يوليو 27، 2009

من كتاب الحواديت

fa54485b-bede-4692-89ac-49e25a61d5d0bookofknowledge[1]

هكذا وصفت لي أمي أوصافها وحكت كل حكاياتها من كتاب الحواديت. قالت إنها ستخرج من الكتاب في يوم من الأيام، وتطير مثل فراشة مضيئة، فتفتن بألوانها ونورها من يقترب. قالت إنها هي السعادة والألم, وإن محبها هالك, وواصلها مفقود. ثم أوصتني إن رأيتها أن أبتعد.

الآن تحققت النبوءة يا أمي. الآن أراها رأي العين...

ورغم أنها بارعة في التنكر, رغم أنها بدلت كل ثيابها الملكية بثياب الناس العاديين, وأخفت نصف وجهها تحت نظارة ثقيلة, وحملت حقيبة يد كبيرة لا تحملها الأميرات, إلا أنني عرفتها. هي الأميرة يا أمي, وكيف لي أن أنخدع.

قالت: فتنتك بنورها؟ قدرك إذاً أن تشقى وتسعد, أن تسعى ما بقي من الحياة وراءها. قدرك أن تنتظر. معذور أنت يا ولدي, كيف لمن يرى النور من وسط الظلام أن يبتعد؟

هناك 24 تعليقًا:

noon kiko يقول...

اولا انت رائع ف اختيار الصور وبما انى مشروع رسامه..فانا باخدها على الموبايل وهاتك ياغش عشان تطلع زى الصوره..بجد ذوقك عالى..
ثانيا..هل اقتنعت اخيرا ان حواديت والدتى ووالدتك هى السبب فى افكارنا المتقوقزه..هههههههههه
اينعم... مش هما السبب فى خيالاتنا اللى بتشطح بينا لحد الاساطير ؟؟وطالما نبهتك فى الحدوته دى من الاميره كانت تحكيلك عنها ليه من الاول.؟
وانا رايى فعلا ان ليه اللى هيشوف النور وسط الضلمه مش هيجرى عليه,..طبعا هيجرى ويترمى فيه لانه اتحرم من النور كتير..
اتكل على الله انت وسيبك من كلام طريقك مسدود مسدود يا ولدى مسدود
انا عمرو السيد علمنى ان لا يأس مع الحياه..وان الحواديت بتتحقق ..وسندريلا وسنووايت مش بس اساطير اتحكت لنا فى ليلة شتا لا دى حقيقه هتحصل لنا..والشاطر حسن\والاميره..هى المعجزات الوحيده اللى عندنا يقين بحدوثها فى حياتنا
معلش رغيت كتير بس دى عادتى
وبجد:لا اسكت الله لك قلما..انا مستمعه جيده جدا لكلماتك رغم انى كنت هقاطعها عشان مكنش مسوئه سمعتك ع الفيس بوك ولا المدونه..انا زعلت فعلا عشان انت خدت كلامى بحساسيه مفرطه
عموما ده مجرد راى قارئه مش اكتر

noon kiko يقول...

بص بقا انا بعد الا ضطهاد المستمر من اول مازرتك واحتراما لكرامتى وبعد تعليقاتك اللى لسه فاقعه مرارتى بيها حالا..انا بعلن من موقعى هذا انسحابى التام من المدونه..واما تبقا تحن لحد يشاكسك ويتقوقز عليك انت عارف هتلاقينى فين..ومتشكرين يا ذوق..ولو سمحت متكتبش عن الحواديت تانى عشان متغرينيش بالقرايه اوك
يالا اشوف حضرتك صدفه

غير معرف يقول...

د/ عمرو محمود السيد :
إنت برنس الحكايات ولو حتي من سطرين!!!
والله هتوصل للشباك وهنتزاحم علشان تمضيلنا علي أتوجراف يا بروف !!!
* إختيارك رائع للصورة.دي معمولة عمولة يا دوك؟!...

