مارس 29، 2010

بالأمس حلمت بك

7506796 ما سأكتبه الآن لن يكون نقداً لمجموعة بهاء طاهر "بالأمس حلمت بك" وإنما هو انطباع خالص لا يعتد به ولا يعتمد عليه. المجموعة قديمة ويجب أن ترد إلى الفترة التي كتبت فيها وأن يتم الحكم عليها بناء على الوقت الذي ظهرت فيه, لكنها بكل تأكيد ممتعة ومناسبة لوقتنا الحالي فنحن هنا لا نتحدث عن أي كاتب وإنما عن بهاء طاهر.

أهتم بتجربة بهاء على وجه التحديد لأنه يعطيني أملاً. الرجل ظل يكتب حتى وصل إلى سن الستين قبل أن يفوز بالجوائز الكبرى وقبل أن يقتصر نشاطه على الكتابة الروائية والقصصية والتراجم. هو الآن في الخامسة والسبعين ومازال ينبض بعطاء متجدد.

نعود إلى المجموعة والحديث الانطباعي.. أغلب قصص المجموعة ملفتة ومشوقة لكنها تنتهي بنهايات محبطة بعض الشيء, نهايات مفتوحة "على البحري" تدعوك للإحباط أكثر ما تدعوك للتفكير. قصة واحدة خرجت من هذا النسق هي قصة "فنجان قهوة" حيث وفاة الأب الذي يكتشف أبناؤه أنه كان يسرق كي يجعلهم يعيشون في رغد, وانكشاف العم الذي يسرق هو الآخر ويشرب البيرة, وحيث يكتشف القارئ أن لكل فرد في هذه الأسرة المتقارب أفرادها حياته الخاصة والسرية, فليلى تحب أحمد وسمير يحب منيرة وتنتهي القصة بجملة تجعل القارئ يعتقد أن الأم والعم كانت لهما علاقة سرية غير شرعية, لكن الجملة لن تعطيك هذا المعنى بسهولة ولن تسلم نفسها طوايعة, فهي على لسان طفل, غير أنها مكتوبة بحرفية عالية.

أفضل قصة في المجموعة من حيث السرد (من وجهة نظري) هي بالأمس حلمت بك, حيث الغريب الذي يحتار بين عالمين شرقي وغربي, فلا يجد مكانا له في الأول ولا تفهما وراحة واستقراراً في الثاني. تحيره فتاة تراه كل يوم في محطة الأتوبيس وتعتقد أنه يفعل أمراً ما يجعلها تحلم به كل يوم. تنتحر الفتاة في النهاية كي تتخلص منه, ثم تنتقل الكوابيس بعدها إليه, دون تصريح بأنه يرى الفتاة في كوابيسه. هما عالمان يدفعهما جهلهما ببعضهما الآخر إلى الموت.

المجموعة جيدة, ويراها البعض خارقة وفوق العادة, حاول أن تقرأها.

هناك 12 تعليقًا:

أسما يقول...

طيب ابعتهالي و انا اقراها
D:

عجباني الجملة دي و لو انها بتاعتك مش من المجموعة يعني... استني اما اعملها كوبي عشان مش حفظتها
"حيث الغريب الذي يحتار بين عالمين شرقي وغربي, فلا يجد مكانا له في الأول ولا تفهما وراحة واستقراراً في الثاني."

micheal يقول...

ممكن جدا ده يكون من الكتب اللي الواحد يجيبها حين ميسرة
أنا مفلس
:(
تحياتي

ponpona يقول...

بالأمس حلمت بك .. آن آن آااا

بالأمس حلمت بك .. بالأمس حلمت بك .. خلاص خلاص عرفت :) ياعمرو دى أحسن حاجة ممكن تعملها فى حايتك من أساسه ، هو أنا أصلى بحب آجى في الأحلام كتير كتييير .. بتبقى حلوة ومش زحمة خالص .. بالذات الحلم رقم 103 ورقم 90 بشرطة اللي بوصل لآخر حتة جواك ده ، ابقى جربة ;)

وبحلم بيك أنا بحلم بيك .. ترالملم

عمرو
أنا لسه مالقرأتش المجموعة ..
بس قلت لا ممكن آجى وامشى كده من غير ما أعمل دوشة
D:

عمرو يقول...

أسماء
المجموعة موجودة بالفعل على النت في صورة بي دي إف على كتير جدا من المنتديات, لو دورتي في جوجل على "بالأمس حلمت بك بهاء طاهر هاتلاقي نسخ كتير منها"
:)

مايكل باشا
أنا ممكن أسلفك المجموعة على فكرة, أصلي سالفها برضه عشان أنا كمان مفلس ههههههه


بنبونة
إيه هو بقى الحلم رقم 103 وتسعين بشرطة ده؟ على العموم احنا بنفرح بدوشتك
:)

أسما يقول...

خلاص يا عمرو، بونبونة بعتت لي لينك للكتاب... فيها الخير و الله، مش زي ناس بتقول لي روحي دوّري
:(

Heba Gamal Emara يقول...

‏ الله شئ جميل --- و الله شئ لطيف --- أحسن حاجه بقي إن حد من زوار المدونه الكرام يبعتلي لينك الكتاب و أقرأ و أشرب فنجان قهوه :) :)




ممكن حضرتك تبعت لي اللينك ؟؟ أو
ممكن تبعتيلي اللينك يا بنبونه ؟؟ أو
//‏ ‏ // // يا أيزولد ؟؟

عمرو يقول...

أسماء
مش يمكن أنا كاتب كده عشان تقوليلي ما ليش دعوة دور عليها انت وهات لي اللينك؟ :)

عمرو يقول...

هبة جمال عمارة
عاملة إيه يا بنتي؟ وأخبار الكلية؟ يا رب تكوني بخير دايما

أسماء وبنبونة
طالما معاكم اللينك يبقى واجب عليكم تبعتو لهبة


هبة ما تقوليش لبابا إنك بتقري كتاب من بي دي إف عشان هو ممكن ينفعل.. أصل أنا عارف أستاذ جمال مشغول دايما بالحقوق الفكرية للمبدعين
:)

ponpona يقول...

حلم 103 ده حلم بيروح البحر .. بيقضي طول اليوم هناك ويرجع آخر النهار معاه شنطة كبيرة كبيرة مليانة ضحك وراحة بال .

90 بشرطة دا بقى مش بشرطة أصلا .. دي فيونكة بس الناس مش واخدة بالها انها فيونكة عشان الناس بطلوا يشوفوا الحاجات صح .. بيشوفوها علي مزاجهم بس :( المهم يعني 90 أبو فيونكة دا بيروح حديقة الأزهر ابقى روحها .. مكان حلو قوي يا عمرو :)

هبة :
أنا بعتلك اللينك خلاص ;)

ponpona يقول...

عمرو تاكل رز بلبن؟
هو من غير سكر أي نعم بس طعمة حلو خالص :)

هاسيبلك واحد بره في التلاجة ابقى خده .. أوكي :)

عمرو يقول...

شكرا يا بنبونة
أنا كمان سايبلك حتة جاتوه بالشيكولاتة :)

أسما يقول...

الله الله... جاتوه؟ و رز بلبن؟ و انا ايه موقعي بقي؟ هو انا ما حدش شايل لي حاجة حلوة؟
:(