ليلة عيد
صحيح إن ليلة راس السنة لسة ما جتش, وصحيح إن مافيش مناسبة غير تاسوعة يعني, لكن النهاردة أنا فرحان بعد شهوووور من نكد متواصل.. وبما إني فرحان قوي فالليلة عندي ليلة عيد. قلت أعمل احتفال فاتمشيت شوية على البحر (وأنا ليا أربع أيام ما خرجتش من القوضة أساسا غير للصلاة) وجبت كوكاكولا (أي والله) وقررت أسمع فيروز قبل ما أرجع للمذاكرة, وقلت تسمعوها معايا :)
هناك 27 تعليقًا:
يعني إيه بقى؟ ماحدش هايعلق؟ طيب.. ماشي, بس ابقوا افتكروها ههههه
انا جيت يا عموووووور
يا الف نهار ابيض، يا الف نهار مبروك... اخيرا فرحت... طيب مش تجييب كوكاكولا للناس معاك، اللي يشرب لوحده، و انا عيني فيها، هه
ربنا يفرحك علي طووووووووووووول يا رب، قول آميييييييين
:) :) :) :) :)
آآآآآآآآآآآآآآآآمييييييين
هات با ابني سندوك كاكوليا هنا والنبي
هع هع هع
عينك في الكوكا بتاعتي يا إيزولد؟ ليه بقى؟ هاه؟ ده انتي عندك أصل الكولا, والنبي صحيح يا ست إيزولد ما تنسيناش في جزازة من عندك سجت عليكي حبيبك النبي
:)
على فكرة أنا دعيت لك النهاردة في الفجر.. عشان بس ما تقوليش حارمك من حاجة. ابقي ادعيلي انتي كمان في بنسلفانيا أصل بيقولوا إن الدعوة هناك ليها شكل تاني.
:) :) :) :) :) :)
:)
من عيني دعوة و من التانية كوكا...
:)
ربنا يديم فرحك يا عمرو
:)
ليلة عيد ... ليلة عيد ... الليله ليلة عيد
عمرو مبسوط .. هيييييييييييييييييه
طم طم طم طم .. ترارارارا
زينه وناس .. صوت اجراس .. عم بترن بعيد
أنا اللي جبت الزينه دي علي فكره ;)
يسعد أيامك كلها يا عمور
وبعدين ايه مافيش مناسبه غير تاسوعه دي !!
حتي لو مافيش مناسبه خاااالص
احنا نعملك يوم لوحده نحتفل بيه .. اختار انت بس
:):):):):):)
أهلا يا تسنيم
ربنا يسمع من بقك
:)
أهلا منى
خلاص كلمي الرياسة يعملوا يوم 24 عيد وليلة خمسة وعشرين كمان ويعملوا خمسة وعشرين أجازة رسمية عشان الشعب يشرب كوكا معانا...
:)
انا كده هاكلملك شركة الكوكا ذات نفسها مش الرياسه ، وبعدين من غير ما أكلم الرياسه ولاحاجه كفايه ان انا أصدرت القرار
قررنا نحن بونبونه هانم اللي هي منى هانم بردو ان يتم اعتبار يوم 24 ويوم 25 و26 أجازه رسميه عشان خاطر عمرو واعتماد اغنية الليله عيد الأغنيه الرسميه للاحتفال ومافيش مانع لو حد عايز يسمع الليله الكبيره كمان
العيد بتاع عمرو ... يأتيكم برعاية .. كوكاكولا
:):)
تشكري يا منى.. ولا ما جصرتي خيتي :)
اختيار موفق
أتمنالك سنة سعيدة
تحياتي
مايكل
حبيب قلبي
انت فين يا عم, وإيه الجملة المقتضبة دي؟ انت زعلان مننا ولا إيه؟ ها؟ عموما أنا ما أقدرش أزعل منك.. كل سنة وانت عسول كده :)
دايما ان شاء الله :):):)
مين مبسووووووووووط؟
أنا .. هييييييييييه
ليه بقي ماعرفشي؟
أهو انا مبسوط وخلاص
مبسوط قوي جدا خالص يعني ، مع انا الفارما ماتبسطش بالمره ، بس اهو انا مبسوطه بقي بالعند فيها .هه!!
