ديسمبر 09، 2009

من العهد الجديد

هنيئًا للمساكينِ في الرُّوحِ
لأنَّ لهُم مَلكوتَ السَّماواتِ.
هنيئًا للمَحزونينَ، لأنَّهُم يُعزَّونَ.
.....
هنيئًا لكُم إذا عَيَّروكم و اضطَهَدوكم
وقالوا علَيكُمْ كذِبًا كلَّ كلِمةِ سوءٍ مِنْ أجلي.
افرَحوا و ابتَهِجوا، لأنَّ أَجرَكم في السَّماواتِ عظيمٌ.

العهد الجديد- إنجيل متى

هناك 32 تعليقًا:

ponpona يقول...

حلوه قوي يا عمرو .. شكرا ليك بجد

:)

أسما يقول...

لا مش طالبة خالص يعني... بؤساء و محزونين كدة عالريق... آه ياني... يعني هنا في عواصف ثلجية و زعابيب، و تحس كدة ان الحرب قامت و ان فعلا في ناس بتصوت، جد مش هزار الريح فعلا بتصفر و لما بتبقي قوية اوي يتهيأ لك ان في حد بيصوّت فعلا و طبعا انا ما نتمش و كانت طيارتب في الفجر و اتلغت و اتأجلت للساعة 8 الصبح و بعدين 3 العصر و بعدين مش عارفية فين تاني... لا انا بجد الصوت اللي برة شباكي ده كان راعبني طول الليل و كآبني دلوقتي و انت تقول لي فقراء و محزونون... طيب اروح فين بس يا ربي؟ انا هاشوف عند احمد او بونبونة او حد من الشباب، يمكن يكون حد كاتب حاجة فرايحي

Heba Gamal Emara يقول...

لا فعلا جميله ......


"هنيئًا لكُم إذا عَيَّروكم و اضطَهَدوكم"


"افرَحوا و ابتَهِجوا، لأنَّ أَجرَكم في السَّماواتِ عظيمٌ."



دى من اكتر الجمل اللى اثرت فى فعلا ...

Rosa يقول...

و عليكم السلام عمرو
ماما بخير الحمد لله هيا بس مشغوله قوي اليومين دول ... اشكرك على السؤال
هبلغك سؤالك

عمرو يقول...

الحمد لله يا روزا فعلا كنت قلقان عليها
:)

أسما يقول...

ايه بقي؟ انت مخاصمني و لا ايه؟ مش بتيجي عندي يعني و لا باشوفك بتعلق، انت مش رجعت تدون تاني... مدونتي ما تنفعش من غير تعليقاتك يا فنان... عيب كدة ما ينفعش البرينسيس تتحايل علي حد
:)

noon kiko يقول...

ايه الاخبار.
كويس ان حضرتك بدات ترجع لنا تانى
حمد الله ع السلامه

micheal يقول...

إختيار جميل
:)
تحياتي

Unknown يقول...

هى روزا تبقى ديدى؟؟؟؟؟؟؟؟؟؟؟؟؟؟

Unknown يقول...

لا سورى مش ديدى معلش الصداع عامل عمايله

منورين شباب

جارة القمر يقول...

عمرو
بقالى كتير اوى مش جيت هنا جايز لانى كنت زعلانة منك عشان انقطعت فجأة كدا و كما لما نزلت بوست لقيتك بتقول انا منزلة بس لكن مش معنى كدا انى رجعت للتدوين لقيت نفسى زى الاطفال الصغيرة بقول كدا طب مش هعلق بس هيه بس كنت باجى و بقرا كل اللى بتنزله و شفت الفيديو بتاعك و اول ما جت الكاميرا عليك قلت عمرو اهووووووووووووووووووو هيييييييييييييه ... بس لما لقيتك بتقول ان اول حاجه بتعملها الصبح انك بتدخل تشوف تعلقياتنا و تفرحك لقيتنى ببوصلك بزعل اوى و اقولك اومال ليه سيبتنا كتير كدا :(:(
ممكن مش تعملها تانى ؟؟؟ ممكن تغيب شوية صغيرة عشان شغلك ماشى كلنا كدا لكن بلاش تغيب الفترة اللى غبتها كدا تانى

nor يقول...

مش عارف ليه متخيل مسرحية محمد صبحي " آدم وحواء" وانت بتقول هبطل كتابة حد من ورا بيقول " متقدرش"

عمرو يقول...

تعرف يا نور
فعلا ما قدرتش أبطل كتابة, وأنا قاعد باذاكر ولا باشتغل باحس إني ماشي في الاتجاه غير السليم على الأقل من ناحية الحاجة اللي نفسي فيها وباحبها مش من ناحية المادة.. والبلوج فعلا بيخليني أكتب. وأنا نفسي أكتب بس

تمتمات يقول...

أعشق كل ما يقوله وقاله المسيح
حكيم ذاك النبي
ذكي ذاك الجميل

علياء يقول...

عايزين بوست جديد بقى..
يا كده يا هتقوم مظاهرة ضد الحكم المستبد ده :)
ما هو لا بوستات جديدة ولا رد على التعليقات !!!

