أكتوبر 31، 2009

308936 لم أستمتع في حياتي برواية استمتاعي برواية "الخروج من التابوت" ولم أستمتع بقصة استمتاعي بـ"الرجل". قرأت له ما يزيد على أربعين كتاباً كان آخرهم "الشفاعة" وشاهدت كل حلقات برنامجه العلم والإيمان التي عرضت على سنوات طويلة (400 حلقة تقريباً تم عرضها في فترة تجاوزت العشر سنوات). شكلت وجهته في العلم والدين والحياة الأساس الفكري لدي. استفدت من شكه ومن إيمانه, من إخفاقاته ومن نجاحاته, فكيف لا أحزن حين يموت؟

أفكر أحياناً أن كل من أعرفهم وتعلقت بهم سيتركون الحياة ويغادرون لأجد نفسي في دنيا لا أعرف فيها أحداً, وأعيش في ماض حبسته مجموعة من الصور وشرائط الفيديو..

أسألكم جميعاً الدعاء لمصطفى محمود.

هناك 36 تعليقًا:

Isolde يقول...

" اعيش في ماض حبسته مجموعة من الصور و شرائط الفيديو" ... كدة بقت overdose انا كدة دايرة الاكتئاب عندي اكتملت، اسوأ حاجة لما الحاجات اللي تتعبك تيجي ورا بعض... الله يرحمه... الله يرحمه... انا بحب صوته اوي و مخارج حروفه و هو بيحكي و كتاباته طبعا ما يختلفش عليها اتنين، و مش عايزة اتكلم عنه تاني، كفاية... بنحب ناس و بنتعلق بيهم و بعدين نكتشف انهم محطات، مش اكتر من محطات، في حد عاقل يحب و يتعلق بمحطة؟! مش عايزة اتكلم و لا عنه و لا عن اي حد بحبه و خلاص ما عادش موجود لسبب او لآخر، انا مش عايزة احب حد و لا عايزة افتكر حد، انا عايزة امسح اللي باقيين في قلبي باستيكة، و مش عايزة اقف في محطات تاني، يا رب... انا بجد مخنوقة اوي... يا رب

غير معرف يقول...

ربنا يرحمه رحمة واسعة ؛
ديدي

عمرو يقول...

إيزولد
أحبب من شئت فإنك مفارقه
ده كلام جبريل لرسول الله, الأمر هنا بالحب والسبب قصر العلاقة وضيق الوقت.. يعني الواحد المفروض يحب الناس اللي حواليه قوي جدا خالص عشان فيه يوم فراق في النهاية, لازم نستمتع بكل لحظة حالية, ونعرف إن النهاية الحتمية هي الفراق.

عمرو يقول...

ديدي
آمين يا رب

واحده من الناس يقول...

نعم اعتدنا على مفارقة من نحب..حتى صار الامر عادة..فصرنا حينما نحب ننتظر ان يفارقنا ونقدر ان يفارقنا حتى ولو لم ينتوى مفارقتنا
شئنا ام ابينا يا استاذى سيفارقوننا
هذا الاستاذ العظيم قد تربيت على مشاهدة برامجه
كنت اعشقها كما لم اعشق سواها
كم تعجبت امى من تعلقى بذاك الرجل الذى استطاع ان يجعلنى اتأمل كل الكون من حولى
سأدعو الله ان يرحمه وان يثيبه على ما منحه لنا من علم ومن فكر قد يمكننا ان نفيد به صغار جيل آت

عمرو يقول...

أهلا يا زهرة
أنا موضوعي في تعاملي مع القصيدة دي, يعني فيه حاجات فيها باحبها وحاجات لأ, أكتر حاجة بتغيظني هو إن كل المقاطع بتعيد نفس المعنى
المهم انت عاملة إيه؟

عمرو يقول...

يا زهرة
ده تعليقي على البوست اللي فات, لا مؤاخذة أصلي خدت تعسيلة قمت منها مدروخ


ربنا يرحمنا ويرحم أموات المسلمين

ponpona يقول...

"كيف لا أحزن حين يموت؟"

مش عارفه اكتب ولا كلمه تانيه
عزائي الوحيد اني لما أروح عند ربنا
هاسأل عليه واروح أشكره بنفسي

عمرو يقول...

أهلا بنبونة
عاملة إيه
ربنا يجمعنا مع من نحب على الخير في جنته
:)

أنسانة-شوية وشوية يقول...

الله يرحمه يا عمرو ويدخله فسيح جناته ويجعله من رفقاء النبي صلي الله عليه وسلم

ولاننا سنفارق ولاننا جميعاً ميتون فـ: احبب ما شئت فأنك مفارقه

سنة الله في كونه الفراق

عمرو يقول...

