يوليو 26، 2009

غيرة

5bedfff255d7ade621c3782baae5d80b

عيناه على وجهكِ تشعرني بالغيرة… ابتسامتكِ في وجهه تقتلني. من يكون ذلك البدر الذي يطل عليكِ من شرفة حجرتك حتى يراكِ بينما أظل أنا هنا.

هناك 21 تعليقًا:

غير معرف يقول...

باين عليك غيار موووووووت يا دوك !!!
الله يكون في عون من ستقع في حبك !!!
وبعدين إيه النشاط ده كله بوستين ورا بعض ؟! اللهم لاحسد ؛؛
ديدي

عمرو يقول...

أهلا ديدي
مؤكد التي ستقع في العبد لله ستكون أكثر غيرة مني
ده أقل نشاط عندي على فكرة. والحسد مش بيجيب نتيجة معايا
:)

غير معرف يقول...

يا عمرو يا جامد !!!!!!إيه الثقة دي كلها؛؛ طب يا عم الله يسهلك .
ديدي

عمرو يقول...

ديدي
:)

noon kiko يقول...

بجد اهو كده..افتقدناك جدااااااااااااااا
انا بقيت بقتات على كتاباتك..
ليها نكهه خاصه وطعم حريف..اروع حاجه بتقدر تتحكم فى الكلمات بطريقه مبدعه..بجد انت بتفكرنى فعلا بصنايعية خان الخليلى..شغلهم ينقشوا ويتحفونا بكام شغل يدوى رائع ومتقن...
اقول ايه تانى..انا الكلام اتكسف انى يتكلم فى حضور كلملتك
تصفيق عالى جداااااااااا قبل ان يسدل الستار
بجد متغيبش فى الكتابه انا تقريبا قريت كل اللى كتبته قبل كده..ولو خلصت كتاباتك هكتئب..وانت عارفنى لما اكتئب بشترى شكولاته والسوبر ماركت مش قريب
يرضيك اكتئب ومالقيش شيكولاته:(

Unknown يقول...

بص يا ابنى يا ضنايا....انت محتاج عدد اتنين فيلم من افلام خالد يوسف عشان تعود الى أرض الواقع بتاعنا دة وتبطل رومانسيكية.......


بهرج على فكرة الكلام بتاعك دة هو اللى بيلطف حدة الحياة شوية..يعنى كل رخامة الحياة وواقعيتها المفرطة وغباء الاحداث اليومية هو اللى بيخلى لكلامك الرومانسى الحلو دة طعم ومعنى مش العكس..يعنى اللى بيكتب او بيمثل افلام او بيخرجها وبيجردها من المعانى اللطيفة الموجودة فى السطرين بتوعك دول وبيسمى نفسه فنان..هو فنان فعلا..عارف فنان فى المعجم الوجيز يعنى ايه يا عمرو السيد؟؟؟ نيااااهااا دور عليها لوحدك..


وجود الكلام الحلو دة وناس بيعرفوا يكتبوه هو اللى بيحافظ على الآدمية والرقة اللى جوة كل واحد فينا واللى بتتطمسها كل انواع الفن الواقعى البايخ اللى انا مبحبوش..

اوعى تتفرج على خالد يوسف مع كامل احترامى ليه..

طولت عليك؟؟؟
مش مهم

سلام

عمرو يقول...

قوليلي يا دكتورة إنجي
لا مؤاخذة يعني يا ست الدكتورة أنا عندي سؤال. ممكن؟ هو إنتي بتتكلمي من جنابك كده على طول؟
:)
أنا متشكر قوي ليكي جداً خالص على الكلام الحلو ده. أنا مش باحب خالد يوسف على فكرة. آخر فيلم حضرتهوله كان الريس عمر حرب. قام واحد في السينما وقال "إيه الزبالة اللي بنتفرج عليها دي". كان ده مشهد غادة عبد الرازق وهي بتلحس دم هاني سلامة بعد معركة قامت ما بينهم.
طبعاً عارف تعريف فنان في المعجم الوجيز.. يعني حيوان بنقوله (شي حا)
;)
هو أنا رومانسي جدا بطبيعتي يعني. بس مش عارف ليه اليومين دول الرومانسية ناقحة عليا قوي. تفتكري حالتي صعبة يا دكتورة؟ طيب فيه أمل؟
على فكرة أنا عاطشفي فعلا والله. من كام يوم كنت باتفرج على رد قلبي. دخل عليا محمد عارف (صاحبي وحبيبي وكفاءة)لقاني هاعيط والدموع في عينيا ووشي مليان إنزعاج, قاللي "مالك يا عمرو فيه حاجة يا ابني". ولما عرف إنه الفيلم فطس على نفسه من الضحك
تعرفي إن إسمك على اسم البطلة؟ أما صدف
أنا صدعتك (يعني مرة على نفسي). كفاية كده بقى
:)

عمرو يقول...

إيزولد
:)

عمرو يقول...

صنايعية خان الخليلي يا زهرة؟
هي حصلت
أنا صنايعي؟ عموما مقبولة منك. يظهر فعلاً إن الكلام خانك والكلمات اتكسفت إنها تتكلم في حضوري
عفونا عنك وخلاص
أنا جاي الورشة إن شاء الله في الأحد الثاني من شهر تمانية
إنتظروني
:)

Unknown يقول...

