أكتوبر 06، 2009

My Mood

dfds

يا مشرط الجراح أمانة علـــــــــــيك.
وانت ف حشايا تبص من حواليــك.
فيه نقطة سوده في قلبي بدأت تبان.
شيلها كمان .. و الفضل يرجع إليك ..

جاهين

هناك 44 تعليقًا:

غير معرف يقول...

جيت علي الجرح يا عمرو
أحيانا فعلا بنتمني ان الجرح الي عمل نقطه سوده في القلب يتمحي و يتشال
بس مش مشرط الجراح الي هيشيله
لأ
ده الانسانه المناسبه هي الي هتشيله
لأن بمجرد دخول الشخص المناسب حياتك كل حاجه وحشه حصلت وجرحتك بكل بساطه هتنساها و قلبك هيصفي و هتبقي مجرد ذكري وحشه مش هتبقي علامه كبيره في حياتك.
حلوة جدا القصيده دية
معبره جدا وبكلمات قليله وده عندي هو الابداع ان الانسان الي قدامك يعبر عن مشاعر كتير جواك بكلمات بسيطه جدا.
اختيارك رائع يا عمرو.
ازيك بقي ? صحتك عامله اية ?
يا رب تكون بخير :)
فاطمة

أسما يقول...

اممممممم... الحقنا بقي بعنوان الجراح و تليفونه عشان ناخد معاد، اصل بعيد عنك الواحد عنده بقع سودا كتييييير مبوظة الشكل العام، و انت سيد العارفين الشكل العام اهم حاجة عند الواحدة مننا... هع هع هع

عمرو يقول...

فااااااااطمة
عاملة إيه؟ أنا بخير والحمد لله. تعرفي المشكلة إن النقط السودة دايما مؤلمة.. بس الحمد لله على كل شيء
المهم انتي بخير؟
:)

عمرو يقول...

إيزولد
يبدو فعلا إن الشكل العام أهم حاجة.. بس الواحد ما كانش واخد باله
كل سنة وانتي طيبة بمناسبة أكتوبر
:)

ponpona يقول...

ياريت ياعمرو كان ينفع
ماكنش حد غلب

عارف ... يمكن ماكنش حد هايعيش مجروح
ولا كان في جرح يعمل scar تعلم طول عمرك


بس أقولك علي حاجه
أنا بجيب الألوان وارسم ورد وشجر ومراجيح
وحاجات حلوه كتير تغطي ع البقع السوده
واحط شمس تنور والأسود بيخاف م النور

Heba Gamal Emara يقول...

على فكرة انا بدات احب صلاح جاهين
ومن زمان كان نفسى اقرا قصايدة
و احببته اكثر عندما سمعت من تاليفه
اغانى كتيرة وجميله من نجوم كبار
نجوم الزمن الجميل
بس كانت فين الاغنيه دى لما كتبت بوست "الندله"
هى دى فعلا اللى كانت تناسب المود بتاعى
اختيار موفق مستر عمرو
تحياتى ومودتى واحترامى ،.....

عمرو يقول...

بنبونة
بس أنا مش باعرف أرسم.. أعمل إيه
:(


هبة
يا نهارك أبيض؟ بدأتي تحبي جاهين.. ده جاهين ده أساسي يا بنتي
لازم تقري رباعياته كلها على الأقل.. هاتفرق معاكي قوي
أشكرك يا هبة على كلامك وعلى اهتمامك
:)

أسما يقول...

مش عارف يا اخي ردك مش مريحيني... في ايه يا ولدي الله يرضي عليك؟ انا كنت اقصد ان الجراح ده هيعمل لنا عمليات تجميل تشيل البقع دي، يعني باحاول اخفف من تقل الفكرة و قوقزتها، بس ردك قوقزلي اليوم عالآخر، اوفففففففف

عمرو يقول...

أهلا إيزولد
أبدا مش فيه حاجة.. ممكن تقولي إني كنت بانكشك عشان تيجي تعلقي تاني
نهارك قشطة
:)

غير معرف يقول...