ربنا يسمع من بقك يا إنسانة, ويسكنه فسيح جناته

أنا بافرح لما ألاقيكي هنا (مش مجاملة والله)

علياء يقول...

ربنا يرحمه ويرحم أمواتنا وأموت المسلمين أجمعين..
"وربنا يجمعنا مع من نحب في جنته".. اللهم آمين.. الجملة دي في الصميم يا عمرو والله

عمرو يقول...

أهلا علياء
أنا كل جملي في الصميم
:)
ربنا يسمع من بقك

Saso يقول...

عمرو
دى اول مره ادخل هنا عندك وبصراحه حسيت بعد تجولى هنا وهناك فى البلوج بتاعك انى اخدت جرعه من الجد ومن الحياه


اما عن دكتور مصطفى محمود فلنا يكفى كل التعليقات للتحدث عنه
انا اتربيت على صوته ونبرته الهاديه الحزينه المتأمله دى
حزنت جدا عليه وربنا يرحمه


اما الفراق فدا خلاص انا بدأت اعود نفسى عليه عشان موش اتصدم اكتر من كدا
تحياتى وتقبل مرورى

عمرو يقول...

أهلا ساسو
أولا أهلا بيكي جدا
إحنا هنا عيلة واحدة, وياريت تنضمي لينا, هاعرفك على الجروب حبة حبة
يا إيزولد وديدي وفاطمة وهبة وأحمد وسقراط ومايكل وتشي وزهرة وبنبونة وعطش الصبار, يا ريت كلنا نرحب بساسو
:)

جارة القمر يقول...

وانا يعنى بلاش يا سى عمرو ارحب بساسو يعنى ولا ايه ... كدا تنسانى من وسط العيلة انا مخصماك اخصم خصام فى الدنيا

ازيك يا ساسو اهلا بيكى وسطينا هتفرحى اوى بجد انك بقيتى معانا يا قمراية

عمرو انا عندى تأخير بوست واحد اللى هو بتاع جمال بخيت .. الصراحة مش عارفة ليه القصيدة دى مش حبتها اوى يعنى لكن فى كلمات منها تشد و كويسة بس حاسة انها طويلة اوى و كل الكلام بيقول نفس المعنى

د/ مصطفى محمود كنت بحب اوى البرنامج بتاعه جداا الله يرحمه يارب و يجزيه خير لعلمه اللى نشره بين الناس

ازيك انت بقى يا عمر و عامل ايه ؟؟

عمرو يقول...

أنا كنت بانكشك بس يا جارة القمر عشان تيجي بسرعة
:)
عاملة إيه؟ وأخبار جارك القمر إيه؟ عشان أنا مش باشوفه من الغيوم هنا في اسكندرية
:)

Saso يقول...

الله عليك
ربنا يخليكم يارب بجد
بجد بجد اول تعليق وترحيب يلمس مشاعرى اوى كدا

عمرو يقول...

:)

جارة القمر يقول...

عمرو يا بنى تعالى اعمل زيارة عندنا فوووق هنا عشان تعرف تشوفه ههههههههههه هحجزلك جناح بحاله يا سيدى

عمرو يقول...

أنا لسة جاي من مدونتك على فكرة
:)

جارة القمر يقول...

ماكنتش اقصد تعمل زيارة للمدونة
على فكرة :) بس تصدق فرحت انك جيت هناك برضو

ponpona يقول...

Saso

عيلتنا زادت واحد ... ياهووووو
أهلين وسهلين .. ازيك يا بسبوسه عامله ايه؟
المكان هنا حلو قوي علي فكرة
بالذات وان عمرو مقعدنا ف اسكندريه حاليا
آه ماهو أصله هناك دلوقتي ، ومطرح مايروح
بنروح وراه .. وراك وراك يا عمرو
D:
ها قوليلي بقي .. اختارتي انهي اوضه؟
أنا أوضتي اللي ع الشمال دي اللي فيها بلكونه

أهلا بيكي تاني يا ساسو ولو محتاجه حاجه ابقي خبطي عليا


:))

غير معرف يقول...

ازيك يا عمرو
عامل اية
يا رب تكون بخير
معلش انا بقالي كتير مدخلتش
بس بجد كلكم وحشتوني
يا رب يكون الكل بخير
:‏)‏
فاطمة

عمرو يقول...

أهلا فاطمة
احنا عاذرينك والله, عارفين بقى المذاكرة والمحاضرات, بس يا رب تكوني بخير
:)

عمرو يقول...

