نوفمبر 04، 2009

لم يستدل على حبيبي يا ألم

love

نفسي أكون ساعي بريد مهمل
وأغير العناوين على الجوابات
الفرحة على عنوان عينيكي
والألم في جيوبي أخبيه م السعاة
وأكتب على ضهر الجواب
لم يستدل على حبيبي يا ألم
ابعد خلاص

شعر: مصطفى السيد سمير.          من قصيدة: التوهة في ألوان عينيكي

هناك 22 تعليقًا:

ponpona يقول...

هيييه ... أنا الأول
ياسلام ياسلام :))

أنا بحب القصيده دي
والحته دي بالذات

بس انت كده ضحكت علينا ياعمور
فين البوست بتاعك ..هه؟
أنا بقالي كتييير مش قرأت لك حاجه
عايزه أقرأ قصه ليك .. وماتضحكش علينا تاني وتحطلنا سطر وتمشي

غير معرف يقول...

والله أنا جسمي سرت به قشعريرة حتي قبل أن أنهي سطورك التي إخترتها لنا .....في كده دلوقتي ؟!
* مش هقول غير إنك هايل يا مان وكالعادة ده أقل حاجة عندك !!!.أدين لك بالشكر علي عدد من الشعراء الذين لم أعرفهم إلا من خلالك ومن خلال اصدقائي المدونين .
هاف آ نيس ويك إند؛
ديدي

enjy يقول...

وانا نفسى افهم فى الاكسل

EXEL IS HELL

الانستراكتور فى بريك وانا محتاسة وبجد ابتديت اقتنع ان مخى لم يخلق لتلك المعادلات البلهاء والمسائل الرياضية العقيمة

عااااااااااا...الله يكون فى عونك يا مستر احمد

احم احم...اما عن الشعر بتاع مصطفى فهو حلو..اكيد حلو يعنى بس انا مش مستوعبة اى حاجة فى اى حاجة

بعدين بقى

سلام مؤقت

واحده من الناس يقول...

لم اندهش حينما رايت ف اخر السطور اسم مصطفى على تلك الكلملت فقد صرت اميز مايكتبه جيدا كما ان كتاباتك ايضا لم تعد تخفى على
الكلمات كما اعتدتها دوما رسمت باحساس رائع
:)

عمرو يقول...

بنبونة
أنا مش باضحك عليكم والله بس أنا في ظروف صعبة حبتين والكتابة تبدو ليا نوع من الرفاهية غير الممكنة بس ححاول والله أكتب حاجة
:)

عمرو يقول...

ديدي
الله يكرمك يا رب.. دائما رافعة معدنياتي
:)

عمرو يقول...

إنجي
إكسيل حاجة صعبة؟ ده جميل جدا يا بنتي.. ده أنا على ما أذكر كنت هاسقط فيه في امتحان الآي سي دي إل بس ما هونتش عليهم
:)

عمرو يقول...

زهرة
يا سلام؟ يعني لو حطيت اسمي ما ينفعش؟ طيب إيه رأيك أنا باكتب أحسن منه ههههههه

ponpona يقول...

انت أخدت كلامي جد قوي كده ليه ياعمور .. انا بس كنت بانكشك ;)

ربنا هايفرجها ان شاء الله عن قريب بس انت تفائل وقول آمين

ماتشيلش هم الظروف الصعبه ،
هي ف الأول والآخر ظروف يعني كده كده هاتمشي بعيد

Heba Gamal Emara يقول...

جميلة اوى يا مستر عمرو
أكيد هدور عليها وأقراها :)

mano يقول...

جميله القصيدة جدا يا عمرو والله انا برده احب اقرا لمصطفى انت عارف انه صديق مشترك بس فعلا مدونتك رائعه واحسنت الاختيار او بعبارة ادق اصبت الهدف

Isolde يقول...

:) :) :) :) :) :) :) :) :) :) :) :)
كدة نبقي خالصين... اما عن مصطفي فهو شعره بالنوسبة لي يعني، ناااااعم و رقييييق، مش يا اخي اول ما ياقرا قصايده بييجي في بالي ريشة ف يوم حلو كدة و الشمس فيه طالعة( بما ان انا شفت الشمس 4 مرات من يوم ما سبت مصر) و نسمة هادية عملة توديها هنا و هناك هنا و هناك و الريش نايمة علي ضهرها و مستمتعة و لا علس بالها اي حاجة... ايه كل الرغي ده، انا قريت القصيدة عند مصطفي و غيرها كتير بس لسة ما جبتش كتابه، ينوبك ثواب تشيللي نسخة مع نسخة من مجموعتك الجديدة( اول واحدة تطلع من المطبعة، انا باقوللك اهو و خليكوا شاهدين يا اخوانا) عشان اقراهم لما ارجع بالف مليون سلامة ان شاء الله

