يونيو 02، 2009

la maison en petits cubes

 

دعاني أحمد الشمسي إلى منزله, وأهداني هذا الفيلم القصير. عندما شاهدته, أحسست أنه حكايتنا جميعاً. حكاية من تضيق حياتهم يوما بعد يوم فيعيشون في خيالات جميلة, ربما تكون من الماضي أو من وحي إبداعهم. شاهدوا هذا الفيلم القصير غير الناطق واشكروا أحمد.

هناك 14 تعليقًا:

Che يقول...

الفيلم ده جامد جدا يا عمور .. و على ما اظن هو اللى كسب جايزة الاوسكار السنه دى فى الافلام القصيرة
تحس برضه ان الدنيا مهما كانت ضيقه بتبقى واسعه ساعات

Unknown يقول...

النت عندى اهبل اوى مش عارفة اشوف الفيديو دة اعمل ايييييييييييييييييييييييييييه؟؟؟
انتحر يعنى؟؟؟؟

لا خلاص مش هنتحر عشان مستقبل البشرية ميضيعش هبقى احاول اشوفه بعد شوية

ابقى سلم على احمد الشمسى بقى

سلام

أسما يقول...

Wht if u lost even the ability to dream, imagine, or day-dream... this movie hurts, but i liked it sooooooo much... and i loved the music. Thx Ahmed, thx Amr
:)

أحمد الشمسي يقول...

أولا يا عمرو... ما تقولش بس "دعاني أحمد الشمسي" عشان انت أصلا عزمت نفسك عندنا وقلت لك "فطرت يا عمرو؟" قلت لي فطرت بس هفطر عندك تاني!

ثانيا: عشان تعرف ان أفضالي عليك، واني دايما بوريك الحاجات الـ Recommended وبزود مخزونك الثقافي.

ثالثا: الله يسلمك يا إنجي... العفو يا إيزولد دي أقل حاجة.

عمرو يقول...

أهلا تشي
هو فعلا الفيلم اللي حصل على أوسكار الأفلام القصيرة
انت متفاءل يا أخي. أنا باحس إن الدنيا كانت واسعة وبتضيق
:)

عمرو يقول...

أهلا إنجي
يا بنتي ده إحنا نوصله لغاية البيت. بصي ابعتيلي العنوان وهتلاقيه قدام الباب بكرة الصبح
:)

عمرو يقول...

إيزولد أنا عايز أزغرط بس مش عارف أعملها إليكترونيا
معقولة أخيراً حنيتي وزرتي مدونتي المتواضعة. ده كرم كبير منك.

إيه يا بنتي القوقزة دي. إيه الغم ده. هو أنا كل ما اطلع المدونة خطوة نحو البهججة ترجعونا عشرة لورا.
:)

لا باقولك إيه اخرجي من الكلام الاكتئابي ده لاطسك (بلدي قوي أطسك دي) بوست من اللي هم. أيون
:)

عمرو يقول...

أحمد
يعلم الله أنا ما قلته في أولا كان زوراً وبهتاناً. لكنني لن أرد كي أحتفظ بالغسيل الوسخ دون أن يراه قراء المدونة
بالطبع أنت أكثر من يزودون مخزوني الثقافي يا أحمد. وأشكرك على هذا.
شفت إزاي أنا مؤدب وأصييييل؟

سهر يقول...

مش فيه حاجة اشوفها
انت بتبيع لنا الهوا يا ابني

كريم بهي يقول...

الايدي الخفية

بوست جديد

كريم بهي

عمرو يقول...

أهلا سهر
أنا ساحر باخلي ناس بس تشوف الفيديو وناس تانية لأ.

لا جد بقى
انتي محتاجة فلاش بلاير بس عشان تشوفيه
:)
أهلا بيكي في مدونتي
:)

عمرو يقول...

أهلا كريم
يعني بتعمل إعلان في مدونتي عن مدونتك.. كده عيني عينك. طيب
يا جماعة ما حدش يدخل عند كريم خااااالص
هههههههههه
أهلا بيك يا كريم.

Unknown يقول...

باشااااااا مش معقول كدة على فكرة......يعنى على فكرة انت معمول لك عمل على فلاشة ومحطوط فى لاب توب قديم...جيت اضيف مدونتك عندى فى الريدر حصل اغرب شىء فى الدنيا
كل المدونات اضيفت من غير مشاكل اما مدونة سيادتك فقالى بالبنط العريض مش عارف يوصل لاصل العنوان وضاف المدونة ومش بيظهر الابديت ولا اى نصوص جديدة
والانقح ان المدونة محطوطة اااااااااااخر مدونة فى الريدر..
تعرفشى تقولى المفروض اعمل ايه عشان اصلحها؟؟؟

مش قلتلك هنريحوووووووووك؟؟؟
هع هع هع
حسرة عليها يا حسرة عليها يا حسرة عليهاااااااا

هو فين التدوينات الجديدة يا عم؟؟ والله حرام اعانى اعراض الانسحاب فى عز معمعة الامتحانات حامية الوطيس دى
عايزة الحقنة حراااااااام

عمرو يقول...

أهلا إنجي
هو أنا مش قلتلك؟ أصلي أنا منحوس
unlucky
معلش بقى استحمليني. مش عارف إيه حكاية الريدر دي ولا أفهم فيها. لكن عموما أنا متأكد إنه مش عمل. أنا كده طبيعي
ربنا يصبرك على ما ابتلاكي بقى
:)