السيدات والآنسات والسادة زوار المدونة
أنا النهاردة عندي محاضرات وخطط بحث وكلام غريب كده, وبعدين نازل القاهرة
وعليه فالنهاردة يمكن ما أكتبش حاجة (بس ممكن أرجع في كلامي واكتب البوست وأنا على رصيف المحطة) لكن بكرة أكيد هاكتب
:)

غير معرف يقول...

توصل بالسلامة إن شاء الله ؛ مستنينك إنت والبوست فاإلي لقاء....
ديدي

enjy يقول...

الله يرحمه بقى

الموت ينتقى الجياد...انا مقتنعة بكدة جدا

انا مش هعرف ارغى لانى سارقة كمبيوتر الانستراكتور فى البريك

هروح بقى قبل ما يفقسنى ويرجع

تــسنيـم يقول...

مثلهم يبقى.. و يفنى الأحياء يا عمرو

Heba Gamal Emara يقول...

الدكتور مصطفى محمود
رحلت بجسدك عنا ولازالت روحك وصوتك الهادئ الجميل يرن فى اذنى حتى الآن
احببتك منذ وعيت وشاهدت برنامجك
واحببتك اكثر عندما قرأت عنك وعن حياتك
أجمعنا الله على محبتة ومحبه خلقه فى الجنه ان شاء الله

ومرحبابك يا ساسو عضوة جديدة فى
مدونة شخصية تهتم بالأدب والنقد الأدبي والسينمائي والحياة.
هى مدونة أ.عمرو السيد

سقراط يقول...

اللهم اغفر له وارحمه
واسكنه دارا خيرا من داره
واهلا خير من اهله
اللهم اكرمه بكرمك
فأنت اكرم الاكرمين
آمين

nor يقول...

رحمه الله وغفر لنا

في فترة من فترات عصر مابعد الثورة عهد مابعد الحرب نشأت عدد من الشخصيات على كافة الأصعدة الثقافية والدينية والعلمية وحتى على الجهة الأخرى من الحركات المختلفة فكريا وعقائديا وكان هناك نوع من الزخم السياسي والثقافي والديني !!.

الآن نحن نرقد في وضعية اللا حركة- الثبات حتى الموت- ببساطه الموت ببطء ووجل
الآن هي لحظة الإنحسار الكامل لذلك الجيل.... سلسة من الإختفاءات.. الشعراوي ، المسيري ، عطية صقر ، مصطفى محمو وغيرهم الكثير ربما غير الإختفاءات والإنهزامية من تراجع البعض منهم وربما خيانة مبادئهم...

ربما مازلنا نرتبط لأفكارهم ماتوا أو حتى خانوها ولكن ارتباط غير فاعل مثل الراوبط والعناصر الخاملة في نهاية الجدول الدوري لمندليف تماما كالإسلام حاليا بلا مسلمين .

رحم الله العلامة مصطفى محمود وغفر له وغفر لكثيرين ممن تطاولوا على شخصه ونصبوا أنفسهم آلهة حكموا على دينه ودنياه.... ترى المتنطع فيهم يقول بملئ فيه ربنا يسامحه "اصله عك كتييير!!" هناك من يَصْدُق إيمانه ولا يعنيه في طريقه إلا الوصول إلى الله حيث يرخي عنده وفاضه ويرتاح عند ظله الوافي... ربما أمامنا الكثير لكي نتوقف عن الكلام فأعتقد نحن لا نملك سواه وجبنا حتى أن نمس به ساستنا و ملهبي ظهورنا بسياطهم فصرنا نعور به كرامنا ربما حتى لا يخذينا ما فعلوه فنرى فشلنا واضحاً جلياً
رحمك الله وغفر لنا

عمرو يقول...

سقراط
ربنا يستجيب دعاك
على فكرة انت بتغيب كتير لعل المانع خيرا
:)

عمرو يقول...

نووور
الله ينور عليك, تعليقك نور جوة دماغي
:)
فعلا والله استفدت من كلامك وافتكرت حاجات كتير قوي
المهم انت عامل إيه؟ على فكرة انت واحشني جدا, ولازم تيجي تسلم عليا
:)

Diyaa' يقول...

مدونة محترمة جداً جداً جداً

وزي ما قالت تسنيم

مثلهم يبقى ويفنى الأحياء

ربنا يغفرله ويرحمه وينفع الناس بعلمه وفكره

http://www.4shared.com/file/228049049/1ee15566/__66____.html

نزل الملف ده وأي كتاب ناقص من الكتب دي اتفضل حمله وابدأ قراية أول ما تقدر

والسلام ختام

عمرو يقول...

ضياء
أهلا بيك
انت شخص ذووووق جدا :)
هافرا وأقولك رأيي
:)