:):):)
عمرو فرحااااااااااااااااااان
هييييييييييييييه هييييييييييييييه
بجد مبسوطة اوى انك فرحان و مبسوط انهارده يارب يارب يارب دايما مبسوط اوى جدا خالص
نسيت اقولك انا مش بحقد ولا حاجه انا بحسد بس قعدت على البحرررررررررر يشمعنى انا يعنى :(:(
مبسوطة إنك مبسوط ، ويارب كل يوم حلو يعدي عليك يكون عيد .
وأنا كمان مبسوطة عشان حاجتين :
* أولاً: يوم الجمعة قبل ما نام دعيت ربنا إني أطمن علي بابا ، ووربنا إستجابلي وحلمت بيه حلم جميل وتفسيره أجمل .
* ثانياً : أصبح لي أصدقاء وإخوة يفتقدوني ويسألون عني في غيابي ( عمرو وتسنيم )ربنا يديم المعروف والمحبة فيما بيننا .
صباحك عيد وبهجة وتفاؤل
ديدي
كويس جداااااااااااااااااا
اول ما ارجع اعلق هنا بعد غياب
وانا والله كنت مشغوله غصب عنى
الاقى حضرتك مبسوط
والاقى فيروز
والاقى الاغنيه اللى كنت بدور عليها ليا شهور
ومكنتش عارفه اسمها
اهو انا دلوقتى كمان مبسوطه اوىىىىىىىىى
كل سنه وانت طيب
سنه سعيده يا استاذى
2010
:) :) :) :) :)
يااااااااااااااااه
من زماااان وانا نفسى اشوفك فى مود الفرح ده ربنا يجعل ايامك كلها افراح
(كل ده بسبب الكوكاكولا ولا ايه)
تحياتى
عمرو ازيك عامل ايه ؟؟؟
يارب تكون بخير و مبسوط يارب :):)
انت مبسوط بجد يا عمرو!!! بحق و حقيقي يعني مش هزار... صورتك اللي علي فيس بوك فرحانة اوي و حلوة اوي عشان فرحان... يا رب يفرحك دايما دايما دايما... قول آااااامييييييييييين
:)
ايوه يا أيزولد يا بسبوسه هو مبسوط بحق وحقيقي قوي جدا خالص خالص يعني مش هزار ، مصادري الرسميه تؤكد هذا ، ولا ايه يا عمرو !! عارف ، ماهو انت لازم تبقي مبسوط ، واتفضل بقي حطلنا الصوره اللي علي فيس بوك هنا
يارب تبقي مبسوط يا عمرو كده علي طول
عطش الصبار
مرحبا بعودتك.. أنا فعلا فرحان اليومين دول.. يارب تكوني انتي كمان بخير
:)
جارة القمر
أنا تمااااااااااام المهم تكوني انتي كمان بخير
:)
إيزولد
آه والله فرحان فعلا يا إيزولد, خصوصا بعد ما أكلت أيس كريم شيكولاتة من عند العبد هع هع هع ده غير إني دخلت سينما ورحت الرحاب أي والله, وكان معايا الشمسي, هابقى أكتب تقرير مفصل عن الرحلة فيما بعد
:)
بنبونة
إيه بقى حكاية مصادرك الرسمية دي؟ انتي تعرفي حد من اللي كانوا معانا في الورشة؟ يا ريت تردي عشان أنا ابتديت أقلق منك, لاحسن تكوني مخابرات ولا أمن دولة يا منى وأنا مش عارف هههههه
آيس كريم؟ و شيكولاتة؟ انت قصدك تغيظني يعني؟ انا مش باتغاظ خالص علي فكرة و لا باتأثر، و بعدين انا الديا عندي هنا آيس للركب... هع هع هع
:)
يا رب فرحان علي طول، و علي فكرة عيني مش في الآيس كريم، بالف هنا يا سيدي
:)
مممممم
عايز تعرف مصادري الرسميه؟ طيب قرب شويه كده وانا اقولك أحسن دا سر ، سر كبييييير اومال ايه ، قرب شويه نونو كمان عشان ماحدش يسمع ،فتح ودانك بقي ، كويس قوي كده .... تووووووووووووت
هيييييييه ضحكت عليك ياعمرو ( وش مطلع لسانه ومبسوط )
وبعدين تعالي هنا .. انت اتفسحت ودخلت سينما واكلت آيس كريم وشيكولاته كمان . طيب انا مش هاحقد عليك خاااالص ، انا هانؤ بس
يسعد ايامك كلها يا عمرو .. قول آمين
إرسال تعليق