يعنى ايه تتكلمى من جنابك؟؟؟؟
انجليزى دة يا مورسى؟؟؟


انا عارفة ان مريم فخر الدين كان اسمها انجى فى الفيلم بس عموما مريم فخر الدين ولا تيجى حاجة جنبى
تيجى اه مريم فخر الدين فى حلاوة اللمبى وللا شياكة اللمبى..


اما عن خالد يوسف وغادة عبد الرازق وهانى سلامة...احمد حلمى فى ظرف طارق كان بيقول مصطلح لطيف اوى يمشى على الموضوع دة..دور عليه لوحدك


على فكرة هانى سلامة دة سيس اوى وعيب فى حق غادة عبد الرازق اصلا تطلع بتحبه..عموما عيب فى حق اى حد انه يعتبر هانى سلامة ممثل..ما علينا بقى

طولت عليك؟؟
مش مهم

سلام

عمرو يقول...

أهلا إنجي
في المعجم الوجيز قوي
تكلم الرجل من جنبه.. أي قال كلاماً عجباً
ههههه
هو أنا فعلا ما باقتنعش بهاني سلامة خالص. أنا باعرف أمثل أحسن منه.
مريم فخر الدين ماتجيش حاجة طبعاً قدامك يا إنجي خاصة في حالتها الراهنة
هههههه
مش عارف إيه بقى اللي قاله أحمد حلمي في ظرف طارق ده. فزورة دي يا إنجي؟
لازم تقولي
مستني
سلام

Unknown يقول...

امممممممممممممممممم انت مستنى يعنى؟؟؟؟ مهو انا بنوتة رقيقة لطشيفة خفيفة مينفعش اقولك ان احمد حلمى لما هجصوا عليه فى الفيلم راح تلقائيا قال ايييييييييييه؟؟؟؟

حمرا

هو قال كدة بس انا مش هينفع اقول عشان زى ما قلتلك انا بنوتة لطشيفة ظريفة الخ الخ الخخخخخخخخخخخ

noon kiko يقول...

هييييييييييييييه بمب وديناميت واوعى وشك هتلاقى الدنيا يومها واقفه على رجل..او رجل ونص يعنى هههههههههههههه
بس بص مش عايزين فضايح بالذوق تجيب الشيكولاته وانت جاى..انا بحبها بالمكسرات..انت جاى من سفر وعايز تدخل بايدك فاضيه..هههههههههههه بس ياريت تيجى قبل ما احنا نبطل ولا ناسى ان رمضان على الابواب..؟شكلك ناوى تيجى ف رمضان وتاكل الشكولاته وحدك
وبالنسبه لصنايعية خان الخليلى دول مبدعين والله دول بيطلعوا احلى واغلى شغل ولا انت مش واخد بالك..ولا ساكن فى مصر كده وكده..عموما يا استاذى الخلاصه ان السطرين مشغولين بمهاره وبلاها صنايعية خان الخليلى ..طالما مش عاجبينك..وانتظرنى قريبا هبطل القوقزه هههههههههههههه عشان تتبسط
اتبطيت؟
يالا هنستناك واكتب كتيررررررررررررر منتظرين التالى

عطش الصبار يقول...

انا وفيت بوعدى ودعيت لك وانا فى الطياره واللهى انه يحققلك اللى فى نيتك وان شاءالله هدعيلك قدام البيت الابيض شوف الدعوه هناك تساوى ايه
كام بوست حلوين فى فتره قصيره ايه النشاط ده
على فكره انا سالفه اللاب توب ده عشان ادخل واطمن الدعوه استجابت ولا لسه
تقبل تحياتى

عمرو يقول...

إنجي
الله يخرب بيت عقلك.. هههههه

عمرو يقول...

زهرة
اتبطيت؟ لا ده أنا اتهزأت
):

عمرو يقول...

أهلا عطش الصبار
يا رب ترجعيلنا بالسلامة. ويكون سفرك موفق. على فكرة الدعوة يظهر إنها جابت نتيجة عكسية خالص عن اللي في نيتي. أو مين يعرف مش يمكن اللي حصل يكون هو اللي يوصلني للي في نيتي؟ يمكن ربنا ليه حكمة. أنا واثق في ربي إنه هايطيب قلبي في يوم. مفتقدك جداً.
ممكن أتقل عليكي وأطلب منك تدعيلي تاني وانتي راجعة بالطيارة نفس الدعوة؟
متشكر جدا يا عطش الصبار
ياللا بقى عشان صاحبة اللابتوب عايزاه
:)
سلام

noon kiko يقول...

على فكره والله انا فعلا قربن اقرر امسح المدونه من عندى عشان ايدى متاكولنيش وادخل اعلق..طالما كلامى واقف فى زور حضرتك
ثم اتبطيت دى مش تهزىء عموما انا فعلا شكلى هقرر كده

عمرو يقول...

أهلا زهرة
حين تقفز البطة, لا تتحمل قدميها كل هذا الثقل, فتضرب خلفيتها الأرض. من هذه الصورة جاءت الكلمة العامية "اتبطيت" أي سكنت وهدأت. عموما أنا لست بطة.
ولا أستطيع أن أخسر قارئة نهمة مثلك على كلمة.
:)

أسما يقول...

تاني مرة عشان البيه

:)

عمرو يقول...

:)