سبتمبر 18، 2009

هالة من نور

Energy

تعريفات لابد منها:

ياسمين: قطعة طرية من اللحم استيقظت ذات صباح فوجدتها تنام في المسافة الفاصلة بيني وبين زوجتي. ثم حين كبرت أصبحت ذلك العسكري الصغير الذي يضبطني دائماً كلما توددت إلى سارة.

سارة: هالة من النور تضيء حياتي.. فإذا ما انطفأت توقفت الحياة..

*****

النظر إلى عيني سارة يحتاج إلى تفرغ تام, وكوب من الشاي, وإلى الكثير من التأمل.. هذا ما أدركته وأنا أقود في طريقنا إلى الحفل. حين أخبرتها بسبب توقفنا على جانب الطريق ضحكت وأخبرتني بأنني "بكاش". وحين تضحك سارة لا أشعر سوى بأن قلبي كان منهكاً من طول الوقوف ثم على ضحكتها استراح وجلس..

أمد يدي نحو يدها فتشب ياسمين من المقعد الخلفي متسائلة عن سبب توقفنا. أرفع يدي على الفور قبل أن أنظر في المرآة بامتعاض. تبتسم زوجتي, ثم تتعامل مع الموقف.

أحب ياسمين كثيراً, لكنني لا أطيق أن تشاركني في سارة.. أحسدها وأغار منها, فمنذ أتت, شغلت ذلك الموضع من مفرق صدر حبيبتي والذي كنت أزرع وجهي فيه كل يوم.

أدخل إلى الحفل ممسكاً بيد سارة بعدما رفضت ياسمين أن أمسك يدها وقالت إنها كبرت.

- طيب ما أنا ماسك إيد ماما!!

لا ترد سوى بامتعاض خفيف على وجهها. كم تحيرني هذه الصغيرة, وكم تفاجئني بأفعالها, بالأمس بكت كثيراً حين رفضت أمها أن تضع لها أحمر الشفاة, وخلال الأيام الماضية كانت تلبس حذاء أمها, وتقف ممسكة بعصا المقشة وتقول "أنا ماما". والآن تريد أن تمشي وحدها وألا تمسك يدي على عكس "ماما" تماماً.

تنظر إلي سارة مبتسمة وتقول تفسيرات علمية لا تهمني عن إن البنت تتدرب على أدوارها الأنثوية, وأنها ترغب أيضاً في التحرر والاستقلال.. وتسرف في هذا الكلام الغليظ الذي لا أفهمه.

أنا أفهم فقط هذا الخوف الذي يعتريني حين تنفلت يدها من يدي وتجري بين السيارات, أو حين أبحث عنها حولي ولا أجدها. هي تقول إنها "ماما", وأنا سعيد بهذا, بل وأتمنى أن يكون لدي ألف "ماما" طالما سيصبحن كلهن صورة مكررة من سارة.

ما أن رأتنا سلمى بنت خالتي ندخل الحفل حتى أسرعت نحوي..

****

استدراك:

سلمى: هالة من الهباب تطين حياتي كلما سنحت لها الفرصة, وهي خطيبتي السابقة.

أنا: قط شيرازي مدلل يلتزم الصمت بينما تعبث أي حسناء بفرائه الناعم.

****

كعادتها تعاملت سلمى معي بلطف خبيث, وأطالت في السلام, والابتسام. فانقلب وجه سارة, ثم على الفور انطفأ النور..

سكت الجميع سكوتاً مؤقتاً, وسكنت الموسيقى. بحثت عن ياسمين في فزع فلم أتبينها من الظلام. قبل أن تعلو الأصوات والهمهمات في أرجاء المكان, فتح النور وتداعت الموسيقى. ثم سمعت صوت ياسمين يأتي من آخر الصالة وهي تهتف قائلة "هيه". ورأيتها وهي تقف على كرسي وتمسك سكينة الكهرباء.

