يونيو 24، 2009

بعيداُ عن الأرض

Love_is_in_the_air_by_gucken

سوف أشتري دراجة نارية بقوة كل أحصنة الأرض مجتمعة, وأتعلم كيف أقودها. وحين أحب, سأركب عليها وأردف حبيبتي خلفي. سننطلق من الثبات بسرعة خارقة, وستختلط مشاعرنا بين الإثارة والخوف والضحك والنشوة. ستطوق ظهري بيديها, وتسند رأسها على كتفي, وسأقود أنا بيد واحدة بينما أمسك يديها بالأخرى.. ستزيد سرعتنا, فتضمني أكثر, حتى نصبح كياناً واحداً.. وتزيد سرعتنا أكثر فتختلط خلايانا ثم نتحول لشعاعين من نور يسافران في ظلام الكون بعيداً عن الأرض.. وعن الأحزان.

هناك 31 تعليقًا:

غير معرف يقول...

أنا أحمد
أحب أقولك يا عمرو أوعى تنسى تاخد معاك الخوذة علشان المخالفات.....

بهزر معاك ... بس حلوة أوي وحلوة كمان عشان سمعتها منك ومحدش من الزوار سمعها بصوتك...!!!

عمرو يقول...

أحمد
سأحتاج إلى خوذتين إذاً, فسأخاف على رأسها أكثر من خوفي على رأسي
:)
أنا لا تهمني المخالفات يا أحمد.. تعرف أنه السرعة الزائدة ستجعل ضباط المرور يحرورون دفاتر مخالفات لي ولها.

ده أحلى تعليق السنة دي
:)

Isolde يقول...

إيه ده بقي إن شاء الله، هو عشان أحمد صاحبك تسمعهاله و احنا لأ؟ فين مبدأ المساواة طبقا لنص قانون حقوق المدونين. شوف بقي، انت تسجلهالنا و تحطها عالمدونة، يا إما العواقب هتكون وخيمة. آه، احنا ما نسيبش حقنا ابدا D:

انت ليه عايز تلبسها خوذة يا عمرو؟ طيب افرض هي بتحب تسيب شعرها يطير وراها و الهوا يدخل فيه كدة من كل ناحية، نكتفه يعني؟! حاجة غريبة و الله

سيبك من حكاية الخوذة دي، فوق مفيش مطبات خاااااالص، و عساكر المرور أرضيين، ما بيطلعوش فوق ;)

عمرو يقول...

فيه نوع من الخوذ مفتح من كل ناحية
عارفاها؟
ممكن نبقى أشتريلها واحدة وتطلع شعرها من الفتحات دي. أما أنا فهاشتري واحدة مغلقة خالص عشان ظروفي صعبة شوية
D:

enjy يقول...

هو فى ايه؟؟؟ ايه جرعات الرومانسية العالية دى؟؟؟
موتوسيكلات و شعاع نور وامتزاج وبتاع...طب يا عم كويس والله ربنا يسعدلك كل ايامك..

بالنسبة للبنزين هتتصرفوا فيه ازاى على القمر؟؟؟ يا ترى هناك عندهم ازمة بنزين تمانين برضو؟؟؟

متنساش تبقى تاخد معاك شندوشتات عشان القمر مفيهوش تيك اواى..

سلام

عطش الصبار يقول...

ستزيد سرعتنا, فتضمني أكثر, حتى نصبح كياناً واحداً.. وتزيد سرعتنا أكثر فتختلط خلايانا ثم نتحول لشعاعين من نور يسافران في ظلام الكون بعيداً عن الأرض.. وعن الأحزان.
حلم جميل
لكن ارواح شفافه زى دى اكيد شعاعها هينور الارض برضه مها كان البعد وهيمحى الاحزان
مااجمله حلم

عمرو يقول...

دي مجرد أمنيات.. يعني ما أحبش وكمان ما أتمناش يا إنجي
شندوتشات؟ على فكرة انتي طلعتي مش رومانسية خالص
تبقي مش من مستوايا
هههه
:)

عمرو يقول...

أهلا عطش الصبار
خطوة عزيزة والله
يا سلام عليكي يا عطش
شفتي يا إنجي الناس اللي بتشعر بالرومانسية؟
استمري يا عطش
:)

آية مش هنا يقول...

:)

enjy يقول...

عمرو باشا.....انا مقلتش شندوتشات..لالالا نو نو نو تؤ تؤ تؤ ياريتنى قلت شندوتشات..انا قلت شندوشششششششششتات...جالك انهيار عصبى من الشندوشتات اومال لما تعرف الكلمة على حقيقتها..يللا معلش بقى نعمل ايه..

بالنوسبة للرومانسية فانا رومانسية جدااااااااااااا دة انا حتى لسة قارية رائعة كافكا الانمساخ...غبية اوى وسوداوية ومزعجة..قال انمساخ قال..بلاش قرف..


