يونيو 05، 2010

من التاريخ السري لعمرو السيد 8

reaching-for-star-big1

المشروع الأول

كان عمري ثماني سنوات تقريبا حين فكرت في إنشاء مشروعي الأول. وقتها كان مصروفي عشرة قروش وتمكنت بعد الكثير من العناء أن أدخر 16 جنيها اشتريت بها ثمانية أرانب صغيرة جدا. كان هذا المبلغ بالنسبة لي تحويشة العمر لذا أصابني الكثير من الكدر وأنا أرى أرانبي يموتون واحدا تلو الآخر وفي نفس الليلة. الحقيقة أنني لم أضع في تخيلي أن هذه الأرانب ستحتاج إلى رعاية بيطرية أو حتى برسيم, فانتهى الحال بأبي وأمي وهما يتناوبان رعاية مشروعي وقطف ثماره أيضاً, واكتفيت أنا باللعب مع الأرانب ونسيت هدفي الأساسي من المشروع: أن يكون لدي مليون أرنب وأنا في الجامعة..

في أحد السنوات جاء الصيف حارا للغاية فماتت جميع الأرانب.

المشروع الثاني:

كنت قد فهمت من مشروعي الأول أنه لا داعي ولا يجب المخاطرة بكل ما أملك مرة واحدة, لذا قررت بعد تخرجي أن أقيم دورات لتعليم الإنجليزية للشباب في أحد القاعات الحكومية الضخمة. كانت القاعة مكيفة وتسع 30 طالبا وأمام كل طالب جهاز كمبيوتر وسماعات تصل بين الأجهزة شبكة داخلية وكان هناك إذاعة داخلية أيضاً ومايكروفون بلا سلك (وايرلس) كنت أحبه كثيراً. قمت بإعداد المحتوى وإتمام تصميم البرمجيات اللازمة وعمل الدعاية وفي يوم الندوة التعريفية سالت سيول جعلت الجميع يلزمون بيوتهم وجعلتني أخسر ما أنفقته في الدعاية للندوة.. بالكاد استطعت إتمام أول دورة لكنها لم تتكرر لخطأ في تصميم البرنامج الإداري من حيث تعامله مع العميل.

المشروع الثالث:

رجعت إلى أن المخاطرة أمر لابد منه, فكيف تتوقع أن تربح إن لم تنفق وقررت أن أضحي بتحويشة العمر التي ادخرتها على مدار عامين كنت أذاكر وأعمل فيهما. اعتمدت في مشروعي هذا على عميل واحد قرر يوم الافتتاح أنه لن يتعامل معي. وتسبب هذا في خسارة شديدة لي..

عملت بعدها في شركة الشرق الأوسط, كنت أترجم كتب الإدارة والأعمال, تلك الكتب التي تتحدث عن نجاح عمالقة التجارة وعن المشاريع الصغيرة التي أصبحت شركات عملاقة.. كنت أشعر بالغيرة من هؤلاء العصاميين وبالحماس. أنا أيضاً أريد أن أمتلك طفلا صغيرا كهذا ينمو مع الزمن..

تركت الشركة وليس في عقلي أي شيء أنوي فعله. إلى أن قررت أن أقيم مشروعي الرابع وأن أخاطر بنصف تحويشة (لم أحوشها في الحقيقة).

الغريب أن سوء الحظ الذي لاقيته في مشاريعي السابقة يلاحقني في مشروعي الرابع, فقد أسفر العمل خلال الأيام الماضية عن وفاة ثلاثة من أقارب مصممة الجرافيك, ودخول ابن النقاش إلى المستشفى في حالة خطيرة, ووفاة أقارب الكثير من المترجمين.. ويعتذر هؤلاء جميعا عن العمل معي لأسباب انسانية قهرية.

هذه الأيام, أصبحت أردد ضاحكا: "من يريد أن تثكله أمه فليعمل مع عمرو السيد هع هع هع".

عزيزي قارئ/قارئة المدونة أرجو عدم اتخاذ أي خطوات احترازية وعدم غلق صفحة المدونة, فلم يتم حتى الآن الإبلاغ عن حالات طارئة أو حوادث أو وفيات بين القراء أو ذويهم..

ادعولي.. شكراً

:(

هناك 26 تعليقًا:

Unknown يقول...

اوعى تنسى الذكريات دى عشان هتحكيها لولادك

ربنا معاك

أسما يقول...

:)
اولا صباح الخير بتوقيت مصر... ثانيا، زي ما قالت انجي، اوعي تنسي عشان بكرة هتضحك اوي و انت بتحكي لولادك، و بناتك طبعا، مش عايزين عنصرية، آه

ثالثا بقي و ده الاهم، في بيت شعر قوي جدا، انا طبعا مش فاكراه خااالص، بس هو بيتكلم ف حلقات بتضيق و بعدين بتتفك مرة واحد، اي و الله... اضحك انت بس و اعرف انها بتكلكع اوي قبل ما تفرج علي طوووووول، و بكرة نحكد عليك لما يبقي عندك ارانب بجد... هع هع هع
D:

صباح الفل
:)

عمرو يقول...

