سبتمبر 09، 2009

دائرة مكتملة وهلال بلا نقطتين

get_img في طريق العودة من العمل تعاتب الجزار وتقف في طابور العيش. تعجز يداها عن حمل الأكياس المثقلة بالفاكهة, فتقف على السلم الطويل كي تستريح ويهدأ النفس. توقف المارين من الجيران على سلم العمارة, تشاكس أطفالهم, وتنثر بين الشقق الابتسامة.

تدخل إلى شقتها فتسرع بتحضير الغداء, وصنع الكثير من الحلوى وثلاثة أكواب من السعادة. تخبرني بأني قد أوحشتها وأنها لن تتركني مرة أخرى للسفر. أرشف من الكوب كي أبتسم, تنظر نحوي فتكشف السر وتعرف الخبر.

في المساء أكور جسدي فلا تكتمل الاستدارة, وأنام على فخذها كهلال صغير دون بكاء ودون ابتسامة. تربت على ظهري, ثم تحثني على البوح. تقول إنني ابن بطنها فلن أنجح في أن أخفي عليها, وهي التي تسمع الوجه قبل الكلام. تسمع الحكاية ثم تهدهد الروح, ولا تتركني حتى يغلبني النوم.

بعد صلاة الفجر, تفتح النوافذ فتجمع النجوم وتطفئ القمر. تسحب عن السماء ستارتها السوداء, ثم تثبت شمس النهار, وتعود إلى العمل.

هناك 30 تعليقًا:

ponpona يقول...

أنا بردو

هيييه

تقريبا وراك وراك


:)

غير معرف يقول...

:) ..وانا تاني واحدة..
التعليق بقى بعد الفطار.. أحسن مش فاهمة وحالتي صعبة.. ههههههه

غير معرف يقول...

برضه نسيت أمضي.. "ع"

عمرو يقول...

بنبونة وع
:)
مستني التعليقات

nor يقول...

مشض ممكن ياشمسي الكلام ده ..
ايه ياعمرو انت مأجر هتيفه يهتفولك ولا ايه
دا لسة بقرا الردود على الموضوع القديم لقيت موضوع جديد اتحط وكمان تلات ردود نزلوا ....
اممممممم.... شكلك منزلهم مع الموضوع...هه ه ه ههههههه " lol"
يا خرابي أكيد هيخس!!

عمرو يقول...

نور
العين صابتني..ورب العرش نجاني
:)

ponpona يقول...

عمرو
هذه ... وهذه تحديدا
سأضعها بجوار البوست الأخير لمصطفي سمير
وسأصنع منهما فراشة صغيره أطلقها في سماء الغرفه
لتطير طوال اليوم وتعود الي بما جمعت من أغنيات
وحين تبتسم لي سأخبرها أنها فراشة جميله واني أدين لها بالكثير

عمرو محمود السيد ..... شكرا لك

:)

Unknown يقول...

عمرو........انا متابعة التعليقات والبوست بس انا مش هعلق انا متعكننة النهاردة ومش هقول رايي صح يعنى لانى غير مؤهلة لرؤية اى جمال


يللا يا ولاد عيشوا حياتكوا

كلمة لبونبونة:تعليقاتك تسعدنى..انتى بتجيبى الكلام دة منين

noon kiko يقول...

على عكس انجى
لان حالتى سعيده جدا عايزه اعلق بس حاسه انى هتلخبط وهتوه ومش هركز ولا هعرف اكتب ولا كلمه
معلش انا متابعه بس هعلق بعد الفطار
:)

أحمد الشمسي يقول...

حلو يا عمرو... حلو قوي

عمرو يقول...

بنبنونة
الحمد لله إنها أعجبتك يا بنبنونة
:)

عمرو يقول...

ألف سلامة عليكي من العكننة يا إنجي
واحدة من الناس مستني التعليق

عمرو يقول...

أبو حميد
أخجلتم تواضعنا. إحنا لسة بنتعلم منك يا كبير

جارة القمر يقول...

بعد صلاة الفجر, تفتح النوافذ فتجمع النجوم وتطفئ القمر. تسحب عن السماء ستارتها السوداء, ثم تثبت شمس النهار, وتعود إلى العمل

انت بتجيب الكلام دا منييييين .. من انهو سوبر ماركت قولى و النبى ههههه

بجد جامد اوى اوى اوى انا فضلت اقرا فى الجملة دى كتير اوى مزجتنى الصراحة

عمرو السيد انت رائع :)

عمرو يقول...

جارة القمر
باجيبه من عمو بتاع القصص
:)
تسلمي يا جارة

أسما يقول...

ايدي وجعتني من كتر التصفيق... تصفيق حاااااااار و اعلي صفافير من الصف الوراني ف المرسح، اصلي بحب اقعد ورا ههههههههه

لازم ماما تقرا البوست ده يا عمرو، ربنا يخليهالك :)

أسما يقول...

و بعدين ايه يا عم الكوتيشانز اللي انت بتحطها عالبلوج دي، كل يوم كوتيشان جديد، بس حلوين علي فكرة... كفااااااءة :)

عمرو يقول...