قبل أن أتحرك من مكاني, كانت ياسمين قد جذبت السكينة مرة أخرى ليتوقف كل شيء في المكان. وعندما فتحت النور مرة أخرى, جريت أنا وسارة نحوها.. أمسكتها قبل أن تمتد إليها يد أمها بالعقاب.

****

تعديل:

ياسمين: قبس من نور سارة, وقطعة حبيبة مني تبذل مجهوداً ملحوظاً في التدرب على أدوارها الأنثوية.

هناك 55 تعليقًا:

أحمد حسن يقول...

لأول مره في تاريخ هذه المدونه اكتب اول تعليق "للي للي للي للي".
والله ياعمرو ايقظت فيه مشاعر الابوه من جديد ومش هاخلي الواد يشد الكوبس تاني وربنا يخليلك ساره وياسمين .
كل سنه وانت طيب يا جميل .
من ارض الوطن... سوهاج"كلمني شكرا"

Heba Gamal Emara يقول...

القصه حلوة اوى يا مستر عمرو
خصوصا ان دى اول مره اقرا لحضرتك قصه بالتعريفات
فعلا جميله وممتعه
فى انتظار المزيد وكل سنه وحضرتك طيب

أسما يقول...

:)

دي للقصة

ايه موضوع الغمة ده بقي؟

الحمد لله انها انزاحت

علي فكرة عندي ليك مفاجأة

كل سنة و انت طيب، و كل سنة و كل حبايبي اللي بييجوا عندك طيبين... علي فكرة،لازم تصلوا ركعتين شكر يوم العيد الصبح عشان انتوا ف نعمة كبيرة، انا هنا ما عنديش عيد، و تاني و تالت يوم العيد عندي محاضراااات :(

عمرو يقول...

أحمد يا حساااااااااااااااااااااااااااااان
ألف حمد الله على السلامة.. العيد من غيرك مش كان هايبقى عيد.. لكن تعرف؟ برضه لو عيدت في السعودية كانت ممكن تبقى ذكرى ليك لا تنسى. وأهو كنا استريحنا من وشك ولو أسبوعين
:)
حبيبي انت يا أحمد.. رغم إنك عيل غلس ومن أيام الثانوي بتمارس عليا الغتاتة لكن باحبك جدا..
على فكرة الفطار مش عندي السنة دي آه, إنسوا عمرو الجديم.. دلوقتي في عمرو جديد بخيل وقيحة..
:)
ألف مبروك على التعليق الأول لأول مرة.. أعذرني مش باعرف أزغرد.
كلمني انت (عشان حالة البخل الجديدة).. العفو
:)




هبة جمال عمارة
يا فندم انتي كده بتخجلي تواضعنا وبتحسسيني إني باكتب بجد..
كل سنة وانتي بخير وسعادة
ملحوظة: شيلي لي شوية من الكعك والبسكوت. بس إوعوا تكونوا بتعملوه على طريقة وجبات سيد أبو حفيظة ههههه
:)




إيزولد
يا دي التعليقات المبتسمة على القصص.. يا بنتي أنا عندي عقدة من الصمت
:)

نفسي أحكي يا إيزولد عن الغمة دي, لكن فيه حاجات مش ينفع تتقال للأسف. المهم إني بخير لولا بعض الأعراض السيكوثوماتية اللي بتحصل لي لما أكون متضايق. يعني مثلاً أنا أعاني من حالة من الاختناق التام.. ومستني الفطار عشان آخد موسعات وأدوية كده منيلة.. غير بقى حالة من الأرق مخلياني تقريباً مش بانام غير تلات ساعات يومياً. عااااااااااااااااااااا
بس رغم كل ده أنا الحمد لله سعيد, عشان حاجات كتير
أستاذ محمد عجبته قصة من قصصي إمبارح ودي حاجة ما بتحصلش كتير, أنا عملت مع ماما البسكوت, ودورت المكنة, وقعدت أغني واحنا بنخبز وأزعجت كل الجيران, وخلاص بقى العيد بكرة وأنا ناوي أهيص

كل سنة وانتي طيبة ... لما ترجعي مصر هانبقى نعمل لك تلات أيام عيد مخصوص, ولا يهمك

إيه بقى حكاية المفأجة دي؟ هاه؟ قولي بسرعة عشان انتي عارفة إن الفضول قتل قطة قبل كده وممكن يدخل بعد كده على البني آدمين:)

noon kiko يقول...

