يوليو 31، 2009

زفاف



أدرت المفتاح، ودخلت شقتي التي أصبحت خالية.
منذ أن رحلتِ، أصبح الهواء سميكاً بعض الشيء، ثقيلاً كهمي وخسارتي، أو هكذا شعرت به، فلم أستطع أن أتنفس.
بينما كنت أتجول بلا هدف في الغرف، لاحظت زوج حذائي البني، وقد اتخذت فردتاه وضعية معينة. على الفور عرفت ما دار، وما كان، وما حدث. فأنا متأكد من أن هذا الولد الشقي قال لها بلا مقدمات إنه يحبها، وأنها قالت له بعد الكثير من الخجل إنها تعشقه. ربما تغزل في وجهها الذي غلفه التراب، وتغاضت هي عن تشققات بدت واضحة في كعبه.
نظرت إليهما، وأحسست أنهما محظوظان للغاية. جال بخاطري أنهما صُنعا في نفس اليوم معاً، وأنهما لا يفترقان إلا فيما ندر، بل وسيهلكان معاً، ومن يعلم فقد يتقدم بهما العمر فتفتح الثقوب فماً لكل منهما يقبل به الآخر. أغلقت باب الغرفة، وموسيقى الزفاف تعزف في رأسي، بينما كانت الفرحة تملأني، فأنا -على الأقل- أمتلك زوجاً سعيداً من الأحذية.

هناك 28 تعليقًا:

Isolde يقول...

أخيرا انا اول واحد يعلق D:

A happy married couple! That's an amazing idea... did I tell tht I liked this brown pair ;)

أحمد الشمسي يقول...

جميل يا عمرو والله... زي ما قلت لك امبارح تجربة شغااالة... فكرة حلوة. بس لي تعليقات شكلية:

جملة: "أو هكذا شعرت" مش في مكانها خالص، انت قلت: ثقيلا كهمي وخسارتي، ودي كانت نقطة قوة أضعفتها بالكلمة اللي بعدها "أو هكذا شعرت"أولا لأن ده معروف ضمنا ويتنافى مع قصة بكل هذه القوة والتكثيف. بص لها كده بعين واحدة وانت هتاخد بالك من اللي بقول عليه.

غير كده يا باشا القصة مصوبة تماما نحو الهدف. لقطة ذكية مليئة بالمشاعر المختلطة بين حزن عميق يكتنف البطل وبينرغبته في الخروج من حالة حزنه متمثلة في بحثه عن مصدر للسعادة في زوج من الأحذية.

أهنئك

عمرو يقول...

أهلا إيزولد
أخيراً وصلتي هنا بدري قبل الناس. هههه

Nope u didn't.
:)

عمرو يقول...

أهلا أحمد
مش عارف والله. للدجة دي الكلمة وحشة؟ ربما هافكر فيها وأرد عليك
:)

زهره ربيعيه يقول...

ومن يعلم فقد يتقدم بهما العمر فتفتح الثقوب فما لكل منهما ليقبل به الاخر
احساس رائع فى جمله متواضعه وتشبيه بسيط..
عشره على عشره
انا طبعا هضطر اصوم 3 ايام عشان كنت حالفه مزورش البلوج ده تانى ولا اعلق عليه..وانا فعلا زعلى وحش..بس مقدرتش فضولى اقوى من عندى
ولذلك ساقنى الحظ الى هنا..عشان اقرا اجمل حاجه
جميله جدا..وكلماتها جميله جدا
على فكره الكوتشيات اللى فى الصوره يجننوا ..معلش اصلى مدمنةكوتشيات..ههههههههههههه
وميرسى على التعليق عندى..ده اكبر من حجمى..اكبر مما تتصورههههههههههه

عمرو يقول...

أهلا زهرة
يا وقعة سوخة؟!!!!
انتي حلفتي ما تدخليش المدونة بتاعتي؟ لا مش أنا اللي يتعمل معاه كده. أوعي تعملي كده تاني
:)


على فكرة أنا ما قصدتش غير إني أقول اللي بيضايقني بصراحة.. يعني أنا ما أحبش حد يقولي كلمة زي اتبطيت دي. اسألي حتى أحمد وهو يقولك. اسأليه عن "النهوض بالبتاعة".
أنا ما أقدرش اخسر قارئة بوعيك يا زهرة

متشكر قوي على كل الكلام الحلو ده
:)

زهره ربيعيه يقول...