إنجي
إيه التعليق المختصر قوي ده؟
لا مش ينفع.. ارجعي واكتبي تعليق طويييل
وبعدين إيه حكاية الأولاد دي؟ بس أتجوز الأول يا إنجي.. حاجة حاجة
:)


إيزولد
صباحك نووور
طبعا انتي عارفاني موسوعة (بكسرة التاء المربوطة وتحويلها لهاء)
pOmpOuS
:)
البيت بيقول
ضاقت فلما استحكمت حلقتها فرجت وكنت أظنها لا تفرج
صباح الخير يا أسماء

عطش الصبار يقول...

اولا حمدالله على السلامه
المدونه نورت
ثانيا كلنا حلمنا بمشروعات زى دى يوما ما وكلنا خسرنا وفعلا زى انجى ما قالت بحكيها لولادى وانا بضحك وبيضحكوا معايا
ونسيت ان يمكن المشاريع دى كلها ما كنتش خير لى فلم اوفق
الايام جايه كتيير اعتمد على الله وكل شىء هيبقى كويس
ضاقت فلما استحكمت حلقاتها فرجت
المهم انك تكون بخير
حمدالله على السلامه مره اخرى

Unknown يقول...

ماشى..انت اللى جبته لنفسك..وعندك واحد تعليق طويييييييييل وصلحه

تعرف يا عمرو..ماما كانت بتقول ان زمان كانت بتلعب لعبة مع صحباتها البنات..كانوا يقعدوا مع بعض حوالين الراديو ويقولوا الاغنية اللى جاية دى لفلانة..وحسب الاغنية بقى لو اغنية فرح تبقى بشرى وهكذا..

دلوقتى انا وانا بكتب الكومنت البت اختى قاعدة جنبى اهى ومشغلة اغنية..الاغنية بتقول ايييييييييه

شمس النهار هتجينى..هتغنى وتصحينى..غنوة امل وحيااااااة مشوفتش زيها..مع اول شروق هروق واشوف حاجات كتير مشوفتش زيها..

الاغنية دى لعمرو السيد..ايووووون هما قالوا كدة بقى..قالوا الاغنية دى لعمرو السيد وقالوا كمان انها هتروق وتحلى..وقالوا بصى يا بت يا انجى روحى قولى لعمرو انت على اول سلم المجد وبيهدولك الكوبليه دة :

الكون هيضحك تاااااانى والنور هيستنانى..اضحك خلاص يا زمانى الفرحة عرفتها..

ايون يا عم هما وقفوا الاغنية فى النص وقالولى قولى لعمرو الكوبليه دة..اعترض بقى على حكمة ربنا..

بالنسبة لاسماء بقى فبيقولولها هنا فى مدونتك تلات سلااااااااامااااات يا واحشنى تلااااااااااات تياااااااام

ايون هى تيام مش ايام..الاخ مدحت صاح قال كدة..هتعترض برضو؟؟؟؟

ياااااااه انا كتبت كتير اوى..اما اروح ارتاح شوية بقى..

ponpona يقول...

أنا كنت نونو بردو و عملت مشروع زي الأرانب بتاعتك دي بس أنا بقى ناصحة .. أنا جبت كتاكيت D:

قعدوا يصوصوا يصوصوا و انا قال ايه مفكراهم مباسيط ومزقططتين و كنت عماله ألعب بيهم و كان التطور الطبيعي للموضوع انهم ماتوا - بلا استثناء - و أنا قعدت أعيط و قررت ان أنا في المرة الجاية لما آجي أشتري كتاكيت لازمن و لا بد أشتريلهم مامتهم كمان - فرخة يعني -و تكون من الفراخ الملونين مش من اللي لونهم أبيض

تبهج يا عمرو تبهجج
حاجاتنا الصغيرة دي ملكيات خاصة لينا :)

و كما قالت الأخت الفاضلة انجي و أختها أيزولد خليك فاكر الحاجات دي أوعي تنساها بس مش عشان أولادك .. تؤتؤتؤ خااااالص عشان أنا هامتحنك فيهم بعد كمان بوستين نيااااهاااهاااا

يسعد مساك يا عمرو
:)

ponpona يقول...

آه كمان

البوست اللي انت ناشره ده .. قبل تلمه من ع الحبل ابقى اديني الصورة عشان عاجباني قوي .. أوكي ؟ طيب يسعد مساك تاني بقى
:) :)

عمرو يقول...

