أكتوبر 18، 2009

وهل أخبرتكم قبل هذا عن ابنة سويفت؟

لماذا نحب الأعمال الرومانسية؟ أعتقد أننا نحبها لأننا نرى فيها نجاحاً فشلنا في تحقيقه. إننا نرى حلماً أردناه يوماً في واقعنا ولم نحققه لسبب أو لآخر.

أفكر أحياناً في أن الحب ما هو إلا ضرب من ضروب الذل الإرادي وهدر الكرامة المقصود, يرتاده الفرد كي يودي باستقراره الانفعالي, فيربط أكثر أجزاء قلبه إيلاماً بوتر قوي يصله بمن يحب, فإذا ما غاب الطرف الآخر اشتد الوتر فقلق وتوتر, وإذا ما هجره وقرر الابتعاد, انتزع الوتر قلبه فأماته كمداً. هذا بالإضافة إلى أن الكثير من العلاقات العاطفية تتحول في أغلب الأحيان إلى نوع من العذاب المكرور المتصل يجعلنا لا نجد ملجأمن الواقع المؤلم إلا في الخيال.

مع كل هذا فأنا أحب كثيراً الكلمات التي تغنيها تايلر سويفت في أغنيتها الرائعة Love Story خاصة ذلك السطرالذي يقول ما ترجمته “إنها قصة حب فحسب يا حبيبي وما عليك سوى أن تقول نعم”. هل يمكن أن يتم حل جميع مشكلاتنا بهذه البساطة؟ جرب أن تقول نعم, لربما تحل :)

حسناً, هذه جرعة من الأمل الرومانسي المحلق لصوت أحبه وأعتقد أنكم ستحبونه أيضاً..

(ملحوظة: مش عارف ليه حاسس إني بقيت باكتب التدوينات كإنها مترجمة هههههه)

هناك 26 تعليقًا:

أسما يقول...

انا لسة ما سمعتش الاغنية، بس عايزة اتخانق... ايه كمية المشاعر السلبية دي عن الحب، ها؟ هدر كرامة؟! و مقصود كمان؟! لاااا، اسمع الاغنية و ارجعلك، اما نشوف اخرتها ايه..... اوفففففففففففففففففف

أحمد الشمسي يقول...

لقد اخبرتهم انا يا هذا قبلك عن بنت سويفت
:)
اغنية حلوة وفيه المزيد من الاغاني الجميلة في الالبوم

أسما يقول...

اممممم... شكلي مش هاتخانق، الاغنية خلت المزاج عاااال و ماليش نفس اتخانق دلوقتي... عجبني السيناريو اللي هي عملتوا في دماغها اول ما شافته... و بعدين مالك، ما اهي انتهت نهاية سعيدة اهي... بابها قال لأ، و اتفرقوا عادي جدا بتحصل في احسن العائلات، بس واضح ان روميو ده واد جدع، عرف يعمل حاجة يقنع بيها بابها انه يستاهلها فوافق يديهاله

مش مستاهلة زعل يعني... تبهجج يا عمووور... يللا say yes
:)

أسما يقول...

طيب يا دكتور، اسمه ايه الالبوم؟

أحمد الشمسي يقول...

Fearless
ay 7'edma
:)

أسما يقول...

Curious name, i lkie it! Alf Shokr
:)

عمرو يقول...

أهلا إيزولد
الأغنية حلوة قوي طبعا
مؤكد روميو جدع قوي ده مذكور في الأغنية بالنص:
:)
I talked to your dad, go pick out a white dress


وياستي ولا تزعلي
yes
:)

عمرو يقول...

أحمد يا شمسي
أنا أعرف تايلر سويفت قبل ما.. طيب أغلط يعني وانت حبيبي وأكبر مني (سنا بس)؟ عموماً عشان انت صديقي وأنا باحترمك مش هاقولك وحوي.
إلا قولي يا حمادة هو أنا مش كنت طردتك قبل كده من المدونة على الملأ.. جاي النهاردة تقلبهالي شات في التعليقات؟ ماشي عموما أنا الكبير (مقاماً بس) وهاعديها بمزاجي
:) 

غير معرف يقول...

