فبراير 10، 2010

نتيجة

أنا نجحت.. أي والله نجحت... وجبت تقدير كمان.. ياللا بقى اعملولي حفلة :)

متأسف جداً على انقطاعي عن الكتابة خلال الأيام اللي فاتت, أصلي باعمل حاجات كتير في نفس الوقت مخلياني مش بافكر, وبالتالي مش باكتب.. لذلك أنا هحاول أفكر النهاردة :)

هناك 24 تعليقًا:

غير معرف يقول...

مبرووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووك ياعمرو عليك وعليه وعلى كل زمايلنا وعقبال الدكتوراة ياسيدى حلوة اى والله نجحت دى انت مش مصدق ولا ايه تستاهلها ياعم بس قولى هوه انت اللى طلعت البريمو اى الاول ولا لا



ايمى

Isolde يقول...

:)

مش عارفة اقول مبروك... ما تنفعش... بس مؤقتا مبروووووووووووووووووك( عشان مفيش غيرها) لحد ما نعمللك حفلة تليق بالاخبار الحلوة دي

بس انا عندي نفس سؤال إيمي... هو انت اللي طلعت البريمو و لا لأ؟

ربنا يسعدك يا عمور يا رب
:)

غير معرف يقول...

على فكرة ياعمرو
انا مش هتنازل عن الفطير والعسل الصعيدى يعنى تجيبلى معاك المرة الجايه مش هكلفك واقول اعملنا حفله فى الصعيد واعزمنا على البط اللى وعدتنا بيه يالا
ماهو كلام الصعايدة مدهون بعسل


إيمى

غير معرف يقول...

ياايزو سلامات الاول ياحبيبتى
عمرو طبعا هتلاقيه هوه اللى طلع البريمو
ده من اول دقيقه نازل فحت ونحت زى مابيقولو مش عايزاه يطلع الاول الحمد لله انا بقى راضيه بنجاحى والحمد لله



ايمى

enjy يقول...

مبروك يا عمرو

الف مبروك

المهم انت طلعت الاولانى صح؟؟؟؟؟؟؟

تــسنيـم يقول...

مبروووووووووووك :)

و عقبالي يارب

عمرو يقول...

أهلا يا جماعة.. الله يبارك فيكم كلكم كلكم. أنا مستغرب قوي من الكلام ده. الترتيب بيكون في نهاية السنة مش في الترم, يعني دلوقتي ما فيش أول ولا تاني, أنا جبت أعلى درجات في مادتين ماعدا مادة واحدة ضيعتها بعصبيتي بس برده جبت فيها امتياز (إيه مايناس).. أنا أهم حاجة عندي الترم ده إنهم يسمحولي بالتحضير في الترم التاني, وده بيعتمد على المجموع في الترم الأول, وأنا الحمد لله جبت مجموع تمام


إيزووووووولد.. عاملة إيه يا إيزو أخبااااارك :)
أنا مستني الحفلة بتاعتك, بس أنا طماع وعاوز هدية مش أنا طلعت ولد شطور؟ قدر الأم بقى إنها تجيب هدايا طول عمرها :)



إيمي
فيه ناس مش بتذاكر وبتجيب تقديرات.. بركاتك
:)


إنجي
الله يبارك فيكي عقبال الدكتوراة بتاعتك وبتاعتي


تسنيم
ربنا معااااكي انتي كمان وتجيبي تقدير حلو جدا السنة دي :)

غير معرف يقول...

السلام عليكم
الف مبروك أ / عمرو .. عقبال الدكتوراة .. يارب ..
بس أنا مكنتش أعرف أنك بتدرس بس على كل حال ..الف مبروك .. وما زلت أنتظر جديدك ..
/ تيما

Wanda يقول...

:-)) مبروك
و ياريت نسمع اغنية انا ناجح فى الثانوية :-) عقبال الابتدائية :-)))

عمرو
انت طلعت بتحضر اروح انت كمان
كفك :-))))))))))))))))))

ربنا يكرمك و تخلص فى لمح البصر :-) يارب

Heba Gamal Emara يقول...

