دعينا نتفق
دعينا نتفق.. حين أجدك سأضع يداً في يدك وأخرى حول خصرك, وسأرتوي من عينيك فتضعين رأسك على كتفي خجلاً, سنرقص وترقص الأرض طربا وفرحا بنا, ثم تطلق أجسامنا وتستثنينا من جاذبيتها فنطير.
دعينا نتفق على أننا سنحلق وسنشبك أيدينا ولن نفلتها سوى حين أضع على رأسك تاجاً من ضوء القمر وطوقاً من الفل والياسمين... دعينا نتفق
هناك 28 تعليقًا:
أنا أحمد
فاكريني و لا
عايز أقولك يا عمرو إن انت بقيت رومانسي بدرجة كبيرة جداً
ولازم وواجب عليا أقولك "ومن الحب ما قتل!!!!" بس تدوينة رائعة وأهنيك عليها
وياريت توسع خيالك شوية
يعني مش كل شوية القمر القمر
يا أخي روح المريخ مرة أو عطارد أو حتى المشترى. :)
أحمد
إحنا هانتريق ولا إيه. أنا باحب القمر وهافضل أروح القمر في كل تدويناتي.
:)
عمرو
احييك يا عمرو..لالا مش احييك..ارفعلك القبعة..لالا سورى مش ارفع القبعة انحنى لك احتراما..لا برضو ميكفيش..
انا انبسطت اوى من التدوينة دى يا عمرو..بجد مش هزار..بد والله انبسطت..
بس عارف؟؟؟ انا متاكدة ان محدش بيفكر كدة..مش مقتنعة مع ان الكلام عاجبنى اوى..مش عارفة بس احساس غريب من التدوينة دى..مبسوطة بيها والكلام عاجبنى ومش مقتنعة بالكلام او حاسة انه مش هيحصل..
ايه الكلام الرخم البايخ دة؟؟؟
عموما احسنت يا عمرو محمود السيد
سلام
اسير الكلمات..احمد بيه انا عايزة ارحب بيك فى مدونة الرفيق عمرو..انت منور والله واستنى اجيبلك كابوتشينو
هي أمنيات يا إنجي أتمنى أن تتحقق. وأتمنى لك أيضاً أن تعيشي مثلها.
:)
طيب هاتيلي أنا الأول كابتشينو يا إنجي
ابسط يا عم أحمد
:)
انت هتقطع عليا ليه ياعمرو ما احنا اصحاب :)
الف شكر يا انجي والله مش عارف أقولك إيه
بس لو اختفيت من المدونة يبقى عمرو قتلني!!!1
Ahmed
Bullet..
Bullet..
Bullet..
بس خلصنا منه
ههههههههه
إيه ده يا أحمد
هو فيروس ماشي في الجو والا إييييه؟؟ الرومانسية تجتاح البيوت/القلوب فأوصد بابك :)
بتكلم عن نفسي إنت افتح ع البحري
سؤال على جنب/ هو إنت بطلت تيجي عندي والا خلاص اللي علي علي ;)
إلى أحمد أسير المكتب مع عمرو .. حوّل
سيبه يروح القمــر .. فالرجال من المريخ والنســاء من الزُهــرة
:))
أهلا تسنيم
أولاً أنا اسمي عمرو مش أحمد
ثانياً أنا مش عارف أفتح على البحري ولا أوارب.. أنا بس باتمنى
ثالثا بقى, أنا جيت لك المدونة وقريت بس مش علقت
عموما ليكي عندي تعليق على كل تدوينة جديدة.. ولا تزعلي
:)
و الخمس تدوينات القديمة دول أعمل فيهم ايييه...؟
هو احنا بنلاقي الكلام ده ببلاش يا أستاذ عمرو..؟
أحمدطبعا غلطة غير مقصودة بس أحمد صديقك اسير المكتب معاك لخبطني :))
تفتكري لما تغلطي في إسمي وتقوليلي يا أحمد أروح بعد الغلطة الشنيعة دي وأعلق على مدونتك؟
ههههه
على فكرة أنا ما علقتش على أربعة بس.. وعموما يا ستي ملحوقة..
