يوليو 08، 2009

ثلاث حقائب ثقيلة وذراعان فقط

Deprivation_by_zaroen02

لمحتهما بعين طفل صغير يختلس النظر بشغف إلى باترينة الحلوى وجيوبه خاوية. وضع يده على يدها في ظلام العرض, مالت عليه وقالت شيئاً فضحك. مال عليها وقال شيئاً فتورد وجهها خجلاً.

الآن عرفت مذاق لعاب المحرومين.. الآن فقط فهمت لماذا أشعر بالغربة كلما قال قلبي إنني أنتمي إليها. لماذا أشعر بشعور اللاجئين حين أكلمها, لماذا أقف أمامها فأجدني بثلاث حقائب ثقيلة وذراعان فقط, وبطاقة لا تحمل اسمي ولا صورتي. الآن فهمت. لكنني متأكد من أن شيئاً لن يتغير. ففي المرة القادمة حين ألقاها سأنفخ في قلبي فيخرج فقاعات حمراء تطير وتنزل على وجهها, وسأشتري لها وردة تقول "أحبك" وستخطف هي الشيكولاتة من يدي بسعادة طفولية بالغة وتقضمها.

هي تحب الشيكولاتة.. وأنا أحبها.

هناك 17 تعليقًا:

تــسنيـم يقول...

أه يا قلبي

:\

:\

:\


يا بني حرام عليك.. فيه هنا ولايا بتيجي تقرا بوستاتك


رفقا بالقوارير يا عمــرو

عمرو يقول...

أهلا تسنيم
إيه رأيك؟ مبدع والله.
:)
طيب ودي حاجة تزعل البنات في إيه ولا تضايقهم ليه بس. والله الكلام موزون

عطش الصبار يقول...

يا خبر ابيض
ايه الكلام والاحساس الجميل ده
بتجيب الكلام ده منين
اكيد دا احساس
مايقولش الكلام ده الا قلب باتساع الكون
والكلام ده بيوصل لها اكيد تبقى اسعد انسانه لان حد بيحمل لها الاحساس ده حتى لو كانت فى الخيال
انا هسافر يوم 17الموافق الجمعه
ان شاء الله
اللى عايز حاجه من اوباما يقولى
انا واخده حتتين جبنه قديمه مع شويه مشلتت ومش معقول يرجعوا السبت فاضى
اما نشوف هنرجع بايه ربنا يستر ماارجعش بانفلونزاحلفائهم
مره اخرى
بوست رائع وابجديه اروع

عمرو يقول...

لا طبعا.. أنتي فاكراني شخص حب ولا طالشي؟يا عطش الصبار أنا أي بنت ما تاخدش مني غلوة.. الكلام ده كتبته متأثراً بقصة واحد صاحبي. أنا مبدع, مش كده.
تروحي وترجعلنا بألف سلامة
:)

آية مش هنا يقول...

هو انا بحب اللي انت بتكتبه ده اوي
بحبه بجد يعني مش كلام
بس بتعب ..

:|

حلوة اوي يا عمرو .. بوجع ، و بزيادة .

تسلم ايدك
:)

جارة القمر يقول...

كلام جميل كلام معقول مقدرش اقول حاجه عنه ... هههههههههههههههههه

لا بجد كلام حساس جدا و حلو اوى
بس هو ليه كل بنت بتدخل تكتب رأيها بتحسسنى ان الكلام دا فى الخيال وبس

عمرو يقول...

أهلا آية
أهلا بيكي هنا
والله يا آية ده أقل ما عندي. أنا بس أحب كده وهتلاقيني باقول درر
:)
عجبتني قوي تسلم إيدك دي, ولو إنها بتتقال في مناسبات معينة يعني
:)

عمرو يقول...

هو مش في الخيال بس يا جارة القمر
أنا عارف إن لسة فيه ناس بتحب بجد. وكمان فيه ناس فاكرة نفسها بتحب وهي ولا تعرف عن الحب حاجة
أنا بافرح كل ما أشوف اسمك في التعليقات. مش تغيبي عن المدونة
:)

فاهم وكبير يقول...

لازم يعنى حتة الدموع والحرمان دى؟هو لازم الحب عندك يبقى ألم وحرمان وهروب وكإن اللى بيحبوا دول بيعملوا حاجة مرفوضة و لا مش موجودة ع الارض..غريبة ده حبك سوداوى ومش لازم كل اللى يحب يبقى بطريقتك والا يبقى مش بيفهم حاجة فى الحب..طيب انا وحبيبتى مثلا عايشين بنحب وناكل ايس كريم فى الشارع واعتراضات والدها وخالتى بتخلينا نفرح اكتر لان الناس مش بتفكر تضايق حد زعلان..يعنى باختصار ع الارض فيه حب ومش لازم زى الحب السيكو بتاعك ما احنا بردى بنفهم..ولا ايه؟

micheal يقول...