ديدي

غير معرف يقول...

فعلا والله الصوره جميله جدا والبوست اجمل
عجبتني حته ان الاميره اتنكرت وانت برضه عرفتها خلتني أحس انها واقع مش حدوته
وعندك حق مين هيبعد عن النور و هو في الضلمه
keep up the good work
angel

عمرو يقول...

أهلا زهرة
طبعاً مش عارف أرد على إيه ولا على إيه. بس يظهر إن فيه سوء تفاهم بيننا. أنا مش باقولك إنك شوهتي صورتي ولا حاجة, أنا بس باتضايق لما حد يجيب سيرتي بكلام حلو أو وحش, وأحمد عارف كده كويس. وحتى لما لفت نظرك ما كنت باهزر بس.
أنت حساسة بشكل مفرط يا زهرة.
مدونتي تشرف باطلاعك عليها وبزيارتك لها.
:)

عمرو يقول...

ديدي
متشكر خالص قوي جداً يعني. ربنا يسمع من بقك يا ديدي ويديني السعادة اللي منتظرها.
:)

عمرو يقول...

angel
مش عارف ليه حسيت إن تعليقك المرة دي مجرد مجاملة. مش سخن كده ومليان حيوية. إيه التدوينة ما عجبتكيش.
:)

غير معرف يقول...

طيب من غير مجاملات الفكرة والقصة وكمان كلمات منها كتير من حكاية بيغنيها سى عبده الحليم حافظ..هو ناقص تحط هنا من حاول فك ضفائرها من ...الخ .مفقود يا ولدى مفقود..

غير معرف يقول...

لا عجبتني جدا والله
صدقني انا مبجاملش خالص
انا بقول الحقيقه علطول
واسأل عارف
وبعدين والله مش بمسك علي الكلمه ولا حاجه دا انا بس بستفسر بس
متزعلش يا عمرو
وبجد جميل جدا البوست و مليان مشاعر
وبعدين عارف الواحد اما تعجبه حاجه قوي و يقف قدامها speachless ‎‏ اهو انا كده(وشوف خلتني اكتب كلمه مش متأكده من السبيلنج بتاعها هههههه :) )
انا مش قريتلك بوست معجبنيش كل الي قريته عجبني جدا
انا لسه بس مش قريت الترجمه
هقراها ان شاء الله
angel

Unknown يقول...

على فكرة انا بمسك حقيبة يد كبيرة و وشى مختفى نصه تحت نضارة اما نظر او فى حالات تدليل الذات نضارة الشمس وكمان اسمى على اسم الاميرة انجى.......


ودة نطلع منه بايييييييييه؟؟؟؟ انى مكنتش بحب الحواديت خالص..نياااههاهاهااااا


تعبيراتك مالهاش حل على فكرة..انت شنيع

غير معرف يقول...

U? What r u man? B relaxed Ive a website publishes my latest books, articles & reseaches in Saudi ...ur blog was mentioned in a conv with a friend, I thought of a visit but it wasOOOOOOOOOoooooo

MAJED
عقدة الخواحة عند المصريين هى عقدة الاميرة عند الحبيبة بتشديد الباء..يعنى اطلع م العقدة نصيحة

أسما يقول...
أزال المؤلف هذا التعليق.
جمال عمارة يقول...

الآن.. أنت تثير غضبي!
من أين لك بهذه الصورة الرائعة(تلك المرسومة، وتلك المكتوبة)؟
وكيف وقفت على أطراف أصابعك على الخط الفاصل بين ما تقوله، وبين قارئة نزار؟
أأنت تثير أعصابنا؟ تقترب حتى نكاد نتهمك ثم تخرج لنا لسانك.. وكأنك تقول.. اقرءوها مرة أخرى.. لم اقتبس من عمنا نزار شيئاً؟؟

وفعلاً قرأتها مرة وأخرى.. واستمتعت وصرت أخاف على نفسي من إدمان لمحاتك..