تتوشح العبارات لديك بوشاح مخملى..ملمسه ناعم..
ماتخلعه على اميراتك من القاب يثير المشاعر ويطيح بالخيالات..
النظر الى عينى ساره والذى يحتاج الى كثير من التأمل منحنى مثابرة غريبه على تأمل فتاك فى ثنايا النص..اخذنى الى دروبها المنغلقه وغيرتها القله من تلك المسماه سلمى..
تصنع من ابطالك ملوكا فى مملكة خاصة بك نقتحمها نحن دونما استئذان فنصبح بلا رغبة منك رعايا فى مملكتك الخاصه..ونبيح لانفسنا تلمس شعورك..بل وتقمص الادوار احيانا
طفلتك التى استقطعت جزء من حبك الكبير..واستوطنت رغما عنك جزء من قلبك وقلب امها..تلك الطفله الشقيه التى تتلاعب بسكينة الكهرباء فتشعل قلوبنا بضياء مستتر
احساسك عن جد عالى
وشعورك ممتزج بحنان غير مسبوق
ان داومت على ذلك المنوال المتصاعد الهابط فى نمط كتاباتك الحديث فثق انك ستجتاز خط الشهره سريعا
فقط ثق ان شيئا مثل الخيط الرفيع يربط بين ذاتك وبين كلماتك وذاك الخيط يربط القارىء بك رغما عنه وعنك
وذلك ماسيجعلك يوما ما على قائمة المبيعات
فقط
اصبر
وقصة رائعه جاءت لتمنحنا هدايا العيد بين سطورها
وانا قد حصلت على هديتى
وكل عام وانت كاتب مبدع
وكل زوارك بخير
:)

Heba Gamal Emara يقول...

ههههههههه
لا لا الحمد لله
مش بنعمله على طريقه وجبات الشيف الكبير
وربنا يخليك بجد انا مش بجامل على فكرة
انا فعلا بستمتع لما بقرأ القصص بتاعه حضرتك
دمت بخير

عمرو يقول...

أهلا زهرة
ربنا يكرمك يا رب.. الحمد لله إن القصة عجبتك.. تعرفي دي من أكتر القصص اللي خدت وقت في كتابتها
كل عيد وانتي بخير وصحة وسعادة يا رب
على فكرة أنا قريت البوست الأخير عندك من تلات أيام.. بس فعلا كنت تعبان وعندي شوية حاجات كده مخليني مش عارف أعيش..
تسلم إيدك
كل سنة وانتي طيبة مرة كمان
:)


هبة
:)

noon kiko يقول...

بص حضرتك من غير مجامله
القصه دى غير
والابداع فيها فعلا كان عالى اوى..ده غير انها مميزه من ناحية الاختلاف ف اسلوب الكتابه
وده تغيير يحسبلك فعلا
طبعا حضرتك سيد العارفين انى مش بعرف اجامل وانى بدب الكلام وزى ماييجى
بس المره دى القصه حقيقه تستحق التعب اللى بذلته فيها

ويارب يريح قلبك وبالك ويحل كل امورك وزى الايام دى تكون مع اميره من اميرات قصصك وتستاهلك
ودع غدا لغد
وخليك ف النهارده وعيشه صح عشان متندمش بكره انك ضيعت النهارده من ايدك

اقولك
انزل هات علبة ديناميت كده زى حالاتى وبكره بعد الصلاه باذن الله اديها فرقعه
ههههههههه
عيش ياعم
محدش واخد منها حاجه
كل سنه وانت دايما بخير ويفرح ايامك كلها قادر يا كريم
:)

noon kiko يقول...