ايه يا عم الحاجات دي..تحفة يا عمرو
هاتلي معاك شيكولاتة بقي
:)

عمرو يقول...

أهلا يا فاهم
على فكرة انت لا فاهم ولا كبير
تعرف تعليقك غاظني قوي. الراوي في القصة زعلان عشان حبيبته مش بتحبه يا بني آدم. المصيبة الحقيقية اللي ممكن تقابل الفرد مش إنه يلاقي مشاكل هو واللي بيحبه. المصيبة الحقيقية إن الطرف التاني يكون مش حاسس بيك.
سلام ومن غير سمايلي

عمرو يقول...

أهلاااااااااااااااااان مايكل
انت تؤمر يا باشا, مش عايز وردة وشوية فقاقيع؟
ههههه
:)

كبيير وفاهم يقول...

هههههه بجد متغاظ طيب ممكن تشوف التعليق ده افضل يمكن مش تتغاظ يا كابتن وتعترف انى روائى اكبر منك وافهم اكتر وبشكل افضل ولا ايه؟
احم احم
كثير من الحذلقة فى المشاعر يجعلها بحاجة لزجاجة بيبسى لتهضم..فانت فى استعراضك للحب تبدو كالشرطى المبتدىء يركل الابواب و يصيح قف بوليس..وما كانت البساطة والتلقائية الا لتعبر عن الاحساس..(هههه) كلام كبيير طبعا

وبمناسبة حبك العنيف الغريب المؤلم ده عندى بوست على مدونتى يوضح لك نوع حب جديد انت متعرفوش .. ولانها مدونة خاصة بى وبخطيبتى انا مضطر الزق لك البوست هنا ولو حبيت تقراه وتستفيد ماشى ..مش عاجبك براحتك عدانى العيب نصحتك,..يالا شوف وعايز تتريق بعدها بردى انا كبييير وفاهم ههههههه
***
لماذا هى فى حياتى واحلامى وخيالى؟
موجودة فى حياتى ولا اقوى على الهروب من ذلك وسمحت لنفسها ان تسكن عقلى الباطن لتخرج فى احلامى حين انام ثم ماذا افعل؟ ساحلق بخيالى بعيدا وانا مستيقظ

التفت يدانا فى رقصة رائعة تحت المطر الغزير وصرخنا سويا عندما احتبست انفاسنا من شدة انهمار الماء , وارتفعت ارواحنا تحلق فوقنا ونحن نلهو بكل صخب وانطلاق فى هذا الجو الذى يختبىء منه الناس...وفجاة توقف الماء كليا..لماذا؟ رفعت عيناى المبللتان لأرانى اقبض على قائمة الدش فى حمامى وانقطعت المياه كالعادة عن العمارة...اووووووه انها مرافق المياه والصرف والمواصلات والغلاء والزحام وتفاهة كل شىء ..
انها اشياء موجودة فى حياتى واحلامى وتقفز ايضا الى خيالى بابتسامة شامتة:...انا موجودة؟؟

عمرو يقول...

كبير وفاهم
برضه مش فاهم على فكرة.. تعرف شكلك مش هاتفهم أساساً. بس عموما كلامي أحسن من كلامك.. روح العب بعيد يا شاطر
:)

غير معرف يقول...

ههههههههههه لا انا عار ف انك بتشد شعرك هههه اقصد بقايا شعرك من الجنان لكن هسيبك تهدا واشوفك البوست الجاى كمان ولا ايه؟

غير معرف يقول...

ههههههههههه لا انا عار ف انك بتشد شعرك هههه اقصد بقايا شعرك من الجنان لكن هسيبك تهدا واشوفك البوست الجاى كمان ولا ايه؟

زهره ربيعيه يقول...

لماذا النوم صار عنيدا اليوم..؟فى الغد ساستيقظ بصعوبه واذهب الى عملى لترتعش فرشاتى بين يدى وانا ارسم لوحة طلبتها مديرتى وعقلى تضج فى جنباته خيالات قلوب حمراء..وقلب بدون حب اصبح بلا هويه..كلماتك تكاد تشبه حرفيي خان الخليلى..ببضاعتهم من آنية نحاسيه براقه ومنقوشة بمهاره..اطار بريقها النوم من عينى ..ورفعتنى حرفيتها الى سماء غير منظوره..فماذا الآن..هل لى ان انام..فلتستدعى لى النوم كما كنت السبب فى هروبه