ههههههههههههههه والله اتبطيت دى مش اهانه ههههههههههههه والله دى مصطلح من بتاعنا..عموما متزعلش منى..ههههههههههههه كل المشكله فى اتبطيت !!دانا هبطلها تماما..وعلى فكره اليوم اللى هتيجى حضرتك فيه القصر انا هغيب
اوش ورى ازاى على راى صحبتى
انا اقعد ف بيتنا بكرامتى ههههههههه
بص احنا كده خالصين..اللى فات مات ومن هنا ورايح انا هقفل بقى شويه واجاوب على اد السؤال
هو السؤال ايه؟هههههههههه

عمرو يقول...

زهرة
مافيش سؤال ولا حاجة
:)
no hard feelings

غير معرف يقول...

جميل جدا البوست ده
لذيذ ومبهج ومن اول ما قريته ابتسمت
وبعدين كده تضحك علينا وقعت قلبنا والله بس
welcome back
وبجد بوست حلو قوى بس مش عارفة اعلق قوى مش عارفة ليه
اكيد عشان حكايه ال speachless ديه :)
angel

enjy يقول...

نيااااااهاهاهااااااا

يعنى مفيش أمل فى السعادة غير للجزم بس يا عمرو باشا؟؟؟؟

يالهوى يااانى يعنى كدة خلاص افقد الامل واعمل عملية تحويل وابقى جزمة؟؟؟

بس عارف يا عمرو فى جزم غالية اوى ييجى بستميت سبعميت جنيه كدة والله دة انا ابقى كسبت لو بقيت فردة كوتشى اميجو كدة وللا اكتيف وللا حاجة من الغاليين دى..

بس بررررررضو هبقى فردة واحدة..اهىء اهىء مش مكتوبلى الاقى فردة تانية حلوة ومقطقطة تقدر الرباط بتاعى..

يللا بخاطرها بقى..بقولك ايه البوست دة حلو يا عمرو يا ابنى..استمر احتمال ييجى منك وتبقى زيي..

متركزش معايا عشان متهيسش

مش ناسيالك المقلب بتاع محبط ومكتئب واقرب فرصة..انا عندى مرض اسمه العلمى اقرب فرصة..الجملة دى ببقى عارفة انها نهاية اى حاجة حلوة فى حياتى..يللا هسامحك عشان قلبى كبير وطيبة واميرة وحونينة وبسكوتة و رهيفة وووووو كفاية كدة نفخ يا عم الحاج بقى انت مش ناقص صح؟؟؟

يللا سلام

عمرو يقول...

angel
كفاية إنك بتتعبي وتزورينا, وأهي إنجي بتعلق ليها ولخمس ست زوار معاها
هههه
:)

عمرو يقول...

إنجي
أنا بارد من جهاز واحد صاحبي
نفسي أرد عليكي رد ممل ومفصل, بس العين قصيرة يا بنتي
عموماً أنا آسف على الخضة
بس أنا أتأسف ليه أساسا.. مش ذنبي إنك فهمتي كلامي غلط
أنا مش متأسف ولا حاجة
هههه
:)

غير معرف يقول...

Hi man 4 the previous post I dont know about Egyptian TV but Im sure I know whats Egypt ..& ur post today tells me u have something 4 our new job if that works,
MAJED

عمرو يقول...

Hi Majed
Well, thx for the offer, and these nice words. So, wht is the job exactly? I've written my email in the last post's comments column, and I received nothing.

المهم بغض النظر عن موضوع الشغل ده. إنت عامل إيه؟
:)

جارة القمر يقول...

جاااااااااااامد جدا جدا الصراحة الفكرة جديدة و حلوة اوى .... بجد يا عمرو يا رب يارب يكرمك و يفرحك ان شاء الله و تبقى اشهر كاتب

تعبيرك رائع اوى و الفكرة مميزة فعلا

انا بقالى كتير ماجتش .. عامل ايه و ايه اخبارك؟؟؟

غير معرف يقول...

تعب ايه بس ده الواحد بستمتع باللى بيقراه جدا
وعلى فكرة بتعجبنى تعليقات انجى اوى لذيذة جدا
:)
angel

غير معرف يقول...