انا الحمد لله بخير
انا باجي علطول يا عمرو وبقرأ كل البوستات أحسن تفتكر اني مقصره ولا حاجه بس احيانا مش بعلق
بس طبعا عشان حرب الدراسه ابتدت فمش هعرف اتابع زي الأول
بس هاجي علي قد ما أقدر
كل العيله واحشاني والله
ديدي و زهره و انجي و بنبونة و ايزولد و هبه و علياء و جاره القمر كلهم والله عشان منساش حد.
سلامي ليهم كلهم وأنت طبعا معاهم :)
فاطمة

عمرو يقول...

فاطمة
ربنا معاكي يا رب في المذاكرة
بس ابقي تعالي حتى كل خميس
:)

ponpona يقول...

مافيش حد ما بيعرفش يرسم ياعمرو
قوم هات ورقه وقلم وارسم حتي لو طلعت
شخابيط هتبقي برضه رسمايه
:)

عمرو يقول...

بنبونة
:)

أسما يقول...

:)

علي فكرة انا اتفق مع المقولة اللي انت كاتبها" الاغبياء يعيشون بصحة جيدة"

عمرو يقول...

إيزولد
كده ممكن نطمن على نفسنا قوي هع هع هع

Heba Gamal Emara يقول...

طيب الاقيش عند حضرتك والله رباعييايه
كده تكون خفيفه بالنسبه لمبتداه زيى:)

عمرو يقول...

أهلا هبة
أهو يا ستي
كل رباعيات جاهين
:)
http://membres.lycos.fr/alsh/roba3iatjahin/index.htm

غير معرف يقول...

فين البوست الجديد !
انا جيت ومش لقيت :(
بجد يا عمرو الواحد محتاج يجي يقرأ بوست هنا كل يوم عشان يرفه عن نفسه
مستنية البوست :)
فاطمة

عمرو يقول...

أهلا فاطمة
مش عارف ليه مش عارف أكتب اليومين دول. أنا بس مش عايز أبقى سخيف وأكتب أي حاجة لكن أول ما أقدر هاكتب بوست على طول
:)

noon kiko يقول...

هههههههههههههههههههه
كويس جدا ان احمد الشمسى مشفش الكلام ده
اكمنه كان شايفنى كتباه اول امبارح ع الفيس بوك ودخل قاللى بلاش المشرط اليومين دول
حضرتك عارف وراه امتحانات ومش ناقص
بالنسبه لمود سيادتك
طالما فيها صلاح جاهين
وكمان نفس اللى انا اخترته
ابقا عرفت المود ايه
هههههههههههههههه

غير معرف يقول...

صباح الفل يا عمرو ؛ ووحياة الغاليين عندك بلاش الجراح ..... والله مسيرها تروق وتحلي ؛والله مفتقداكم جدا بس الظروف شويه ، كلها شهر وتفرج ...
فطومة : ربنا معاكي في الدراسة ، الا صحيح إنتي بتدرسي إيه؟ .
* واحدة (زهرة ربيعية سابقاً) عامله إيه؟
* آنوجا : طالبة الماجيستي الهمامه عاملة يه؟
* الشمسي المتوهج دائماً: ربنا معاك في الإمتحانات .
* المدونة وصاحب المدونة : عاوزه المره الجاية يبقي الموود بتاعك مليان نقط بيضا ؛ ألا صحيح إنت بتستعمل برسيل ولا إيريال ...!!!.
صباح مشرق بإذن الله ؛
أختكم ( ديدي )

غير معرف يقول...

سوري يا عمرو ؛ أنابس نسيت أسلم علي بنبونة البسبوسة ...سامحيني ؛ أنا بأه مطلعتش زي بابا ؛ بابايا كان في الرسم وبالذات الوشوش ؛ أما أنا بأه فبعرف أرسم ورود وفيران..........!!إتعلمت أرسمها من مجلة ماجد.
صباح شريف
ديدي

أنسانة-شوية وشوية يقول...

ياريت يا عمرو كانوا الجراحين يعرفوا يشيلوا نقط القلب السودا

أسما يقول...

