ديسمبر 19، 2009

هيباتيا الإسكندرية

أحب الإسكندرية بكل ما فيها وأعشق تاريخها, وأعتقد أن حبيبتي لابد أن تكون نسخة طبق الأصل من هيباتيا أو هيبيشا كما تنطق بالإنجليزية (لكم أكره هذا النطق).. هيباتيا التي درست الرياضيات والفلسفة والدين فكانت منارة تضيء لمن حولها. أتساءل هل أحبت بالفعل كما يقولون أم أن هذا النوع من البشر ينشغل بالعلم عن العاطفة؟ مسكين أورستس ومن على شاكلته... أنتظر بفارغ الصبر عرض فيلم أجورا (الكلمة تعني السوق في أثينا القديمة) كي أراها لحماً ودماً من خلال الرائعة ريتشيل وايز..

هناك 11 تعليقًا:

Heba Gamal Emara يقول...

هيباتيا ، الاسكندريه ، الرياضيات ، رايتشل وايز ، تصادف وجودهم معا فى مكان واحد ....
أحمدك يا رب .. :):):)

Isolde يقول...

اممممم... و لو اني ما بحبش الرياضة و مفيش عمار بيني و بين الارقام، بس برده هاعلق....

اولا، ما ينفعش تحط في بالك صورة لحد و تبقي عايز تطابقها علي الواقع، نجيبلك منين واحدة زي هيباتيا دي، ها؟ حاجة غريبة و الله...

ثانيا، ما اعتقدش ابدا ان في واحدة متميزة كدة و فريدة من نوعها و ما تكونش حبّت، دي اكيد في حبها كمان هتكون مختلفة و فريدة...

ثالثا، انا قريت عنا هي عزازيل بس، هما فعلا عملوا فيها كدة في الحقيقة، قل انت عشان مكسلة ادوّر اونلاين دلوقتي...

رابعا بقي، انا هاشوف الفيلم هنا في السينما و انت لأه( وشين مطلعين لسانهم)

تدفع كام و ابعتلك دي في دي؟

D:

عمرو يقول...

هبة
أهم حاجة ريتشيل وايز
;)

عمرو يقول...

إيزولد
اللي حصل في الحقيقة أشنع من اللي حصل في الرواية من حيث الوحشية, والحادثة اللي ماتت فيها هيباتيا حصلت في الطريق وهي راجعة بدون حراسة لبيتها زي ما حصل في الرواية تمام
لكن تعرفي إن أحد أسباب موت هيباتيا (غير يعني حكاية التعصب الديني ومشاكلها مع الكنيسة) كان تعلقها بصديقها أورستس..
حاجة تقطع القلب يا خواتي والله
:(

أنا بقى أحط صورة وأطابقها وأعمل زي ما أنا عايز وتجيبولي هيباتيا يعني تجيبولي هيباتيا أنا ماليش دعوة
:(

رابعا بقى مش عايز دي في دي ولا حاجة.. مؤكد هاينزل عل النت قريب.. وربنا كريم ما بينساش حد :(

Isolde يقول...

برده مصمم علي موضوع هيباتيا ده؟ طيب، انا ما كنتش عايزة اقوللك بس انت اللي اضطريتني بقي... يا ابني مفيش من الصنف ده خلاص، للاسف انت بالشكل ده لا هاتحب و لا هتتجوز ( وش فرحان فيك... هع هع هع )

يا سيدي ربنا ما بينساش حد فعلا و اكيد اكيد هيرزقك بنسخة من الفيلم قريب ، انت اقف علي باب بيتكوا بس و اقعد ادعي و قول يا لطيف يا لطيف يا لطيف يا لطيف... هع هع هع
:)

جارة القمر يقول...

هو ايه موضوع اجورا دا ؟؟؟

تانى حاجه اقراها و الاقى حد بيقولى نفسه يشوف الفيلم دا

اللى انا نفسى افهمه ليه الانبا بيشوى زى ما سمعت طلب منع عرض الفيلم


انا مع ايزولد اكيد هتكون فريدة فى حبها كمان

ممممممممم عايزة اقولك كمان ان صورة البروفايل حلوة :):) ربنا يحميك

عمرو يقول...

أهلا جارة القمر
لا صحة لما تردد عن عدم موافقة البابا على عرض الفيلم
أنا كل صوري حلوة على فكرة
:)

علياء يقول...

لأ من ناحية رائعة.. هي ريتشل وايز رائعة :)
وتستاهل ؛) ههههههه

على فكرة يا عمرو.. انا عملت مدونة..
لكن مش هقول عنوانها غير لما حد يعبرني في المدونة بتاعتك دي ويرد على تعليقاتي :(
وبعدين ابقى اعمل الإعلان براحتي لما تأذن لي يعني :)

Heba Gamal Emara يقول...

أكيد طبعا مستر عمرو رايتشل وايز اهم حاجه :):)

adel يقول...

hنا شفت الفيلم في المرة الوحيدة اللي اتعرض فيها في سينما في مصر في اسبوع الافلام الاوروبية
طبعا كان جنبي في السينما اسماء تخض
يكفي منهم يسري نصر الله و محمد خان
بس الفيلم من ابداعه نساني اي حاجة

رغم وجود اخطاء تاريخية في العمل

بس الديكور و التصوير افضل مافي الفيلم
خصوصا لو درست اصلا الفترة دي زي كده :)

غير معرف يقول...

مع احترامي معظم التعليقات سطحية.ارى ان الذي حدث في العصور السابقة من كبت للحريات بدعوى الدين يحدث اليوم مع المسلمين