بالنسبه للبوست بتاعى
الف سلامه عليك
بلا تعليق بلا بتاع
اللى يهمنا صحتك والله
وانا عارفه انك لو فاضى او مش تعبان مش هتتاخر عنى
احنا مش لسه هنعرف بعض يا استاذى عشان تقوللى كده
صحتك بالدنيا
:)

غير معرف يقول...

الله الله الله يا عمرو
جميله جداااااااااا من اول جملتين شدتنى بطريقه عجيبة
مش عارفه اقول ايه بس بجد روعه :)
كل سنه وانت طيب يا عمرو
وكل سنه وانتم كلكم طيبين واحده واحده و واحد واحد
:)
فاطمه

أسما يقول...

عموووور

عملت البسكوت مع ماما؟ عاااااااا و الله نفسي فيه اوي... انا اصلا مش باكل غيره هو و الكحك ابو سكر ابيض، و الغريبة و البتيفور و اللانكشاير و بس، إهئ إهئ إهئ... هيص يا عم و افرح علي قد ما تقدر، و الف سلامة عليك، انا مش عارفة جيلنا ده مكتوب عليه يشيل الهم و يعيا بسببه... حاجة غريبة و الله

اما عن القصة فهي خليتني كدة ف حالة انشكاح امبارح، اي و الله، و بعدين شكلها جديد، الطريقة اللي اتكتبت بيها، و عجبتني... و اللي جابلك يخليلك يا سيدي... البنت و مامة البنت ;)

اما بقي عن المفاجأة، فهي كانت مفاجأة لي انا كمان، بس مش ينفع اقولها دلوقتي، اظبطها الاول و اقوللك عليها، او لو عايز تعرها يبقي اسألك السؤال اياه... تدفع كاااام؟ هع هع هع ... ما انا لازم اعالج حالة البخل اللي جاتلك دي... يللا كفاية رغي كدة... عيّد و اتبسط ,و كل بسكوت، عيني فيه علي فكرة، و سلملي علي احمد و قل له كل سنة و هو طيب، و ابقي خد بالك من عمرو احسن كدة مش هنلاقي حد يكتبلنا حواديت

:) :) :)

جارة القمر يقول...

كل سنة وانت بألف خير يارب عيد سعيد عليك و على كل اللى بيجوا هنا

عمرو يقول...

زهرة
أكرمك الله.. هو ده برضه العشم
:)

عمرو يقول...

كل سنة وانتي طيبة يا فاطمة
يا رب العيد اللي جاي تتحقق كل أمانيكي
على فكرة انتي ليكي كتير مش بتيجي.. أخبارك إيه؟ ورمضان كان تمام معاك؟
كل سنة وانتي سعيدة
:)

عمرو يقول...

إيزولد
طيب ماشي هادفع.. عايزة كام؟ بس يعني إيه مفاجئة ليكي انتي كمان؟ إزاي يعني؟
:)

عمرو يقول...

جارة القمر
كل سنة وانتي طيبة.. بس ليه تعليقك المرة دي صغنن كده؟
عموما كل سنة وانتي فرحانة
:)

Unknown يقول...

عموووووووووووووور

كل سنة وانت زى الفل يا عمرو..انا دلوقتى بحاول اتبهجج الحمد لله

ماما عملت لنا عينات كحك وبسكويت..يعنى مثلا نص كيلو كحك كدة وكوبايتين دقيق يطلعوا بتاع عشر بسكوتات وللا حاجة بس بقى ايييييييه بهدلة يا عم عمرو والله بس البسكويت طالع تحفففففففففة شنيع يعنى..

