نوفمبر 09، 2009

اللقاء

Meeting_by_just_Marga

وبعدَ زمانٍ ..
تُحدّثُني ..
وأحَدّثُ فيها التي
لمْ تعُد مثلَها ...
أُحاوِلُ ألاّ أُفرّقَ بينهُما ..
كِلا الكائِنين مَلاكٌ ..
كِلا الكائنينِ هلاكٌ،
كِلا الكائنينِ بهِ مسحةٌ
منْ محطاتِ قلبي ..
كلا الكائنينِ يقولُ ابتعِدْ ..
كلا الكائنينِ يقولُ اقتَرِبْ.
أخافُ عليها ..
أخافُ عليّ،
إذا ما ابْتَعَدْتُ،
إذا ما اقْتَرَبْتُ ..
أخافُ،
إذا قُلتُ
أوْ لمْ أقُلْ.
إلهي،
إلامَ على عاتِقي
يَتَرَبّعُ هذا الجَبَلْ؟

كلمات: إبراهيم محمد إبراهيم.. أحد الشعراء المجيدين الذين عرفني عليهم فيس بوك

هناك 19 تعليقًا:

ponpona يقول...

أخافُ عليها ..
أخافُ عليّ،
إذا ما ابْتَعَدْتُ،
إذا ما اقْتَرَبْتُ ..
أخافُ،
إذا قُلتُ
أوْ لمْ أقُلْ.
إلهي،
إلامَ على عاتِقي
يَتَرَبّعُ هذا الجَبَلْ


سلملي عليك وعليه وعلي الفس بوك الحلو دا

:))

noon kiko يقول...

الله بجد
الله
الله
الله
كلمات رائعه
الشاعر ده بيكتب باحساسه اوى
خلانى كده للحظه اتوه واحن لنفسى اللى تاهت منى هى كمان
ماعلينا
الكلمات جميله جداااااااااا
وحمد الله على سلامة حضرتك
:)

علياء يقول...

الله.. كلمات رائعة, ومعنى ومضمون أكثر من رائع..
فمن منا لا يغيره الزمان؟!
حقيقي لم أقرأ كلمات بهذه الروعة منذ فترة..
تحياتي للشاعر الرائع, وتحياتي لاختيارك الأكثر من رائع :)

أحمد الشمسي يقول...

سبحان الله!
تصور لسه امبارح قريتله قصيدة وكان في بالي اقولك ان الراجل ده بيكتب قصايد حلوة فعلا

أسما يقول...

:(
مش فاهم!

طيب هي واحدة و لا اتنين؟! انا الاسلاك عندي كلها ضربت اليومين دول و بجد بجد مش فاهم :(

عموما هو اكيد بيكتب كويس، انا اللي مش قادرة اركز...

أسما يقول...

و بعدين تعالي هنا، هو انت هتقضيها اقتباسات و لا ايه، ها؟ و حمل ايه اللي علي عاتقك؟ ما داهية لا تكون انت عايز تقول نفس الكلام اللي بيقولو الجدع ده... يا سنة سوخة! انت بتحب اتنين يا عمرو؟! قلبي عندك...

أسما يقول...

كمان مرة عشان البيه... بص اصل انا تعبان و فاصل شحن و مش لاقي حد اكلمه غير بلوجر و لو كتبت هاخرف فقلت ادوشك تعليقات لحد ما تحرم تنشر حاجة مش بتاعتك ...

عمرو يقول...

أهلا بنبونة
من عينيا هاسلملك عليه بالقوي
:)

عمرو يقول...

أهلا يا زهرة
الكلمات رائعة بالفعل وإن كنت متوقع إن القصيدة تطول عن كده وتدينا تفاصيل أكتر.
عموما اللعب على نقطة الخوف من المستقبل مع المحبوبة والخوف من الابتعاد عنها عمله قبل كده أحمد المنشاوي في ديوان أحبك لكن

:)

عمرو يقول...

علياء
عاملة إيه؟ أنا يا بنتي اختياراتي دايما مدهشة.. أنا أحسن واحد يختار
هع هع هع
:()

عمرو يقول...

أحمد يا شمسي
يا ابني احنا عندنا توارد خاطر من زمان
:)

عمرو يقول...

إيزولد
أنا مخامصك ومش باكلمك, روحي الأول نزلي البوست اللي وعدتي بيه وبعدين تعالي وأنا أرد عليكي
:)

Heba Gamal Emara يقول...

قصيدة جميلة
احساس ارق
خوف من المستقبل
حبه ليها
ملاحظة التغيير
عناء ومشقة
خوف وارتياب

قصيدة جميلة اوى اوى يا مستر عمرو
اختيار موفق

انا عارفه ان كلهم بيطلبوا دلوقتى حاجه فرايحى
بس ممكن حضرتك تبعتلى لينك عن اى قصيدة تتكلم عن الخيانة وعدم الوفاء بالنسبة للأصدقاء !!!!!

عمرو يقول...

أهلا يا هبة
عاملة إيه؟ وأخبار الدراسة؟ أنا للأسف ما أعرفش قصيدة بتتكلم عن خيانة الصديق, بس ممكن نطرح ده على كل الزوار


يا جماعة حد يعرف قصيدة بتتكلم عن خيانة الصديق لهبة عمارة؟

ربنا يعلم لو أعرف ما أعزهاش عليكي
:)

ponpona يقول...

عمرو
أنا نشرت البوست تاني عندي

:)

جارة القمر يقول...

ازيك يا عمرو عامل ايه ؟؟

معلش جيت متتأخرة كالعادة حلوة اوووى الكلمات دى بجد و حساسة اوووى

انت فعلا مدهش فى اختياراتك :)

أسما يقول...

اولا الف سلامة :)

ثانيا انا ما حدش يعرف يخاصمني اساسا، يا ابني ما ينفعش تعيشوا من غيري، اومال مين هيعمل دوشة هنا؟ حاجة غريبة و الله ... و بعدين ده مش مبرر عشان ما تردش علي تعليقاتي، تؤ تؤ تؤ... ده مش اسلوب حضرتك تعامل بيه ضيوفك

ثالثا، انا عندي كل يوم جديد اقوله و نفسي احكيلكوا و اوريكوا حاجات كتييييير، بس مش عارفة مالي، انا كويسة مش مكتئبة و لا حاجة، بس ما عنديش اي رغبة في اني اكتب اي حاجة و لا حتي بوست عادي تقريري ما فيهوش غير وصف لحاجات شفتها هنا... معلش انت عارفني عيلة من يومي و باقول الحاجة و ارجع فيها... عااااااادي جدا :)

أسما يقول...

يعني و بعدين، ها؟ يا اخوانا انا ف غربة، لازمن تكتبوا و تونسوني كدة ما ينفعش... مفيش بوست جديد و لا عندك و لا عند احمد... اوففففففففف

:(

عمرو يقول...

متأسف خالص على التأخير
الأيام اللي فاتت كنت مشغول قوي.
:)