عطش الصبااار
عاملة إيه؟ مين قال لك إن أنا نورت؟ هو أنا عمود نور؟
:)
أنا بخير قوي والله وعارفة؟ الأمور بتتحسن
:)

انجي يا ويكا
متشكر قوي على الأغنية.. فعلا فعلا فعلا اختيااار موفق أي الله... خلتني أتبهجج
:)

منى
ما تجيبيلش سيرة الامتحانات أبوس إيدك.. أنا ما صدقت خلصت :)
حلوة حكاية الكتاكيت دي يا منى.. تنفع قصة ;)

ponpona يقول...

خلاص يبقى اتفقنا
أعمل حكاية الكتاكيت قصة :))

بالنسبة للامتحانات فانا هاقعد أحقد عليك أحقد عليك عشان انت خلصت وانا لسه فاضلي كتييييير عاااااااا :(

محمد بحر يقول...

السلام عليكم

انت فكرتنى بأغنية لله يا جزاير كل ما نغنيها تحصلنا حاجه مش كويسه

على العموم اهو انت بتحاول وزى القول المأثور عندنا فى مصر ( يكفيك شرف المحاولة )

مانو يقول...

تعرف يا عمرو ان شاء الله هفكرك بالكلام ده ان شاء الله هتلاقى نتيجه مجهودك الشغل فى بدايته بيبقى كده انما واحده بواحده هتلاقى نتيجه وبعدين المترجمين دول سيبك انت فى اخواتك هنا موجودين ومترجمين برده ويقدروا يسدوا فى اى وقت حضرتك امال احنا لازمتنا ايه تفاءل يا عمرو وتعشم خير

تــسنيـم يقول...

بيقولوا يا عمرو:

اشتدي يا أزمة تنفرجي

هما بيقولوا.. بس أنا لسه ماشوفتش الفرج ده

بس شوفت إن من واجبي إني أقولك كده :)

باحث عن حب يقول...

جميل
والله
موضوع المشاريع
دى
تخلى المخ
شغاااااااااال
على طول
مدونه اكيد
جميله
بكاتبها

عمرو يقول...

بنبونة
ربنا يوفقك وتخلصي بنجاح عظيييم


بحر
وعليكم السلام
يكفيني شرف المحاولة؟ يا وقعتك البيضا :(

مانو
انتي عارفة إني ما استغناش
:)
ايه تعشم دي؟
:)


تسنيم
ربنا يبشرك بكل خير
:)



محمود
أشكرك جدا
هي بتخلي الدماغ هايولع مش مشغول بس
دعواتك يا باشا
:)

غير معرف يقول...

سلام
وأحترام
لما توقفت مدونة حلم الجنوبى عن التدوين

ponpona يقول...

ممممم
مساك حلو وزي السكر

أنا جاية أقولك بس إن بوريو مبسوط قوي و مزقطط وبيقولك شكرا كبيرة كبيراااا أصل أنا أخدت الصورة اللي برا دي وحطيتهاله باك جراوند وبقى شكلها حلو قوي وهو بقى مبسوط و أنا كمان مبسوط ومزقطط :))))

أسما يقول...

ايه بقي؟ مش الامتحانات خلصت؟ مش بتكتب ليه؟ طيب تعالي قول احم احم و امشي تاني

:)

عمرو يقول...

سلام واحترام
والله ما أنا عارف
:)


منى
يا رب على طول فرحانة


أسماء
احم احم
:)
باشتغل من تسعة لاتناشر بالليل كل يوم, وبانام وأنا ماسك اللابتوب قبل ما أكتب ولا كلمة
عموما أنا هاكتب خلال يومين بإذن الله.

ponpona يقول...

اكتب وانت ف الشغل
و لو المدير جه سألتك بتعمل ايه يا عمرو يا سيد قوله باكتب حدوتة نونو للحلوين هيروح ماشي و مش هايعملك حاجة خااااالص واحتمال يقعد يستني الحدوتة

وش بسنان

أسما يقول...
أزال المؤلف هذا التعليق.
نسمة يقول...

احلي حاجة فيك عدم اليأس وتكرار المحاولة ربنا يوفقك يارب في المحاولات الجاية
جميل جدا اسلوبك في السرد

أسما يقول...

:) :) :)

الف مبروك عالجايزة بتاعة القصة... هاموت و اعرف بقي، اخدتها في انهي قصة؟

ثانيا: اخبار الشغل ايه؟ اكيد خير كتيييييير، عشان داعيالك يا ولدي
:)

بس خلاص
:) :) :) :)

عمرو يقول...

بنبونة
المشكلة إن أنا المدير
ههههههههههه



عصفورة
اليأس معناه الموت. وأنا لسة حي :)

أسماء
انتي لسة فاكرة؟ لا لا لا أنا زعلان على فكرة :(

ponpona يقول...

مش هاتحط بوست جديد بقى
البشر كلها عرفت التاريخ السري لعمرو السيد

D:

عمرو يقول...

mona
fe3lan mesh 3aref akteb.. ana shakly it7asadt :(

ponpona يقول...

:(