ماهر بحق
نصف تحت الركام ونصف حر كي تصرخ وتستنجد. كي ينظر إليك الباقون, الجالسون أمام الشاشات, المتدثرون بذرائع البعد عن الخطر ويستصعبون ما أنت فيه. كي تعلن للجميع أن العدو لا يرحم. كي تشير أمك إلى صورك في صباح اليوم التالي وتقول بقلب مكلوم "ولدي".. كي يسخر منك الملتفون حول أشجار الكريسماس ويتساءلون في أي سيرك تعمل.
أيها المهرج من علمك كل هذا التهريج؟ من علمك التنكر؟ وكيف لطخت وجهك بالأبيض والأحمر دون مساحيق وبيد واحدة؟ أتعلم؟ أنت ماهر حقا. أضحكت قلوبهم.. وذبحت قلوبنا.
هناك 11 تعليقًا:
و الله العظيم ما لاقية كلام اقوله! ده انا حتي اللي كتبته بعد ضرب غزة مش قادرة انشره عالمدونة لحد دلوقتي... بس اللي انت كتبته، و الصورة ... و الله ما عارفة اقول ايه
Well, I spent two days trying to write these lines. At first, it seemed a matter of expressing the inexpressible. I attempted to let the words go, and kept switching from Arabic to English and from English to Arabic, but my attempts were in vain. I became better able to say what I want especially after viewing some pictures of Gaza's New Year fireworks. Some soft slaughtering pain in my throat urged me to write.
أحداث تدور وحكام نائمون أو خائنون وشعب مظلوم وتقيد لأفراد الشعوب حتي بالتعبير عن رأيهم يعني يكفيهم الله برحمته
والله في غاية الحزن والأسف علي الأمة الاسلاامية
الفكره جديده... وكلمات جميله بجد..
ربنا يعينهم ع اللى هما فيه
مدونتك جميله.. بس لسه ما قريتهاش كلها الصراحه.. مش هتبقا اخر زياره ليا بازن الله
وذبحت قلوبنا
ذبحت مين يا عم
هي فين دي
فكرتك جديدة
والمدخل سينمائي جدا
أهلا محمد
بداية أهلا بك في المدونة. مش عارف ليه ما بشوفش الوضع بالطريقة دي.. الحكام مش خائنون ولا حاجة المشكلة هي إن أغلبهم بيدور على مصالحه الطائفية وليست العربية.. مصر وحدها تقدر تعمل كتير بس المواطن المصري مش محترم في بلده ولا قيمة له فيها فما بالك بحال المواطن الفلسطيني؟
أهلا عمرو
يا مرحب يا باشا وأهلا بكل اللي يجي من الزقازيق
شكرا على زيارتك وفي انتظار تعليقاتك على بقية المواضيع
قلوبنا فين؟ أنا وانت وأيزولد وعمرو آكشن ومحمد رفعت يا مصطفي.. لسة في ناس عندها قلب والله
شكرا على الزيارة يا وحش.. عامل إيه في المذاكرة.. ولا بلاش السيرة الغم دي
عارف انا لا بدخل على مدونتي ولا على مدونات الناس كمان.. محدش له نفس يقول ولا يكتب حاجة ... احنا عجزة وقليلي الحيلة او معدومين الحيلة بمعنى اصح
عارف التعليق الوحيد على حالنا اييه..؟
نفس اللي قالوه بني اسرائيل لسيدنا موسى زمان : اذهب انت وربك فقاتلا إنا ههنا قاعدون
:(
بصي يا تسنيم كل واحد بيحاول يعمل اللي يقدر عليه. على الأقل وأضعف الإيمان لو تقدري تقولي لحد إن اللي بيحصل ده مش صح وحرام فده مرتبة من الجهاد. لي صديقة أمريكية قالتلي إنها مش عارفة تصدق مين العرب ولا الإعلام عندها فقعدت ساعة كاملة حكيتلها قصة الصراع العربي الإسرائيلي. بدأت من أول ما موسى أرسل لبني إسرائيل وخرج من مصر لحد اللي بيحصل في غزة وما سبتهاش غير وهي عارفة الحقيقة. الكلام درجة من درجات الجهاد يا تسنيم. اتكلمي
رغم مرور شهور على ماحدث بغزه انما مازال بقلبى وجعا عليها..حيث كنت من متابعى النشرات التى تبث كل مايدور..فاظل احوم حول قنوات الدش بحثا عن امل فى تحريرها مما بها من الم لكن بلا جدوى
جمعت فى مشهدك كثيرا من الالم الذى عانيناه
لا ادرى من اين تاتى بكل هذا الابداع ماشاء الله
إرسال تعليق