يناير 07، 2010

هدية

lovea أربعة جدران مصمتة نثر عليها كل ما لديه من مسحوق الظلام المعتم. فكر في أنه يستطيع أن يدخن الآن لآلاف السنين دون أن يزعجه أحد ودون أن يشغل عينيه بالنظر إلى صورة الموت المرسوم على علبة السجائر. أربعة جدران باردة يستطيع أن يموت بينها بلا خوف وستحافظ على جسده لوقت طويل نسبياً. أربعة جدران استغرق بناءها وقتاً ومجهوداً كبيرين وهو يستحق الآن أن ينام, ربما إلى الأبد.

قطع تفكيره صوت جرس الحائط. لم يتحرك ولم يبد أنه سمع. كان قد اتخذ قراراً بأنه سيظل مستلقياً في سكون تام قبل أن يغفو غفوة طويلة. لكن فاطمة “بنت الذين” عبرت من بين الطوب والإسمنت وأحدثت الكثير من الجلبة. فتحت النور فأغمض عينيه وتأذى. قبلت جبهته وارتمت بين ذراعيه. همست بأنها قد اشترت له هدية جديدة. بفضول طفل فتح عينيه ونظر داخل الأغلفة ليجد نافذة تطل على شارع فسيح, وشمس متوهجة وسيارات وعصافير.

هناك 28 تعليقًا:

جارة القمر يقول...

نافذة تطل على شارع فسيح, وشمس متوهجة وسيارات وعصافير.


حلوة اوى القصة دى ... يا ريت كل الهدايا تدينا الأمل كدا

أسما يقول...

:) :) :) :) :) :) :)

أسما يقول...

الا لا مؤاخذة في السؤال، مين فاطمة يا عمور؟؟؟؟؟؟؟؟

عمرو يقول...

ربنا يكرمك يا رب يا جارة القمر تعيشي وترفعي معنوياتي
:)

عمرو يقول...

إيزولد
يا بنتي انتي مش المفروض برضه ناقدة كبيرة في الأدب الانجليزي.. مش تقوليلي أي حاجة. شغالة ابتسامات على طول؟ طيب أنا أفهم إيه دلوقتي يعني؟ عجبتك القصة :)

سؤال محرج قوي سؤال فاطمة ده. بس أعتقد إنها هي هي "مي" :)

مش مهم الأسماء بتاعة الشخصيات قوي. أنا بافكر أغير اسم البنت دي وأسميها حبيبة على اسم خطيبتي بنت الأستاذ أحمد اللي تحتنا :)
بالنسبة بقى للدخان فده شيء لا يمكن في حياتي أجربه تماماً.. ليه بقى؟ عشان أنا أساسا أليرجيك.. كان نفسي والله يا أوختشي أدخن زي بتوع السيما بس ربنا ستر :)

أسما يقول...

انت خطبت؟ و كمان اسمها حبيبة؟ عاااااااااااااااا... اشمعني انت، انا عاوز اخطب انا كمان... انا متغاظ... اوفففففففففففف

أسما يقول...

هو مفيش جديد و لا ايه؟ نزل البوست اللي بعده لو سمحت، ده بقاله مدة طويييييييييييييلة و انا اطالب بالجدييييييييييييييييد
D:

ponpona يقول...

صباح الخييير :)

ممممم
مش عارفه !! ... حاسه ان القصه دي فيها حاجه ناقصة أو حاجه مش مكانها ، بس مش عارفه هي ايه ؟؟ احتمال اروح تاني ادور عليها ولو لاقتها هاجي , ولو مالاقيتهاش بردو هاجي D:

وبعدين حاجه تانية:
هو انا انام واصحي ألاقي في بوست جديد وتعليقات كتير وكمان مطالبة بان البوست يتغير بقي لانه بقاله فترة طويلة !! ... هو ايه اللي بيحصل في البلوج دي بالظبط ؟؟

:))

عمرو يقول...

إيزولد
إيه الدوشة دي.. صحيتيني من النوم. وبعدين انتي كده هاتتعودي على بوستات كتير في اليوم الواحد وده مش كويس عشاني :)

عمرو يقول...

بنبونة
يا نهارك أبيض. انتي بتقولي على قصتي ناقصة؟ أنا قصتي ناقصة يا منى؟ عموما مش هاقريكي قصصي تاني :)

ponpona يقول...

عاااااااا .... عاااااااااا
مش هاتقريني قصصك تاني !! ..
طب عاااااااا ... اهئ اهئ اهئ
طيب انا بقي زعلانه :(
زعلانه قوي جدا خالص يعني كدهو :( :( :(
عاجبك كده ؟!! أهون عليك يعني يا عمور !!
يللا بقي اتفضل صالحني ... هه :(

noon kiko يقول...

متفقه مع بونبونه
فى حاجه ناقصه فيها
مديتنيش الاحساس الكامل للقصه ومقدرتش اعيش فيها كتير
وكده بردو تخطب من ورانا طيب فين الحاجه الساقعه
طيب هاتلنا لتر وهنشربه سوا
هههههههههههههههه

ponpona يقول...

بقي كده !!
هافضل زعلان كتير أنا يعني .... طيييب :(

أنا بقي هاجي كل شويتين ..
أما اشوف في حد هايجي يصالحني ولا لأ .. هه !!