نعم؟! خير؟! هو الموود لسة ما اتغيرش و لا ايه، ها؟ هنستني كتير يعني و لا ايه؟

noon kiko يقول...

وحشتونى يا بناويت جدااااااااااااااا
ووحشتنى المدونه هنا
انا مشغوله جدا وعندى حالة طوارىء خالص ف المدرسه بسبب انفلونزا الزفت
هروح اكتب بوست عنها وارجع
سلام

عمرو يقول...

أهلا واحدة
صحيح تعرفي الموود؟ طيب إيه هو
:)

عمرو يقول...

أهلا ديدي
فينك يا بنتي.. أنا بخير والحمد لله
:)

عمرو يقول...

إنسانة
هما ما يعرفوش؟ دي مشكلة كبيرة بقى
:(

عمرو يقول...

أهلا إيزولد
بمجرد ما هاكتب حاجة هانزلها والله.. مش فيه حاجة في دماغي دلوقتي
:)

عمرو يقول...

زهرة مرة كمان
ربنا معاكي في البوست الجديد
قلوبنا معكم
:)

جارة القمر يقول...

ازيك يا عمرو عامل ايه ؟؟

محمد بحر يقول...

السلام عليكم صديقى عمرو واحشنى جدا واحشانى كتاباتك وكل قراء المدونة الأعزاء لكن اول ما أرجع كده وأقراء الاقى جراح ياعم حرام عليك ده أنا الكام يوم اللى فاتوا عشت ومازلت أعيش أسواء تجربة مريت بيها يلا إديها جراح وقطع يعنى جت عليك

غير معرف يقول...

الف سلامة عليك وعلى المشرط كلنا اظهر عندنا نقاط مش نقط سوداء


قطتى

Heba Gamal Emara يقول...

اهلا مستر عمرو
خير
حضرتك اعتزلت التدوين ولا ايه؟؟؟
:):):):)

علياء يقول...

لأ بقى..
ما هو لازم يبقى فيه حاجة غير الجراح والآلام دي علشان الواحد يعرف يعلّق :)
وكمان يا عمرو لما تيجي تتأخر وما تكتبش جديد.. ما يبقاش آخر حاجة تنشرها مؤلمة كده.. علشان مش كل الواحد ما ييجي يشقّر ع المدونة يلاقي بوست الآلام ده قدامه :)
ولا ايه؟!

عمرو يقول...

ازيكم يا جماعة..
أنا اليومين دول عندي توقف كتابي غريب.. مش عارف إيه سببه. لكن فاهم إني مش متوجه حاليا تجاه الكتابة.. عموما أول ما ربنا يرزقني بكلمتين هانزل بوست
:)

micheal يقول...

ميزة جاهين أن كلامه صالح لكل الأوقات

آيــة يقول...

هو انا كل شوية آجي ملاقيش حاجة جديدة ؟؟

طيب

انا قلت اسلم بقى

ازيك و كده ؟
:)

أسما يقول...

اوفففففففففففففففف
اللهم طولك يا روح (وش هيفرقع من الغيظ)

nor يقول...

هو انت ليه بتكتب بلهجه قناوي
"مش فيه حاجة"

بس انا اؤيد مقولة " الاغبياء يعيشون بصحة جيدة"

غير معرف يقول...

ازيك يا ديدي واحشناني قوي يا قمر
ادعيلي ربنا معايا ومعانا كلنا
انا بدرس طب بيطري يا ديدي
دكتوره قطط يعني :)
عمرو انا زعلانة قوي
فين البوست الجديد
طيب انت بس اكتب اي حاجه وأكيد هتبقي حلوة
الكتابه مفتقداك يا مبدع :)
فاطمة

عمرو يقول...

آية وإيزولد وفاطمة
آسف قوي على تأخر البوست
:)

عمرو يقول...

مايكل
تعرف إني باحبك؟
طيب أديك عرفت
:)

عمرو يقول...

نور
دي مش قناوي خالص على فكرة
:)