ديسمبر 07، 2009

لقاء مع الرخاوي في قناة أنا

بعد طول انتظار الكاتب والمبدع والقاص والمترجم الكبير عمرو محمود السيد يتواضع ويظهر كضيف عادي في قناة “أنا” في برنامج مع الرخاوي تقديم مروة الشافعي وإعداد مروة أشرف.

صحيح إن شكلي في البرنامج في الضياع وكأني جاي من نوبة خدمة طول الليل في الجيش وكمان طالع تخين وفشلة, وصحيح انهم غلطوا في اسمي وكتبوه “عمرو جبريل” (وده بيفكرني بشركة المرعبين المحدودة هههههه) لكن دمي شربات والله وكنت نجم الحلقة.. ده الجزء الأول وجاري البحث عن بقية الأجزاء..

:)

على فكرة أنا نزلت الجزء اللي باطلع فيه على يوتيوب لمشاهدة أفضل..

هناك 11 تعليقًا:

أسما يقول...

انا شفتها علي فيس بوك... هما خسروا كتير عشان ما استضافونيش معاك، كنا هنعمل احلي دويتو و الرخاوي كان هيحرم يطلع في التليفزيون بعدها... هع هع هع، 30 ساعة؟! ده انا باملي الـ 24 بالعافية، انا كنت هاطلب اليوم يبقي 10 ساعات و اقلب... مش باقوللك، كنا هنعقده هو و المذيعة و الجمهوووووور... نياهاهاهاها

المرة الجاية نشوفك سولو، قصدي يعني ضيف البرنامج الوحيييييد، ما تسمعونا آمين يا رجالة
:)

علياء يقول...

"والله كنت نجم الحلقة"..
طيب .. يعني ما سبتش حاجة لنا نقولها في التعليقات :) :)

بس شيء جميل والله.. إلى الأمام دائماً يارب
على فكرة يا عمرو أنا قلت قبل كده إننا مفروض يكون عندنا وقت نهتم بالناس اللي حوالينا لأن لهم حق علينا.. مش طول الوقت في شغلنا وخلاص ..
بس ده ما كانش في تعليق تليفزيوني ههههههههه..
فإحقاقاً للحق.. كان مفروض تقول الزميلة الأخت الفاضلة المترجمة الأستاذة علياء لفتت نظري لهذا الموضوع..
ههههههههه

اه صحيح قبل ما أنسى:

آآآميييين يا أيزولد :)

mano يقول...

هااااااااااااااااايل يا عمرو بجد رائع انت فعلا تستحق ونتمنى توصل للعالميه بقى ان شاء الله اتمنى من الله ان ربنا يحققلك كل اللى تتمناه والى الامام

أه قبل ما انسى آآآآآآمين يا ايزولد

ponpona يقول...

عمرو يا سيد
آلهي يارب يعلي مراتبك كمان وكمان قول آمين
وآمين كبيراااااا علي دعوة أيزولد بس انا عايزه اشوفك سولو سولو يعني .. انت لوحدك كده ، بلا مذيعين بلا بتاع .. كفايه طلتك الحلوه دي :))

أقولك علي حاجه تضحك .. انا اول ما شوفتك قولت هيييييييه عمرو !! ، بص هو اليوم النهارده حلو قوي جدا خالص ، بغض النظر عن اني سيبت السيكشن و قعدت أكلت في الشارع .. بس اشوفك واشوف د.مدحت واسلم عليه كمان في يوم واحد ..... يا سلام يا سلام

:))

أحمد الشمسي يقول...

حاجة تفرح بجد
عقبال السي إن إن، والبي بي سي

غير معرف يقول...

ربنا يفرح قلبك ويقربلك البعيد وتبقي في برنامج لوحدك ...آمين ؛
أنا معرفتش أسمع حاجة من الحوار ، وإتضايقت من أعدتكم كده بعيد عن الرخاوي والمذيعة، وكأنكم لا سمح الله متهمين... ؛ بس المرة الجاية هيكون أحسن بإذن الله .
ديدي

Unknown يقول...

ايون ايون انا كنت عارفة انك عايز تقول انك بتفتح المدونة الصبح عشان تشوف تعليقى ومن ثم تبتهج...حلوة ومن ثم دى صح؟؟؟

عموما يا عمرو لو الناس فكروا فى فكرتك اللى هى بتاعة انك تلاقى وقت تطور نفسك وتحافظ على علاقاتك مش هيحتاجوا تلاتين ساعة وهيعرفوا يظبطوها...ليييييييييييه بقى

عشان طالما ربنا قال اليوم اربعة وعشرين...يبقى الاربعة وعشرين كافيين..كافيين اللى هو يكفوا مش كافيين اللى فى القهوة..نيااااااااااهاهاهااااااااا

بس صحيح الا مين عمرو جبريل مترجم دة؟؟؟ يعنى هو الشخص اسمه كدة وللا مترجم دة لقب العيلة؟؟؟ وانت ازاى تسكت على هاذوهى الغلطة؟؟؟

عموما المسامح كريم..او احمد..او عصام نيااااااااهاهاهاااااااا

يللا سلام بقى

noon kiko يقول...

ههههههههههههههههههههه
شكلك مش متظبط خالص
بس الكلام كيفنى
هههههههههههههه

noon kiko يقول...

مبروووووووووووووووووووووووك

غير معرف يقول...

لا بجد لم اخطا عندما قلت انك من الاوائل


مبروووووووووووووووووووووووووووووووووك






نهاد

Unknown يقول...

مكنتش مصدقة لما قلتلى بجد حاجة رائعة بالتوفيق بس يعنى ماتنساش الناس اللى وقفوا جمبك وعزموك وماتنساش تمضيلنا ع الاوتوجراف بقى يالا انت تستاهل كل خير وعقبال جائزة نوبل ان شاء الله


emy