فبراير 04، 2010

مطر

Cover_me_by_HahaaCakes تعبس.. ولها القلب والأمطار والمظلة!!

هناك 18 تعليقًا:

عمرو يقول...

:)
إيزولد
بزمتك.. البنت الأمورة دي زعلانة ليه؟ أنا كنت قاعد على ديفيانت آرت بادور على صورة لقيتها مقموصة قوي, وهو مبتسم وواقف في المطرة ويا عيني شوية وهايجيله برد
حاجة غريب فعلا.. الستات دول ما يعجبهمش العجب. مش كده؟ طبعا كده.. دي حقيقة وثبتت فنيا كمان :)

أسما يقول...

يا ابني هاعلم فيك لحد امتي بس... هي مش زعلانة، هي عاملة زعلانة عشان يصالحها، كدة و كدة يعني، انا عارفة الحركات دي... بس خليها في سرك، اوعي تقول لحد من البنانيت اني قلتلك السر ده، هشششششش

;)

Heba Gamal Emara يقول...

الصورة جميلة خالص على فكرة

والتعليق عليها معبر عنها خالص

بس هى ممكن تكون زعلانه علشان هو ضايقها مثلا و بعدين لقاها هى واقفه فى المطرة وهى زعلانه منه بقى فهو جاب المظله وجه يصالحها :):):)

أسما يقول...

If u want a lady's opinion, she's cross because the umbrella is not shelter enough for her
;)
I'll give 100 dollars if u tell me wht she wants instead
:)
P.S. That's the effect of watching an overwhelming love story movie, based on one of my favourite 18th century novels: Persuasion... so I'm in a perfectly wonderful mode right now
:)

أسما يقول...

mood*
not mode
(bad English, as ususal)
D:

عمرو يقول...

إيزولد
مش هاقول لحد ما تخافيش :) أنا كمان عاوز أشوف الفيلم ده, كده الأفلام كترت يا إيزولد, صحيح إني مش باعمل حاجو مهمة ليا يومين بس أنا عندي حاجات كتير أعملها.. طيب بصي أنا هاديكي قايمة الأفلام اللي المفروض أشوفها وانتي تحكيلي قصتها D:
بالنسبة لعرض المية دولار ده فأن ما أقبلش أدخله من الأساس.. بقيتي مادية على فكرة هع هع هع
بش هي مؤكد عاوزة شيكولاتة هههههه

هو واضح إن الإنجليزي بتاعك في أمريكا نزل لورا حتى مش عارفة تكتبي يوجوال. كاتباها باتنين إس :)

عمرو يقول...

هبة
يا بنتي الولاليد مش بيزعلوا البنانيت, ده البنانيت دول يزعلوا بلد
D:

أسما يقول...

اعتقد ان سيادتك اللي عليك الدور تحكي (زغراني جاي في الطريق)

عمرو يقول...

أنا اللي عليا الدور؟ ده على أساس إنك حكيتي قبل كده؟ (وش مدخن)



:)

جارة القمر يقول...

ازيك يا عمرو ؟
عامل ايه وايه اخبارك ؟
ممممممممم بص انا قرأت بوست الترجمة من الصعيدى بجد دا عربى زى اللى بنتكلمه كدا اييييه يا بنى دا ؟؟؟ بس حاجات مفيدة و الله انا انزل العصيد و اتكلم براحتى بقى بس لو حد فهم غلط هقوله عمرو هو اللى ادانى الكورس هههههههه


البوست اللى فات بتاع حوار بجد انت جميل اوى تحفة بجد يا عمرو ... وصفت الاحساس حلو اوى بجد

نيجى بقى للبوست دا .... نعم قول تانى كدا الولاليد مش بيزعلوا البنانيت على اساس انكم ملائكة !! عمرو يا بنى واضح انك فاهم الولاليد غلط ههههههههه دا البنات دول اجمل الكائنات وانتوا الكائنات الوحشة يا بنى
لا بجد كلام ايزولد صح جدا هى عاملة زعلانة لكن مش زعلانة فعلا دلع يعنى بلاش تدلع على حبيبها حاجه غريبة و الله

جمال عمارة يقول...

