يونيو 08، 2009

أتيليه

أنا أحب المتعة البصرية, أعلم أنني أتعلم أول ما أتعلم ببصري, وأعلم أنني أتذكر بعيني وأرى بها. اليوم خفقت عيناي إعجاباً ببعض الرسوم سأعرضها عليكم ..

ستيفاني كلير

you-fell-into-my-dreams
You Fell into My Dreams

أفضل أن أطلق على هذه اللوحة

You Fell from My Dreams

شاهدوا باقي لوحات كلير على ويندوز لايف

جلين تارنوسكي

rooted and grounded Rooted and Grounded

شاهدوا باقي لوحات تارنوسكي على ويندوز لايف

هناك 17 تعليقًا:

Unknown يقول...

يادى النيلة يعنى لما اجى بدرى النت يستهبل وميرضاش يورينى الصور؟؟؟

انت بتعاملنى وحش كدة لية يا عمرو يا سيد؟؟؟ مش تخلى الصور تظهر وتبان عليها الامان كدة عشان الشلل وللا اييييييييه؟؟ هو انا ناقصة؟؟

هروح استمشى كدة واشوف ينكن الصور ربنا رضى عليها وهتظهر وللا حاجة

سلام بقى

عمرو يقول...

أهلا إنجي
تعرفي كنت شايل همك وأنا باحط الصور دي. قعدت أقول إنجي مش هاتعرف تشوف الصور. بس مش أنا اللي مستعندك يا إنجي والله. ده انتي معمولك عمل مربوط على فلاشة محطوطة في لابتوب في مجاهل سيليكون فالي (وادي التكنولوجيا الأمريكي) وعشان نفكه هانحتاج لواحد مدون خطير يكون ما دونش ولا تدوينة متقوقزة, يروح أمريكا ومعاه ماوس من غير بكرة وجهاز كمبيوتر منقط أبيض واسود. ويروح لمايكروسوفت ويقلها إنجي بتسلم عليكم وبتقولكم فكوا العمل..

:)

استمشي يا اختي استمشي..

سلام

تــسنيـم يقول...

لأ لأ إييه ده

سعادتك بتقول نكت...!!! ياللهول

وفين القوقزة؟ والا أنا جيت في مدونة غلط

مش دي مدونة عمرو السيد؟؟


إنت يا استاذ إنت مديون باتنين كومنت واحد عندي وواحد عند يوتا,, هو إحنا عاملين جيران الهنا من زاويتين لنفسنا والا إييه؟

عمرو يقول...

لا صدقي يا تسنيم
هي المدونة والله بتاعة عمرو السيد. بس أهو. تقدري تقولي إني بقى عندي شعرة.. ساعة تروح هاه وساعة تيجي
:)
أنا آسف جدا يا تسنيم على التأخير عليكي انتي ويوتا
بس ما انتم برضه بتتأخروا علي
:(

مش قلت لك شعرة
ههههههه

Unknown يقول...

الله اكبر

شفتهم يا باشا...ايه الحلاوة دى..انا اى نعم مبفهمش فى الرسم نوهااااااائى بس عجبتنى الصور دى..او الرسومات يعنى واللى عجبنى اكتر طريقة العرض بتاعة الصور الصوغنتوتة...لا حلوة حلوة يعنى ماشاء الله..

بالنوسبة للعمل بتاع مايكروسوفت...انا مونكن اتبع تقنية تانية خاااااااااااالص..مونكن اقولهم اللى عامل العمل دة يفكه احسن مبعتلكم عمرو السيد...طبعا اسمك هيرعبهم ويخلى ركبهم تخبط على الجيران..ويقولوا لى لااااااااا طالما المدون العظيم والقاص المتميز عمرو السيد صديكك اذن العمل هيتفك ان شاء الله بس ابعتيهولنا نخلص معاه الصفقة..اروح انا ابيعك وابعتك البعتة التمام.......وكفاية عليك السيناريو لحد كدة بقى يا باشا..

هو انت ليه بتعاملنى كدة؟؟؟ ليه مبقيتش تنزل بوستات بالهبل؟؟
انت منطهدنى..لا انا من طنطا..هع هع هع
معلش مهيسة شوية اصل عندى صداع جامد..

بقولك ايه كفاية كدة بقى يللا

سلام

micheal يقول...

عشان مكدبش عليك..ماليش في الفن والصور بس جي اسلم عليك
:)
تحياتي

عمرو يقول...