اما عن الـ Excel ف ده لعبتي، اي و الله... انا علي ما اذكر انه كتب في كتب التاريخ ان ايزولد بنت ابو ايزولد حصلت علي سكور 97 % في المدعو اكسيل و لكنها اصيبت بفقدان ذاكرة في هذا الجزء من المخ المتعلق بالاكسيل و ذللك اثر عملها في حرم جامعة سوهاج المصونة... و يااااا صباح الرغي، حد يعمللي ستوب يا جدعان ما ينفعش كدة... صباحكوا سكر كلكوا كلكوا يعني :)

Saso يقول...

صباح الخير ياعمرو
حلو اوى الشعر دا وناعم اوى بجد
هو الكتاب دا موجود على النت يعنى e-book
ولا لا والنبىىىىىىىىىىى
ابعتلى اللينك لو موجود
نورت انا صح؟
ههههههههههههه

جارة القمر يقول...

بجد انا قعدت ادامها شوية كتير اوى جدا خالص حلوة اووووووووووى بجد

عمرو السيد انت مازلت كما انت رائع دائما :)

عمرو يقول...

السلام عليكم
النهاردة المود مش متظبط خالص, والحياة صعبة قوي
أنا هانام تاني يمكن الحال يتعدل, ولما أصحى إن شاء الله هارد على التعليقات

Isolde يقول...

امممممم... ايه يا جدعان، اخوكوا المود عنده مش متظبط، هنسيبه كدة؟ لازمن نعملو حاجة... امممم، ايه يا عموور بس مالك؟ قل لي بس مين زعلك و انا الم الشباب اللي عندك عالبلوج و نيجي نعرفه شغله، انت وراك رجالة، آه....

حبة جد... في ايه؟ مش ماما و اخواتك بخير؟ و انت بخير؟ خلاص، اي حاجة بعد كدة مقدور عليها، بس انت قول يا رب و هو هيعدلها ان شاء الله :)

م/ الحسيني لزومي يقول...

انا بحب الشعر واتذوقه وخاصة ما يشبه الراعيت التي تقول حكم او تترجم موقف
تحياتي
--------------
من اجل
وطن آمن مستقر...حياة افضل.
من اجل
محاربة الفساد....مقاومة التزوير
من اجل
ان تكون مقدرات هذا الوطن بأيدينا
شارك في الحملة الشعبيه للقيد بالجداول الانتخابية
ضع شعار الحملة علي مدونتك

غير معرف يقول...

صباح الخير يا عمرو
فعلا قصيدة موجعة بس جميلة اوى بس اية الى حصل فين عمرو راح هو خير الكلام ما قل ودل فين عمرو لما كنت اقراه اقعد فترة طويلة لغايت لما الاكل يتحرق منى او انسى حاجة بعملها اين انت يا مان

قطتى

جارة القمر يقول...

بقى عمرو المود بتاعه مش مظبوط لالالالا مايصحش كدا طبعا ممممممم طب تحب نشغلك ميوزك حلوة كدا و خفيفة ها ايه رأيك هتريح اعصابك خالص و تخليك ريلاكس انا هروح اجبلك ميوزك حلوة خالص و اجيلك

سلالالالام

ponpona يقول...

عمرو موده مش متظبط .. تؤتؤتؤ
امممم .. ايه رأيك أجيبلك واحده شيكولاته تاخدها وتنزل تتمشوا سوا،
ملكش مزاج تتمشي !! .. طيب خد بردو الشيكولاته واقعد اسمع المزيكا اللي جايبها جارة القمر دي حلوه قوي عي فكره .. أومال ايه، مزيكا من عند القمر .. ياسلام ياسلام
روق انت بس كده وكل حاجه هاتبقي تمام ان شاء الله
أسيبك بقي وانزل أجيبلك كوووول الشيكولاته اللي عند جرجس تحت وأهو تخليها عندك احتياطي لأي مود تاني بيفكر انه مايتظبطش

:))

Isolde يقول...

ما انت كنت كويس و بتكتب حاجات فرايحي و مزهزة، اومال بقالك فترة ليه متغير... مش عاجبني يا عمووور... اعترف، في ايه؟

يا رب تكون بخير
:)

عمرو يقول...

مش قادر فعلا أفكر في حاجة
أنا هاقوم أنااام
الساعة دلوقتي 2 صباحاً
حفلة سعيدة :)