أكتوبر 11، 2009

سلف

cigarette_by_InnerdepravityART أعرني روحك لدقيقة واحدة كي أستريح, أو خذ روحي. خذها ولف بها سيجارتك كي تعطيها الفرصة.. حولها لدخان أبيض يتسامى في الهواء. وانفثها باستمتاع تام ودون أي شعور بالذنب. فقط خذها وحولها لدخان يرقص رقصة أخيرة قبل أن يلقي نظرة على الوجود ويختفي.

أعرني روحك يا صديقي كي أضحك.. أو خذ روحي وأرني كيف ستفعلها..

أعرني روحك..

هناك 21 تعليقًا:

عمرو يقول...

السلام عليكم
أرجو ألا تأخذكم هذه التدوينة إلى الاعتقاد بأنني حزين فتتجه التعليقات إلى هذا, بينما أنا كتبت هذه الكلمات بعقلي فقط, وأنا ليس لي صديق مدخن من الأساس :)

الابتعاد عن المدونة في الأيام الأخيرة لم يكن سوى إنشغال ببعض المسئوليات الأخرى التي لم أستطع أن أفر منها.. لكن على أي حال وكما يقول الشمسي دائماً "أهي ابتدت تندع"
:)

أسما يقول...

اولا، وقعت قلبي... بس ما دام سيادتك مش حزين يبقي جت سليمة، بركة انك بخير :)

ثانيا، انا انهاردة تحديدا كنت هاكتب بوست اسمه" فعل للحب" و العنوان من مدونة غادة، او كتابها يعني... ايون، هي مرات حامد... سبحان الله يا اخي، الدنيا دي صغيرة اوي

ثالثا، "اهي ابتدت تندع دي انا دايما باقزلها برده، بس دايما انفجر ف الضحك بعدها، اصل زي ما سيادتك عارف، هزاري كله ف الجووووون... هع هع هع، و الله يا اخي الدنيا دي فعلا صغيرة
:)

عمرو يقول...

أهلا إيزولد
غادة مرات حامد وحامد صديقي.. شفتي الدنيا صغيرة إزاي. وابنهم تميم يبقى ابن صديقي طبعا..
:)
بالنسبة لعناوين القصص في المجموعة فأنا مقسمها تلات مجموعات من جوة. يعني تلات هموم ثلات حقائب ثقيلة..
الأولى هي الأسرة
والتانية هي الحب
والتالتة هي الوطن
العناوين كالتالي



(1)
قبلة حمراء مؤلمة
الشمس تزور أبي أولاً
ولع جديد بالموسيقى
سامحني الله يا أبي
دائرة مكتملة, وهلال بلا نقطتين
طفلة صغيرة في مهد كبير
الحزن أبيض
فقد
هالتان من نور
(2)
زفاف
بحيرة بجع
الكبار فقط يذهبون إلى الملاهي
الفراشات تطير
فرحة
عديني ألا تندهشي
في سماء واحدة
خطة جديدة
(3)
وجبة تؤكل باردة
بجوار السور
صباح الخير يا بخيت
لابد وأن يصمت سالم

أعتقد إن الغلاف المفروض يعبر عن الغربة والحقائب والغربة والفرحة والتفاؤل في نفس الوقت.. حاجة كده زي التمر هندي حلو ومزز.. وممكن نستغل منظر التلات شنط في الغلاف.
أنا دخلت المجموعة مراجعة لغوية (الأستاذ المراجع اللغوي الكبير عمرو صقر) بس مش ناوي أطبعها على طول. ناوي أدور على مسابقات الأول. شكرا يا إيزولد على العرض الكريم ده
:)

ponpona يقول...

صديقك يفعلها دائما .. دون حتي أن تطلب
يعيرك إياها لأنه سعيد الآن ولأنه يريد أن تشاركه هذا
ويمكننا أن نقتسم ضحكه واحده وستأتي هي بصديقاتها
وتصبح الضحكات كثيره حتي اننا نوزع منها ع الآخرين
صديقك يعيرك روحه دقيقه واحده ..
يعطيك فرصة أن تستريح .. وفرصة اكتشاف أنه فعلا يستحق

:)

noon kiko يقول...

طيب انا عندى حل تالت..تشوف حد تالت يطلع روحكم انتو الاتنين وتستريحوا
هههههههههههههه
ازيكم يا استاذى لك وحشه ياعم..ايه الغيبه الطويله دى..طالما التدوينه دى خارج نص الاحزان فلا مانع لدينا من التعليق بهزار
الحمد لله انها مش طالبه حزن معاك الايام دى,,ربنا يفرحك على طول

عمرو يقول...

بنبونة
أنا متأكد من أنه يستحق
:)

عمرو يقول...

زهرة
أنا بخير والحمد لله. بس ماكانش فيه حاجة في دماغي
يا رب تكوني انتي كمان بخير
:)

Unknown يقول...

احم احم

حمد الله عالسلاااااااااااااامة يا جاى على بلوجر..وحشانا بوستاتك يااااااما ...فكرك وللا القمر..حمد الله عالسلاااااامة حمد الله..عالسلامة

الله الله الله...لا دة انا بمدح فى عبقريتى الشعرية..دة غير صوتى الرائع اللى قاعد قدام الشاشة عمال ينشد هاذوهى الاهزوجة..

