تصميم
أنا ما اعتزلتش الكتابة ولا حاجة بس اليومين دول الإبداع راح في مسار آخر هو التصميم. في الصورة اللي فوق هاتلاقوا غلاف المجلة اللي باصممها أنا وأحمد ومصطفى كل سنة. الغلاف اللي فوق ده بقى تصميمي أنا (وش بلسان لأحمد). المجلة دي مجلة طبية لجمعية طلابية بتصدرها سنوياً. هابقى أكلمكم على حكاية التصميم معانا بالتفصيل :)
هناك 11 تعليقًا:
حقك طبعا تجيب الغلاف هنا
العدد ده بالذات انت ما عملتش فيه غير الغلاف يا ناصح!
المهم خلصت الصفحات اللي عليك في العدد الجديد ولا لسه؟
ديزاينر مهمل!
:))
أحمد (من غير أهلا هههههههه)
تنكر إن أنا اللي علمتك فوتوشوب؟ يا ابني أنا مشفق عليك انت فتحت النار على نفسك, انتظر التدوينة اللي جاية بقى, وطالما انت ديزاينر محترم قوي كده هاسيبلك الباقي تصممه لوحدك ههههههههه
:)
اممممممممم
يعنى هوه لازم اعلق
ماشى
تعليقى بقى
انك طلعت مالتى سيستميعنى متعدد الانظمة زى الراديوهات المستوردة يعنى
كاتب قصص وبتحضر ماستر وبتطلع فى التليفزيون وكمان بتصمم
لالالالالالالالالالالالالالالالا
ده انت طلعت جامد اوى
سلام ياكبير
ايمى
نسيت
ماتنساش تقولى عملت ايه فى الكلية؟
ايمى
ههههههههههه
طب لازم تغيظ صاحبك كدا مش عيب يا عمرو
بس حلو التصميم و الله جامد يا عمرو الصراحة انا منتظرة اعرف حكاية التصميم دى ها ؟
أما أنا طلعت غبية بشكل ههههههه
تصدق يا عمرو؟! :)
أول ما قريت العنوان فكرتك مصمم على حاجة يعني ههههههههه..
بس فعلاً حلو التصميم.. تسلم يديك :)
عمرو وأحمد الشمسي..
يعني كلها 10 صفحات بالكتير وعمالين تتخانقوا مع بعض..
أمال لو صممتم مجلة التايمز ها تعملوا فينا إيه؟
:) :)
إيمي
عاملة إيه
أول محاضرة لنا يوم التلات من أربعة لسبعة هابقى أقولك التفاصيل بعدين
وبعدين يا بنتي أنا مشفق عليكي انتي التانية لما تعرفي بقية المواهب
:)
جارة القمر
لا مش عيب, وهو مش عيب يقول إني ديزاينر مهمل
:(
مش هاقولك حكاية التصميم خلاص :(
علياء
العفو يا فندم. الكلمة أول فهم لها هو التصميم ابن عم العزيمة وبالتالي انتي صح
:)
أستاذ جمال
على فكرة المجلة أربعة وتلاتين صفحة وتصميمنا أحلى من تصميم التايمز :)
إرسال تعليق