فبراير 04، 2011

من هنا تأتي بذور الفتنة



يمكن للجميع الآن أن ينزعجوا, أن يعدوا أصابع أيديهم وأرجلهم أكثر من مرة قبل أن يفتحوا التلفاز أو يقرؤوا الصحف. فالكل يردد ما يقوله الكل, ولا أحد يعلم مصدر المعلومة ولا أحد يمكنه تأكيد صحة الخبر, ولا عزاء لحرفية الإعلام ومهنيته.

في البدء كان الإعلام الحكومي هو أول الراسبين في الاختبار, مما دعا سي إن إن إلى المقارنة بين شاشات الإعلام الخاصة والإعلام الحكومي في أحد برامجها الحوارية, ساخرة مما يحدث في مصر وقائلة بأن النظام المصري يتبع سياسات بائدة للسيطرة على الرأي العام.

ثم رسبت بعض القنوات الخاصة وعلى رأسها المحور التي بدا جليا أنها تعمل لصالح النظام وأن همها الأكبر هو بقاء الرئيس لا أن تقدم صورة محايدة للواقع. الغريب أن المحور تخلت عن كل أنماط الحرفية ومقوماتها وأصبحت منبراً لترويج الإشاعات لا يجذب إليه سوى المنتفعين من بقاء النظام. فالمحور هي أساس الإشاعات التي يرددها الشعب عن تلقي المتظاهرين لرشاوى (وجبة من كنتاكي ومائة إلى مائة وخمسين جنيه) كل يوم من أجل البقاء في الميدان, وعلى بثها "افتكس" حسن يوسف فكرة أن المعتصمين بميدان التحرير ليسوا هم شباب 25 وأن شباب 25 رحلوا من الميدان بعد سماع كلمة الرئيس (لأنهم مؤدبين وبيشربوا اللبن), وعلى شاشتها ظهرت شيماء التي ادعت بأنها تلقت تدريباً من الموساد لقلب نظام الحكم وهو ادعاء مضحك شكك فيه بلال فضل وقال إنه يعرف الفتاة ويعرف أنها موالية للنظام. المحور كان منبراً لإطلاق الكثير من الاتهامات بلا أدلة حقيقية وبث فوضى تضيف إلى الفوضى التي تعيشها البلاد.

لا يريد النظام أي وسيلة لإعلام حقيقي محترف محايد, لهذا أوقف خدمة الإنترنت ومن قبلها أوقف بعض المواقع الاجتماعية, ثم اتهم المتحدث باسم وزارة الخارجية سي إن إن بأنها تحض الشباب على الثورة ضد النظام, وهو اتهام أضحك مذيعة السي إن إن وأبكاني على وجه الخصوص.

كانت قناة الجزيرة هي المتلقي الأول لهجمات النظام, فخرج الخبر الذي يقول إن ويكيليكس أثبتت أن قطر تستخدم الجزيرة لدعم انقلاب الحكم في مصر. الجميل أن من يقرأ ويكيليكس الإنجليزية لن يجد ذكراً لهذا, ومن يدخل اليوم على الترجمة العربية لويكيليكس سيجد تكذيباً لهذا الخبر!

ما حدث من اعتداء على صحفيي الجزيرة وإغلاق لمكتبهم واعتقال لبعضهم وتشويش على ترددهم هو حيلة أمنية بائدة تحاول تقييد الخبر وكبت حرية التعبير. بالأمس تم اختراق الموقع الخاص بالجزيرة وقام من اخترقه بتصوير فيديو يعرض صفحة الموقع مكتوباً عليها "معاً لإسقاط مصر"! انتشر الفيديو كالنار في الهشيم وصدقه المصريون, دون أن يسألوا أنفسهم إن كانت الجزيرة بهذه السذاجة؟ أم أن غباء سياسيا وإعلاميا أصاب بلادنا وأثار الفتنة والفوضى؟

اليوم نشرت صحيفة الدايلي تليجراف البريطانية أن المتظاهرين في مصر تلقوا مساعدات من الولايات المتحدة الأمريكية, وكان للخبر أثر كبير على نفسية المصريين, فالجميع يقرأ ويصدق, والخبر هذه المرة من صحيفة بريطانية موثوقة. الحقيقة أن هناك الكثير من المنظمات الحقوقية والسياسية التي تدعو إلى احترام حقوق الإنسان والديمقراطية تلقت ملاييناً من الولايات المتحدة تحت أنظار الحكومة كمساعدات لها للقيام بمهامها وهو ما أزعج الرئيس ونجله, لكن ما تلفت الصحيفة النظر إليه بعيد عن هذا, فهي تشير إلى قيام أحد أفراد جماعة السادس من أبريل بالسفر إلى نيويورك أكثر من مرة لتلقي الدعم من الأمريكيين.