إيه رأيك يا إيزولد
أنفع يعني؟ مش عارف أقولهالها.. مؤكد هايجي يوم وتقراها..
بالنسبة للكوتيشانز فانتي عارفة إني باكتب كلام أحسن من اللي موجود فيها. بس بأحاول أشجع الأولاد اللي باديين جديد زي كوثر وجمال بخيت وتميم.. يعني أهي محاولة مني إني أشد الأجيال الجديدة لفوق
:)

غير معرف يقول...

إحم إحم .. انا فطرت وقريت البوست:)

جميل جداً.. جمل مختارة بعناية,, ما شاء الله..

"محاولة مني إني أشد الجيال الجديدة لفوق.." يا سلام على التواضع .. ما فيش بعد كده :) :) ..
روح يا شيخ ربنا يخليك لمصر قادر يا كريم..

"ع" ..

عمرو يقول...

ع
أهلا بيكي.. أومال يا بنتي ده أنا مبدع آخر حاجة
:)

noon kiko يقول...

بص يابرنس القصه دى جامده اخر حاجه
وكتير عجبتنى
عاجبنى فيك الايام دى شغل السيمفونيات اللى حضرتك عامله نغمات عاليه ونغمات هاديه حاجه كده تمام زى السيمفونيات
اسلوبك جميل الايام دى وماشاء الله شغلك على مره واحده وادينى ماسكه الخشب اهو
بس فعلا كده صح
التغيير والابتعاد عن النمطيه والبعد عن المالوف والمكرر
هو ده اللى محتاجه شغلك المرحله اللى جايه
وحضرتك بدأت تنوع وده اللى عاجبنى
وده اللى هيشد قراء جدد للمدونه

:)

عمرو يقول...

أهلا واحدة من الناس
هو كلامك جميل قوي.. أنا باحاول يا واحدة أغير, بس لسة مش راضي عن شغلي مش عارف ليه. حاسس إن فيه حاجة أحسن من كده لسة ما طلعتش.
عموما أديني باجرب
مبسوط إنها عجبتك ومتشكر قوي على الكلمتين دول.. محتاجهم بجد
:)

noon kiko يقول...

بص ياسيدى
بصيت؟
طيب
طبعا حلو جدا انك مترضاش عن شغلك
قوللى ليه؟
قلت؟
طيب
عشان لو رضيت عن شغلك هتريح وتكسل وترجع للمالوف والمستهلك ومش هتقدم جديد
لكن طول مانت حاسس بالتقصير
وحاسس انك مقدمتش النموذج على اكمل وجه فده هيدفعك انك تفكر وتفكر وتدور جواك عشان توصل للافضل
وعمرك ماهترضى عن شغلك لو انت اديب فعلا وكاتب جيد
الواحد بيفضل يدور ويبعبش كده جواه لحد ما يوصل وحتى لو وصل بيرجع يدور يمكن يوصل لحاجه جديده
زى العلماء مش بيقفوا عند نظريه واحده او اكتشاف ثابت
كل واحد بياخد اللى وقف عنده غيره وبيدأمن جديد
حتى فى الحاجات المكتشفه بيبحثوا فيها يمكن يكتشفوا حاجه تانى

فاياك والرضاء عن شغلك
وان اعجبتك قصه
وان امتدحها كثيرون
قل
مازلت غير راض عنها
مازلت اسعى للافضل

وهتوصل فى النهايه
مش لاعلى درجات الابداع
بل لاعلى نسبة قراء ودى هتكون دليلك ومرايتك عشان تعرف وصلت لاى درجه من التحسن

فلا ترضى ابدا
كى تبقى ابدا ساعيا للأحدث
:)

noon kiko يقول...

بص بقا انا زهقت من واحده دى
يا اما تقول نور
او نوره
اوn حتى زى استاذ محمد عبد المطلب
او قول زهره وريحنا
اصل واحده دى تحسنى نكره هههههههههههههه
يالا بقا اخدنى وامشى
سلامات
:)

غير معرف يقول...

عمرو..
كلام نور فكرني بدعاء جميل قوي مفروض اننا نقوله لما حد يثني علينا ويمدح فينا.. وبما إنك بتتمدح كتير اليومين دول :) قلت أقولهولك:
"اللهم اجعلني خيراً مما يظنون ، ولا تؤاخذني بما يقولون ، واغفر لي ما لا يعلمون"

ربنا يوفقك دايماً للأفضل..

"ع"

عطش الصبار يقول...

الله عليك
ما تدلنا على المكان اللى بتجيب منه فراشات الكلام
ويا ترى اى وقت من الليل بتزورك جنيات الافكار
كل يوم بتذهلنا
كل يوم ازور مدونتك واقف عاجزه اما الابداع ده فاتركها واخرج بلا تعليق
تقبل تحياتى

عمرو يقول...

زهرة وع وعطش الصبار
أشكركم جميعاً سأعود إليكم بتعليقات مفصلة حالما تنتهي الغمة
:)

Heba Gamal Emara يقول...

الله
تحفه
قد ايه معبرة
جزاك الله كل خير
:)

تــسنيـم يقول...

جامدة أووي و العنوان رائع

تصدق إني رسمته عشان أفهمه :)

بس اتبسطت لما شوفت الرسمة

عمرو يقول...

أكرمك الله يا تسنيم
إيه رأيك؟ مفتكسة صح.. ده أنا قعدت أكتب فيها بتاع نص ساعة.. ههههه