يوليو 15، 2009

كيف ستعلمين؟

FSAS

المكان هنا به الكثير من الصخب. أصوات لأحذية تمشي على أرضية مصقولة, موسيقى ناعمة تتهادى من بعيد, همس بين المقاعد والمناضد, كلها أصوات أعلى من دقات قلبي, فكيف ستعلمين أني أحب؟

يحتاج قلبي إلى مكبر صوت كي تعلو دقاته فوق صوت النادل:

- تشربوا إيه؟

- اتنين فراولة.

تنظرين إلي بعين متسائلة, مندهشة.. نعم أنا لا أحب الفراولة, لكنني أحب. ولعصير الفراولة لون أحمر لاذع كلون عيد الحب, سأستمتع كثيراً وأنا أراه يتخلل شفتيك, وسأحس بذلك الألم الممتع بينما تمتصين عصير الحب من قلبي غير واعية.

هناك 20 تعليقًا:

أسماء علي يقول...

كلون الفروالة اللاذع .. و بعيونها المندهشة كما أعتقدت
سيطلُ اندهاشي لأبتسم و أخبرك أن نصك لمحة قصيرة خاطفة و مركزة

enjy يقول...

ولا انا كمان بحب عصير الفراولة على فكرة بحس انه مشروب رقيع اوى..حلوة القهوة مالها؟؟

نياهاهاهاهاااا

انت يا عمرو يا ابنى رومانسيكى خالص وكدة صدقنى هتتعب ....يارب بقى تلاقى واحدة تفرغ عليها شلال الرومانسية دة بس المهم انها تقدر دة ومتقولش ياما جاب الغراب لامه...ايون الغراب دة هيبقى انت حضرتك..

انا بهرج على فكرة لانى فعلا مش عارفة اعلق على كلامك...بس لقيتنى بقول كدة فى سرى من غير ما حد يسمع خاااااااالص لو الاقى حد يحبنى كدة؟؟؟ كنت احبه اكتر بكتير....بس طبعا صوتى كان واطى محدش سمعنى خالص يعنى

يللا ربنا يخليك للغلابة عشان تحسرهم على حالهم يا عم عمرو

Isolde يقول...

:)

جارة القمر يقول...

شوف انا كنت هنزل اجيب عشا لكن لايونكن ابدااااااااا انزل كدا من غير ما اعلق على الكلام الجااااااااااامد دا

اولا تشبيهاتك حلوة اوووى ... و بجد فعلا مع صخب الدنيا و حياتنا اوقات مش بناخد بالنا من اللى بيحبنا و اللى يوجع اكتر بقى انك تحس بيه بعد فوات الاوان

بجد ربنا يكرمك و يبارك لك و يهديك انسانة تكون انت حياتها

عمرو يقول...

أهلا أسماء
دي أول مرة تيجي هنا؟ أشكرك جداً على التعليق ده
:)

عمرو يقول...

أهلا إنجي
مين قال إني مش باحب. أنا باحب ماما وباحاول أجرب الكلام ده أحيانا على أصحابي المقربين وقراء المدونة واخواتي البنات.. واضح إنه عامل مفعول
:)

عمرو يقول...

إيزولد
انتي فيه قطة مؤكد أكلت لسانك, أو صوابعك عشان كده مش بتعلقي.. إيه يابنتي هانقضيها سمايليز؟
:)
:)
:)
:)
:)
:)

عمرو يقول...

جارة القمر
آآآآآآآآآآآآآآآآآآآآآآآآآآآميييين
يا رب اسمع منها لاجل حبيبك النبي
هههه
عاملةى إيه؟ وعامل إيه جارك
:)

جارة القمر يقول...

الحمد لله ماشى الحال ... بس جارى مخاصمنى
مش عارفة ليه

انت عامل ايه و ايه اخبارك ؟

انا عملت حسابك فى العشا ابقى تعالى خد نصيبك

زهره ربيعيه يقول...

كان لابد ان ياخذنى فضولى الى مدونتك..وذلك من حسن حظى..فما اجمل ان اتى الى واحة ظليله ابتعد فيها للحظات عن قيود الواقع..حيث ياسرنى اللون القانى لعصير الفراوله الممتزج بخفقات متسارعه لقلب يحب..
اشكرك لانك صنعت ببضعة كلمات حنة فى مساحة ضيقه على الارض

زهره ربيعيه يقول...

انشئت اليوم مدونتى..اود فعلا ان تكون اول من يقرأها..ففى عيناك يرقد ناقد فذ..اود ان استثيره..اما انا اثير اعجابه..او انال نقدا عادلا اتمكن به من تعديل كتاباتى القادمهفلا تبخل على بالزياره..

سؤال يقول...

لك نفس رومانسي و حس مرهف.
تحياتي علي لحظات عشتها بين السطور.

عمرو يقول...

أشكرك يا سؤال
لكن متى تجد وأجد الإجابة
:)

سؤال يقول...

قد تتهمني بالاغراق في التفاؤل .. لكني اشعر اني سافعل يوما.
بالمناسبة اسمي ياسر.

عمرو يقول...

ياسر
دعنا نأمل أن يجد كل منا الإجابة
سعيد بك
:)

Isolde يقول...

تصدق بالله، انا نفسي ف عصير الفراولة مووووووووووت، الفراولة هنا مش عجباني، مش مسكرة، و ما عندهمش عصير فريش زي اللي عندنا، اللي فيه حبات الفراولة بتقرقش كدة... لاااا، كفاية كدة احسن هاعيط، ماليش دعوة انا عايز فراولة عاااااااااااا

عمرو يقول...

الفراولة هي الأخرى مشتاقة إليك يا إيزولد. عودي بسلامة
:)

Isolde يقول...

:)

مسافة السكة :)

Isolde يقول...

عمرو

ممكن تقول لي عناوين القصص اللي هتحطها ف مجموعتك الجديدة، بافكر اهديلك غلاف ليها، مش وعد، بس لو ايدي رسمت حاجة شبه قصصك هابعتهالك
:)

عمرو يقول...

مش عارف أقولك إيه.. كفاية بس الفكرة.. مجرد إنك فكرتي إنك تهديني الغلاف -أوعي تكوني عايزة فلوس عشان مش معايا:)- هي دي هديتي الحقيقية
شكرا يا إيزو
:)