ممتعة يا ولدي..

عمرو يقول...

غير معرف
طب يا أخي عايز تنتقدني خلي عندك الشجاعة الأدبية وقلي على اسمك, عشان أعرف أجي وأضربك
:)
على فكرة أنا عارف إنها فيها من كلام نزار ومن حاول فك ضفائرها. بس هي تبتعد عن نص الأغنية أيضاً كثيراً
إقرأها مرة أخرى

عمرو يقول...

angel
أنا اتثبت. يعني اتكسفت باللغة العربية. آه والله. تخيلي يظهر فعلاً إني كاتب ومبدع ومترجم رهيب. عموماً ده كان متوقع
نياهاهاها نياهاهاها
شكراً قوي على الكلام الجميل ده يا إينجيل
:)

عمرو يقول...

الأميرة إنجي
كل بنت جواها أميرة من اللي بنقراهم في الحواديت. بس كل أميرة لها فارس واحد بعيد عنها وعشان يوصل لازم يتعب ويبذل مجهود كبير.
أنا باحب تعبيراتك جداً يا إنجي واسمحيلي أسرق بعضها
نياهاهاهاها
:)

عمرو يقول...

Majed
عارف إيه المشكلة؟ أصلك جيت المدونة بتاعتي في يوم كان المود فيه صعب خالص, فكلامي كان ناشف حبتين
أهلا بيك يا باشا
ممكن أعمل زيطة دلوقتي وأجيب زوار المدونة يرحبوا بيك
:)
مين بقى الصديق اللي في السعودية وقالك على مدونتي
سعيد؟
لو هو يبقى تسلملي عليه قوي قوي قوي
:)
مستني زيارتك الجاية
آه صحيح. أنا مش متعقد خالص, لكن القلب بيحلم يا ماجد
أنا اتشرفت بيك
سلام

عمرو يقول...

إيزولد
التعليق سهل جدا يا بنتي. أنا ممكن أشرحلك أبسط الطرق لعمل تعليق حلو ولطيف. بصي الجمل دي
- إيه الجمال ده, أنا منبهرة, عرفت إزاي تقول كده؟
- أنا مذبهلة, حلوة وفي الجون (ده لو كان البوست رياضي طبعاً)
- إنت أحسن مدون في التاريخ

يعني حاجات من دي
(وش بسنان)
:)

عمرو يقول...

أستاذ جمال عمارة
أنا هاستعير تعبير من إنجي وأقول عليك إنك بالفعل رئيس جمهورية الناس اللي بيفهموا وعن جدارة
:)
آه والله. يا سلام أهو أنا كده اطمنت على مستوايا.
بالنسبة بقى للإدمان فده خلاص حصل, لأنه بيحصل بعد التعليق التاني
هههه
ومش عارف بقى هانلاقيله علاج ولا لأ. نبقى نشوف الدكاتير زوار المدونة هايقولوا إيه
:)
تعرف يا أستاذ جمال؟ لما باشوف اسمك وسط التعليقات باحس إن فيه حدث كبير حصل. آه والله. كأني باتفرج على نشرة الأخبار وقالوا بكرة أجازة
هههههه
شرفتني جداً جداً بزيارتك

أسما يقول...
أزال المؤلف هذا التعليق.
عمرو يقول...

الأميرة إيزولد
من قال أنك لست أميرة؟ ده إنتي ست الأميرات كلهم.
:)
انتي كمان بتلبسي نضارة وتشيلي شنطة تقيلة؟ ربنا يعينك

عمرو يقول...

إيزولد
على فكرة فيه بوست جديد ما علقتيش عليه
يا ربي على الإهمال
هافضل ألف ورا الزوار كده عشان يعلقوا
offffffff
ههههه
:)

أسما يقول...
أزال المؤلف هذا التعليق.
عمرو يقول...

أشكر يا إيزولد
:)