من يقرأ ويكيليكس يكتشف أن الأمر لم يكن كذلك, فالناشط المصري الذي أشارت إليه الدايلي تليجراف (المرجح أن يكون أحمد ماهر الذي تم القبض عليه بالفعل) ذهب إلى نيويورك أكثر من مرة لحضور قمة تحالف الحركات الشبابية Alliance of Youth Movements Summit, وهي قمة تعقدها الحكومة الأمريكية للناشطين في كل دول العالم وبشكل معلن من أجل الحديث عن طرق نشر دعائم الديمقراطية والحرية في بلادهم.

الثابت في ويكيليكس أن الناشط المصري تحدث مع موظفين أمريكيين رفيعي المستوى عن الوضع في مصر وعن نية أحزاب المعارضة قلب نظام الحكم وإقامة ديمقراطية برلمانية قبل الانتخابات القادمة لإيقاف سيناريو التوريث, وأنه قال إن أحزاب المعارضة لديها خطة غير مكتوبة وغير معلنة وأن الحركات الشبابية لها نفس الأحلام أيضاً.

(The activist) claimed that several opposition forces — including the Wafd, Nasserite, Karama and Tagammu parties, and the Muslim Brotherhood, Kifaya, and Revolutionary Socialist movements — have agreed to support an unwritten plan for a transition to a parliamentary democracy.

لكن كل ما قاله الناشط المصري قوبل في الإدارة الأمريكية بشيء أشبه بالسخرية, فقد رأى الأمريكيون أن هذه الأحلام بعيدة المنال وغير معقولة. حيث كان التعليق الأخير في التقرير المنشور بويكيليكس كما يلي:

(The activist) offered no roadmap of concrete steps toward April 6′s highly unrealistic goal of replacing the current regime with a parliamentary democracy prior to the 2011 presidential elections.

كما رأى الأمريكيون أن قيام أحزاب المعارضة بالثورة على نظام الحكم غير وارد:

Comment: We have no information to corroborate that these parties and movements have agreed to the unrealistic plan (The activist) has outlined.

لا أقول إن هؤلاء الشباب لم يتعاونوا مع أي جهات خارجية, لكنني أقول إن السواد الأعظم منهم لم يفعل, وإن الغالبية العظمي من الواقفين الآن في التحرير من الشرفاء الذين يحلمون بوطن أفضل. ما ذكرته ويكيليكس على أي حال لم يكن تهمة ولا خيانة للوطن وإن لم نشعر نحوه بارتياح تام.

من الواضح أن هناك أيد كثيرة تريد أن تلطخ سمعة شباب المعارضة البيضاء, الكثير من وسائل الإعلام تريد أن تحقق سبقاً على قفاهم, البعض منها يداهن النظام على حسابهم, والبعض الآخر يتعرض للتشويه والاختراق والضرب لمناصرتهم. أما المواطن البسيط فهو يصدق أغلب ما يقال, ويردده ومن هنا تأتي بذور الفتنة, فالأهالي ينظرون الآن إلى الشباب على أنهم مضحوك عليهم, وأنهم مصدر عدم الأمن الذي أصاب البلاد ومصدر وقف أعمالهم وسبل رزقهم.

هناك 7 تعليقات:

سواحة يقول...

و انت يا عمرو؟؟ مصدق ايه ؟؟
مش حاسس ان البلد داخلة ببلطجة الحزب الى منع شبابها يروح الانتخابات خوفا من الضرب على نفق اسود؟؟؟؟؟؟؟؟؟؟؟؟
و الله كنت مع انهم يرجعوا للحياة و يفضل شوية يقولوا طيب مستنين بداية الاصلاحات و نشوف احنا مورناش الا البطالة
بس لو شوفت الصورة و من هنا و من بلد ملهاش فى الاجندات الى بيقولوا عليها حتترعب على العيال ديه
قنابل ملوتوف كانت بتتحدف على رؤسهم و على الجيش كمان و كانت حتولع فى المتحف
منظر ربنا رحمكم من رعبه احنا هنا شايفينه و مرعوبين عليهم و عليكم
بس تعرف المذيعين من كل الجنسيات بتقول الامان فى مصر فى التحرير وسط العيال
متخيل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ربنا معاكم بجد لان البلطجية حلمونا كلنا و يدفنونا فى الارض و تبقى مصر رشدت النسل و قللت التعداد فعلا :-((((((((

عاشقة الوطن يقول...