عمور..

الصورة جميلة والكلام أجمل..

بس هل لاحظت إن الولد والبنت "صلع"؟
وإن البنت حاطة فيونكة؟ طب يا ترى لزقاها بإيه؟ :) :)

لها القلب والمظلة بس.. أما الأمطار فملهاش مكان في الجملة..

"تعبس.. ولي الأمطار ولها القلب والمظلة"..

لأن لو ليها الأمطار كمان يبقى هو لزمته إيه؟ :) :)

أما حكاية هي بتعبس ليه، فدي طبيعة لا يمكن تغييرها يا ولدي.. وللأسف الراجل مش بيكتشف ده بدري وبيفضل الجزء الأكبر من عمره يحاول يخليها تبتسم بلا طائل..

وبعد أن تنقضي زهرة عمره، يكتشف أن العبس (وهو ابن عم النكد) هو طبيعة المرأة.. وأن حالات الفرح في حياة المرأة هي حالات استثنائية نادرة، و "تعتري" المرأة دون أدنى تدخل منه :) :)

تحياتي..

عمرو يقول...

أهلا جارة القمر
فينك يا بنتي؟ أنا قلت خلاص نسيتي البلوج ومش جاية تاني.. بس لسة في حاجات تاني ما قريتيهاش ومهمة خالص.. ابقي ارجعي كملي قراية بقى :)

عجبني كل ردود فعلك على كل التدوينات, وقريتها الصبح كده فحسيت بانشكاح
ابقي زورينا بقى
:)

عمرو يقول...

أستاذ جماااال
عامل إيه؟ يا رب تكون بخير.. على فكرة دي أحلى حاجة فيهم إنهم من غير شعر, بس تصدق حكاية الفيونكة دي استرعت انتباهي وما اديتهاش وقت كبير في التفكير



خلااااااص يا جماعة أستاذ جمال قالها بنفسه وكده ثبتت " يكتشف أن العبس (وهو ابن عم النكد) هو طبيعة المرأة.. " يا سلام عليك يا أستاذ جمال, كلامك في الجوووول
:)

ponpona يقول...

تعبس ... لأنه لم يكن لديها قلبا أو مطرا أو حتي مظلة
تعبس ... و ستبتسم الأن ، فقط الصورة لم تمهلها الفرصة:)


علي فكرة بقي ياعمرو
البناتيت مش محترفي زعل ونكد ولا حاجة ... تؤتؤتؤ . دول يتقمصوا آه لكن يزعلوا !! خالص خاااالص يعني . عارف الفرق بين اللي زعلان واللي مقموص . اللي مقموص دا بس بيدلع وعايز حد يجي يصالحه وهو هايتصالح علطووول من اول غمزة صغنطوطه زي كدهو ;)

عمرو يقول...

بنبونة
ماشي كلامك.. هو البنات دول مؤكد مصدر سعادة غير مقصود للجنس الآخر :)
بالنسبة لكلامك عن الصورة فهو تصور جائز فعلاً
:)

Heba Gamal Emara يقول...

هو هنا استاذ جمال قال حاجه جديده ان العبس هو ابن عم النكد _اختلف_ لإن في اعتقادي ان العبس هو اولي درجات الزعل و بين الزعل و بين النكد درجات كبييييييييييييييره
لاحظتوا معايا الفرق _وبعدين و الله في اختلاف..... هو ليه النكد مقرون دايما بالمرأه ما هي صوابعك مش زي بعضها ولا إيه؟

Shrouk يقول...

عجبتني الجملة وتركيبها مع الصورة..عجبتني حتى البكاء
تسلم إيدك

Shrouk يقول...
أزال المؤلف هذا التعليق.