نياااااااااهاهاهاااااا

انا مبسوطة والله مع انى مش متخيلة ان العيد بكرة وكدة..

هلبس لبس الوقفة كمان شوية وبكرة هلبس لبس العيد واروح عند جدو انام طول اليوم لانى مش هنام لبكرة..وهشوف كوكى بنت خالتى اللى هى اكتر كائن جواه براءة وهشوف شوشو اختها السفاحة الشريرة..نيااااااهاهاهاااااااااا

دة عيونك اللى غيروووووووونى يا خوفى بكرة يفوتونىىىىى

لا دة منير شغال وانا بكلمك دلوقتى..

المهم يعنى انى مبسوطة دلوقتى حالا والبوست بتاعك زود الحالة بطريقة مش طبيعية..انا باينى بقيت مدمنة وللا ايه..دمه خفيف وحلو اوى ورومانسى جدا اى نعم مفيش منه فى الكوكب بتاعى بس كفاية انه موجود فى الكوكب بتاعك..

بجد عجبنى جدا والله..فيه بهججة

ايزولد...اممممممممم ربنا معاكى ولما تيجى اعملى اسبوع بحاله عيد.....

عمرو يقول...

إنجي
كل سنة وانتي طيبة ومتبهججة
حلو قوي إن القصة عحبتك. تعرفي يبدو إن القصة دي هاتبقى القصة التي أعجبت الجميع
:)
كل سنة وانتي سعيدة يا رب

غير معرف يقول...

وانت طيب يا عمرو
آمين يا رب
انا باجي علطول وبقرأ كل بوست اول ما تنزله
بس مش بقيت اعرف اعلق :(
فقدت القدره علي التعبير
بس ان شاء الله هستعدها قريب :)
كل سنه وانتم كلكم بخير يا رب
فاطمه

سقراط يقول...

السلام عليكم ورحمة الله
استاذ عمرو
ولا اقولك احنا نشيل الالقاب
شوف يا عموووور
الاول يا سيدي كل سنة وانت طيب
وعيد سعيد عليك يارب
بتعجبني قوي كلماتك
عندها قدرة جميلة على اختراق الاجساد والنفاذ الى الارواح
كلامك معبر تماما عن الاحساس اللى اتكتب بيه
لكن عندي تعليقين لو تسمح لي أقولهم
وانا هاعتبر موافقتك موجودة
تحصيل حاصل أى كلام يعني
شوف يا سيدي
جملة ((هالة من نور))
انا شايف انك أخطأت التعبير
لو صح تعريفي لكلمة هالة على انها كيان خيالي من صنع عيوننا او بمعني اصح مجرد خداع بصري نتيجة انعكاس ضوء صادر من جسم معين بتنتج عنه هالة من الضوء تحيط بالجسم ده لكن هى فى الحقيقة مش موجودة
يعني الهالة دي فعلا من النور
لكن مش نور
او نور مزيف
واعتقد ان ده يتناقض تماما مع المعني المقصود بيه فى السياق ده
اما التعليق التاني فبخصوص ((سلمي))
مش عارف ليه كنت حاسس انها مدسوسة ع الجواب
يعني دخلت الحدوتة بتقديمة كبيرة قوي تتوقع على إثرها انها هاتأثر فى مجري الاحداث
لكنها بتخرج منها فى نفس اللحظة اللى بتدخل فيها من غير ما يكون لوجودها اى معني
..
كل سنة وانت طيب يا جميل
دمت بكل عيد

جارة القمر يقول...

انا جييييييت تانى اهو

معلش امبارح كان تعليق صغنن كنت تعبانة بقى من فرش البيت و كدا بقى و كل عيد وانت طيب

نرغى بقى يا عم عمرو بيه القصة تحفة حلوة اوى بجد عجبنى ان البطل متغاظ من بنته رغم حبه ليها و انه بيحسدها فكرتنى بواحدة قريبتنا كانت هى اللى بتتغاظ من بنتها بقى هههههههههههه

سلمى: هالة من الهباب

ضحكت اوووووى لما قريت تعريفك لسلمى

بجد القصة حلوة اوى

جارة القمر يقول...