اما اذا كنت مصر على ماتش مور رومانسية فانا مونكن اهديك اهزوجة الرائعة هيفاء وهبى عندما شدت وقالت..يا ابن الحلااااااال..لسة مش مصدق انى رومانسية؟؟؟ خلاص بقى انت حر

يللا سلام

عطش الصبار يقول...

واللهى يا استاذ عمرو انا بطلت رومانسيه واحلام من زمان لكن بفرح قوى لما الاقى لسه فيه ناس رومانسيه وكمان بتحلم
بقول لنفسى لسه فيه مشاعر انسانيه فى الزمان ده
ياعنى الحس المرهف الايام دى بقى زى العنقاء والخل الوفى
الكلام اللى بقوله ده من زماااااااان
ياعنى لغه قديمه
سؤال
ياترى لما مالقيتش عطش الصبار اللى كانت فى بالك بطلت تزور مدونتى
تقبل تحياتى

عطش الصبار يقول...

واللهى يا استاذ عمرو انا بطلت رومانسيه واحلام من زمان لكن بفرح قوى لما الاقى لسه فيه ناس رومانسيه وكمان بتحلم
بقول لنفسى لسه فيه مشاعر انسانيه فى الزمان ده
ياعنى الحس المرهف الايام دى بقى زى العنقاء والخل الوفى
الكلام اللى بقوله ده من زماااااااان
ياعنى لغه قديمه
سؤال
ياترى لما مالقيتش عطش الصبار اللى كانت فى بالك بطلت تزور مدونتى
تقبل تحياتى

عطش الصبار يقول...

واللهى يا استاذ عمرو انا بطلت رومانسيه واحلام من زمان لكن بفرح قوى لما الاقى لسه فيه ناس رومانسيه وكمان بتحلم
بقول لنفسى لسه فيه مشاعر انسانيه فى الزمان ده
ياعنى الحس المرهف الايام دى بقى زى العنقاء والخل الوفى
الكلام اللى بقوله ده من زماااااااان
ياعنى لغه قديمه
سؤال
ياترى لما مالقيتش عطش الصبار اللى كانت فى بالك بطلت تزور مدونتى
تقبل تحياتى

غير معرف يقول...

وتزيد سرعتنا أكثر فتختلط خلايانا ثم نتحول لشعاعين من نور يسافران في ظلام الكون بعيداً عن الأرض.. وعن الأحزان.

why shall we escape this planet to experience a romantic dream? Can’t we live a true nice feeling on Earth? ..let me tell you
Pure feelings as well as pure hearts aren’t here any more..They once visited us but soon escaped to the Sky where they can live.
سأحتاج إلى خوذتين إذاً, فسأخاف على رأسها أكثر من خوفي على رأسي

I admire enviously your having all this love & care to a one..I’ll give my beloved 20% of yours..
You seem to be very kind.
Majed

غير معرف يقول...

أنا أحمد
يا ازولد لازم أقولك إني لازم أتميز شوية عن بقية الأعضاء. لأني أنا الوحيد إلى باشوف عمرو بيتقوقز أدامي وباستحمله كتير فلازم يميزني شوية.
وبعدين أنا جديد في التعليق لازم يديني دفعة معنوية في الأول.

تــسنيـم يقول...

:)



حلوة أوي

Isolde يقول...

أحمد

هو مش سيادتك احمد بيه الشمسي؟ جديد ف التعليق إزاي بقي؟ انا مش فاهم حاجة :(

اما بقي لو انت علي طول بتشوف عمرو و هو متقوقز، يبقي ربنا يكون ف عونك، احنا بنقرا بس، تستاهل إنه يميزك :)

غير معرف يقول...

أنا أحمد
يا إزولد أنا مش أحمدد الشمسي أنا أحمد تاني خالص أنا زميل عمرو في المكتب وفي المعاناة من الأفكار الغريبة اللي بنقابلها في الكتب


وفعلاً أول مرة أعلق على مدونة!!!!!

RAZY EL HAWARY يقول...

فكرة جميله والاجمل كلامك واسلوبك

انت مش محتاج لدراجة ولا لاى حاجة

انت محتاجها هى وبس وهاتحس معها كل دا على الارض

دمت بود

عمرو يقول...

آية
:)

إنجي
تخيلي فعلاً إنك رومانسية خالص, إزاي ما كنتش واخد بالي
D:

أهلا عطش الصبار
لا والله يا بنتي. أنا تقريبا مش باقرا مدونات حد خالص اليومين دول. باشتغل وأروح من الشغل أصارع عشان أكتب سطرين أحطهم في المدونة قبل ما أنام وأصحى ألاقي الشغل بدأ من جديد.. تعرفي أنا لي تلات أيام باكتب في بوست
تخيلي
:)

ماجد
أهلا أهلا أهلا. والله فرحتني زيارتك, ويا رب على طول كده تزورنا وتقولنا نجيلك فين عشان نبقى نرد الزيارة ونجيبلك اتنين كيلو فلفل وكيلو بتنجان ههههه (ده الهدية الرسمية الأولى عند زيارة أي مدون). على فكرة كلامك يدل على إن دماغك تتوزن بالدهب. أنا فرحان قوي إنك زرتني
:)


تسنيم
بس كده يا بخيلة.. طيب ما أنا عارف إنها حلوة
:)

أهلا يا هواري
أنا أعرف واحد من هوارة قنا إنما إيه.. واد بألف راجل. شرفتني والله. وكلامك رفع معنوياتي. أصلي ما افتكرش أبدا إني حاعمل حكاية الدراجة النارية دي
:)
يا رب تيجي هي بس يا هواري الأول
ههههه

جارة القمر يقول...