السلام عليكم


(ملحوظة:التعليق طويل فكتبته على مرتين )

طبعا بما انه اول تعليق ليا عند حضرتك فى المدونة فكان لازم اجيب معايا بوكيه ورد ولا حاجة على الاقل بس بما ان البلد فى حظر تجول والدنيا مقفله والناس مبتروحش اشغالها والورد كمان مش عاوز يطلع اصله معترض انه يطلع تانى بعد ما البلد بدأت تمشي فى طريق الحرية والناس عاوزه ترجع البلد تانى
ف الورد زعلان هو كمان
فمعلش المرة الجاية ان شاء الله هيبقي فيه هدايا تانية واهمها الحريه ان شاء الله :)

اولا النوت ديه عجبتنى جدا لانى لاقيت فيها كلام كتير كان جوايا بس انا من كتر اللى بشوفه بقيت مش عارفه اكتب ولا عارفه المفروض اكتب ايه اصلا
فالنوت ديه ريحتنى بصراحة
الاعلام امصري الرائع الرائع فوق الرائع بمراحل (طبعا تريقه)
اعلامنا المصري للاسف فاقد مصدقيته من زمان جدا
ده انا من يوم مااتولدت وكنت عيله صغيره بتفرج على القنوات المصريه وانا عارفه انه كداب وفاهمة ان القنوات امصريه عندها استراتيجية ماشيه بيها
الشعب ده غلبان وسورى يعنى عبيط كمان فاللى التلفزيون المصري هيذيعه الشعب هيصدقه وهيأمن عليه
وان اى قناه تانية تبقي مخربه وعاوزة توقع مصر فى بعض
طبعا مش معنى كده ان قناه زىالجزيرة ولا غيرها تهمنى فى شئ بس اللى يهمنى ان لما حد يجى يتهم حد بحاجة يبقي فاهم ان الاتهام ده عن حق وانه يكون هو مصدقه
يعنى لما يقولك على صفحة قناه الجزيرة مكتوب "الجزيرة تريد اسقاط مصر"

انا قولت نفس اللى حضرتك قولته هى الجزيرة غبيه يعنى عشان تعلن عن نواياها الخفيه وفى الوقت ده بالذات اللى القنوات المصرية وناس كتير بتهاجمها هى غبيه بقي تطلع تقول للمصريين انا اللى عاوزة اوقع مصر
عاملة زى لامثل اللى بيقول مشفهمش وهما بيسرقوا شافوهم وهما بيتقاسموا
مش المثل بيقول كده برضه

والأمر ان الشعب صدق وبدأ ينشر على النت ان الجزيرة وحشة وقليله الادب
المشكلة بقي مش فى الجزيرة المشكلة فى العقول اللى بتسيب كل حاجة وتسيب المهم وتدور على الجزيرة وعلى اللى بتقوله
فى حين انهم سايبين قنوات مصرية بيديرها واحد لا يفقه غير فى نظريه الكدب والضحك على الدقون ونصاب كبير مسكوه طبله عمال يطبل والمصريين يقولوا الله الله

عاشقة الوطن يقول...

اما بقي الاخت اللى جت فى المحور انا بقولها ياحبيبتى انتى صعبانة عليا روحى اتعالجى احسن وخدى معاكى هناء وسيد وياريت تخليهم بعد العلاج يتعلموا فن الاعلام وخليهم يتثقفوا شوية اصل هما ميعرفوش غير فى الكدب وبرضه كل واحد فيهم ماسك طبله معرفش بقوا اعلاميين ازاى دول

للاسف فيه شوية ناس نفسي انهم يتبادوا
مش عشان هما بيأيدوا مبارك وعشان محدش يتهمنى بالعنصريه لا سمح الله :))
بس للاسف الناس ديه فعلا لا تستحق انهم يتكلموا او يتسمع ليهم لانهم ماشيين بمبدأ ان اللى قدامى عبيط فهضحك عليه
ميعرفوش ان فيه كتير فاهمين الافتكاسات بتاعتهم ومش عبط والناس خلاص فاقت من الغيبوبة وعارفين يميزوا بين الصح والغلط
بس لسه مازال المغفلون كثيرون