اااااااااه صحيح نسيت اقولك
فيييييين عيديتى يا ابيع عمرو مايصحش كدا اول يوم يعدى من غير العيدية

عمرو يقول...

أهلا سقراط
كل سنة وانت طيب
عامل إيه؟
شوف يا سيدي.. بالنسبة لكلمة هالة فأنا بحثت عن معناها اللغوي وهي تعني دائرة الضوء التي تحيط بالقمر أو هي دائرة ضوء تحيط بجلام سماوي..
عموما هي ليست مزيفة حتى في اللغة.. وما تقوله تفسير علمي لا ينطبق على الكتابة الأدبية.

بالنسبة لدخول شخصية سلمى, فأنا معك إلى حد ما.. لكن في جميع الأفلام والروايات والمسلسلات والقصص هناك شخصيات هامشية دورها توصيل القصة إلى ذروتها أو غايتها..
أشكرك على قراءتك الواعية..
الاختلاف لا يفسد للود قضية
:)
كل سنة وانت سعيد
:)

عمرو يقول...

أهلا جارة القمر
طيب يعني القصة الحلوة دي ما نفعش عيدية.. انتي شكلك مادية على فكرة
:)

جارة القمر يقول...

ايووووووون ان هى المادية دى

يلا يا بنى مائة ولا مائتين جنية عايزين نعرف نعيد

غير معرف يقول...

:‏(‏
فاطمة

تــسنيـم يقول...
أزال المؤلف هذا التعليق.
تــسنيـم يقول...

أكثر من رائعة يا عمرو.. قرأتها باستمتاع


التعريفــات كانت حلوة أوي.. بس الاستدراك اللي عرف فيه بطل القصة نفسه .. أحلـــى :)

عمرو يقول...

أهلا فاطمة
يبدو إن فيه سوء تفاهم دائما بيننا
أنا باعتبر كلامك رد على كلامي فمش بارد عليه, لكني قريته
كل سنة وانتي طيبة
ابتسمي بقى
:)

عمرو يقول...

تسنيم
ربنا يكرمك يا رب زي ما انتي رافعة معنوياتي على طول كده
:)

غير معرف يقول...

:‏)
:‏)
اخبار اول يوم عيد اية !
سوهاج بقي اكيد زحمه وكله خرج :)
جميله سوهاج :)
فاطمة

جمال عمارة يقول...

عمرو..

ها تفتكرني باجاملك..

دي من أجمل الحاجات اللي قريتها..

لولا إني عارف إنك "لسه بعقلك".. كنت قلت إنك زوج محب وأب فعلاً من صدق الوصف وجماله..

كمان حكاية التعريفات دي تحفة..

كل سنة وانت طيب يا أديب.. :)

عمرو يقول...

أهلا فاطمة
مين قال كده؟ يا بنتي سوهاج دي في أزحم حالاتها فاضية.. بس أول يوم العيد كان خطيير ههههههه.. ما عملناش فيه أي حاجة
:)

عمرو يقول...

أستاذ جمال
وكتاب الله المجيد؟ عجبتك فعلاً؟ مش عارف يظهر إني فعلا باعرف أكتب بقى :) مع إني مش عايز أصدق الحكاية دي
:)
كل سنة وانت بخير وصحة وتألق

أنسانة-شوية وشوية يقول...

القصة جميلة جدا يا عمرو وطريقة سردك لها اكثر جمالا وطبعاً لانك متواضع جداً :) حبيت احييك علي الملاء من غير متقول د اقل حاجة عندى:)
كل سنة وانت طيب وفي احسن حال

جارة القمر يقول...

ايه يا عم عمرو انت اكل الكحك اثر عليك ولا ايه فين البوست الجديد

علياء يقول...