احساس جميييل جدا جدا الصراحة

احلى حاجه فى الدنيا انك تلاقى حبيب و تعيش معاه كل لحظات الجنون مش مهم ايه هيحصل بعدها المهم انك معاه

زهره ربيعيه يقول...

بعيداعن الارض..بعيدا عن الارض..ممممممممم هذا فعلا ما يحتاجه الحب..ان يحلق بعيدا عن اجواء الارض الفاسده
بعيدا عن الكذب والنفاق..دعوه يتنشق هواء نقيا بعيدا عن الارض
نعم يا استاذى ابعد ما يكون عن الارض
فلتاخذها بعيدا عن الارض

Isolde يقول...

الا قل لي صحيح، لما انت رومانسي كدة ايييه يا افندي اللي انت كاتبه علي فيس بوك ده، ايه اتفجعنا فجعة دي، ها؟ تؤ تؤ تؤ ، انت طلعت مش رومانسي خالص يا عموووور :)

عمرو يقول...

أهلا يا إيزو
اللي على فيس بوك ده اسمه تهييس. أصل الحالة كانت وحشة قوي امبارح
:)

Isolde يقول...

حالة ايه كفا الله الشر، انا مش فاهم حاجة :(

عمرو يقول...

أنا بافكر أكتب بوست في مشاعري ليلة امبارح. أنا كنت متضايق جدا ونمت حلمت ببابا وصحيت من النوم بابكي, وكوسيلة للخروج من الضيق كتبت الستيتاس ده على فيس بوك وقعدت أغنيه وأضحك.. تخيلي!

Isolde يقول...

هو ايه اللي حصل امبارح بس؟ طيب هو اللي حصل هو اللي مزعلك و لا الحلم؟

عمرو يقول...

مش فيه حاجة صعبة يعني. أنا دلوقتي كويس, بس فعلا مش عارف أقرا ولا أكتب. أول ما هاجمع نفسي هاكتب بوست وفي الغالب هايبقى متشاءل
هع هع هع

Isolde يقول...

الله يطمنك :(

قال و انا اللي باقرا حواديتك عشان انام... انا هامشي، سلام :(

عمرو يقول...

ما تنكريش مفعول حواديتي القوي في التنويم.. وبعدين طبعا ربنا يطمني, أومال إيه يعني يرعبني؟
شوية جد.. هو اللي حصل إني اتكشفت قدام نفسي. يعني كنت فاكر إني خرجت من أزمة موت بابا واكتشفت إن السكينة سرقاني, وإن الحزن لسة موجود وكامن ومتحوش. بس على مين, أنا هاعمل ساعي بريد زي بتاع مصطفى السيد سمير وأقوله لم يستدل على عنواني يا ألم
نياهاهاه
نوم العافية يا برينسيس
:)

Isolde يقول...

ده اللي انا كنت خايفة منه... بص، اهم حاجة( و بجد اسمع كلامي المرة دي) انك ما تكتمش حزنك ده و لا تحاول تتفاداه لاي سبب و اياك تعمل زي ساعي البريد بتاع مصطفي، كدة الموضوع هيكبر جواك و انت مش حاسس، هتحس بيه بعدييييين، بعد ما يكون اتغذي عليك و كبر و كلبظ، و ما تقنعش نفسك انك متفائل و الامور ماشية بسهولة، طبعا ان شاء الله ربنا ييسر لك كل شئ، بس عمرو اللي جوة زعلان، ف ما تخنقش عليه و تقولله افرح بالعافية، سيبه ياخد وقته... يااااحد وقته( يعن ازعل و عيط، بس مش قدام ماما و اخواتك، و افتكر كل حاجة انت عايز تفتكرها و تحزن عليها... خرج كل اللي جواك و ايام تحوّشه يا عمرو، انت ما تعرفش ممكن يفاجئك بعد كدة امتي او يعمل فيك ايه) بس برده ازعل آه و كله كله بس برده ما تسيبش نفسك ل ده كتير، هو الحزن ما الا وجبة دسمة الروح لازمن تحرقها و تهضمها كويس قبل ما تعمل تراكم دهون و انسداد في الشرايين و ايه اللي انا باقوله ده... من الآخر خرج كل الوجع اللي جواك يا عمرو و ما تسيبوش يكبر و انت فاكره بيروح... ربنا يصبرك و يريح قلبك يا عمرو يا ابني قادر يا كريم :)