دا انا حظى حلو اوى ان المرة دى داخله من كمبيوتر عشان اسمع الاغنية الجميلة ديه
شعورى فى الاغنيه ان كل شويه اقول الحته دى حلوة قوى وعجبانى تيجى الحته اللى بعدها الاقيها احلى واللى بعدها احلى بكتير
اغنيه رائعه
بس اكتر حته اثرت
romeo save me then try to tell me how to fell
this love is difficult but its real......... لنهايه الكوبليه
دايما يا عمرو اختيارك unique
والحاجه اللى بتختارها بتسيب فكرة حلوه ومبهجه
انت ازيك بقى ؟ عامل ايه :)
.فاطمة.

ponpona يقول...

الحب ما هو إلا ضرب من ضروب الذل الإرادي وهدر الكرامة المقصود, يرتاده الفرد كي يودي باستقراره الانفعالي


ايه كل دا ؟ أنا هنجت قبل ما أجيب اخر الجمله

وبعدين بقي أنا ما سمعتش الأغنيه ، اعمل ايه انا ف الهيد فون العبيطه اللي عندي دي هه؟ ما هو أصل النهارده يوم غريب .. غريب فعلا تخيل تنزل الكليه مخصوص تتفرج علي شوية ديدان وترجع !!!!
وبعدين ماهي كانت شغاله الصبح وزي الفل أي نعم كانت شغاله سماعه بس والميك كان معترض وفرستني عقبال ما كلمت أماني بس أهي كانت شغاله ، دلوقتي بقي رسام القلب بتاعها عامل كدهو "ـــــــــ"
ياللا مش مهم عامة ماما قالت هاتجيب واحده جديده

انا بقي عايزه أقول حاجه تانيه
أي نعم ماتخصنيش بس أهو بقي أنا مش واخده بريك وهاجي وامشي ع الفاضي ... بالنسبه لموضوع ان مافيش حد بيموت ناقص حلم ، فانا شايفاها حقيقه ياعمرو ، احلم زي مانت عايز ان شالله حتي لآخر لحظه ف عمرك وكل اللي يجي علي بالك وعايزه احلم بيه ، الحلم حاجه والتحقيق حاجه تانيه واحنا علينا الطريق ف النص ما بينهم (السعي ) السعي يا عمرو بين حلمي وبين تحقيقه والاحلام علطول موجوده طالما في نفس داخل ونفس خارج
عمرو ... احنا مش هانموت ناقصين حلم لأ احنا فعلا هانموت لو بطلنا نحلم عارف ليه ؟ لأن ساعتها هاحس ان مافيش حاجه ف الحياه تستاهل ودي بوينت "بوينت ان مافيش حاجه تستاهل "احنا اللي بنرسمها بادينا ونفضل نكبر فيها ونكبر لحد ما تبقي دايره سودا كبيرااااا نقع بعديها جواها

دا رأيي
ولك أن تتحمس .. توافق .. تعترض ..
أو حتي لا تهتم لأن انا رغايه قوي

ياللا بقي سلام

ponpona يقول...

اه حاجه تانيه معلش

اوعي يا عمرو تحط بوست عن الروايه قبل ما أقرأها
هو هيبقي انت والهيدفون والكليه؟
أنا عامة رايحه المكتبه بكره أو بعده وهاجيبها ان شاء الله هي كانت هناك قبل كده بس ما جبتهاش

Heba Gamal Emara يقول...

