, وهاجيبلك معايا المجموعة هدية. والله نفسي أشوفك بجد. انتي مش عندك خمسين سنة ولا حاجة. أنا باحسك من نفس جيلي..
:); 12 سبتمبر 2009 في 2:00 م
عمرو يقول...: فاطمة
طبعا أنا موافقك جداً. بس فيه حاجات يا فاطمة حلوة لأنها حلوة, وحاجات حلوة لأنها بتلمس حاجة جوانا, العمل الرهيب من وجهة نظري هو اللي يبقى فيه الاتنين وهو ده اللي عجبني في قصيدة أشرف توفيق
ربنا يسلمك يا فاطمة
:); 12 سبتمبر 2009 في 2:02 م
علياء يقول...: تصدق يا عمرو ما أعرفش النكتة بتاعة البلاكونة دي.. اه والله :(
ملف التعريف يا أخي هو ذلك الملف...ههههه الموجود على بلوجر..
أصل الحكاية إيه..
أقولك أنا..
أصل انا عملت حساب على جوجل..علشان يظهر اسمي في التعليقات,, بدل ما أنا "غير معرف" ونكرة كده..
فهمت, ولا انا مش عارفة أشرح أساساً؟; 12 سبتمبر 2009 في 2:04 م
عمرو يقول...: علياء رديت عليكي في البوست اللي بعده
:); 12 سبتمبر 2009 في 2:44 م