يناير 10، 2010

My mood

بننجرح .. كل يوم
لكن بيفرحنا
إن أنت جوا القلب
ساكن في أفراحنا
وأنت الأمل في العيون
والنشوة ساعة الجنون
وإياك تكون زيهم
وتروح وتجرحنا
د أنت الوحيد منهم
تقدر تريحنا

هناك 25 تعليقًا:

Isolde يقول...

امممممم... بتسمع منييييير... يبقي اكيد خطبت، مفيش كلام... هع هع هع

ايه بننجرح دي بقي، مش عايزين قوقزة، انا عارفة ان بقية الاغنية فرايحي شوية، لا مش فرايحي خالص... تصدق انا تقوقزت... ذنبي في رقبتك
:(

عمرو يقول...

الأغنية دي لا فرايحي ولا حزايني.. دي حاجة تالتة ما فيش غير اللي خطبوا بس هما اللي يفهموها ههههههههه

وبعدين احنا هانتلكك.. قولي انك جاية متقوقزة أساساً مش الأغنية الجميلة دي هي اللي أدت لقوقزتك (زغراني)
:)

ponpona يقول...

ياسلام ياسلام

بس تصدق يا عمرو
حلوه قوي حدوتة إن انت اتخطبت دي .. ها؟ الفرح امتي بقي علي كده ؟؟


;)

عمرو يقول...

بنبونة
واضح إني اتجوزت كمان وأنا مش واخد بالي :)

ponpona يقول...

ههههههههه

طيب ابقي هات المدام وتعالي بقي ياعمور :)

جارة القمر يقول...

وإياك تكون زيهم
وتروح وتجرحنا

لو نقدر نطمن من الناس اللى بنحبهم كدا ماكنش حد تعب !!

ماكنتش بسمع منير كتير وبسبب احد الاصدقاء بدأت اسمعه و بسببك يا عمرو هروح اسمع الاغنية دى دلوقتى :):)

ربنا يكرمك و يحميك يارب و يديك كل اللى بتتمناه

عملت ايه فى امتحاناتك ؟؟؟؟؟

تــسنيـم يقول...

الأغنية دي فيها شجن .. و الشجن إلى الآن لم يتم تصنيفه تحت خانة الفرح أو الحزن

:))

أحمد الشمسي يقول...

إلى عمرو محمود السيد القاطن على شبكة الإنترنت:

I was mentioned

بكل المناظيييييير

عمرو يقول...

جارة القمر
فرحان قوي إنها مستك وعجبتك كده. أنا لسة امتحاني يوم الأربع والخميس والسبت والتلات والخميس عاااااااااااااا

عمرو يقول...

تسنيم
الإغنية دي فيها حب وخوف من المجهول مخلوط بألم من تجارب سابقة أو حالية. فيها مشاعر كتير وعشان كده باحبها :)

عمرو يقول...

أحمد يا شمسي :)
باقولك إيه.. أنا باقترح نعمل مسابقة أنا وانت ونشوف مين اللي يكسب كده اتنين صفر :)

enjy يقول...

تخيل لما حد من اللى فى قلبك وبيفرحوك دول بقى يخبطك الخبطة الشديدة


هع هع هع


عموما انا بحسها ممكن تتطبق على اى حاجة فى الدنيا حتى لو حلم او فكرة جواك

حلمك ممكن هو اللى يخليك مستحمل رخامة البقر...قصدى البشر

وسمعنى سلام قومى نامى يا زفتة

عمرو يقول...

إنجي
ايه اللي حصل لك يا بنتي؟ مالك انتي متضايقة من حاجة؟ مش دي تعليقاتك اللي متعودين عليها :(

Isolde يقول...

البوست الجديد نزل يا فندم... انجوووووووي
:)

غير معرف يقول...

السلام عليكم
على الرغم انى نويت انى ادخل اقرا بس وما اعلقش علشان بقيت تنفضلى يا عمرو
الا انى فعلا ليا كام يوم الاغنية دى معلقه معايا صبح وليل لدرجة انى حطيتها نغمة للموبايل

ودمتم
الحاج / محمد بحر

عمرو يقول...

إيزولد
ربنا يخليكي يا رب للغلابة اللي عندهم متحانات زي حالاتي :)

عمرو يقول...

حاج محمد حبيبي
ليه بس يا باشا, ده ما أنا بأرد أهو. ما يرضينيش زعلك أبدا. أنا هانزل سوهاج إن شاء الله آخر الشهر وقاعد يمكن لغاية آخر اتنين ومؤكد هاشوفك :)

علياء يقول...

عمرو.. مبروك الجواز هههههههه

الأغنية جميلة فعلاً يا عمرو وكلماتها حلوة قوي :) فيها إحساس خفيف كده جميل

عمرو يقول...

علياء
الله يبارك فيكي.. كنت عاوز أعزمك بس انتي كنتي مسافرة :)

micheal يقول...

اختيار موفق
:)

عمرو يقول...

مايكل حبيب قلبي
كل سنة وانت طيب يا باشا.. انت بتيجي بس عشان تقول إن الاختاير موفق؟ طيب المرة اللي جاية سيب دي عليا أنا واكتب حاجة تاني :)

واحده من الناس يقول...

الف الف مبروك
هو الفرح خلص ولا هلحقلى فيه ازازة حاجه ساقعه
ههههههههههههه
هو منير ده وفيروز اللى جابونى ورا
ههههههههههههه
اقولك خليك مع محمود الليثى هيظبطلك دماغ كده
هههههههههههههه
مبروك بقا على اللى انا مش عارفه هو ايه اللى مبروك عليه
هههههههههه

جارة القمر يقول...

عمرو ربنا معاك بكره فى الامتحان
مش هو بكره برضو ؟؟الاربعاء

ابقى طمنا لما تيجى من الامتحان اوك

عمرو يقول...

بكرة المفروض إنه التلات على ما أعتقد يا جارة القمر.. أنا فعلا عندي امتحانين يوم الأربع بس أنا ولا بيهمني على فكرة.. هع هع هع
اقري البوست الجديد وقوليلي رأيك :)

سؤال يقول...

اغنية حلوة..
منير صاحب البعد التالت في اغانيه, كل واحد بيفهم اغانيه بطريقة..تقريبا مفيش مطرب مصري بيقدم اغاني عميقة زيه..
ابقي تعالي يا عم و متغيبش..خالص الود و التحية.