أهلا إنجي
والله أصدقائي نصحوني إني أريح عقلي كام يوم. لي صديق طبيب قاللي إني داخل على دور وحش بعيد عنك. أنا نفسي أكتب كلام كتير قوي. فيه في دماغي بوست عن ماما (حبيبتي) وفيه بوست عن مصر في الشعرين القديم والحديث, وبوست عن التوجهات الفكرية المغاية ومدى تأثنا بيها..
إيه رأيك مش أنا مثقف كبير؟
بس الدكاترة اصحابي قالولي ريح دماغك حبتين, وأنا مديها أجازة.

أنا آسف يا إنجي.. لكن عشان خاطرك لازم هاكتب بوسست في أقرب فرصة
:)

عمرو يقول...

مايكل
انت تشرف في أي وقت. قومي يا بت اعملي كوباية شاي لعمك مايكل
اتفضل يا باشا استريح
:)

أسما يقول...

ما كنتش اعرف ان ليك ف الفن. حلوين اوي بس الراجل التاني، اللي اسمه جلين تارنوسكي، عجبني اكتر... رسوماته مفتكسة هي و كل فكرة عن coupleبيرسمها ... تحفة بجد و بالذات Rooted and Grounded

ستيفاني كلير فكرني بالكيوبيزمcubism بتاعة بيكاسو و وشوش لوح موديلياني، نفس الملامح تقريبا، بس انا حبيت رسومات تارنوسكي اكتر.

شوف يا سيدي ما دام ليك ف الصنف يبقي تتفرج علي اعمال رودان و جاكومتّي Rodin, Giacometti و دول بقي فنانين تشكيليين، بس و الله لو جت لي فرصة اشوف اعمالهم علي الطبيعة هاعملها... هيييييه ربك يبعت، ممكن تشوف صور اعمالهم علي جوجل.

سلام

عمرو يقول...

إيزولد
حياكي الله يا بنتي
بس رودين و جاكومتّي دول رسامين ولا نحاتين؟ عموما فرحتيني. تخيلي الشمسي مش رضي يعلق. بيقولي أعلق إزاي على التصاوير اللي انت حاططها
:)

أحمد الشمسي يقول...

Amr, you are using my jokes to show me as an ignorant!
This is a part of an organized campaign to destroy my good-looking image, I demand you to remove these insults to avoid my revenge.

غير معرف يقول...

اية يا شمسي هي حصلت ريفينج
صورة إية اللي حتخسر صاحبك عشانها

ماعلينا
عزيزي الشاب المتقوقز
أولا بهججة ورد ذكرها في الفيلم خالد الذكر الكيف وكان اسم صنف جديد بيشبهوا بيه كتابات رؤساء تحرير الصحف القومية حاليا

نصيحة من أخ
ركز في الفن التشكيلي وفكك م الشعر

بالنسبة لحالة الكتابة العارمة اللي ع المدونة أنا شايفها أمر في منتهى الإيجابية حينتج حاجات متنوعة بعضها عادي وبعضها مميز جدا زي بجانب السور والشوارع مستقيمة
الاتنين دول حسيت فيهم فكر عالي جدا ومختلف
يمكن العناوين شوية عايزة شغل
يعني ممكن شوارع مستقيمة
بس جو أون
صاحبك نايب المسالك يعاني من احتناس أدبي والتهاب في القصر

وبعدين أنا اتنبح صوتي وانا باعمل لك تاج عالفيس بوك مابتعلقش لية

واحشني يا كنج

بالمناسبة مين رانيا بتاعت الساقية اللي بيحكي عنها عصام

تــسنيـم يقول...

??

أين جديدك..؟ وأين أنت؟ لعل المانع خير


:)

عمرو يقول...

Ahmed,
u've spent a lot of time n effort defending urself, why do u think did this? Or was it a BAT7a on ur head?
:)

عمرو يقول...

أهلا مصطفى باشا السيد سمير

طبعا أنا مستشكر قوي خالص على الكلام الحلو ده. على فكرة أنا قريت مجموعتك, وهابعتلك تعليق مفصل.
أنا عارف يا مصطفى إن صاحبي جاتله بلوك وعشان كده باقوله لابد أتخلص منه وأستقل في مشواري الأدبي عشان ما يجبنيش لورا
:)

عمرو يقول...

تسنيم
فيكي الخير يا بنتي والله..
عندي كلام كتير أكتبه يا تسنيم بس كله متقوقز والناس بتبعتلي إيميلات يقولوا "حرام عليك" فحرصا على مستقبل القراء سكت لفترة
:)

noon kiko يقول...

الفن طبعا هوايتى ومهنتى..انا بنكش ورا الصور بابره..والصور دى تحفه ..انا كمان بقرا حاليا كتاب المحيط عن الفن الفكتورى والفرعونى وكله يعنى وكمان عن الفنانين الكبار امثال مايكل انجلو اللى هو برج الحوت زى حالاتى ..وادعيلى اخلص الكتاب قبل الدراسه:)