أبريل 04، 2010

مش كل يوم

"مش كل يوم عيد".. هكذا قال لي صديقي وهو يمشي معي بالأمس. لا أعرف لماذا حين قال هذه الجملة شعرت بأنها قدرية للغاية. في الأيام الماضية كنت أحاول أن أضحك بوجعي وعليه, لأنني أعرف أنني لن أتخطاه إلا إذا سخرت منه, كنت أحاول أن أعيش وأن أنظر إلى كل شيء بتفاؤل, ساعدني على هذا الكثير من الأحداث في حياتي التي أفرحتني بالفعل, لكنني حين سمعت جملة صديقي شعرت بأنني سأنكسر ثانية عما قريب, ولم يخب شعوري.

"مش كل يوم عيد".. أنا اليوم أشعر بالحزن, أشعر أنني عشت سنوات كثيرة من عمري, أنا قديم جداً, ربما كنت هنا قبل أن يخلق الإنسان. أشعر أن الجرح أصبح بطول قامتي, فأصبحت جرحاً له أصابع تكتب على اللوحة الآن. لم أعد أستطيع أن أسخر من الجراح لأنني صرت جرحاً لا يعرف كيف يوقف ارتشاح الألم.

أشعر أنني صرت قرطاس لب مسليا للغاية, قرطاس لب يمكن للجميع أن يكسروا حباته تحت أسنانهم بتلذذ واضح, ثم يرمون القشر والقرطاس في الطريق لتركلهم الأحذية. قرطاس لب يعطي كل ما في قلبه ولا يصبح جديراً بالاحترام.

أنا اليوم حزين..

هناك 10 تعليقات:

ponpona يقول...

عارف

انت حاسس ان انت قديم
أنا حاسة ان أنا مكررة !!

باقنع نفسي ان كل يوم يوم جديد نوفي ماحدش استعمله .. لكن أغلب الأيام بتديني بدايات متشابهه والأسواء نهايات أيضا متشابهة زي ماتكون بقت صورة متحركة في فيلم قصير بيخلص عشان يتعاد من تاني ويخلص عشان يتعاد من تاني ... حماس البدايات ، مرارة النهاية ، و وجع خفيف في النص :(

ponpona يقول...

كلامك عن قرطاس اللب وجعني :( :(

غير معرف يقول...

هون على نفسك يا أخى مازال الأمل قائما ضع ثقتك فى الله.

Heba Gamal Emara يقول...

أنا كمان الكلام عن قرطاس اللعب رسم على وجهى نظرة حزن عميقة
لاننى حسيت للحظة ان الموقف ده اتكرر معايا بالظبط
* حضرتك حاسس انك قديم
*بنبونة حاسسه انها مكررة
* انا حاسسه انى مش موجودة أو بمعنى اصح انا اللى بعمل نفسى انفيزبل :(

Heba Gamal Emara يقول...

*اللب

حصل خطأ فى التعليق السابق

عمرو يقول...

إيه ده يا خوانا انتو صدقتوا ولا إيه؟ أنا بس بيحصلي مشكلات مؤقتة وبعدها الحياة بترجع تدور. أنا دلوقتي كويس قوي, وربنا عوضني امبارح وعلى طول, ونمت وأنا مستريح جدا,

بنبونة
أنا آسف إني قلبت عليكي المواجع
:(

غير معرف
أنا هونت عليا خلاص :)


هبة جمال عمارة
يا بنتي انتي لسة صغيرة قوي على الهم ده كله, ابتسمي يا هبة, واضحكي وإن شاء الله ربنا هايعدلها
:)

ponpona يقول...

عمرو لو سمحت ..
ممكن أول ماتعرف تبقى تحط بوست

أنا كل مادخل ألاقي مكتوب كدهو

أنا اليوم حزين..

كتبها عمرو الساعة ٢:٠٧ ص

وكأنها شاهد أو تسجيل للحدث !!

عطش الصبار يقول...

ايه كم الحزن والياس اللى جواكم ده
طول عمرى اعرف ان الشباب هو الامل
ايه اللى حاصل فى الدنيا
خايفه يجى يوم تكتب عايز انتحر كل المدونين اللى عندك يقولوا يااااااه الفكره دى كانت فين
الامل يا عمرو الامل
تحياتى

غير معرف يقول...

انا عندي يقين داخلي ومقتنعه جدا ان عشان احس بالفرح لازم احس بالحزن
عشان لو كله فرح هيبقي ملوش طعم مش هنعرف انة فرح لأن احنا مجربناش غيره.
بس بجد وحشتني المدونة جدا :)
أزيكم كلكم :)
.فاطمة.

علياء يقول...

عمرو .. بلاش كلمة أنا "حزين" دي :(
بحس كلمة حزين دي هي أقصى درجات الضيق ... ابقى قول انك مدايق مثلاً .. بلاش حزين ... اتفقنا :)

ربنا يبعد عنك الحزن وعنا جميعاً يارب

:)