يونيو 22، 2010

وكمان هع

Image060 في حفل مهيب تم تكريم الأديب الكبييييييييييير عمرو محمود السيد لفوزه بالمركز الأول في مهرجان ساقية الصاوي السادس للقصة القصيرة عن قصته "57 ممر|58 شباك". وقد اهتمت وسائل الإعلام المقروءة والمرئية بهذا الحدث العظيم, حيث قامت قناة نايل تي في بالتسجيل مع الكاتب الكبير (شاهد الحلقة مترجمة للفرنسية يوم الجمعة القادم) وقامت القناة الفضائية المصرية بعمل لقاء معه تناول حياته الأدبية المدييييدة والأعمال الكثييييرة التي أمتع بها قراءه (الكتير قوي يعني) D:.

كما قامت العديد من الصحف بنشر الخبر في صفحاتها الأدبية مثل جريدة الأهرام وجريدة نهضة مصر. أما جريدة المال فقد اهتمت بأثر الجائزة الكبيرة على مقدار السيولة المالية في السوق المصري, حيث سيتسبب سحب المبلغ المالي الكبير الخاص بالجائزة إلى تأثر بنوك المنطقة والمناطق المجاورة وإلى ضخ كميات نقدية كبيرة للسوق مما سيؤدي إلى اهتزاز سوق الأوراق المالية وارتفاع معدلات التضخم هع هع هع..

حبة جد... أجرت ناني محمد من جريدة المال لقاء صحفيا مع الأديب الكبير (رجعنا للهزار هههههههه) حول الجائزة (يمكنك شراء العدد اليوم 22 يونيو) تناولت فيه انتقاده للساقية (نعمل ايه بقى.. غاوي مشاكل) وفرحته بالجائزة التي تعد تتويجا لمجهوداته الأدبية بعد عمر ناهز 36007_135859053091433_100000020163499_390472_2582053_nهع هع هع.

وقد ألقى عمرو كلمة في حفل التكريم قال فيها إن هذه القصة هي أقل حاجة عنده وإنه يكتب كل يوم أفضل منها بكثير لكنه خاف على هيئة التحكيم من كثير الانبهار وعلى نفسه من الحسد D:

أقوال مأثورة في حق الكاتب الكبير

- انطلق ولا تسمع سوى أنفاسك وحدك (عصام الصاوي كاتب وقاص وصحفي)

- كتابات عمرو تتميز بقلق وجودي (الأستاذ محمد عبد المطلب)

- كبير وكفاءة (أنا هع هع هع)

كفاية عليكم كده النهاردة

D:

هناك 18 تعليقًا:

Unknown يقول...

مبروك

لحظة تأمل يقول...

الف الف مبروووووك

ويارب دايما من نجاح لنجاح

adel يقول...

مبروك مبروك مبروك :)

ponpona يقول...

الله
بوست و صور وحاجات مفرحة أكيد

هاروح أقرأ بقى و آجي

:))))

ponpona يقول...

أضف إلى الأقوال المأثورة دي :
والله انت عسل ( منى هانم )

مبروك يا عمرو
انت تستاهل كل خير
:)

قولي طيب هو انا سهل ألاقي جريدة المال ؟
طيب هادور عليها و لو مالاقيتهاش يبقى تشتريلي واحدة وتشيلهالي

و حاجة كمان
لو كنت عدلت في القصة حاجة غير المنشورة هنا ع البلوج يبقى أنا عايز أقرأها بعد التعديل .. ممكن تبقى تحطها ع البلوج ؟


و إيه ؟ و إيه ؟ و مش فاكرة الصراحة
كان في حاجة نونو في بالي بس فووووووو طارت

D:

غير معرف يقول...

ألف مبروك ودايماً منور في جميع الوسائل المقرؤة والمسموعة .يارب موفق دايماً.
ديدي

علياء يقول...

هههههههههه

ضحكتني وفرحتني يا عمرو والله :)

ربنا يفرحك كمان وكمان وكمان يارب

وألف مبروك ومن نجاح لنجاح يارب

عطش الصبار يقول...

الف مبرووووووووووووووووووووووووووووك
ده متوقع وفى انتظار هع هع كمان وكمان
والنبى عاوزة توقيعك فى الاتوجراف
مبروك بجد سعيده وفرحانه لك

عمرو يقول...

الله يبارك فيكم جميييييعا :)

أسما يقول...

لو لو لو ليييييييييييييييي

طراخ طراخ طراخ... صندوقين أزوزة هنا يا عم... ده احتفال صعيدي كدة علي ما قسم
:)

الف مليون مبروك يا عمور... قلبي و ربي راضيين عنك يا ولدي...

بس قل لي صحيح، هو انت ايه اللي مش عاجبك في ساقية الصاوي؟
D:

عمرو يقول...

أسمااااااء
اقري اخبار النجوم وانت تعرفي

(وش بلسان)


:)

الله يبارك فيكي ويسعدك :)

سواحة يقول...

:-)))))
مين ده ؟؟ الكاتب الكبير ده مين؟؟

معلش اصلى مبقراش الا للكتاب العيال :-))

عرفنا بيه لو سمحت
و لو قابلته و مقلكش هع
قولة واندا بتقولك مبروك و عقبال الهع النوبلية :-)
انما لو قالك هع سيبه متقولوش حاجة

محمد بحر يقول...

السلام عليكم

أنا مش مصدق نفسى والله وعشت يا عمور لخد ما شفتك أديب كبييييييييييير وتنهال عليك الجوائز من الساقية الصاوية (اللى نفسى نفسى أروحها )
لكن مش كنت تقول كنت - زيطك - زى ما عملت مع الشمسى يوم ما كسب - هو كمان - جايزة عن القصة القصيرة وكانت عبارة عن شيك وفيه مبلغ محترم جدا من المال وقتها
هييييييه أيام
والله وفرحتونى ياولاد

أسما يقول...

طيب مش هتنزل بوست في عيد ميلادك؟ هدية للقراء يعني...
D:

كل سنة و انت طيب يا عمرو
:)

أسما يقول...
أزال المؤلف هذا التعليق.
أسما يقول...
أزال المؤلف هذا التعليق.
أسما يقول...
أزال المؤلف هذا التعليق.
غير معرف يقول...

ازيك ياعمرو
كل سنة وانت طيب وعقبال 71 سنة معلش جت متاخرة بس المرة الجاية ان شاء الله هتبقى بدرى

دمت اديبا
ومبرووووووووك

ايمى