عارف حضرتك بقي المشكلة الاكبر فين لما تلاقي حد من قاريبك او معارفك او من اللى حواليك بيتهمك انك سورى يعنى قليل الادب او مزودها انك بتتكلم فىالسياسة فى حين ان هما اغلبهم ياما لا يفقه اى شئ فى اى شئ وفى خلال اى حوار قاعد مش فاهم حاجة ومبيردش ولا يكلمه ياما بيرددوا كلام مش فاهمين معناه لمجرد ان فلان قال كذا يبقي هى كذا وخلاص بدون اى تفكير
انا الحمدلله عرفت قد ايه ان يبقي ليا الشرف انى بتكلم فى السياسة او فى اىحاجة تانية على انى اطلع منساقه ومش فاهمة الدنيا ماشيه ازاى

المهم انى فعلا مش منغلقه ولا بصدق على كلام التلفزيون المصري ولا حتى العربي انا بشوف ده وده ودماغى الحمدلله قادرة تفرق بين الصح وبين الاستعباط
بس نقول ايه ثقافة شعب
ومش مبارك ونظامه وحكومته كمان اللى لازم بس يتغيروا لا لازم كل حاجة فى البلد من اول شعبها يتغير فى ثقافته وفى كل حاجة
والأدهى والأمر بقي وقف المصالح الحكومية والبنوك والبورصه وتعطيلها قال ايه فيه مظاهرات
سلامات ياحكومة ويانظام
من امتى وانتم بتوقفوا الشغل والمصالح العامة عشان فيه مظاهرات
اى نعم المظاهرات اللى كانت قبل كده لا تذكر جنب المظاهرات الاخيره بس مش مقبول ابدا الحياة توقف عشان مظاهرات

فى اى حتة فى لادنيا (البلاد الى بتفهم يعنى) المظااهرات شغاله واللى فى شغله بيشتغل عادى جدا والدنيا ماشيه برضه والحياة تماااام
بس لان النظام بتاعنا ذكى للغاية (هو ذكى فعلا ديه مش تريقه) هو حب يعرف الناس اللى ملهاش فى البتنجان ولا لها فى اى حاجة والناس العاطفيه زيادة ان شوفتوا الوحشين اللى بيعملوا مظاهرات عملوا ايه فى البلد
اهم وقفوا حالكم ومفيش مرتبات
ومفيش اشغال
ومفيش ومفيش ومفيش
تقوم الناس ديه تقول لا كفاية خلاص حرام عاوزين ناكل ونشرب ويدوبك كده عشان هنموت بكرة الصبح
ده كل اللى فى دماغهم امل واشرب وانام واصحى وفى الاخر اموت ومش مهم اى حاجة تانية بقي
وللاسف الناس اللى ملهمش فى حاجة دول مش بيبصوا غير تحت رجليهم وبس
مش بيبصوا ان التغيير ده فى صالح ولادهم وان الدنيا هتبقي احلي لولادهم واحفادهم ولو جعنا النهاردة معلش بكرة ان شاء الله هنشبع اوى وربنا هيعدلها بس نصبر
بس نكمل بس نخلي ثقتنا فى ربنا كبيرة
لكن نقول ايه الناس ديه مش بتبص غير تحت رجليها وبسسسسسس مش باصيين لقدام

تخيل دول بيتكلموا فى ان كيلو الطماطم بقي ب5 جنيه وان الثورة والمظاهرات هى السبب على اساس يعنى من كام شهر لما الطماطم كانت ب12 جنيه الحكومة مكنتش هى السبب يعنى
ناسيين ان طول السنين اللى فاتت كل حاجة غاليه وبتقطم وسطنا والغلابه اللى مبياكلوش طول السنة ومش عندهم دخل طول السنة جايين دلوقتى يفتكروا ان الدنيا قفلت
وقال يعنى الاسبوعين او التلاتة او حتى الشهر اللى الناس معتصمة ومعترضة فيه خلاص ده اللى هيجوعهم

انا كده اتكلمت كتييييييييييير وزمانك بتقول ياريتها ما دخلت المدونة
بس بجد انا كنت محتاجة اكتب اخرج اللى جوايا بدل مااطق فى الاخر وتقعدوا بقي تعيطوا عليا

شكرا عشان حضرتك خلتنى اكتب كل اللى جوايا
وشكرا لمدونتك انها سمحتلى اكتب فيها كل اللى عندى او جزء صغير منه :)

رضوى

محمد سعيد يقول...