إزيك يا عمرو؟ أنا زيك مكنش عندي كمبيوتر اليومين إاللي فاتوا!!!.
فأحب أن أشكرك علي إن إسمي كان من ضمن الأسماء إللي بتكتب علشانهم ؛ والله فرحتني جدا؛ ربنا يعزك .
"زفاف ": في الحقيقة لما قريت العنوان وشوفت الصورة ؛ إستعجبت جدا؟؟!!!
زفاف إيه ده.... بس بعد ما قريت أد إيه جميل ؛ فكرة إنك رغم الخيانة إللي البطل شفها بعينه ؛ بس رغم كده دور علي شيء تاني يسعده ؛ حتي ولو كان زوج من الأحذية !!!. الله عليك ؛؛؛
تعرف يا عمرو لو كل واحد مننا دور علي سعادته في الأشياء أو في الأشخاص إللي حواليه أد إيه هنكون سعداء؛ حتي ولو كان الشيء ده بسيط يعني تعرف أنا سعادتي مثلا في حاجات كتير :*لما بأزور بابا كل يوم جمعة .
* لما حد بيدعيلي دعوة حلوة.
* لما بروح البيت وألاقي ماما مستنياني وعملالي الأكل إللي بحبه علشان ناكل سوا .
*لما بسمع صوت أخويا كل يوم وسؤاله المتكرر إيه الأخبار ؟ مفيش جديد !!.
* لما أدخل المدونات وأقرأ لناس بحترم تفكيرهم فأستفيد ؛ وإنت طبعا علي رأس قائمة المدونين إللي بحترمهم جدا.
والله ده أنا محظوظة جدا كل دي حاجات بتسعدني ؛ اللهم لك الحمد والشكر.
ربنا يسعد أيامك يا صديقي العزيز ؛؛
ديدي

عمرو يقول...

أهلا جارة القمر
انتي فعلا بقالك كتير مش جيتي هنا. أنا كنت هاسأل عليكي النهاردة على فكرة لو ما لقيتش تعليقك انتي وديدي. كنت ناوي أعمل بوست أقول الناس دي راحت فين
ههههه
أنا الحمد لله. صحيح مش بانام كويس اليومين دول, وكل الحياة معصلجة خالص ومسدودة.. لكن تقدري تقولي إني عندي ثقة في ربنا إن ده وضع مؤقت, وعندي ثقة إني على رأي مصطفى كامل "أقوى من الأيام"
ههههه

عمرو يقول...

يا إينجيل
كلنا بنحب تعليقات إنجي. يعني أتحدى حد يقولي إنه مش بيحب تعليقاتها. هي شخصية مميزة قوي.
أنا مبسوط بالمجاملة اللي انتي قلتيها دي. وهافترض فعلاً إني باعرف أكتب وإنك بتستمتعي
:)
شوفتي التواضع؟

عمرو يقول...

ديدييييييييييييي
عارفة لو ما كنتيش ظهرتي النهاردة كنتي هاتلاقي بوست كبير يقولك عودي يا ديدي. والله. أصل أنا خلاص اتعودت على تعليقاتك وأدمنتها
ما تغيبيش تاني
:)

غير معرف يقول...

علي فكره انا اول مره اتابع مدونات
دخلت كتير قبل كده بس مش عجبني
فمعني كده ان في حاجه مميزه في مدونتك
فمن حقك مش تتواضع خالص
وبعدين انا مش بجامل دا انا كتبت تعليق طويل علي حكاية المجاملات ديه
شكلك مش سألت
ابقي اسأل وقولي :)
angel

عمرو يقول...

إينجيل
مش سألت على إيه؟ دي ألغاز بقى
شكراً شكراً. أنا عارف إن مدونتي متميزة طبعا, وإني مبدع كبييير
هههه
هو أنا ماقلتلكيش أصلي أنا مغرور كبير
pOmpOus
:)

غير معرف يقول...

Ask who knows everything about me ;)
He will tell u the truth
that i only say what i see
and that i don't beautify what's already beautiful
angel

عمرو يقول...

aha
got angel
but I won't ask, cuz I trust u
:)

غير معرف يقول...

Thank u :)

عمرو يقول...

:)

جمال عمارة يقول...

فكرة شديدة الطزاجة..

ومعالجة أكتر من رائعة..

بس أنا مش شايف إن القصة متفائلة بأي شكل..
دي في منتهى التشاؤم..
لأن معنى كده إن البطل فشل في العثور على السعادة في حياته الواقعية.. فصار يتخليها فيما حوله.. ويعيد قراءة الأشياء المادية من حوله لتعزيز إحساسه المفقود..

لو الموضوع زاد عن كده.. لازم يحصل تدخل طبي فوراً.. :)

عمرو يقول...

أستاذ جمال
والله ما عرفتش أمسك نفسي من الضحك. التعليق فعلاً ضحكني.
بس انت مسيت روح النص طبقاً لما أردته أنا منه. يعني أنا فعلاً كنت عايز أقول إن الراجل ده خلاص هايتجنن من كتر ما دور على حاجة تسعده, وده يحتاج بالفعل إلى تدخل طبيب نفسي واحتمال عصبية كمان
:)