:)
ما تخافوش يا جماعة
أنا مازلت حي أرزق
أصل الشاشة عندي ضد الرصاص
واحب أقول لعمرو إن الرصاص مايقتلنيش
ممكن تقتلني الكلمات فقط
وأقولك مش أنا قولت "من الحب ما قتل" شوفت أهو لازم يبقى فيه قتيل مش مهم مين المهم إن فيها دم وخلاص :))
وأحب أقولك يا تسنيم إن المجموعة الشمسية فيها 7 كواكب تاني بأقمارهم والقمر بقى زحمة أوي من كتر الناس ما طلعته واحنا بنشجع التوسع الأفقي عشان زحمة السكان...:)))
سؤال جانبي: ماتكونيش إنتي القمر ولا حاجة؟:)))))
وبعدين في الحكاية دي؟ مش قادر ابلعك وانت رومانسي كده! كل دي رومانسية؟
أسير الكلمات
عييب يا ولد يا أحمد.. مش تقول كده
:)
أحمد الشمسي
هو يعني الواحد يبقى كئيب ما يعجبش سيادتك.. يتبهجج يقوم زور سيادتك يضيق وما اتبلعش.. انت عايز إيه بقى؟
يا تسنيم
دي مش معاكسة ولا حاجة :)
دا بس استفسار برئ أصلك زعلانة على القمر أوي...
وأنا شايف إنه بقى شيء تقليدي...
لازم تجديد:)
عمرو :
المود كان داخل في كآبة و قريفة .... البوست ده لحقني جدا ... فشكرا جدا
:))
لا شكر على واجب يا آية
زورونا تجدوا ما يسركم, وما يحبطكم.
نحن نختلف عن الآخرين
:)
:)
كلمة بس لاحمد الشمسي... يعني الراجل يقطع نفسه يعني، و لا هي الكحكة ف إيد اليتيم، ها؟ :)
انا ضد الرومانسية بس التدوينة خلتني اطير شوية معاها
بجد جميلة
تحياني
واحدة مجنونة
ليه كده مع إن الرومانسية أساسها الجنون. عموما انتي شرفتي المدونة وأنا سعيد إن التدوينة عجبتك
اجمل حاجه انك تعيش حالة من الرومانسية هادئة و حالمة تأخذك معها من عالم اصبح المعظم فيه يفكر بعقله فقط و كأن القلب اخذ اجازة و الى الابد
بس انا بحس ان الحب هو زى ما انت بتقول كدا ... انت و من تحب فقط ولا احد سواكم حتى لو كان حواليكم امة لا اله الا الله كلهاااااااااااا
منذ ان ساقتنى الاقدار الى مدونتك وانا اقرا فى قصص تستنزف طاقتى الرومانسيه المخبئه لاجل الفارس المجهول..كلما قرأت يزيد فضولى لمعرفته وبعد كل قصه اجدنى وقد رفعت يدى لادعو الله ان اجد فارسى واختمه بدعوة لك ان تجد فتاتك ايضا..
القصه كلها جميله جدا وتدفعنى الى القول..الحب فى الارض بعض من تخيلنا فان لم نجده عليها لاخترعناه..كما قال نزار
يا اخي انت عليك حركات... انت بتجيب الكلام ده منين؟ حاجة غريبة و الله، اوفففففففففف، انا متغاظ
آه نسيت دي
D:
مش عارف والله يا إيزولد باجيب الكلام ده منين, ولو أعرف كنت كتبت كده على طول بس أنا احتمال أكون باحب
:)
استاذ عمرو كلامك كتير حلو ومؤثر عليك ان تسير على هذا النهج لانه معبر عن ما بداخل القلب من مشاعر راقيه واحاسيس جميله وانه يظهر ما يخفيه القلب من حب وعشق
واتمنى لك التوفيق دائما
عصفور الجنه
إرسال تعليق