السلام عليكم والى مصر انشاء الله .بالنسبة للناس اللى واقفة فى التحرير دول ارجل ناس فى مصر ناس واكتر شباب مصر علم يعنى مش عملاء زى اعلامنا الفاشل بتاع اخبار هيفا ونانسى وتمورة ما بيصورهم اعلامنا اللى دخلنا اسرائيل فى67 وطلعت فى الاخر سيناء المحتلة والمشكلة اننا شعب بيصدق اى حاجة
الجزيرة الشبكة العربية الوحيدة المعترف بيها عالميا عبيطة لدرجة انهم يضعوا شعار زى دة والغريب ان احنا بنكسل نفكر ازاى ممكن دة يحصل وبنسهل على نفسنا الامر ونصدق
ومن المواقف الطريفة
يوم الثلاثاء كان فى صورة مباشرة للنيل كاتبة الالاف يتظاهرون لمبارك وقاطعة الصوت عن الصورة وبالصدفة بقلب على العربية لقيت نفس الصورة والصوت واضح كلهم بيهتفوا يسقط حسنى مبارك شفت لاى درجة اعلامنا مزيف ومزور

لا نملك الا الدعاء لمصرنا بعبور المحنة بسلام

عظيمة يامصر

عمرو يقول...

واندا
مش ممكن أصدق غير الأخبار المنطقية, غير إني دايما بادور على صحة الخبر لما أسمعه, المشكلة إن أكتر الناس بتردد والسلام, وده مخلي الشعب هنا مش فاهم فين الحق من الباطل
أزمة وهاتعدي, أنا متأكد
:)


عاشقة الوطن
أهلا بيكي يا رضوى, أسعدتني زيارتك, ويا ستي كل ما تعوزي تقولي اللي ف نفسك تعالي هنا.
:)
الطريقة الوحيدة اللي جربتها ونفعت في التعامل مع القرايب والمعارف اللي بيهونوا من الشباب هو الاشتباك, إنك تسأليه عن حاجات مش فاهمها أو تحطيله احتماليات عمره ما فكر فيها, كلامك صح فيما يتعلق بإنهم بيقولوا على الشباب قلالات أدب عن جهل
نفسي أشوف مصر حرة بجد يا رضوى.. نفسي
أهلا بيكي مرة كمان
:)


محمد سعيد
مش عارف انت محمد سعيد اللي ف بالي ولا لأ, بس على العموم أهلا بيك
:)
الدعاء وحده مش كفاية يا محمد, لو تملك تكتب اكتب, لو تملك تنزل انزل, لو تملك تتبرع بحاجة ما تترددش
ربنا يحفظك ويحفظ أهل مصر كلهم
:)

عاشقة الوطن يقول...

اولا : شكرا جزيلا على الاستقبال وعلى الترحيب وكتابه ما اردت فى مدونتك
ثانيا: هو فعلا مفيش غير كده الاشتباك بالمعرفه ... يايطلعوا بيفهموا يايطلعوا لا يفقهوا شئ
وبكده يبقي كل واحد عرف هو ايه
ياما اللى مفيش منهم فايدة يبقي التجاهل التاااااااام
وربنا يعينا ياااااارب
انا حاسة ان احنا فى حرب
ربنا يهدي يارب

شكرا مرة تانية لحضرتك
:)

غير معرف يقول...

طب هوه انتوا ليه كلكوا شايفين ان الجزيزه تبقى ساذجه اوى لو عملت كدا وانا معاكوا انها فعلا تبقى ساذجه..ومش شايفين فى نفس الوقت ان مبارك برضه يبقى ساذج اوى لو هوه اللى نظم موقعه الخيول والجمال فى التحرير بعد ما الموقف كان فى صالحه تماما؟؟؟؟؟

نقطه تانيه..مسمعتش على مر 14 يوم ان فيه حد عمم وقال ان شباب 25يناير عملا للامريكان ما الكل عارف ومهوش كلام خيالى ان فى وقت زى دا بيبقى فيه مندسين لتهييج الوضع ودا مش معناه انى بقلل من شباب 25يناير بالعكس انا معاهم جدا وبحترمهم انهم غيروا كتير فى البلد بس فى وسطهم مندسين مش منهم ليهم مصلحه فى الانقسامات اللى مصر فيها دلوقتى .
وكفايه النقطتين دلوقتى