قصة جميلة جداااا.. ما شاء الله, خصوصاً إني بعشق اسم سارة جدااااااا :)

معلش أنا اتأخرت ف التعليق يا عمرو.. عيد بقى وكحك وبلالين :):)

يالا كل سنة وانت طيب وانتوا كلكوا طيبين :) وف انتظار الجديد والمميز :)

noon kiko يقول...

العيد خلص يا استاذى
لسه مفيش بوست جديد
:(
انا زهقت طيب
كل يوم اجى ابص ومش الاقى اى بوست
انام ليل ونهار يعنى لحد ما العيد يخلص؟

غير معرف يقول...

*والله يا أستاذ مش لاقيت حاجة أقولها ...خلص الكلام...!!!إنها تناول جميل للعلاقة بين البنت وأبيها والأب وحبيبة عمره وكذلك للحشريات بكسر الحاء ، النفاثات في العقد ....سلمي !!
* عمرو ..... تحياتي ليك ولأسرتك ودمت بألف خير ومعينك لا ينضب أبدا؛؛
- "كل سنة وإنت مبدع ومعاهم شوية تواضع كده ع الماش ...!!! بهزر مش تزعل ...حقك ياإبني وبراحتك ...!! ".
# #عيدية جميلة من حد جميل ## .
صباحك كحك بسكر بس مش تكتر ، ولو ممكن أصبح علي " واحده أو زهره سابقا/ بونبونة البسبوسة ميرسي ع اللينك يا قمر بس علي فكرة أنا قاهرية / ماي إينجل أو فاطمة / الشمسي المتوهج دائما/ إنجي تباريك / تسنيمة مسك الختام".... بحبكم في الله ؛
ديدي

ponpona يقول...

أنا جيييييييت
:)

أهلا يابونبونه ازيك وحشتينا والله
ماتبقيش تغيبي كده تاني

حاضر .. من عنيا


عمرو السيد يتقدم ... أنا أخبر الجميع بهذا

الآن سأذهب .. سأتحدث كثيرا ، وسأخبرهم أن عمرو فعلا يتقدم
وأنه ويصنع من حروف عاديه أشياء أخري .. أشياء قادره علي الحديث والحركه والضحك

ضع حرفا بجوار الحرف وتصير الأحرف كلمات

هذا هو المنطق ، وهذا مايفعله الجميع
لكن هناك آخرون يصنعون بالحروف
أشياء أكثر من مجرد تكوين الكلمات

وأنا -بالنسبة لي - أستطيع القول أنك أحدهم


عمرو
لا تقل شكرا لك
ولا تخبرني أشياء عن أني بهذا أعطيك ماليس لك
أو أني أبالغ قليلا وأقول كلاما فقط من باب التشجيع
أو لأنه لا يفترض بي أن أقول كلاما سخيفا

عمرو
أنا لا أجامل ، أنا حتي لم أرك بحياتي مره
أنا أقول هذا لأن هذا تحديدا ما وصلني

ويوم أن يكون هناك أشياء لاتعجبني
سأدخل وأقول : عمرو .. هذا لم يعجبني


عمرو
كل سنه وانت طيب
كل سنه وانت أحسن من اللي قبلها
أومال ايه ماحنا لازم نكبر
ولأني اليوم أكبر قليلا عن الأمس
فأنا اعتبر هذا انجازا
والانجاز لم يسم هكذا إلا لأنه فعلا للأحسن

:)

غير معرف يقول...

ديدي حبيبه قلبي
واحشني جدا والله
وانا والله بحبك
مش بتيجي المدونة لية بقي !
انا بزعل اما مبلاقيش تعليقك
متغيبيش تاني بقي
كل سنة وانتي طيبه وبخير :)
بنبونة
حمد الله علي السلامه يا قمر
وحشتينا والله
متغيبيش تاني
كل سنة وانتي طيبه :)
عمرو انت فين بقي ! فين البوست الجديد !
بدخل علطول ومش بلاقي
الظاهر الكحك مأثر :))
كل عيد وانتم كلكم مبسوطين وكويسين و طيبين :)
.فاطمة.

ponpona يقول...