عمرو يقول...

علياء
من عيني والله بس زي ما تقولي النهاردة عندي خطة بحث باعملها احتمال بكرة بس ما أوعدكيش
هع هع هع
:)

nor يقول...

حكيم ذاك النبي !!!!؟!!!!
ذكي ذاك الجميل !!!!؟!!!!

!!!
وصف ملفت

جارة القمر يقول...

ازييييييك يا عمرو عامل ايه ؟؟؟

يارب تكون بخير دايما يارب

عمرو يقول...

أهلا جارة القمر
الخير هو اللي بيا مش أنا اللي بيه
:)

أسما يقول...

طيب حط اي حاجة غير الفقراء و المحزونين دول، يا ابني دول آخرهم عالمدونة يوم الا ربع، شوف انت سايبهم بقالك كام يوم و كل ما ادخل الاقيهم، حرام ده و لا حلال،ها؟

و عندك واحد بهججة و صلحه

صباح الفل
:)

أسما يقول...

ايه ده، انا بيتنفضلي يا رجالة... دي فيها ضرب نار، انت مش بترد عليا، و لا حتي نزلت بوست فرايحي... بتطنشني يا عمرو؟ اعيط انا دلوقتي و لا انتحر و لا اعمل ايه بس؟
:(

خلاص، انا هامشي و انا زعلان و مش جاي هنا تاني
:(

عمرو يقول...

أهلا إيزولد
ده مش طناش ربنا يعلم. أنا قريت كلامك وأنا لابس ورايح المكتبة رجعت منها الساعة سبعة بالليل كنت نسيت إنك سبتي تعليق وربنا يعلم من سبعة لحد ما نمت وأنا عامل زي النحلة بس ملحوقة عموماً

بالنسبة للبوست فالنهاردة إحتمال أكتب حاجة لو اتجدعنت كده وخلصت التراجيتس بدري
:)

أسما يقول...

خلااااص، تنزل المرة دي... ربنا معاك يا رب، بس لا مؤاخذة يا والدي في السؤال، هي ايه التراجيتس دي؟ انجليزي ده يا مرسي؟
:)

عمرو يقول...

Sorry I meant my targets for today. I have to translate 10 pages at least and finish a paper for the MA... Sorry for being so impolite.. I really did not mean to
:)

أسما يقول...

عفونا عنك... خلاص، مش هنادي علي مسرور الساف... هع هع هع

ربنا معاك، ادعيلي و النبي اذاكر انا كمان، لاحسن ده انا في الالتزام نيلة اوي
:(

أسما يقول...

قصدي، السيّاااااف
D:

عطش الصبار يقول...

عمر
شكرا لك على سؤالك ولا اخفى عنك انه بالرغم من افتقادى لكم الا ان سعادتى كانت بالغه عندما علمت بسؤالك عنى شكرا لك فلم يكن سؤالك عنى مجرد سؤال لكنه عنى لى الكثير والكثير واعتذر عن كل قلق سببته لك ولكن واعلم بانك ستعذرنى بانى انشغلت بعوده الغائب واتزود بو جوده بجوارى استعدادالايام قادمه يرحل فيها عن عالمى الى قاره اخرى فهل عذرتنى كابن يعلم مشاعر الام
اما البرناج مع الرخاوى فانا لم اندهش لعلمى انك تستحق ما هو اكثر واكثر ولعلى فى رد سابق لى اخبرتك بانك سيكون فى انتظارك المزيدوالمزيد
يا سلام شوف بقى فرحتى لما يفتقدنى اديب حقيقى زى عمر السيد
عمر السيد انت تستحق كل المجد لانك كاتب حقيقى
لك كل الود وكل الشكر

عمرو يقول...

عطش الصباااااااار
عاملة إيه... أنا فعلا باقلق لما بتغيبي. من حقك طبعا تقعدي مع كل أبنائك بس من غير ما تنسينا. يا رب على طول سعيدة يا رب
:)

ponpona يقول...

يكرمك وتخلص كووول الحاجات اللي وراك يا عمرو وتيجي بقي .. انت بقالك كتير كده :(

عارف انا باعمل ايه لما بيبقي ورايا حاجات كتير كتير كده .. باروح سايباهم واقف انا بقي وراهم وبكده يبقوا هما اللي قدامي ,وانا مايبقاش ورايا حاجه اطلاقا بتاتا

مساك سكر يا عمرو
:)

عمرو يقول...

أهلا أهلا
الساعة دلوقتي اتنين ونص بالليل والكتاكيت اللي زيي ناموا من زمان بس أنا قلت أكتب تدوينة وبعد ما قضيت ساعتين ونص باكتبها ما عجبتنيش ومسحتها.. هاحاول تاني بكرة
تصبح على خير يا عمرو
:)

أسما يقول...

نعم نعم نعم؟! لا ، دي الجملة اللي حفظتها للطلبة بتوعي عشان يطلعوا بيها و قت اللزوووووم( زغراني)

أسما يقول...

لو ما كتبتش حاجة انهاردة هانزل مصر اموتك و ارجع تاني... نياهاهاهاهاها

:)