ألف ألف ألف ألف ألف مبرووووووووووك يا أ. عمرو وعقبال الدكتوراة يا رب

هو أنا قلت أعمل بنصيحة أيزولد وأفكر فى كلمة تانيه تليق بالمناسبة الحلوة دى ولقيت ممكن كلمه "مبارك" بس مش عارفه رأى حضرتك إيه فيها ؟؟؟؟؟؟؟ :):):)

علشان تكتمل فرحتك بالنجاح إسمع اغنيه "وحياة قلبى وأفراحه" للعندليب "عبد الحليم حافظ "هتعمل لحضرتك موووووود جامد آخر حاجة ....

و أدى الهدية بتاعه حضرتك :
http://www.9or.cc/data/media/31/www.9or.cc%20-hd-%20(29).jpg

علياء يقول...

إخيه عليااااااا

مش ينفع أتأخر ف التعليق الوم ده يا عمرو ...
مبرووووووووووووووووووووك .. لف مبروك يا عمرو.. انت تستاهل كل خير ..
وعقبال الدكتوراة واللي بعد الدكتوراة.. وتحقق أحلامك كلها يارب .. انت والسامعين ..

ما تقولوا آمين يا حلوين :)

** عمو.. ارفع إيدك لفوووق قوي.. أيوه كده.. ماهو الناجح يرفع إيده ;) :)

علياء يقول...

ايه الهبل اللي انا فيه ده :)

عمرو فيه كام حرف طاير ..

ظبطهم انت بقى :)

غير معرف يقول...

يعنى هوه انت قصدك مين الناس دول بالظبط

ايمى

عمرو يقول...

تيمااا
عاملة إيه, وإيه أخبار السعودية.. كله تمام؟ يا رب تموني بأحسن حال. أنا بادرس الماجستير في التربية وده أول ترم دعواتك :)


واندا يا ويكا
عاملة إيه؟ ابتدائية ده إيه يا اختي... هع هع هع. يا سلام طمطم يا سلام طمطم :)
هو انتي كمان بتحضري أرواح ولا إيه؟

هبة عمارة
الله يبارك فيكي يا هبة, بس أنا مش باتكلم في السياسة وانتي أهو عاوزة تجرجريني لكن عموما مبارك ابن عم مبروك وما أسخم من سيدي هههههه
انتي بعتالي تلات هدايا كبار, ياللا افتحيهم ههههههه

عليااااااء
الله يبارك فيكي يا رب, مش قادر أرفع إيدي والله أصلي رحت جيم إمبارح وكان ليا فترة ما حركتش دبوس وحاسس إني متجبس, هو لازم يعني الناجح يرفع إيده؟ طيب مش ممكن بعدين :)
آمين
:)


إيمي
احنا هانتخانق في الفضاء السيبري؟ حاجة غريبة والله :)

عمرو يقول...

تيما
حدث خطأ كتابي
*تكوني

غير معرف يقول...

ألف مبروووووك ؛ يارب التوفيق حليفك علي طول الخط ؛ تستاهل كل خير ، ربنا يفرحك كمان وكمان .
ديدي

عمرو يقول...

الله يبارك فيكي يا رب يا ديدي
ويكرمك ويعزك
:)

جمال عمارة يقول...

مبروك يا ولدي..

وعقبال الماجستير والدكتوراة إن شاء الله..

لأ .. استنى.. وعقبال العروسة أهم :) :)

عمرو يقول...

أستاذ جمال
الله يبارك فيك.. عروسة إيه بقى يا أستاذ جمال احنا تخطينا المراحل دي, ياللا حسن الختام
:)

محمد بحر يقول...

طاخ طاخ طاخ طاخ طاخ طاخ طاخ

احلى تحية ياعم اهى ومن الفرد الخاص بتاعى كمان

عمرو يقول...

بحر
الله يكرمك ويهنيك :)

mano يقول...

الف الف الف مليون مبروك يا عمرو وان شاء الله موفق وفى تقدم دائم يا رب وفعلا انت الاول بلا شك وان شاء الله الاول دايما وربنا معاك ومعانا وعقبال الدكتوراه نشوفك على خير باذن الله

أنسانة-شوية وشوية يقول...

مبروك يا عمرو

الف الف الف مبروك:)

عمرو يقول...

مانو
الله يبارك فيكي, ومبروك ليكي انتي كمان
:)

إنسانة شوية وشوية
عقبال ما أبارك لك قريب بتحقق أمانيكي
:)