ديدي و آنجيل
:)


يادي النور يادي الهنا
والله عسل انتو الاتنين
ابقو تعالو علي طول


ديدي
انتي مش من اسماعيليه ... يادي الكسوف
معلش بقي الزهايمر وحكم السن بس أنا فاكره
ان كان في حد هنا من اسماعيليه ..
مين ؟ مين ؟ اظهر وبان عليك الأمان
:)


معلش ياعمرو أنا رغيت كتير
بس قولي بقي انت كويس ؟ أنا بدات أقلق علي فكره
من 16 ف الشهر لحد دلوقتي 22 بوست واحد بس
خير اللهم اجعله خير ، يارب تكون كويس

أنا مستنيه بوست جديد أهو ومستنيه تيجي تقول أنا بخير
أوحتي تعالي قول أنا بخير ومش لازم بوست حاليا

ربنا يخليك ياعمرو
:)

غير معرف يقول...

انا الي من اسماعيلية :)
انتي من اسماعيلية يا بنبونة ?
فاطمة

عطش الصبار يقول...

عمرو
كل سنه وانت بخيرالسنه الجايه تكون معاك ساره واللى بعدها تكون معاك ياسمين قصه حلوه
صدقنا انك عندك ياسمين وساره
فى انتظار المزيد
شكرا لامتاعنا

جارة القمر يقول...

انت فين يا عمرو قلقتنى عليك يا بنى

عمرو يقول...

أهلا بكم
معلش أنا آسف جدا.. كنت في الغردقة, ومسافر النهاردة القاهرة..
ما كانش عندي نت في الأيام اللي فاتت عشان التنقل الكبير وانتم عارفين مأساة اليو إس بي مودم بتاعتي
هارد عليكم إن شاء الله بعد وصولي للقاهرة.. يوم الجمعة على أقصى تقدير
:)

عمرو يقول...

إنسانة شوية وشوية
كويس انك فكرتيني عشان كنت قربت أنسى.. فعلا فعلا أنا فاكر إني مبدع وكاتب رهيب
:)
كل سنة وانتي بصحة وشلامة
:)

عمرو يقول...

جارة القمر
أنا هنا.. معلش سافرت من سوهاج للغردقة ومن الغردقة لسوهاج ومن سوهاج للقاهرة.. فالتنقل ده خلاني هاموت ومش عرفت أرد
:)

عمرو يقول...

علياء
أهلا بيكي بعد العودة.. ولا يهمك من التأخير
المهم إن القصة عجبتك
:)
كل سنة وانتي طيبة

عمرو يقول...

زهرة
معلش كنت مسافر والله
:)

عمرو يقول...

ديدي
ليه مش بتيجي كتير زي الأول؟ هاه
عموما العيد خلص ورمضان يعني مش بقالك حجة
:)
كل سنة وانتي طيبة يا رب (وده مش معناه إنك كنتي قبل كده شريرة)
:)

عمرو يقول...

فاطمة
أنا كويس طبعا. بس كنت ي الغردقة
:)
بنبونة
عاملة إيه
أنا زي الفل
:)

عمرو يقول...

عطش الصبار
أنا فعلا عندي ياسمين وسارة بس في دماغي
:)
ربنا يكرمك يا رب.. كل سنة وانتي طيبة
:)

أسما يقول...

يا اخي مش عارفة ، القصص بتاعتك عاملة زي االبرفانات، كل ما تقعد و تقدم تحلو... انا باستطعمها اكتر مع كل مرة اقراها فيها :)

عمرو يقول...

ده بس عشان انتي بتحبي الأدب :)