وبعدين هو انا يعني ذنبي ايه؟ هاه؟
آه .. هي فيها حاجة ناقصة ، في جزء في النص واقع من الحدوته ، الشيـ ..... ايه ده؟ انا باتكلم؟ لأ .. انا مش هاتكلم خالص خالص :$

انا هاسكت !!
آه .. صح كده
.
.
.
.
.
يللا بقي
انا هافضل ساكته كده كتير :(
يعني آجي وماتكلمشي ولا آجي وماتكلمشي
طيب ده غلط كده علي صحتي !!
يرضيك يعني؟؟
هاه؟
يرضيك؟
لو كان يرضيك انا موافق :(
وبعدين تعالي هنا صحيح
تخطب من ورانا كده؟!!
ينفع يعني؟؟

ثانيه واحده
انا كده باتكلم .. صح؟
ماسكتش ولا حاجة؟؟ .. ايه ده؟
مش انا قولت هاسكت !!
بس انا عايز اتكلم !!

أقولك
انا هاتكلم
وانت سد ودانك
كويس كده؟
بيتهيألي كويس
طيب انا هاتكلم اهو بقي ... سامعني ؟؟
طيب لأ .. سد ودانك كويس كويس
ايوه كده مظبوط
اتكلم انا بقي
ماهو ماينفعش ماتكلمش بصراحه
أقول ايه بقي ؟
أقول ايه؟
ممممم
ثواني اما افكر
خليك سادد ودانك !!
مش معني ان انا هافكر ان ان تفتح ودانك
انا هافكر بصوت عالي ... فيها حاجه دي
حاجه غريبه والله !!
طيب افكر في ايه؟
افكر في ايه؟
يووووووه ... مش عارفه
مش لاقيه حاجه اتكلم فيها
طيب انا هامشي دلوقتي
بس اول مالاقي حاجه اتكلم فيها هاجي

يللا سلام :)

لأ ثانيه واحده ..
هات السلام ، وهات السمايلي دي كمان
لما تصالحني ابقي اديهملك
ولا أقولك
اتفضل ... السلام اهو
وخلي السمايلي معايا !!

جارة القمر يقول...

انا سمعت دوشة قلت اكيد اكيد فى حاجه

ايه يا جدعان كلكم على عمر ولا ايه ؟؟ لالا ماحدش يزعل عمرو لو سمحتم دا عمرو حبيب الملاييين :):)

معلش يا عمرو احنا اخواتك برضو يلا بقى نزل البوست الجديد هههههههههههه

عمرو يقول...

يا خرابي
إيه اللي بيحصل ده. ده يظهر إن فيه مظاهرة في المدونة وأنا مش عارف. إيه يا بنبونة الدوشة دي. حاجة غريبة والله. طيب يا ستي ما تزعليش نفسك. عفونا عنك :)

زهرة
انتي بتساندي بنبونة؟ ده أنا بلدياتك يا زهرة. ماشي :(

Heba Gamal Emara يقول...

على العكس ..القصه جميله جدا وخفيفه
حسيت انى فرحانه لما قريتها



مبررروووووووووووووووك على الخطوبه مستر عمرو وان شاء الله زواجا سعيدا ومباركا وعقبال ما نشوف اولاد حضرتك ان شاء الله :):)

عمرو يقول...

هبة عمارة
انتي فهمتي غلط :) حبيبة دي عندها خمس سنين بس بنوتة زي القمر. أنا قلت لأستاذ أحمد يحجزهالي أهو على بال ما الواحد يكوم نفسه تكون هي بقت عروسة
:)

noon kiko يقول...

هههههههههههههههه
حلوه اوى يكوم نفسه دى
هههههههههههههه
لذيذه خالص
اه بساند بونبونه اصلها هتعزمنى على حاجه ساقعه لما اشوفها ان شاء الله
:)

غير معرف يقول...

القصه جميله جدا طبعا
عشان فيها "اسمي"
:D
حبه جد بقي
بصراحه انا بكره السجاير كره غير طبيعي
عاوزه اقول كلام كتير عن موضوع السجاير ده بس مش قادره
لسه راجعه من الكلية بقي
بس احسن حاجه انك مش بتشرب سجاير :)
.فاطمة.

علياء يقول...

ازيكوا كلكوا كلكوا :)
عمرو ازيك انت كمان.. ما انت من ضمن كلكوا طبعاً :))
معلش اصلي كنت مسافرة ومشغولة وقلت أعدي أسلم وأشقر عليكوا..
أنام شوية وارجع اقرا بقى :)

ponpona يقول...

هو مافيش بوست جديد بقي :(

Heba Gamal Emara يقول...

مستر عمرو ...


يا جمااااااااااااااعه انا مش فاهمه حاجه خالص ...حد فاهم حاجه :)

عمرو يقول...

علياء
حمد الله على السلامة. مستني تعليقاتك :)

بنبونة
عندي امتحانات يا بنبونة والله :(

هبة
ما خطبتش, والله ما خطبت.. أحلف على المصحف يعني.. أما حاجة غريبة والله. :)

أسما يقول...

هع هع هع ... الناس فاكراك خطبت يا عيني... انا هاروج هذه الاشاعة... يا هبة يا حبيبتي، عمرو خطب بس بيداري عشان الحسد، اسأليني انا، انا صاحبه من زماااان و مش بيخبي عليا حاجة و هو اكد لي انه خطب...
(وش فرحان فيك يا عمرو)

انا عملت الواجب هنا، اروح اولعها في حتة تاني بقي... نياهاهاهاها
:)

عمرو يقول...

إيزولد
إذاً فهي الحرب نياهههاهاها

Heba Gamal Emara يقول...

أنا أسفه جدا والله

واضح ان فى سوء تفاهم كبير حصل


آسفه جدا جدا يا أستاذ عمرو على الازعاج اللى سببته

:(:(:(:(:(

عمرو يقول...

هبة
ما تبقيش حساسة قوي كده, ما فيش حاجة حصلت أساسا :)

عطش الصبار يقول...

يارب فاطمه تفضل تقتحم جدارالطوب والاسمنت على طول وتهديك النافذه اللى بتطل على الشارع والشمس والعصافير
وتنثر على الجدران بعضا من ضياء القمر
تحياتى