نظرا لظروف خاصة بالسماعات ....
ونظرا لعدم لعدم وجود سماعة اخرى تقبل ان تعمل مع هذا الجهاز ....
ونظرا لان هناك (شخص ما) اراد جهازى الآخر قتيلا ولا يستطيع الحراك ... :)
فانا للاسف لم استطيع سماع الاغنيه ولكن لحسن حظى تمكنت من قراءة كلماتها
واعجبتنى ،،،،
متميز كالعاده ولايوجد جديد :)
دوما الى الامام :)

أسما يقول...
أزال المؤلف هذا التعليق.
غير معرف يقول...

يا كل زوار المدونة بتاعتنا كلنا لصاحبها عمرو إبن البطل " محمود السيد". خبر حزين :
والد عمرو البطل في ذمة الله - إنا لله وإنا إليه راجعون ؛
اللهم عافه وأعف عنه وأكرم نزله ووسع مدخله وأنر ظلمه قبره وألهم أهله الصبر والسلوان وألحقهم به في جنات النعيم بعد عمر طويل إن شاء الله .
* عرفت هذا الخبر الحزين من مدونة " تسنيم - حكايات القلب " رحم الله هذا الرجل " الرجل " البطل .
ديدي

shimo يقول...

انا لله و انا اليه راجعون البقاء لله يا عمرو ربنا يسكنه فسيح جناتة و ينزلة منزل صدق اللهم اعف عنه و ارحمه و يلهمك الصبر و السلوان امين يارب العالمين

Heba يقول...

انا لله وانا اليه راجعون

رحم الله والدك واسكنه فسيح جناته

والهمكم الصبر والسلوان

لحظة تأمل يقول...

البقاء لله يا عمرو
ربنا يرحمه ويجعل مثواه الجنة

انا يمكن متابعة ليك من زمان بس فى صمت

ربنا يصبرك ويرحمه ان شاء الله

غير معرف يقول...

انا لله وإنا الية راجعون
البقاء لله يا عمرو
ربنا يصبركم يا رب
فاطمة

عمرو يقول...

أشكركم جميعاً وأسألكم الدعاء لأبي

علياء يقول...

البقاء لله يا عمرو.. ربنا يلهمكم الصبر.. ويجعل مثواه الجنة.. اللهم آمين..

أنا بقالي فترة والله غايبة عن المدونة ومشغولة, وأول ما جيت للأسف لقيت الخبر ده..
ربنا يصبركم وينير قبره ويجعله روضة من رياض الجنة..

جارة القمر يقول...

البقاء لله يا عمرو بجد انا اسفة بس انا فعلا كنت مشغولة شوية

اللهم اسكنه فسيح جناتك و ارحمه و اعفو عنه فانت ارحم الراحمين

غير معرف يقول...

عمرو البقاء لله وانه لله وانه اليه راجعون اللهم نور قبرة بالقران فى الجنه ان شاء اللخ


قطتى

جارة القمر يقول...

عمرو عامل ايه دلوقتى يارب تكون بخير ربنا يصبرك يارب

أسما يقول...

يعني و بعدين؟ انا حالفة طلاق تلاتة ما انزّل و لا بوست غير لما انت تكتب حاجة الاول... عندي حاجات كتير عايزة احكيهالكوا... طيب ادخل قول " احم احم...آلو آلو... تس تس تس... انا باجرب المايك" و اخرج تاني... او قول انا مش طايقكوا، انا مش طايق المدونة، مش عايز اشوفكوا هنا تاني و اخرج، و احنا علينا الباقي يا سيدي، بس قول اي حاجة الله لا يسيئك... يا رب تكون بخير يا عمرو
:)

ponpona يقول...

عمرو انت مش ناوي تيجي بقي ؟

..

عمرو يقول...

أهلا بيكم
:)
بصراحة كلمات العزاء بتوجعني وبتفكرني إني مش هاشوف بابا تاني, ومع ذلك شكراً لكل اللي عزاني.
أنا مش غايب عشان مكتئب ولا حاجة أنا بس باذاكر وعندي ورق بيخلص.. عموما أنا نزلت تدوينة ك\ه تصبيرة وسينتظم التدوين بإذن الله بعدها
:)