هو مين اللى كان بيغنى حمد الله عالسلامة دى؟؟؟ والله ما فاكرة بس فى كل الاحوال اكيد اغنيتى انا احلى..نيااااااااهاهاهااااااااا

انا على عكس التدوينة..محبش استعير روح حد عشان افرح..بالعكس انا لازم افرح وانا انا مش واحد تانى..

ممكن روح صديقى تساعدنى عشان اتبهجج ماشى لكن استعيرها لا..ولا حتى اديله روحى واشوف هيتصرف فيها ازاى..تؤ تؤ تؤ لازم انا اللى ابهجج نفسى اى نعم بمساعدة من احبهم لكن حتى لو مفيش لازم اعرف اعيش..

وبعدين لما استعير روح واحد صاحبى هو ياخد برد يعنى؟؟ هع هع هع

ارجع يا ضنايا للتدوين بقوة وبلاش الغيبة الطويلة دى..الواحد كان مفتقد الحياة هنا..

زمان المدونة بقى كلها تراب وعايزة تتنفض..يللا يا عيال كل واحد يجيب مكنسة وييجى..وانتى يا ايزولد هانم مش عشان فى امريكا هنعفيكى ..الارض كروية تدور حول نفسها..زقى انتى كدة شوية من عندك وانا هزق شوية من عندى ويادوبك تعدى تلاقى نفسك فى مدونة عمرو ومتنسيش تجيبى المكنسة معاكى..

يللا يا ولاد..هيييييييييييه

يللا نضفوا وانا هشيك عليكوا لانى عيانة وعندى احتقان فى زورى وحرارتى مرتفعة...نيااااااهاهاهااااااااا

سلام

غير معرف يقول...

فقط؛ عندما يكون صديق / صديقتي يتمتع بروح حلوة .
فقط ؛ عندما يري / تري الأمور بشكل أكثر بساطة ودون تعقيد .
فقط ؛ عنما يتمتع / تتمتع بروح الدعابة والسخرية رغم أحلك الظروف .
وعلي رأي ماجدة الرومي : " كن صديقي ": " تسلفني روحك كي أهرب مني للحظات ؟!
* عمرو : تعرف حاجة ؛ الصداقة دي أو توافق الأرواح أو إحتواء شخص ليك سواء صديق/ صديقة ، أخ/ أخت ، أم / أب ، خالة/ عمة ، إلخ ....هي كلها توافيق من عند مؤلف القلوب سبحانه ؛
عود سالم وأحمد .يلا زي بعضه!!!!.
ديدي

غير معرف يقول...

ما احلى الصداقة وان اعطى روحى الية دة من الصداقة النادرة وكمان بتروج الى التدخين يا اخى مش دة حرام هابلغ عنك المفتى المهم حمدلله على السلامة


قطتى

عمرو يقول...

إنجي
يا خرابي عليكي.. يا بنتي بتجيبي الكلام ده منين؟ الله يسلمك وألف سلامة عليكي
:)

عمرو يقول...

ديدي وقطتي
انتوا خدتوا الموضوع جد قوي كده ليه؟ :) عموما حمد الله على سلامتي
:)

علياء يقول...

كح كح كح
إيه ده؟! الدخان ملا المدونة يا عمرو.. ينفع كده؟! هههههههه
بس بوست جميل الله ينوّر :)

علياء يقول...

على فكرة..
كيفتني قوي جملة "أعرني روحك يا صديقي كي أضحك" :)
تسلم الهاندس.. أيوه صح زي ما قريتها كده.. الأيادي :):)

عمرو يقول...

علياء
أي خدمة زورونا تجدوا ما يسركم
:)

Heba Gamal Emara يقول...

الله
فعلا بوست جميل جدا
بعد غياب طويل
بس هو فى من الاصدقاء من يصل بهم الوفاء الى اعاره اغلى شئ فى الكون وهو الروح
انا عن نفسى جربت فعلا ابقى صديقه من هذا النوع واعطى كل ما املكه لصديقتى فقط لكى اراها سعيده
ولكن للاسف فشلت :(:(:(:(

وعدت فاوفيت :):):):):)

جارة القمر يقول...

عمرو ازيييك عامل ايه و ايه اخبارك
يارب دايما بخير كدا وتمام ... حلوة الفكرة اللى انت جايبها من عاقلك دى و النعمة و كويس انها بدأت تندع ... الو الغيث قطرة يا سيدى و ادينا قاعدين مستنين اهو

عمرو يقول...

أهلا هبة
نتشكر قوي على كلامك اللطيف ده... يعني لو ماكنتش علقت عندك كنتي قاطعتي مدونتي؟

عمرو يقول...

أنا بخير يا جارة القمر
أعمل بكفاءة والحمد لله
المهم انتي تكوني بخير
:)

جمال عمارة يقول...

ده بقى تدوين آخر الزمن..

المدون يكتب التدوينة، وبعدين يعلق أول واحد ويوجه تعليقات القراء..

طب ما تكتب التعليقات كلها إنت بنفسك :)

أحسن كلام هو اللي قاله كابتن لطيف الله يرحمه: "الحكم حكم، واللعيب لعيب، واللاينزمان لاينزمان" كل واحد يلزم دوره من فضلك :)

بغض النظر عن هذا، التدوينة رائعة.. :)

عمرو يقول...

أستاذ جمال
أومال يعني أسيب الناس كده تقعد تواسي في؟ الحكم حكم ده صحيح.. بس يعني هو الحكم ما تهفوش نفسه يشوط الكورة ولو بعد الماتش؟
:)